السودان يشكو مصر في مجلس الأمن

الكلام دا ذر الرماد فى العيون وللاستهلاك الداخلى ليس الآ! يا قوم للناس عقول وتصائر..هل يعنى مجلس الامن دا ما قرأ الشكاوى السنويه دى او هل يعقل ان يكون لم يتخذ فيها قرار ! ولا حتى طلب من الاطراف المتنازعه عقد اجتماع معاه لبحث الموضوع المطروح! هل نفهم ان مجلس الامن مساند المصريين؟ ما سمعنا ان المجلس نادى الغنضور او سامح شكرى للقاء فى اى بقعه فى العالمّ لبحث الامر !
*الكلام بتاع ان السودان اشتكى.. دى تغطيه لما رشح فى الايام القليله الماضيه من ان الامور بين البلدين عسل على لبن وان المصريين طبطبوا على ضهور الجماعه وقالولم ” نحن اخوات وعلاقاتنا ازليه وما يصحّش نتنازع على حتّة ارض ممكن لخوات يتعايشُم عليها فى امن وسلام ونحن تانى موش حنعمل اى شوشره او ازعاج او مساءله للاخوه من “قنوب الوادى” اللسمحنالم آدى اكثر من عشرين سنه بالعيش مع اخواتهم بتوع شمال الوادى..السودان لمصر ومصر للسودان.. وبيننا حريات اربعه اكيد هتزيد وتتضاعف!
قال السودان اشتكى مصر لمجلس الامن! وانتو يا بتوع الكيبوردات بتوع الراكوبه عمّال كل فتره والتانيه تثيروالمشاكل والفتن..”الفتنة نائمتُن لعن الله من ايقظها”

طيب هل تضمنت الشكوى مناقشة الامر في المجلس لتحويل القضية للمحكمة الدولية ووقتها تاتي مصر صاغرة الى المحكمة الدولية ؟

ام الشغلة شكوى متكررة لامتصاص غضب الشعب من تساهل الحكومة والبشير وجبنه وخيانته للوطن وتفريطه في حدوده التي اقسم على حمايتها؟

الى متى ستعيش يا فرعون الشئوم اجبن رئيس يمر على السودان لعنة الله عليك

لقد مللنا من كثرة الكلام نريد افعالا لا اقوالا

شكوة ومجلس الامن ، ده كلام فارغ ، دي الخيل ودي النقعة ، مافي أمة بترضى بالذل والهوان واغتصاب أرضه بالقوة ما لم يكون جيشها عاجز وجبان ، حلايب قلعوها المصرين رجالة وحمرة عين ، حقو تواجهو المشكلة بحقيتها ، عظمة الشعوب وقوتها بتظهر في الظرف الزي دي لكن انت ارضك محتل بالقوة والمحتل قال ليك لا بفواضك فيهو ولا ماشي معاك تحكيم اها ده أسمو شنو ؟ ويجيك واحد تافه يشبكك انحنا واحننا ، زمان كنا وزمان فعلنا ، بقينا اضحوكة ومضرب مثل في الجبن

يعنى عبدالمحمود جايى ولا حا اتخر شوية ؟!!!

إما أن تكون((حلايب))سودانية،أو الخروج من((الجامعة العربية))والإتجاه بثقافتنا و((هويتنا السودانية))إتجاهها ((الأصح))صوب أفريقيا((جنوب الصحراء))،لنعيد إلى مدارسنا اللغة((الإنجليزية))التي رفضناها بسذاجة رغم أنها كانت ولا تزال لغة((العلم))والحضارة الإنسانية،لتكون كما كانت عليه قبل الإستقلال وأعياد الإستقلال،وقبل أن يقوم أحد((مستلبي))الثقافة منا ويُدعى((محي الدين صابر)) بتعريبها و((تمصيرها))!رغم أنه كان سودانياً((أصيلاً))من((نوبا))الشمال.ولن نحتاج بعد ذلك من((اللغة العربية))سوى((القليل))الذي يمكننا من تلاوة((القرآن الكريم))مثل((ماليزيا))المسلمةو((المتقدمة))أكثر منا إقتصادياً وحضارياً.

سياده السفير هناك العديد من المناطق الحدوديه التى تحتاج الى حل مع مصر ليس فقط حلايب كما جاء فى خطابك

أه وبعدين أه وبعدين أه وبعدين ؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!