مؤرخ سوداني : أوباما ينتمي لعائلة المهدي وعلي دينار
ناهد عباس :
ربط باحث ومؤرخ سوداني، نسب عائلة الرئيس الأمريكي الحالي باراك أوباما بعائلة الإمام محمد أحمد المهدي من جهة، وعائلة السلطان علي دينار، مؤكداً أن العائلات الثلاثة تنتمي إلى أسرة واحدة هي أسرة السلطان أبوآمنة زعيم قبيلة الجور التي تقطن ولاية جنوب دارفورالحالية «قبل أن تنتقل بطون منها إلى دولة الجنوب ودولة كينيا المجاورة». يذكر أن الرئيس باراك حسين أوباما ولد في العام 1961 في هاواي، لأب كيني وأم أميركية بيضاء من ولاية كنساس، وهو أول رئيس أميركي من أصول أفريقية، وقد أشار في كتابه «أحلام من والدي» إلى أصوله السودانية،
لكنه لم يذكر إلى أي المناطق ينحدر. وحسب إفادات البروفسير أحمد إبراهيم دياب أستاذ التاريخ بجامعة الإمام الهادي في حوار مع «آخر لحـظة» فإن الاسم الذي أطلق عليه يوم مولده هو «براق أبو آمنه» تيمناً بجده السلطان، منبهاً إلى أن اللهجة الأمريكية وراء تغيير الاسم إلى المنطوق حالياً. وقال دياب إنه قضى أكثر من ثلاثة أعوام ينقب في نسب عائلة الرئيس الأمريكي قبل أن يصل إلى سودانيته، مؤكداً أن أسرته تنسب إلى عائلة سلطانية بدارفور ترجع في أصولها إلى «الشعوب النوباوية» التي نزحت غرباً.
وحسب «شجرة النسب» التي زوّد بها «آخر لحظة» فإن السلطان أبو آمنة سلطان قبيلة الجور أنجب ابناً أطلق عليه اسم «البراق» وإليه تنتمي عائلة الرئيس باراك أوباما، وله ابنة واسمها «أم بوسة» تنتسب إليها عائلة الإمام المهدي.ووفق قوله فإن البراق لديه ابن واحد اسمه فضل الله الذي أنـجب بدوره كلاً من أبو آمـنه ورابـح، والأخير انجب ابن اطلق عليه اسم البراق وبدوره انجب محمد الذي هاجر بعائلته الصغيرة إلى كينيا ليتزوج بامرأة أمريكية تدعي سارة فانجب منها حسين. واقترن حسين بفتاة أمريكية تسمي استانلي آن وأنجب منها ابناً أطلق عليه «أبوآمنة براق» تيمناً بجده ليصبح باراك أوباما، الرئيس الحالي للولايات المتحدة. أما الابنة الثانية للسلطان أبو آمنة فهي أم بوسة» التي تزوجت من عبد الرحمن الرشيد وهو من أشهر سلاطين دارفور، حيث أنجب منها السطان محمد الفضل الذي أنجب منها السطان نورين والد مقبولة زوجة الإمام محمد أحمد المهدي ووالدة الإمام عبد الرحمن المهدي ، كما أنجب منها السطان زكريا والد آخر سلاطين دارفور السلطان علي دينار.
اخر لحظة
بئس العائلة.
لعنة الله علي البانقو وسنينه.!!!!!
هههههههههههههههههههههههههههه والله صحي السياسة عواسة وهلواسة ومالو ما اتعرف نسبو من عهد المهدية ولحقتو نسبكم في امريكا ولا دي طبايخ بالزيتون والخواجة ياخي العبوا علي غير الشعوب منو يصدقكم والله ابوما لو صدقكم الا يكون مجنون اول ظهور له قالوا من جنوب السودان واموا اصولها كينية اسي بقي سوداني اعوذب بالله من الكذب الكبار ومن عند الكبار الناس لاتخاف من الموت اصلا بس يكذبو باسم السياسة
ههههههههههه هههههههههههههه ههههههههههههه ههههههههه وكمان اسمها بوسة يعني كذب ماصل ومفصل ياخي ايها السياسيون اتركوا العبث بالشعب واللعب بالنار نحن نريد منكم فقط تطبيق شرع ربنا كما جاء به محمد وان تحفظوا امننا وتحمو اراضيا لا تخرفوا علينا وتكذبوا علينا وتكتبوا عند الله كذابين
لقد فات عليك يابروف ان تنسبة للأسرة الهاشىمىة القريشىة ، او ان ترجعة في النسب والحسب الي ابو طالب ………..عم النبي صلي اللة علية وسلم ، كغاليبية الطوائف في السودان ………
بئس العائلة.
لعنة الله علي البانقو وسنينه.!!!!!
هههههههههههههههههههههههههههه والله صحي السياسة عواسة وهلواسة ومالو ما اتعرف نسبو من عهد المهدية ولحقتو نسبكم في امريكا ولا دي طبايخ بالزيتون والخواجة ياخي العبوا علي غير الشعوب منو يصدقكم والله ابوما لو صدقكم الا يكون مجنون اول ظهور له قالوا من جنوب السودان واموا اصولها كينية اسي بقي سوداني اعوذب بالله من الكذب الكبار ومن عند الكبار الناس لاتخاف من الموت اصلا بس يكذبو باسم السياسة
ههههههههههه هههههههههههههه ههههههههههههه ههههههههه وكمان اسمها بوسة يعني كذب ماصل ومفصل ياخي ايها السياسيون اتركوا العبث بالشعب واللعب بالنار نحن نريد منكم فقط تطبيق شرع ربنا كما جاء به محمد وان تحفظوا امننا وتحمو اراضيا لا تخرفوا علينا وتكذبوا علينا وتكتبوا عند الله كذابين
لقد فات عليك يابروف ان تنسبة للأسرة الهاشىمىة القريشىة ، او ان ترجعة في النسب والحسب الي ابو طالب ………..عم النبي صلي اللة علية وسلم ، كغاليبية الطوائف في السودان ………
امك الكلام دخل الحوش , معناه الصادق المهدى اخ غير شقيق لاوباما عديل كدة و لا ابن اخته او يطلع خال رئاسى سودانى زى الطيب مصطفى و كمان دا خال مدنكل ؟ طيب معناه البشير يصلح علاقته مع الصادق و الا اوباما يقوم يحدر ليه عديييييل كده و يوروه المكشن بدون بصل , و الترابى ابو النسب لاوباما , عشان كده الصادق رجع لاخواله ناس عبدالواحد و مناوى ما قلتو نوبه
بدون وثائق يعتمد عليها بتبقى المسألة سلبطة ساكت.
الرئيس أوباما دم القبائل النوبيه واضح في ملامحه بصوره اكاد اجزم انه لو نطق العربيه السودانيه لقلت انه دنقلاوي.افضل الكلمات التي قالها بالنسبه لي هي unless you are a native citizen, you came from somewhere else.ان لم تكن مواطن أصلي أي هندي احمر فلقد قدمت من مكان اخر .
الواحد مش عارف يبكي ام يضحك من محن ابناء جلدته ومصائبهم ،، حقيقة تعبت وتعب الكثير من امثالي في هذا الوطن ماذا فعلنا ماذا جنينا لنعيش هذه الماسأة في نخبتنا
طيب الموهوم ده مدام نقب كده لماذا لم ينقب عن اصل ونسب الامام محمد احمد المهدي وركز علي النساء ،في زول ينسبوه لامه او حبوبته دون زكر نسب والده ،ومعروف ان والد المهدي من غرب افريقيا ولاعلاقه له بدنقلا الا عمل والده في صناعة المراكب كعامل عادي والا كان له اطيان هناك كأهل البلد..
هذا خرف وكلام لا يستجق حتى ان ينشر
و مارتن لوثر كنغ و اليكس هايلي ، لأي قبيله سودانيه بينتموا. أمريكا معلنه الحصار الذي يشمل الكتب على السودان، ولذلك ما ممكن يكون قرأ الكتاب الالفه أوباما
آل المهدي ينسبون انفسهم إلى رسول الله يبقى اوباما أيضا يعود نسبه إلى رسول الله حسب كلام الراوي. هناك أقاويل توضح أن اسمه الحقيقي بركات الدومة وليس براق ابو آمنة. إذا كان الشعب كله ينسب نفسه إلى العباس عم النبي يعني شنو لو اضفنا لهم بركات ولا براق. غايتو انحنا مافي زول بيلحقنا في السلبطة. هذا مثال صارخ يوضح أين تكمن مصيبة الدولة السودانية.
لا أستبعد ذلك مطلقا لأنني أذكر أن أوباما نفسه ذكر في أكثر من مرة كتابة وحديثا موثقا أن جذور عائلته لأبيه هاجرت من جنوب السودان. والبروفسير دياب (أستاذي قبل بضع وثلاثين سنة تقريبا – متعه الله بالصحة والعافية)يعتبر بحاثة من الطراز الفريد وأستاذ جامعي مثقف ومطلع في آن. ذكر الرئيس أوباما في كتابه (Dreams from My Father, A Story of Race and Inheritance)ذكر أن جده لأبيه Hussein Onyango Obama أخبر العائلة في كينيا في شأن أصله، أن قبيلة Luo الكينية التي ينتمون اليها هي قبيلة نزحت في الأصل من جنوب السودان.
ﺳﻴﺒﻮ ﺍﻟﻤﺆﺭﺥ ﺩﺓ .. ﻭﺍﻟﻤﻬﻨﺪﺱ ﺍﻟﺴﺎﻓﺮ ﻟﻲ ﻛﻴﻨﻴﺎ.. ﻭﺧﻠﻮ ﺍﻭﻫﺎﻡ ﺍﻟﻘﺬﺍﻓﻲ ﻋﻦ ﺍﺑﻮ ﻋﻤﺎﻣﺔ.. ﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﺒﺼﺪﻗﻬﺎ ﻫﻲ ﻛﻼﻡ ﺍﻼﻣﺮﻳﻜﺎﻥ ﻧﻔﺴﻬﻢ.. ﺷﻮﻓﻮ ﺩﻱ ﺍﻥ ﺍﻳﻪ ﺍﻟﻤﺸﺎﻫﻴﺮ ﻓﻲ ﺍﻣﺮﻳﻜﺎ ﻓﻴﺪﻳﻮ ﻓﻲ ﻳﻮﺗﻴﻮﺏ ﻳﻌﻴﺪ ﺍﺻﻞ ﺍﻭﺑﺎﻣﺎ ﺍﻟﻰ ﺟﻴﻨﺎﺕ ﻛﻴﻨﻴﺔ ﻗﺎﺩﻣﺔ ﻣﻦ ﺍﻟﺴﻮﺩﺍﻥ ﻭﺟﻴﻨﺎﺕ ﺍﻣﺮﻳﻜﻴﺔ ﻗﺎﺩﻣﺔ ﻣﻦ ﺍﻭﺭﻭﺑﺎ….. ﻳﺒﻘﻰ ﺍﻟﻤﻮﺿﻮﻉ ﻣﺠﺮﺩ ﻣﻌﻠﻮﻣﺔ ﻻ ﺗﻐﻴﺮ ﻭﺍﻗﻌﺎﻭﻼ ﺗﺴﺮ ﺻﺪﻳﻘﺎ ﻻ ﺗﻐﻴﻆ ﻋﺪﻭﺍ.. ﺧﺒﺮ ﻭﺍﻟﺴﻼﻡ..
من الظاهر ان المعلقين يرفضون الحقائق طالما لا تتطابق اوهامهم واحلامهم . الرجل عالم كبير وله اسانيد ووثائق لو كان هنا شك فاليفند المتشكك بما يعادل على العموم الانساب قانونا لا يغالط فيها .
بكرة يظهر لينا البشير ابن عم بوتن يا خى ما شوفو لينا موضوع الكيزان من اى نوع
طيب يهود باراك من يهود البراق
للاسف شعب شمارات فقط وقيل وقال- اوباما سودانى – نتنياهو سودانى مولود فى الشمالية وامو صيدلانية ( هو طبعا من مواليد اسرائيل)- سيدنا موسى مولود فى السودان فى المقرن ( دايرين بى غباهم دا يسلبطو فينا اليهود يجو يشيلو الجزء الباقى من السودان ) ياجماعة شوفو شغلكم وعيشو حاضركم وابنو لمستقبلكم
يا جماعة اللوم ليس على المؤرخ وإنما اللوم على الصحفي الذي يجلس ويحاوره ، وكلنا يعلم أن البرفيسور دياب به لوثة عقلية ويقول أشياء غير علمية وقبل فترة وفي لقاء مشابه ادعي أن كوندليزا رايس نوباوية من جنوب كردفان وأن اسمها قونقوليزا بت الريس ، والله هكذا فالرجل يا أخوة مستور العقل ولكن غباء المحررين وضعف مقدراتهم الصحفيين تجعلهم يبارون الجداد والباري الجداد بوديهو الكوش
اصل المهدى من وين من الغرب ام الشمال محمد احمد المهدى دننننننننننننننننقلاوى اى نوبىىىىىىىىىىىىىى وبطلو الخرافات بتاعت المساطيللللللللللللل يظهر لعنة الله اصبحت تطارد هذه الامة التى اصبح معظمها منافق
عشان كده طلع رئيس متردد فى اتخاذ القرارات زى صاحبنا واحد كان رئيس وزراء مرتين بدون فائدة.
هذا حديث غير صحيح مثل ما قالوا من قبل ان نتنياهو سوداني
البحث عمل معاك 3 سنة كان حفظت بيو صحيح البخاري ومسلم وتفسير ال40 حديث للامام النووي وعملت توعية للشباب وناس الحكومة تكون افدت واستفدت ياديابوك
دل
بس ما ذكر لينا سبب هجرة جد اوباما من السودان شنو ؟؟
ويقول راوي آخر سوداني ايضا أن الكاتب البريطاني وليم شكسبير ترجع ايضا اصوله الى السودان
جده لوالده الذي كان يقطن منطقة ابو حمد هو شيخ كبير والاسم كان ينطق شيخكبير ثم تحرفت بعد ذلك بمرور الزمن لتصبح شكسبير هاجر ذلك الشاب الى بريطانيا في منتصف القرن الثامن عشر بعد ان خسر تجارته في حبال العناقريب والمراكيب بعد ان ضايقه الاتراك بكثرة الجبايات والضرائب ورسوم النفايات فذهب ليجرب حظه في بريطانيا بعدين الظاهر مشت معاه الحكاية فأستقر هنالك لتزوج فكان حفيده هذا العبقري العالمي!!
لا غرابه في هذاوكل ما ذكره البروفيسور اعتقده صحيحا بحكم ان السودان بلدهجرات ومعظم شعوب بلاد غرب افريقياكانوا يشدون الرحال والهجره اليه بحكم طيبة اهلة واراضية ومراعيه الغنية ومعظمهم كانوا يقصدون عبور اراضيه للوصول الي ارض مكه والحجاز لي اداء فريضة الحج وكانوا قديما يطلقون علي السودان ظل مكه ونرحب بكل الاعراق والسحنات بالسودان فهو يسع الجميع وهو افريقيامصغره لذلك كل الافارقه يحترمون السوداني جدا ويرحبون به اين ما وجد عكس العرب تماماقال جوموكنياتافي كتابه اخطرنا اهل السودان با يقودوا افريقيا فرفضواوانضموا لجامعة الدول العربية وصنفوا اسواء العرب
ههههههههههههههههههههههههههههههههههههههههه كداااا اوباامااا ضاااع بتشربووو كده
الناس ديل بتحفروا وتجيبوهم من وين؟؟؟!! غايتو نحن شينين شنا أعوذ بالله!! الكدي الأقوم اعاين خلقتي في المرايا !!
كل شئ جائز طالما قيل حتي ملكة بريطانيا تنتمي للأشراف . ولكن حسب مزاعم البروف هذا تاريخ حديث نسبيا
فهل تتحدث قبيلة اوباما لغة الفور وثم هل ابناء القبيلة تدعي ان اصولها فوراوية فرع ابناء احمد
المعقور العربي بحسب كتب تاريخ السودان ثم المهدى فقط تزوج مقبولة والابناء تنسب للرجال
يعنى شنو so what?وهل اثبات نسب هذا الامريكى الطويل يحتاج الى كل هذا العناء والتعب والبحث؟ ثلاث سنوات؟ وبعد ان ثبت ماهى الفائده العلميه المكتسبه؟ جنس سلبطه مره عرب ومره العباس ومره الامريكان هاناس خلونا سودانيين وكفى!!!
عليك الله قوم قد .
اوباما شنو عليك الله . عندك الاف المشاكل و قاعد لي بي رواقة تفتش تلاتة سنين .
الله يرحم الغزافي…. ههههههه
طولنا من هذا النوع من الجنون
ياحاج انت عندك قرابة مع الشاعر ابيض اللون ول حاجة ههههههههههههههههاي
الراجل دا كان في الجامعة الاسلامية في السبعينات كان مهبب زي كلامه البيقول فيهو دا
تعرف نكته دي ذكرته اسم شكسبير الذي حوله القذافي بانه ينتسب للعرب واسمه شيخ الزبير
والرئيس الامريكي جيرالد فورد بعض الظرفاء قالوا ان اصل اسمه هو جنى الفور يعني الراجل برضو طلع من عندنا
وبكرة يقولو ليك كلنتون ابو عيون خضراء يطلع رباطابي ولا من الانقسنا
والله نحن الكتاحة والملاريا دي ما ممكن تطلع واحد مبدع
البلد دي مبدعينها هم الذي دمروها بافكارهم مثل غازي صلاح الدين و حسن مكي وحسن الترابي وامثالهم من الموتورين الذي ظنوا انهم انقذوا السودان وهم اوصلوه الى التوج
ربنا يرحمك يا بلد
اخوي …… مع احترامي ….. لما تقوم ….. اما كان الافضل ان تنسب لنا هؤلاء لارجاس ….. من نسل هم……….. فلقد …… حيروا الشعب الذي يتساءل صبح مساء ….. مع البروف …..
الذي اكد ….. ان حواء السودانية ….. لم ولن تنجب امثالهم ….. ابدا….. !!!!!!
من اين اتى …….. هؤلاء ……. الانجاس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من اين اتى …….. هؤلاء ……. الانجاس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من اين اتى …….. هؤلاء ……. الانجاس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من اين اتى …….. هؤلاء ……. الانجاس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من اين اتى …….. هؤلاء ……. الانجاس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللهم عليك …… بالرقاص ورهطه ….. اقطعهم ….. تك …..
اللهم عليك …… بالرقاص ورهطه ….. اقطعهم ….. تك …..
اللهم عليك …… بالرقاص ورهطه ….. اقطعهم ….. تك …..
اللهم عليك …… بالرقاص ورهطه ….. اقطعهم ….. تك …..
اللهم عليك …… بالرقاص ورهطه ….. اقطعهم ….. تك …..
اللهم عليك …… بالرقاص ورهطه ….. اقطعهم ….. تك …..
اللهم عليك …… بالرقاص ورهطه ….. اقطعهم ….. تك …..
خلاص خليتو النبى وال البيت قبلتوا على الامريكان!!!!!! ده كلو من ازمة الهوية
مايجعلني أرى شيء من المعقولية والترجيح لصواب ما وصل اليه هذا الباحث هو أوجه الشبه الكبيرة-ليس فقط الشكلية وانما أيضاً الشبه، بل والتطابق بين صفات شخصية أوبما وكثيراً من الشخصيات السودانية الجبانة المحتالة الدنيئة الضعيفة التي تسيطر على السودان لأكثر من ربع قرن وكل ما تفخر به من انجازات أنها علّقت يافطات على غرف مهترئة تقطنها الحمير الضالةوسمتها شفخانات ووضعوا بعض الأثاثات المهلكة في المباني الآئلة للسقوط وسموها جامعات وبنوا شوارع الموت التي تحصد أرواح المئات من أبناءهذا الوطن سموهاهاي وي شارع المرور السريع ووعدوا بأن نأكل مما نزرع فزرعوا الأرض الطيبة – جراب التعب – بأموال هذاالشعب وحصدوا ولم ير المساكين من الزرع والوعود غير عماراتهم الفارهة و قصورهم. ويفتخرون بأنهم أتوا بالصين لإستخراج البترول فلينظروا انجازات الصين في خلال هذه ال25 سنة. نعم لا استبعد أن ينتمي أوباما في النسب لأخوال عبدالرحمن الصادق المهدي تاج القصديرالذي باع كل المبادئ وتحالف مع هؤلاء الفاسدين الأنجاس السفلة
أعتقد أن تحليل الحمض النووي DNA سيكون هو الحد الفاصل بين الحقيقة والأوهام.إذا كانت هنالك فائدة للسودان من ذلك.
النسب الحقيقي والمطلوب في الدنيا والاخرة هو الإنتساب الى الحق والفضيلة والأخلاق الطيبة وعلى رأسها العدل .. والله سبحانه وتعالى يقوم (فلا انساب بينهم يومئذ ولا يتسائلون)نحن في حاجة الى اعلاء شان الحق والفضيلة فقط
يا ولد انت مجنون ولا بتخرف …مش حلوه
هو نحن ناقصين مِتِل دا!!! مرة نتنياهو سوداني ومرة باراك أوباما … شنو العُقَد دي وحاتطولو شنو من الكلام دا يامؤرخين؟ حتى لو كانوا سودانيين هم الآن رؤساء دول مضوقانا الويل كشعب من الحصار والترويع ولو كان ويل على أعضاء الحكومة كنا قلنا خير وبركة لكن كلو واقع علينا نحن الشعب .. شوفو ليكم شيء ينفع الناس .
ادعوا قبيلة الفور ان يفتحوا بلاغ اشانه السمعه لهذا العجوز
المادة 159ـ من القانون الجنائي السوداني لسنة 1991
اشانة السمعة .
(1) يعد مرتكباً جريمة اشانة السمعة من ينشر أو يروى أو ينقل لآخر بأي وسيلة وقائع مسندة إلي شخص معين أو تقويماً لسلوكه قاصداً بذلك الأضرار بسمعته .
كان للسلبطة والتحريف انا باحث بنفس المنطق ووصلت لي انه
غورباتشوف يرجع لي اصول سودانية حيث هاجر جدة بنعوف إلى روسيا وتزوج روسية والشاهد تمسك الاسره بالحروف الاخيرة (وف) .
وتاني بانسونك اساسا يمني حضرمي ( باعبود ، بامحفوظ ، بانسونك ) باعبود عاش في السودان واصبح من رجال الاعمال في مجال النقل البحري والبري ، وبانسونك في تقنيات الاجهزة .
ولا مو كدي
دكتور دياب بعرفه حق المعرفة شخصا” مخرف ساي
الى دار العجزة ايها البروف المخرف
المؤرح هذا كلامه صحيح . وكل الزعامات الامريكية هذه من اصول سودانية وكمان كوندليزا رايس اصلها قونقليزا بت الريس مننا .
الترابي قال باراك اوباما كان مسلم واسمه مبارك ولما تنصر قلب الى باراك والقذافي رحمه الله قال باراك اوباما هو باراك ابو عمامة والان الباحث بقول هو ابو آمنة بعدين بعد ما تنتهي رئاسته لامريكا حيجي يعمل فصيل جديد ويحارب في دارفور
فيه حاجه اسمها ال DNA ما سمع بيه المؤرخ هذا ؟
بدل ما يبنوا علي مقالات ونسب مكتوب.
قالوا سيدنا بلال الحبشي من السودان؟ وهو ما يفرحنا؟
لكن دا ما عارف القصد منها شنو؟(ما يكون وراها سياسة)
زمان قالوا نتنياهو من السودان ( من مروى ) وباراك حسين أوباما من السودان .. والرئيس المصري السابق انور السادات من السودان ( أمدرمان ) والرئيس التشادي إدريس دبي وحسين هبري من السودان .. بس يا ترى من وين حتكون الرئيس المصري الحالي السيسي … من وادي حلفا .. تقريباًً منطلوب الأجابة من المأرخين وشكرا
ابونا ادم ذاتو سودانى وامنا حوا كذلك
تصدق باراك دة فيهو ملامح من حبوبتى السرة والعجب ان شلخوهو ياها الخالق الناظر . شوفو الدنيا دى ضيقة كيفن
وبرضو الرئيس الامريكي جيمي كارتر سوداني واصوله من دارفور وتحديدا قبيلة الزغاوة واسمه الاصلي جمعة خاطر . وماتنسوا البريطانيين كلهم من اصول سودانية وجدهم بريط هو توأم ربيط جد الرباطاب
هوس السودانيين إذا كان ذالك صحيحا ماذا يفيد
لماذا لم يصرح أوباما .
ابو اوباما عمك حسين من حتة فى كينيا اسمها حلة كوجرى يعنى بالترجمة بالعربى تبقى ( حلة خوجلى ) رايكم شنو ؟؟
نشكر البروف للاجتهاد لربط اوباما النوباوي المهدي واسرته المنتمي للاشراف القريش لكن نطلب من الاخوة ما يهتمو بالموضوع الانتماء كتير غير مفيد المطلوب من هي فقط المعرفة وما كتر
ما الفائدة من انتماء اوباما للسودان و خليك الانتماءهمثلا لو شالو عدييل كدة من السودان مثلا زيكم المعلقين خطو رئيس في امريكا كاوباما ماتفيدونا بشي تبقي العقوبات علي اخوانك السودانيين تنفذ سياسات ضد السودان لا ن يا شباب امريكا ما زي السودان اى واحد يحكم البلد علي هواه دي دوله تحكمها مؤسسات رشيدة واعية بمصلحة امريكا
نحن سودانين كعاداتنا نحب الانتماء العروبة وخاصة اشراف القرىش ناسين انتماء العروبة والقريش لا يفيد دون الايمان والعمل الصالح ما اذن من المدعين اشرف الريش من ابو جهل رغم ذلك ما استفاد من عروبه بشي .
نحن السودان شعب تبعي لااسف الكلمة لكن الواقع يقول كدة افضل ما نعمله كسودانيين احسن نسيب التبعية والبحث علي من هو لا يفيدنا , نؤمن بسودانيتنا ونسير ونبتكر ما هو يفيد الامة والبلد
مصاب بزهيمر
والأصل الناس كلهم من آدم ……………..لن ينفععنا نسبه
إذا كان أوباما أعلنوا أن السودان ولاية أمريكية ……
انا قايتو الشيء المتأكد منو بعد البحث والدراسات طلع هذا لباحث نيجيري ماسوداني اصلي …!
امو نجراوي من الهوسا وابوها من جماعة بوكو هاجرو واستوطنو في الخرطوم بعد مجاعة سنة ستة
سوداني ماسوداني نحن دخلنا شنو حسع دا باحث ولامهرج زي غسان المصري غال باحث في الشؤون السودانية
شر البليه ما يضحك
صراحه ربنا ابتلانا بمثل هؤلاء المخرفين
مزوري التاريخ
هترشات وتخاريف ماتشبكونا ده بروف وده بتاع,,,,,,الاصم مابرضو بروف …..وتانيا اوباما قبيلتو اسمها اللوو ….وتالتا عمكم المخرف ده ليهو حق مادام لقي واحده من صحفيات الغفله…..والبت فرحانه كمان البروف قال البروف فعل البروف ترك…….عالم وهم
طيب بوش الاب اسمو الحقيقى بريش وبوش الابن
اسمو برشم عيال عم بشه قريبهم مريسه المدعمو
بى ميسى بس الزمن داك جات صاقعه فرطقت السودان
فذهب بريش وبرشم امريكا وفضل مريسه الارجنتين!!
القذافي قال انه اسمه مبروك حسين ابو عمامه – وهذا الرجل العجوز يدعي انه سوداني – واوباما نفسه يقول انه كيني من ناحية ابيه وامريكي من ناحية امه – طيب انت يا الرجل العجوز ويا القذافي تغالطو الزول في نسبه؟ الله يهديكما ..سبحان الله…
ممكن تورونا من وين فى السودان اصول انجيلا ميركل؟
عشان كده إسرائيل استقبلت الصادق الضليل وأولاد دارفور بالأحضان. لأنهم عارفين الحكاية فيها إن..
… اخيرا انشالة يكون الناس اقتنعت بانو عملية (نجر) الانساب عملية ساهلة جدا جدا ويمكن لاى شخص ان يختار لة شخصية مشهورة او ذات ميزة ويحور فى العبارات وتاليف ما تيسر من الحكاوى والخرافات ويربط نسبوو ….. اذا كنا فى القرن العشرين ولسا فى ناس بيالفو فى الانساب فما بالكم قبل ما 200 سنة ؟؟
وقبل كدا ايضا سمعنا بقصة نتنياهو السودانى .. تخيلو عقده الانتساب لدى السودانيين تذين لهم حتى شرف الانتماء لليهود فى شخص الريئس الاسرائيلى … فمابال النبى محمد وال بيتة … كل مشايخ الطرق الصوفية بجرو ليك نسبة الشيخ لمن يختوها ليك فى فاطمة الذهراء او على بن ابى طالب او بعد الصحابة ذى المافى حاجة … عالم مريضة
ابو آمنة براق ( باراك أوباما ) ! الله يرحمك يا قذافي وأيام ليبيا : قال ( شكسبير ) عربي وهو ( شيخ الزبير ) !!!! Keysinger كان يتم ترجمة اسمه في التلفزيون الليبي ب Key Singer – أي مفتاح الغنّاي !!!!!!!! .
اولا ام بوسة من قبيلة البيقو وليست من قبيلة الجور تزوجهاالسلطان عبد الرحمن الرشيد عام 1797م بينما كان كل من رابح فضل الله وابو امنة فضل الله تجار رقيق فى جيش الزبير باشا فى بحر الغزال فى فترة متاخرة من ذاك التاريخ وجاءو وقتلو السلطان ابراهيم قرض فى منواشى عام 1874م.وبعد ابعاد الزبير باشا ومقتل ابنه سليمان فر هؤلاء الى تشاد وهتاك قضى عليهم الفرنسيون.
ويبدو ان البروف خرف واختلط عليه الحابل بالنابل.زى ما قال واحد قبل كدة ان ادم اسمث فوراوى
و ايهود باراك اصلا سوداني اسمو ابعود البراق
يا حاج ما تقوم تلف
سمعت الكلام ده زمان من واحد من منطقة دارفور لكن يشكر الأستاذ على تحديده للنسب وبالإسم كمان ده توثيق ممتاز . لمن حضر السودان في زيارته لدارفور لبس العمة السودانية وكأنه عايز يعيش شعور أجداده . على كل هو كمان أكبر ماسورة والقاله كله طلع فشوش ! في الأخير في كتاب بيأكد على إنه رؤساء العالم ديل كلهم أهل ويسري فيهم دم بني إسرائيل .
الإسمه التني حق ليبيا ده شبه البشير توأم بس وأنا واثقة إنه قريبه ولو بحثوا حيلقوا الكلام ده حقيقة .
على الرئيس الأمريكي باراك أوباما التوجه إلى السفارة السودانية لدفع الضرائب والزكاة وجميع الجبايات ….لانه مواطن سوداني..
اله يشفيكم ويعفيكم ….. ..
داعيشى.بوكوى.قاعدى.
بشيرى. أوبامى. أصول دموية. (سودانية) دمارالعالم
دي ذكرتني قصة واحد سوداني دجال الف كتاب ذكر فيه ان بلال الحبشي سوداني – شوف ليك جنس صلبطه –الصحابه والنبي محمد عليه السلام والجميع ينادونه ببلال الحبشي والدجال هذا يقول هو سوداني – كما ذكر هذا الدجال ان لقمان سوداني وعدد كبير من الرسل والصحابه زعم انهم سودانيين – ولكن سبحان الله نفس هذا الرجل الدجال نسي ان يذكر اصل كثير من الناس الاشرار في عهد الرسول وغيره هل هم سودانيين ام لا؟ مثلاً ابرهه الحبشي الذي حاول هدم الكعبه وغيره كثير من الاشرار – يعني الزول الكويس طوالي يتصلبطوا فيه يقول هذا سوداني والزول البطال يعملوا نايمين بخصوصه. وهذا دليل على الدروشه وعدم الاعتداد بالنفس اذ كلما رأى امثال هؤلاء شخصا اصاب شيئا من النجاح تراهم يتسابقون الى نسبته اليهم بدون وجه حق او استحياء لا من الله الذي خلق الجميع ولا من الشخص المتصلبط فيه ولا من الناس…
سودان دولة بلا هوية ..لا هم لامين في العرب ولا في الافارقة ..تاريخ الشودان مزيف ..تاريج خزعبلات .
والله الذي لا اله الا هو الذي يصدق هذا الهراء لا عقل له وانا اقول لماذا لم يكن نسبة من غير ناس المهدي ولماذا اختارو المهدي وهل اوباما يشبه عائلة المهدي ولا دي سيطرة علي عقول السودانيين بعد ماسيطرو علينا في السياسة ملاييين السنين عايزين تسيطرو علينا عقليا لا يوجد علاقة بين اوباما والسودان في اي صلة هو افريقي الاصل نعم وحتي لو كان امه سودانية عديل السياسة الامريكية لاعلاقة لها في نسب الرئيس هي سياسة معروفة من ملاييين السنيين يتحكم فيها المصالح والامن الامريكي والامن الاسرائيلي لا تفضحو نفسكم يهينكم الغرب قبل السودانييين
أوباما طلع سودانى؟؟ خليه يمشى القنصلية السودانية فى واشنطن عشان يستخرج جواز بعد أن يدفع كل الرسوم بما فيه الزكاة ودمغة الجريح والفضائية السودانية وبعدين ياخد ليهو جلدتيت تلاتة لزوم تجديده العقوبات على السودان.
كدى يا حاج خلينا من باراك اوباما.. وشوف لينا عصابة الابالسة دى نسبها جايي من اي مجرة ومن اي كواكب؟؟!!.. طبعاً اكيد ما بشر زيينا كده بشهادة غندورهم لما قال منتسبينا من طينة تانية خالص.. اول مرة اعرف انو فى خلق هجين من طينة تشبه البشر ونار السموم بتاعة ابليس وقبيله..
اعتقد ان الباحثين السودانيين وقعوا في أخطاء تاريخية فادحة اثناء تدوينهم للمذكرات التاريخ السوداني واولا اسرة المهدي ليس لها ارتباط ما يسمى بالاشراف كما يدعي السودانيين في قاموس السودان السودان لان اسرة المهدي هي اسرة محترمة حكمة السودان زكان لها دورا بارزا في فترة من الفترات الزمنية بالرغم انها سكنت اقصى الشمال مع الدناقلة ولكنها تنتمى الى قبيلة معينة وكذلك ارتباطها بدارفور من ناحية السيدة مقبولة ياتي من قبل البيقو وهم كانوا احد سلطنات دارفور المعروفة الداجو والتنجر ثم الفور والبيقو ودار تاما ودار مساليت المشهورة
وكما كان للسلطنة البيقو تأثير اجتماعي وديني على اهالي شمال بحر الغزال منطقة الفرتيت وكما كانت تنتمى اليهم عشيرة النقلوقلي
احمد دياب لسه فى حالو ده
حتى أوبا ما داير تسوى من ناس المهدى
أهم حاجة في الخرمجة دي انو المهدي طلع كيني .يلا السيد الصادق لملم أوﻻدك وبناتك واتخارج علي نيروبي قديتونا قد وكرهتونا السودان
وأيضاَقالوا أن الكاتب االبريطاني الشهير “شكسبير” هو سوداني الأصل وكان إسمه “شيخ أبكر” يعني بلهجة أهلنا الزغاوة “شيخ أبير”.
الأمة السودانيّة من الحضارة إلى البداوة!
دا كلو ما بيجيب مريسة التامزينو . أوباما سودانى ما سودانى العقوبات الأميركية ما حايشطبوها الأميركان . شوف ليكم شغلة تانية .
واللهيامجروش انا بثنى على كلامك خلاص يلملم اطرافه ويفكنا بلا قرف لعل الامر ينعدل ياريت كمان يشوف لينا الباقين من وين
اهم حاجة في المقال/الخزعبلات دي أنو طلع المهدي الكبير ما دنقلاوي وريحنا منو نحن من زمان شاكين في انو المهدي يكون دنقلاوي … الدناقلة تاجروا في الناس والعاج وريش النعام وكل شيء غلط ولا صاح، حلال ولا حرام، لكن ما كان فيهم واحد مهووس ولا تاجر دين إلا مدعي المهدية داك، والحمد لله المقال ده فكانا منو
ضحكت لما دموعي سالت,, لك التحية يا بروف وللصحفية….. هذه الخرمجة توضح اصبحنا عرب!!!
بالله فكونا من التمسح بتاعكم ده قال اوباما سوداني و قبلها نتينياهو و غيرد
يا جماعة و الله التمسح في الناس ده سبب ضياعنا و بعدين اسنادات تاريخية ضعيفة جدا
البحصل ده بيعكس واقع الضياع و عدم احترام الذات السودانية كد وروني من من شعوب العالم بستعر من جنسو غير السودانيين
زي ما بقولوا نحن و الله جدنا العباس و جدنا الزبير بن العوام و غلام الدين بن عايد و نقة فارقة زي دي
طيب يا اولاد العباس و ابو هاشم عم الرسول ابو لهب ده ما عندو احفاد ما كان مزواج و له احفاد كثر
بالله اصحوا من امراضكم النفسية دي
سليل المتصلبتين
مونتري- كليفورنيا
توجد روايات كثيرة والله اعلم ..
كما قرات ان اصل سيدنا موسى حلفاوي
عندما القته امه فى اليم فى منطقة حلفا وهو متجه الى الشمال لبيت فرعون قالوا الحلفاويين
( ويا انولتا مونسا ) يعنى مونسا باللغة الحلفاوية الولد الذي رفضه اهله ..
وعندما وصل القصر سالو من هذا قالو مونسا ولان فرعون لايجيد النوبية قال ان اسمه موسى والله اعلم .
وايضاً سمعت روايات بان السيدة هاجر نوبية ..
ودليلهم عندما خرجت المياه من الارض لسقى ابنها خافت بان تصبح سيلا وحاولت ان توقف المياه المندفعة وتقول لها ( سم سم ) باللغة النوبية يعنى ا ( توقفى توقفى .. بالاشارة للمياه لكى تتوقف ) والان هذه المياه فى الحرم المكى اسمها زم زم .. يعنى سم سم مع مرور الزمن اصبحت زم زم ..
السودانيون اصل البشرية وسيكشف العلم ذلك قريبا
بروف دياب خليك من أصول اوباما الفرد شوف لينا أصول العنج, فالمعروف أنهم لعبوا دور كبير في تاريخ السودان ولكن لم يستقر علماء التاريخ علي تحديد أصولهم.
كدا الصادق المهدي طلع كيني ما يحق ليهو يحكم السودان هههههها والله محن
اوباما بجاوي مسمي علي جدنا اوهاج ولد اماديدي امديدي جاب اوكير الولد اوهسين اوهسين هاجر كينيا بعد كتل ودعمو اوميك واتزوج الأمريكية وولد اوباما وسماه علي جدو الكبير اوباما
ههههههه .. اها ما عندكم علاقة بي الشيطان الرجيم يا بروف.
الأخ سامي ضحكتني ضحكة لم أجدها منذ زمن، لك الشكر!!!!
ينحدرالرئيس أوباما من عائله سلطانيه من دارفور ترجع من أصول نوباويه : تلفو وتلفو وتلفو وتجو راجعين للنوبه إلا الرئيس عمرالبشير من أصول الفولانى أو الفلاته وجده من البوير البلجيك يعنى مو عربى
انا لله وانا اليه راجعون
(انا لله وانا اليه راجعون
( لَنْ تَنْفَعَكُمْ أَرْحَامُكُمْ وَلَا أَوْلَادُكُمْ ۚ يَوْمَ الْقِيَامَةِ يَفْصِلُ بَيْنَكُمْ ۚ وَاللَّهُ بِمَا تَعْمَلُونَ بَصِيرٌ )
وقد قال النبي صلى الله عليه وسلم لابنته فاطمة انقذي نفسكِ من النار فاني لا اغني عنكِ من الله شياء
وايا كان الامر رئيسا اوغيرة ما دام انه لا ينفعك في اخرتك فلا شرفنا الله به ولا امثاله
فللجميع ان يكتب خيرا او يصمت ولمن ولي امرا من أمور المسلمين ان يتقي الله في في اداء هذه الامانه
وحسبنا الله ونعم الوكيل
عقد مابنقدر نتخلص منها يجب علينا الذهاب الي مستشار نفسي نعالج بهالفرحة المقتالةفينا وخوفنا من الغد بالتلحف بالسراااااب؟ هلانفيق من ثباتنا ونعمل علي التقدم ومن قواعدناببداية ماانتهي فيه الاخرون
يا محمد انا لم انظر انا تكلمت عن اشياء قراتها فى كتب ..
بيكانتو انا لم اقل السيدة هاجر حلفاوية بل قلت نوبية وان كلمة سم سم او سمى سمى حلفاوية وايضاً محسية وسكوداوية لان لغتنا واحدة .. ما تقولنى كلام ما قلتو .
ود العقبة ما لك يازول وعلاقة الاية بموضوعى شنو ان قلت اشيا قرات عنها هل هى حقيقة ولا تلفيق ؟؟
وارد لك ايضاً باية ..
وَأَوْحَيْنَا إِلَىٰ أُمِّ مُوسَىٰ أَنْ أَرْضِعِيهِ ۖ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ (7) صدق الله العظيم
ود العقبة هل تنكر بان اليم هو نهر النيل وهل تنكر بان النيل يجرى من الجنوب الى الشمال
فالعقل يقول بان الصندوق تحرك من اتجاه السودان الى مصر .
انا لله وانا اليه راجعون
(انا لله وانا اليه راجعون
( لَنْ تَنْفَعَكُمْ أَرْحَامُكُمْ وَلَا أَوْلَادُكُمْ ۚ يَوْمَ الْقِيَامَةِ يَفْصِلُ بَيْنَكُمْ ۚ وَاللَّهُ بِمَا تَعْمَلُونَ بَصِيرٌ )
وقد قال النبي صلى الله عليه وسلم لابنته فاطمة انقذي نفسكِ من النار فاني لا اغني عنكِ من الله شياء
وايا كان الامر رئيسا اوغيرة ما دام انه لا ينفعك في اخرتك فلا شرفنا الله به ولا امثاله
فللجميع ان يكتب خيرا او يصمت ولمن ولي امرا من أمور المسلمين ان يتقي الله في في اداء هذه الامانه
وحسبنا الله ونعم الوكيل
عقد مابنقدر نتخلص منها يجب علينا الذهاب الي مستشار نفسي نعالج بهالفرحة المقتالةفينا وخوفنا من الغد بالتلحف بالسراااااب؟ هلانفيق من ثباتنا ونعمل علي التقدم ومن قواعدناببداية ماانتهي فيه الاخرون
يا محمد انا لم انظر انا تكلمت عن اشياء قراتها فى كتب ..
بيكانتو انا لم اقل السيدة هاجر حلفاوية بل قلت نوبية وان كلمة سم سم او سمى سمى حلفاوية وايضاً محسية وسكوداوية لان لغتنا واحدة .. ما تقولنى كلام ما قلتو .
ود العقبة ما لك يازول وعلاقة الاية بموضوعى شنو ان قلت اشيا قرات عنها هل هى حقيقة ولا تلفيق ؟؟
وارد لك ايضاً باية ..
وَأَوْحَيْنَا إِلَىٰ أُمِّ مُوسَىٰ أَنْ أَرْضِعِيهِ ۖ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ (7) صدق الله العظيم
ود العقبة هل تنكر بان اليم هو نهر النيل وهل تنكر بان النيل يجرى من الجنوب الى الشمال
فالعقل يقول بان الصندوق تحرك من اتجاه السودان الى مصر .
عفوا ارجو التصحيح اللغوي وشكراً (( باحث ومخرف سوداني))
المطلوب الان —- ان تبحث لنا عن جذور الارجاس ….. مازلنا….حائرين …. عند تساؤل الاستاذ …. من اين اتى هؤلاء …. ؟؟؟؟؟؟؟؟؟؟؟؟؟
الحمد لله اصحاب العقول فى راحة الناس فى شنو وال0000000000000000000فى شنو؟؟؟؟؟؟
ايش ميفيد انو اوباما فوراوى وناتنياهو شايقى وهتلررباطابى ما فى ناس منسوب ليها انبياء من يعقوب وسليمان الى ابراهيم وخير البشر محمد ولانسمع منهم زى هبالتنا دى .
الصحابي الجليل بلال بن رباح نوبى الاصل وكانو يسمون بلال الحبشي يعنى بلال زو بشرة محروقة يعنى اسمر وكانوا يسمون المناطق من جنوب مصر حتي جنوباارض السودان(البشرة المحروقة)واسم بلال يعني بالنوبية عريس وحتي اليوم يغني في الاعراس (بلال يا بلال يويو جب بلال…… وكنت حافظ هزه الاغنية عن قريب) اما لقمان الحكيم المرحوم البرف عبد الله الطيب اعلن في بحثه انه نوبي له الرحمه. في النهاية كنا من آدم وآدم من تراب لا فرق بين عربي وعجمي الا بالتقوي والله اكبر فوق طاغي وجبارة والموت آت آت.
الصحابي الجليل بلال بن رباح نوبى الاصل وكانو يسمون بلال الحبشي يعنى بلال زو بشرة محروقة يعنى اسمر وكانوا يسمون المناطق من جنوب مصر حتي جنوباارض السودان(البشرة المحروقة)واسم بلال يعني بالنوبية عريس وحتي اليوم يغني في الاعراس (بلال يا بلال يويو جب بلال…… وكنت حافظ هزه الاغنية عن قريب) اما لقمان الحكيم المرحوم البرف عبد الله الطيب اعلن في بحثه انه نوبي له الرحمه. في النهاية كنا من آدم وآدم من تراب لا فرق بين عربي وعجمي الا بالتقوي والله اكبر فوق طاغي وجبارة والموت آت آت.
هههههههههه….اوباما , اوهاح, اوشيك كلنا اولاد خالات