تحويل قضية «تيراب» من الزنا إلى الأعمال الفاحشة

أعمال فاحشة؟ زي شنو مثلاً؟ فحش مع منو ولا براها عملت حركات فاحشة تبرجت في الشارع ولا السوق؟ ما في فحش في الأماكن الخاصة داخل البيوت مثلاً بعاقب عليها القانون إلا إذا خرجت للشارع أو الجيران! ولا لقوها عريانة بترق في بيت العزابة؟ يا هارون انت قوانينك دي بتجيبها من وين؟ طوالي من زنا لأفعال فاحشة؟ إذا عدد الشهود ما تامين أربعة أول حاجة تمسكهم تجلدهم حد القذف أو تامين لقوها مثلا في حضنو أو فوقها بس ما شافوا البتاع داخل البتاع وشهدوا بالزنا يجلدوا حد القذف إذا لم يثبت شوفهم للبتاع في البتاع = أما إذا شهدوا على الوضع الشافوه وبس فلا قذف؟ طيب اذا شهادتهم من أولها كدا إنت حكمت في الأول بالرجم كيف يا هارون؟ وللا محكمة الاستئناف ما لقت في المحضر شهادة شهود المرواد والمكحل ورجعتها ليك تعيد المحاكمة للتأكد من الحتة دي؟ ولما لم يشهدوا بذلك تقوم تحكم بالفحش؟ برضو كده غلط يا هارون، المفروض تخلي سبيلها خالص وتحكم على الشاكي أو المبلغ بالجلد. وبعدين انتو الصحفيين البجيبوا الأخبار دي بتجيبوها من حارس المحكمة تسألوه الحصل شنو في القضية دي يقول ليكم اتحكمت بكده وطوالي على الراكوبة؟ القاضي دا بصدر حكمو شفاهة بس ولا بكتبو؟ دائما لما تجيبوا خبر أي حكم تجيبوا صورتو ولو صورة بالموبايل لو كاتب المحكمة لسه ما طبعه برضو برضو بوريكم القرار بخط اليد في المحضر – ما تجيبوا لينا أخبار ناقصة- هسه منو العارف الزولة دي سوت شنو بالضبط بس شابكننا زنا وحكم رجم ومطالبات بتعديل قوانين وما شابه انتو ومحاميتها؟ هسع كان دايرة تشربك فيكم الولية دي كلكم تفتح ليكم بلاغات قذف – يا تقولوا الحقيقة كل الحقيقة ولا شيء غير الحقيقة. أو تنجبوا خالص، فخمتوا؟؟؟