أحمد البنا : نلبس سلاسل ولا ما نلبس شئ يخصنا وانتو عليكم بغنانا !!..فهموني غلط لما قلت لا أعرف الكاشف..!!

من وين طلع لينا ده ؟ أول مرة أسمع به , لا يا هذا ليس علينا بالغناء المقدم فقط علينا بالغناء وبالفنان وبطريقة لبسه وتسريحة شعر ه وبسلوكه العام والخاص واحترام نفسه في كل شيء.

الشى البمرض انو ابيه (الجقر ) راجل مبدع بحق وحقيقه لكن ما عارف الجنا دا طلع لمنو واهلو كلهم فنانين كباااااااار غايتو زى ما بقولو اخر البلبله حصحاص

شفت حركات السلاسل والشعر الملفلف دا كلوا من اولاد الصادق جابوها موضه فنانين انتو مفتكرين نفسكم راغب علامه ولا عمر دياب ما شفتوا ولدنا شارك في برنامج mbc مع فنانين ضمن فريق شمال افريقيا الان هو وين مذيع واحترم نفسوا وجلس والله انا الهبوط شايفوا من المستمعين ديل الغجر ديل في حد بسمع ليهم

صدقت ياود البنا تلبسوا سلاسل والله دلايل ماعندنا بيكم شغلة علينا بفنكم بس وازيدك من الشعر بيت والله بجد ماعندنا شغلة

المطرب الشاب احمد حسن (البنا )

لك الاحترام ولصوتك الجميل ، ولكن من خطل القول ان تقول لنا ان ما تلبسه حرية شخصية وعلينا بغناك وما تقدمه فقط ،، صدقني اولا هذا المظهر الذي تصر عليه يعكس لنا الصراع النفسي وعدم راحة البال التي تعيشها انت وكل من يحاول ان يتشبه بالغير ، هذه واحدة اما الاخري فاعلم انك فنان وعليك واجبات كثر بل واجبات عظيمة وجليلة احسب انك لها لو عرفت قدرك وعظمة وفهم ووعي والدك واسرتك الممتدة ، فالفنان ليس مجرد صوت طروب لا والف لا الفنان قدوة في مظهره وجوهره وسلوكه العام والخاص واعتقد ان اللبس سلوك خاص يتحول الي سلوك عام بمجرد خروجك من غرفتك لاسباب كثيرة اقلها ان الكثير من ابناء الوطن سيقلدوك !! كما انك ومثلك تؤثرون في وجدان شعب كامل فكيف هان عليك دورك العظيم هذا حتى تقول ان اللبس امر شخصي !!!!!!! ؟؟؟؟؟؟؟؟؟؟؟؟

ان اردت ان تكون فنانا فعليك بواجبات الفن الاصيل مظهرا وسلوكا وغناء ، وان اردت ان لا ننكر عليك شيء من هذا وتكون حرا في ما تلبس فلا بأس فقط اترك الفن واهجر الغناء الا لنفسك فقط ، حتى لا تدخل مع الداخلين في شبكة الافساد الكبرى التي تنتظم بلادنا ، ولا اعتقد ان هذا يشرفك … مع الاحترام ،،

يااحمد البنا غير لقب العائله ده لان اهل البنا من زمان عرب باديه وناس عندهم الحكمة والفراسة والادب مع الغير فى الكلام وانت بلسانك ده والله بتسىء ال ال البنا عامة والبس سلسل وامشى ام فكو ده مامن حقك عارف ليه لانك بتغنى والناس بتسمعك والمثل بقوليك البس مايعجب الناس واكل مايعجبك

والله بالغتو ياجماعه معقوله هطرقة الولد العوير ده تتعبو نفسكم تردو عليهو
بعدين الزول ده ماعندو اي علاقه بالفن مجرد شماسي لا اكثر لا اقل ال ايه زوق جيل ال
يحليل الرجال يادووووووووب عرفنا ليه بقولو لينا الرجال ماتو في كرري

ال البناء…. ياناس اللبس امر شخصى وزوق خاص… فقط عليكم بالغناء ونوعية الاداء كان سالبا او يجابيا .. اتعلموا الاحترام وعدم التدخل فى الامور الشخصية للالناس ماتلبس وماتاكل وكل انسان حر فى حياته… ناس وهم

ود البنا ملك السلاسل والجنازير-انت قايل نفسك توباك-انت ماسمعت بالمثل البقول كل ما يعجبك والبس ما يعجب الناس

الرجال فعلا ماتو في كرري والرجالة تطير

هذا زمانك يا مهازل فامرحي …طلما زي ديل بجيبوهم التلفزيونات لازم يعملو كدة لانو ماعندهم اي فهم في الحياة ناهيك عن الفن ..;) :lool: :lool:

البزعل انو ليه القنوات الفضائيه تتيح فرصة لهولاء الصعاليق فهذه الحلقة كانت قمة فى الهبوط من الفكرة والاعداد لغاية الاخراج فمثل هذه البرامج مفترض ان تخضع لتفحيص لانها تمس الذوق العام

يا جماعة ده ما احمد البنا الـ فى اغانى اغانى ، ده واحد تانى ، فتش فى اليوتيوب على ( بتحداك – احمد البنا) و شوفوهو ، يا ناس الموقع ارجوكم ختو الصورة الصح عشان ما تظلمو احمد الفنان

اغاني واغاني بها احمد الصادق وعاصم البنا

استغفر الله قبل ما اقول كلامي ده لكن احسن احمد البنا يبيع السلسل ويكب بي حقو تقويم اسنان بعدين يرجع يحاول الغناء مرة تانية

و الله دى حاجة غريبة جدا كدى سيبك من هو منو و بغنى كيف و لى منو المشكلة فى البجاحة و الوقاحة فا الفنان ايو فنان و لانو يتعامل مع الجمهور فلديه التزام ادبى و اخلاقى تجاه هذا الجمهور الذى بدون شك فيهو المراهقين اللى ممكن يقلدوا طريقة لبس هذا الذى يدعى الفن واذا هو عايز يلبس زى ما هو داير فدا على كيفو و لكن بعيدا عن عيون الناس لانو الفنان قدوة لغيره و رحم الله ايام ما كان الناس بتعلموا الحاجات الكويسة من الفنانين

ديل شرزمه من الصعاليك ليس الا،،وهو بقلد احمد الصادق في اي حاجه مع انو كلهم رمتاله،،ياخي سلسل!!!والله البنات خلو السلاسل اخجل ياخي