اكسترا شناف
بسم الله الرحمن الرحيم
في أغسطس من العام الماضي هبطت طائرة البوينغ 777 التابعة إلى الخطوط الإماراتية هبوطا” اضطراريا” في مطار دبي الدولي عقب انبعاث دخان من مقدمتها، فورا تم إخلاء عدد 282 راكبا، ومعهم الطاقم المكون من 18 شخصا.
يوم أمس تعرضت طائرة تتبع إلى شركة بدر للطيران لهبوط اضطراري في مطار بورتسودان وذلك عقب ملاحظة كابتن الطائرة تغييرا في قراءات مؤشرات المحرك.
قام الكابتن من فوره بالهبوط اضطراريا في مطار بورتسودان، ومن ثم تم إجلاء الركاب وعددهم يفوق 120 راكبا”، وتوفير طائرة أخرى قامت بنقل الركاب إلى وجهتهم.
الفرق بين الحادثتين أنه وفي الأولى التي تخص الطائرة الإماراتية أشاد المدير التنفيذي للخطوط وسلطات الطيران بمهارة وحنكة الطيار في إنقاذه لأرواح الركاب.
أما في طائرة بدر فقد انهال سيل من السخط والاستياء والتهكم على هبوط الطائرة اضطراريا، وذلك على الرغم من أنه تم إنقاذ جميع الركاب، وتوفير طائرة بديلة في زمن وجيز.
كابتن طائرة شركة بدر طيار قدير نجح بامتياز في السيطرة على الطائرة، واتخاذ القرار الصحيح، والمحافظة على سلامة الركاب، الشركة نفسها نجحت في توفير البديل، لكنها فشلت في إصدار بيان صحفي مبكر يضع النقاط على الحروف.
التأخير- دوما- في تمليك المعلومة الحقيقية يجعل الإشاعة تكبر وتقتات منها إشاعات أخر في بلد يدمن لغة (الشناف).
الحادثتان ومع فرق الإمكانيات الكبير بين البلدين وبين الخطوط نفسها إلا إنه يكشف أن الكثير من الطيارين السودانيين أكفاء يمتازون بالحنكة والمهارة كما يكشف- أيضا- أننا شعب جبلنا على (الشناف) رغم بعض الإشراقات.
خارج السور:
توجد أحداث تستحق الإشادة.. ممارسة (الشناف) على طول الخط ليس أمرا جيدا.
*نقلا عن التيار
الشناف ولا الشنيف
جانبك الصواب في الحكم علينا بشعب يحب الشناف. التاريخ القريب و البعيد حافل بمآسي الطيران في السودان. علي العكس تماما نحن تعودنا علي كل ما يستحق الشناف و لا نتكلم ابدا. وبعدين تعالي هنا عليك الله نحن عندنا شنو سمح يستحق يشكروه. ولا شئ. حياة الناس أصبحت بائسةو كل يوم مأساة وراء التانيه
هئ سودان الجن دا .. ما يعترفوا بيك عيان الا لما تموت .. وقعت في كرب بقرقوا عليك .. مشيت بعيد من الناس وانشغلت بجاجة انفع زي القراية اطلقوا عليك الالقاب مستهزئين عامل فيها العقاد .. الود طه حسين دخلت في مشروع فانت فورد وروكفلر .. لكن لو مت ذرغوا عليك الدمع الهميل وشقوا الجيوب وسكلبت المهيرات ..ولعل ذلك الزعيم في اقبيلته وهو علي فراش المرض احس بذلك فطلب ان يري كيف يودعونه امتطت بناته الصافنات فانكسرت القبائل واختلط حابلها بنابلها… هئ سودان الجن برضو اهلا بيك وسهلا .. ا
عندي صديقتي قالت ود خالة صديقتها كانت واحدة من الراكبين الطيارة دي..قالت ليها ود خالتها قال ليهاالكلام ده ما حصل..هسع نصدق منو فيكم؟؟؟ صديقتي واللا صديقة صديقتي واللا ود خالة صديقة صديقتي.
نفهم الحكاية كيف يعنى؟ شركة بدر لم تصدر بيان فجاب ليها الشناف وأنتى أصدرتى بيان بأن البنغالى عسل ليكى كرعيكى في الحمام فجاب ليكى الشناف أيضا فأين الفرق؟؟؟؟
صحفية اخر زمن بالله (شناف)دى كلمة يكتبها كاتب عمود صحفى.دى كلمة ممايصلح لونسة النساء فى قاع المدينة.وحتى اذا تجاوزنا عن الكلمة فمضمون العمود عجيب وغريب .نحن مالنا ومال الاماراتية.المفروض الصحفى يحرص على المطالبة بوضع الامور فى نصابها ويكتب انه لازم يجرى تحقيق شفاف للوصول لاسباب العطل هل بسبب تقصير من جهة ما؟ويطالب بمحاسبة المقصرين ان وجدوا.فارواح الناس مش لعبة.لكن الكتابة بالطريقة بتاعت (شناف)دى بتوحى للقارىء انه الصحفية دى اولا نظرتها ضيقة و ثانيا عندها مصلحة ما مع الشركة او ان الطيار قريبها عشان كده عاوزة تدارى على سؤاتهم. قال الاماراتية قال.صحافة ماجورة
ن المرات القلائل التي تكتب فيها سهير بعيدا عن ( شاهدت ومررت ب وصاحبتي قالت لي وشفت بعيني ) لذلك خرج الموضوع كمخرجات الحوار بنفس قناة الخروج . حتى هذه اللحظة لا أعتبر سهير هذه من أهل الصحافة … قبح الله وجه صحافة من أشهر مشاهيرها سهير وأمثالها من شاش وبنات جيلها
جمهور مسكين ما عارفين اللعبه وين ؟ اختكم سهير راميه عينا على وظيفه في الشركه المعنيه تتيح لها السفر شرقا وغربا عبر خطوط الشركه بلوشى !! البلد ده يا تبقى كوز يا تكون في موقع تكسر فيهو التلج على مزاجك !! والعندو طريقه تالته يقول لينا !!.
ما تزعلي الشناف الفي التعليقات يؤكد صحة ما ذهبت إليه.
بالله دا مستوى صحافة و لا صحفية الناس تحلل فى الواقع الاجتماعى و الثقافى و تضع الحلول و تنتقد مواطن خلل ..بدل ما ناس القنصلية ما اشتغلو بينا و ناس الطيارة بتنتقدوهم لى و و كلام زى ونسة القهوة النسائية