(بس دي ما ادونا ليها)..(لو ادتني مليار مابغني) ..ترباس يرفض الغناء في حفل طلاق بالخرطوم
رفض الفنان كمال ترباس الغناء في حفل لإحدى النساء اقامته بمناسبة طلاقها من زوجها رغم العرض المغري الذي قدمته مكتفياً بابلاغها انه لم يتعود على احياء مثل هذه الحفلات . وابدى الفنان كمال ترباس بحسب حديثه استغرابه الشديد حينما قدمت اليه امراة تمتطي عربة فارهة ، مشيراً الي ان شكلها ينم على انها من اسرة ثرية ، مبيناً ان المراة طالبته باقامة حفل طلاقها من زوجها مؤكداً انه رفض من فوره طلب المرأة الذي وصفه بالغريب ، واكتفى بان قال لها في سرعة (بس دي ما ادونا ليها) واضاف(لو ادتني مليار مابغني) و ذكر ترباس ان موقفاً مشابهاً قد مر عليه في وقت سابق باحدى الدول المجاورة الا انه قال انه يستغرب من ان يكون مثل هذا الموقف قد بات ضمن عادات السودانيين .
صحيفة فنون
يارب ترباس دة فهموا شنو:rolleyes: :rolleyes:
ما تنسي يابت بلدي ان ابغض الحلال عند الله هو الطلاق
لذلك عند حدوسه يجب ان نتقرب الي الله بالعمل الصالح
بالله عليكم اثرياء الزمن الغابر دى مش يستاهلوا يلموهم كلهم فى فرن ويولعوا فيهم نار
اكثر حاجة ملفتة مش الخبر نفسه لك(حدوسه ) دى صعبة علينا شويه يا حدث يحدث مع الاعتزار للجميع
دى ماادونا ليها حلوة منك ياترباس ولسع انتو شفتو حاجة
يا اخوانا انتو عايزين من عازة شنو فى الزمن الصعب ده عندما يكون حلمها كلو عريس يستر حالها وتبنى معه حياة زوجية وبعد الزواج تكتشف بأنه لايختلف عنها كأنثى الا من الشوارب و000 ليس هناك مرؤة وشهامة وغيرة واقدام وشجاعة ماذا تريدون منها غير الاحتفال بطلاقها وفعلا الانقاذ افرزت كمية هائلة من الرجال من هذه الفصيلة وانظروا حولكم وستتاكدون ونقول نسالك يارب الستر
والله كلامك 1000 يا ود القلقالة
فعلا عايزين حرق
اخونا ترباس والله دقس ساكت .. المفروض يغني ويقبض حقو وكان يشتهر اكثر والبرنامج دا بعد فترة حيبقي عادي جدا وهو كان يكون عنده حق السبق في اغاني الطلاق لكن حظو سئ وحيتذكر كلامي دا بعد فترة كدا وحيندم ندم شديد
ياترباس كان تغنى انت للجميع وكمان ياخ الزوج المطلق ده كان قريبك ام من معارفك وماتبقى جعلى ساكت بكرة تبقى دى الموضة ذى حنة البكاء عند نسوان السودان وانت فى بلد كل شىء جائز