خبيرسوداني: اللجنة الفنية اقترحت إجراء 3 دراسات لـ”سد النهضة”

” …. وأكد أنه كان لابد أن يدعم المسار الفني بمسار سياسي.” إنتهى التصريح العبقري!
خلاص يا جرابيع قسمتوها ل “فني وسياسي”؟
وأنتو في الفني ذاتو فاهمين شنو عشان تحولونا على السياسي – الكيزان ديل غير فرايض الوضو والغسل وقطع الجمار ما بعرفوا اي شيء في الموية وخليتو ليهم الفني ؟؟ وقلت لي الخبراء بما فيهم خبراء وزارتم الجرابيع ما اتكلموا على الحصص؟؟ بس على الكميات والنوعية؟؟ والأثيوبويين تعهدوا ليكم بإنشاء السد على أحدث المتطلبات للمواصفات العالمية في إنشاء وسلامة السدود. طيب كلكم لازمتم شنو؟؟ لانو الكمية معروفة سلفاً منذ القرن التاسع عشر – والنوعية يعني بقت على النوعية؟؟ أها لذيذة – عايز تاني شنو؟؟

طيب صدقناكم – بتعرفوا شويه هايدروليكا وبتعرفوا المليار فيهو كم صفر والجركانة بتطلع كم “كوز” – أين دور الشعوب ومشاريعها الإنمائية ودور مياه النيل في تحديد المواقف التفاوضية النابعة من أهدافنا القومية والمرامي والغايات التي نحلم به؟؟ – اين المشاريع والطلب على الماء للتنمية الاقتصادية والاجتماعية والبيئية وإصحاح البيئة وللا موية وخلاص – وما هو الأثر على البنيات التحتية والفوقية القائمة من سدود قائمة ومقترحة ومشاكلها من إطماء وهدام وجزر ستزول بما فيها من تاريخ وموارد ومن منافع ربما إلى الأبد – وما هو رأينا في كل هذا – أم هي مجرد فشخرة وأجاويد (على كرتون رأيناه في اجتماعات الخرطوم شغال أجاويد زي المكوك جاري لمّا حِفا: مهزلة – الأثيوبيين دخلوا بالتحنيس ثم انسحبوا خلال الإجتماع (بحجة ميعاد البُنْ) فيخرج من القاعة يرجَّع الأثيوبيين للقاعة يجي يلقا المصريين طلعوا – يطلع من الإجتماع يطيِّب خاطر المصريين يجي يلقا الأثيوبيين طلعوا حردانين – يجري يلحق الغدا وما يلحق ياكل الحلو يلقي الأوغنديين دخلوا بالشباك وفي الآخر يقنع المصريين باتفاق مبادئ هو ما فاهم فيه حاجة وليس لديه فيه لا ناقة ولا جمل والأثيوببن يعتبرو الموضوع كلو غير ملزم – يعني اتفاق “بمبي” وتواقيع الترويكا بالأحرف الأولى وبالحبر السرّي كمان – (لا شفافية ولا برسترويكا ولا يحزنزن ولا يطلعون ولا ينزلون) ياخي حتى الختة عند النسوان في البيوت يُخطط لها لسبل ومقاصد صرفها قبل سنة من ميعاد الصرفية – ونحن نخرمج ولا نخطط ولا نبرمج ولو الليلة ادونا 100% من مياه النيل ما حنعرف نوديها وين ولا نعمل شنو ب 99% منها –

في تحديد مسار المفاوضات بين الثلاث دول ولا بين كل دول حوض النيل؟

ثم هل الجانب السياسي ده – ما محتاج لتفويض سياسي؟؟ البشير ولا كرتي ولا وزير الدفاع بالنظر أو وزير الري بالركوة – منو الفوضهم – والله من هسع بنقول للدولتين الحبيبتين وباقي دول حوض النيل – نحن الشعب السوداني ما في زول شاورنا – أمشو شوفوا الوقّع منو وإذا عندو تفويض للتوقيع – ونحن ما ملزمين بأي اتفاق يبرم ولا ينقض ولا يغزل بواسطة ناس 30 يونيو 1989 والشعب السوداني في هذه اللحظة ومنذ 1989 في محنة واسبقياتو في الوقت الراهن هو زوال هذه المحنة – و يومنا الإتخلصنا منها كل شي أبرم خلف ظهرنا لاغي … لاغي … لاغي … – فخلوا بالكم وما تدفقوا “مويتكم” على الرهاب – ما توقعوا أي اتفاق مع هؤلاء المتمردين على الديموقراطية في السودان – فما تتعبوا أنفسكم وكان سعيكم مشكورا.

مصر بخبرتها التكنولةوجية
تبا لك تبا لك

رحم الله المهندس والسياسى المحنك محمد احمد المحجوب ورايه في انشاء السد العالى تجد هزا كله في كتابه الديمقراطية في الميزان كل الحقوق السودانية المترتبة على انشاء السد العالى من كهرباء لمدينة حلفا ولانتفاع ببحيرة السد والمبالغ المالية التى من المفترض ان تقبضها حكومة السودان اضافة للدراسات السالبة من تهديد البيئة وخلافها رغم كل زلك تم انشاء السد دون تنفيز اى بند من البنود السابقة وارجو ان لانلضدغ مرة اخرى