البشير يصدر مرسوما جمهوريا بتعيين ولاة للولايات

جابوا لولاية الخرطوم حرامي ولولاية الجزيرة أكبر حرامي

هذا وقد علق والي الخرطوم قائلا…..

الخريف جانا فجأه المطره صبت والدنيا كانت ليل والبتاع لقي المجاري مقفوله قام غير اتجاهو وكسر البتاعات

هههههههههههها وين اخونا الكضاب بل الدجال كبر من التشكيل الوزاري والولائي ولا حتي مساعد حلة للرئيس والله بالغتة فيه يا السيد الريس ما قولنا ليك موسي هلال جاء للخرطوم في الوقت المناسب وين البغ وطول اللسان في حلقتك مع احمد البلال ما قولته بملء فمك انا لو اترشحته ثاني للولاية حنفوز بس نقول ليك الحس كووووووووووووووووعك وردد الكلمات التالية دموعي سالت والمنام ابي لي يا سيدي الريس . لكن الريس قال المره الولاه يتم تعيينهم يعني ما في خج ورشاوى وسوق المواسير السنه ده مافي يا كبر

وما بال دارفور تشظت إلي خمس ولايات

مبروك لناس القضارف بالرجل الصالح ميرغني صالح ….. خسارة للشماليه فقدان هذا الرجل

هي الجزيرة من زمااان ماسكنها الحرامية وماخلو فيها حاجة ,, على الاقل إيلا يأكل
ويأكلوا معاهو ناس الجزيرة مستفيدين من تعبيد الطرق وتنظيم مدني لتكون من اجمل المدن سياحيا وثقافيا واحياء المصانع والمؤسسات المركونة

عبد الرحيم محمد حصان (والشهير بابو رياله)واليا لولاية الخرطوم (سجمكم وسجم أبهاتكم ياناس الخرطوم!!) وده الكان ناقصكم يجيبو ليكم والى مابيعرف معالم وتضاريس الخرطوم وشوفتو ليها لما جاها بشنطة الحديد من الشماليه !!.

نحن في الجزيرة بنرحب بايلا…. حرامي ما حرامي دا ما شغلنها …. المهم الراجل بتاع انجازات وبتاع شغل …. خليه ياكل النص ويشتغل لينا بالنص التاني أحسمن مما نكون طوالي طالعين ملوص

خوفي ان يعطي اللمبي احياء خرطومية باكملها لاولاد بمبة المصريين ,, انسيتم مقولته الشهيرة عن تحسين النسل بالزواج من المصريات !

حيكومات تجي وحيكومات تغور
تحكم بالحجي والدجل والكجور

اللهم لا تولي علينا من لا يخافك ولا يرحمنا

عبد الرحيم حيكنس الخرطوم زيما كنس التمردبختكم ياناس الخرطوم العشوئيات حتنتهى قريب انشاء الله وكل واحد يرجع بشنطة الحديد لبلدو وسلامتكم

الاول شم عفطة (زرطة) والثاني قال ليهو اوف

بصراحة تجدني أكثر سعادة ليس بالوزراء أو الولاة ولكن لم اسمع باسم الطفل المعجزة في أي قائمة من القوائم. الحمد لله ربنا استجاب لدعواتي طوال 15 سنة. والود ده المفروض ما يشمي كده بس لازم يحاسب على كل مليم صرفها في حله وترحاله والمؤتمرات التي ما ان ينفض واحد الا ويتم الاعداد للذي يليه دون أن نري دولار تم استثماره. لقد بدد اموال الشعب السوداني وحلق بهم في الفضاء ردحا من الزمن يحجيهم ويمنيهم بالاستثمار وفي النهاية الحصيلة صفر. طيب البشير أقسم بالله ويده في المصحف أن يعمل لمصلحة الوطن والمواطن كيف يرد على رب العزة والجلال يوم لا ينفع مال وبنون عندما يسأله عن الأموال التي بدها المدعو مصطفى اسماعيل بماذا تراك ردا ياريس. فالتبدأ محاربة الفساد بمساءلة هذا المجرم أولا وثم ليسألن عن جامعة أو كلية الرازي من هم صاحبيها ومن أين لهم هذه الأموال.
الحمد لله أنو الواحد ما حيشوف مصطفى اسماعيل على ألقل مش كل يوم دي براه فائدة من فوائد الانتخابات يا جماعة مش كفابة انكم ما حتشوفوا الطفل المعجزة.

إلى عزمي خالد ووادي الزكريات

هذه الراكوبة لا تحتمل مثل هذا الحديث الخائب البايخ… لو كانت الرجال تقاس بالأعمال فدونكم إيلا ماذا تأخذون عليه في هذا الجانب أما إذلا كان الموضوع تصفية حسابات وتنفيس عن رغبات مكبوتة فأرجو أن تشرفوا مكاناً آخر بمثل هذا الحديث الأجوف.. لقد ظل أبناء الجزيرة يولى عليهمطوال السنين الفائتة والجزيرة تتدهور من سيء إلى أسوأ إن إيلا لا يقاس بأي شخص آخر في مجال الإنجازات ولا يستطيع إلا مكابر لا مكان له بيننا أن يقول فيه إلا مدحاً كنا نتمنى أن يكون إلا للخرطوم لكن شاء حظ الجزيرة أن تحظى به حرامي ما حرامي المهم البلد يحدث فيها إصلاح وبالمناسبة لقد قضى إيلا على المحسوبية والسرقة والروتين في ولاية البحر الأحمر لذا تقدمت والظاهر انتو خايفين يا تكونوا سماسرة خايفين من قطع عيشكم يا انتو الحرامييييييييييييييييييييييييييييييييييية

عبد الرحيم محمد حسين والي الخرطوم بالنظر ، تاني تركبو مواصلات بالنظر و شوارع بالنظر و كباري بالنظر و اييييييك حتبقى عاصمة النظر.

المهم يا اخوانا نسيتو كسلا درة الشرق التملت بالاجانب من كل نواحيها الوالى الجديد عايز يعمل فيها شنو ورايو شنو فى الاجانب الاستلمو كل شى فى قفلة من أهلها وأهل السودان عامة .

يا اخوانه مصيبتكم بقت مصيبتين زمان تخافو من الامطار تغرق الخرطوم تانى لو الامطار ما جات ريالة عبد الرحيم حتغرقكم انتبهو ياناس هوى

محمد طاهر ايلا والى الجزيره
بدر الدين محمود وزيرالماليه
باقى الوزراء شيلوهم ودوهم البحر.؟

فى النهايه كيزان تابعين لحزب الشيطان.

طبعا يا جماعة الخير عبدالرحمن حسين دا لو ما كان وزيردفاع والآن اصبح واليا على الخرطوم لكان مغنربا وحامل كمشة او صحن في رأسه او سفرجي لان شكله بدل على تلك المهنة .

ولله في خلقه شئون.

كنا دايرين ايلا للخرطوم!!!
يمكن بلاويها تقوم!!!
يسرق ربعه ويكنس بالباقي وسيخ الشوم!!!
ويودي ستات الشاي للسوق مش كل شجرةو فيها طبيق ولحوم!!!
يخليها عاصمة لو مرة فيها رئيسنا بنوم!!!
مش كوشة وطرق مكسره ساكنه حتي البوم!!!!!
لكن نقول يمكن يلحق الجزيرة ومشروعه العليهو الرك في بلد مأزوم!!!!
ونحنه لينا الله في عاصمة ولاية الشوم!!
يدوها لسمسار اللمبي يكمل خرابه بعد خدير البوم!!!!
وياحجه هدية شغليهو سواق لو ماديراهو يفارق وليدك يوم!!

الحمدلله ايلا طار مننا وياناس الجزيره الله يديكم الصبر بس

ولاية الخرطوم (بالنظر) غايتو يا دوب خربوا ولاية الخرطوم خراب صح؟

مبروك للاهل الجزيرة ومدني خاصة نرجوا منكم الوقوف خلف هذا الرجل لعله يعيد للجزيرة بعض ما ذهب منها ولا تهتموا من اي حزبا هو الرجل عملي والولاية محتاجة لمثله

لا تحلموا بعالم سعيد
الإنقاذ ههي الإنقاذ
يتبدل الأشخاص والسياسات هي السياسات
والحمد لله الذي أذهب عنا أحمد عباس وعافنا

بسم الله رب الكادحين
باسمك الهى رب العالمين
رب العلا امنحنا حلم الصابرين
واجعلنا رغم الظالمين من الهداة المتقين
واجعل غزاتنا المارقين السارقين
فى سعير لظى اعددتها للكافرين
واجعل عبيدك التائبين فى جنات عدن امنين

ربى عليك بهم المرجفين
الخائنين البائسين السلال اصحاب الانين
اللهم اجعلهم اصحاب الشمال و اجعلنا اصحاب اليمين

ياجماعة الشنبلى يمشى من النيل الابيض ساى البركة فى لبعة استاذة مشاعر بالشبشب دا طلع … ام كوستى ودمرا باع الاراضى واشتروها اهلو

طيب والى الخرطوم الحرامي الكبير المخلوع اسمو ما ظهر ودوهو وين؟؟

انس عمر لو كان الاهبل بتاع الاركان داك تكون كارثه ولا اسم علي اسم يا شباب

الرابح الوحيد من هذا الشكة هو موسى هلال الذي تمكن من فرض شروطة على النحو الاتي:
1. ازاحة عدوءه اللدود عثمان كبر من سدة الحكم في ولاية شمال دارفور بل ابعده من الواجهة الساسية السودانية ككل وربما الى مزبلة التاريخ
2.فرض عدد ثلاثة ولاة وليات من عشيرتة (الرزيقات ) وهم والي غرب كرفان بركة ووالي النيل الابيض كاشا ووالي كسلا ادم جماع
3. ابقي على ابن عمة حسبو في منصب نائب الرئيس
4. سر ابقاء وزارة الدفاع بدون تعيين وزير اصيل انما وزير بالوكالة ربما لم يكن مفجاة اذا تم تعيين هلال او احد اقاربة في هذا المنصب والايام حبلى بالكشف عن سر وراء تاخير تعيين وزير لاهم وزارة بالدولة

يا اهل السودان اعلموا انكم دخلتم لعهد جديد وهو عهد الجنجويد والله يكون في عونكم

العصر الجنجويدي تلاتة ولاة ونائب رئيس وعدد كبير من وزراء الدولة والله مبالغة

هاكم دي لكن قبلها اقول لناس ولاية الخرطوم الله يستر عليكم من الليمبي ..؟؟؟

ﻣﺴﻄﻮﻝ …ﺳﺄﻟﻮﻫﻮ ﻋﻦ
ﺣﺎﻟﺔ ﺍﻟﺴﻮﺩﺍﻥ .. ﺳﺤﺐ ﻧﻔﺲ
ﻣﻦ
ﺳﺠﺎﺭﺗﻪ .. ﻭﺣﻚ ﺭﺃﺳﻪ. ﺛﻢ ..
ﻗﺎﻝ ….
ﻭﺍﻟﻠﻪ ﺍﻟﺴﻮﺩﺍﻥ ﺯﻱ ﺍﻟﺒﺺ ﻟﻤﺎ
ﺍﻻﻧﺠﻠﻴﺰ ﻃﻠﻌﻮﺍ ﺳﻠﻤﻮﻩ
ﻟﻴﻨﺎ
ﺟﺪﻳﺪ ﻟﻨﺞ ﺑﻌﺪﻫﻢ ﺟﺎﺀ
ﺍﻻﺯﻫﺮﻱ ﻭﻋﺒﺪﺍﻟﻠﻪ ﺧﻠﻴﻞ
ﺩﻋﻜﻮﻩ
ﺷﻮﻳﺔ ..
ﻭﺟﺎﺀ ﻋﺒﻮﺩ ﺩﺷﺪﺷﻪ ﺷﻮﻳﺔ
ﻭﺟﺎﺕ ﺍﻻﺣﺰﺍﺏ ﻣﺎ ﺳﺎﻗﺘﻮ
ﻛﺘﻴﺮ …
ﻧﻂ ﻓﻴﻪ ﻧﻤﻴﺮﻱ ﺍﺩﺍﻩ ﻗﻠﺒﺔ
ﻗﻠﺒﺘﻴﻦ ﻭﻛﺴﺮ ﻗﺰﺍﺯﻩ
ﻭﻋﻄﻠﻮ
ﻣﻦ ﺍﻟﺤﺮﻛﺔ ..
ﻭﺟﺎﺕ ﺍﻻﺣﺰﺍﺏ ﻭﻗﻔﺘﻮ ﻋﻠﻲ
ﻋﺠﻞ ﺍﻟﺤﺪﻳﺪ ﻟﺤﺪﻱ ﻣﺎﺟﺎﺕ
ﺍﻻﻧﻘﺎﺫ ..
ﻓﺴﻤﻜﺮﺕ ﺍﻟﺒﺺ ﻭﻋﻤﻠﺖ ﻟﻴﻪ
ﺻﻴﺎﻧﺔ
ﻭﺿﺮﺑﺘﻪ ﺑﻮﻫﻴﺔ ﻟﺤﺪﻱ ﻣﺎ
ﺑﻘﻲ ﺟﺎﻫﺰ
ﻟﻠﺴﻮﺍﻗﺔ …
ﺭﻛﺐ ﻋﻤﻚ ﺍﻟﺒﺸﻴﺮ ﻭﺩﻕ ﺑﻴﻪ
ﺧﻠﻒ ……. ﻟﻲ ﻳﻮﻡ
ﺍﻟﻠﻴﻠﺔ
ﺍﻟﺒﺺ ﻣﺎﺷﻰ ﺧﻠﻒ …… ﺗﺎﻧﻰ
ﻣﺎ ﻗﺪﺭ ﻳﻌﺸﻘﻮ ﻟﻲ
ﻗﺪﺍﻡ

لقد ربح الرئيس معركته مع ماتبقى من المؤتمر الوطني..بتجريد المؤتمر الوطني صاحب المشروع الحضاري من معظم مناصب الولاه ..يعنى انه اصبح فى مرتبة اعلى شوية من احزاب الفكة ..من ابرز مهام الولاه فى الفترة السابقة تمكين الحزب من مفاصل الدولة وتنقيذ البرامج الهلامية ( الرحلة الى الله ..المشروع الحضارى…الليالي الجهادية …شغل التعبئة والتنظيم )…..وعندما يتم تعين صديق واظنه عديل وزير دفاعه والى على عاصمة الخلافة وقلب السودان النابض..يعنى خسارة المؤتمر الوطنى لاهم الولايات حيث انو عبد الرحيم ليست عضو فى المؤتمر الوطني وليس له اي ايلتزام على الحزب ….الايام القادمة سوف تكشف النسبة الحقيقة لتمثيل المؤتمر الوطني فى الحاكومة ….اذا كانت هذه النسبة اقل من 30% فهنالك احتمالان 1/ ان يكون الرئيس عاوز انفرد بالقرارت والراي دون مشاركة المؤتمر الوطنى 2/ ان يكون عاوز اقدم غرابين لعلاقات جديدة موثوقة مع الخليج ومصر والغرب …وفى هذه الحالة احتمال ان يدفع الرئيس بعض القيادات القديمة دفع لارتكاب اخطاء تؤدى الى محاكمتهم امام القضاءالعسكرى….وفى حالة عدم استجابتهم للاستفزاز سوف يحرك ملفات الفسادومن ثم محاكمات جنائية (سيك سيك معلق فيك)…….اتوقع من عبد الرحيم محمد حسين الاتى:-
1/ اقالة معظم قادة المؤتمر الوطنى في حاكومة الولاية
2/تعين صلاح الدين كرار نائبا له

حكومة مجرمي الحرب

الراكوبة دى منبر حر لايتاح لأى شعب فى العالم أن يجد مثيلا له ليعبر صراحة بإسمه أو بإمس مستعار
أنا أكاد أكون قد قرأت كل التعليقات أعلاه جلها أن لم يكن كلها نبذ وكلام فارغ وأسماء مستعارة
ياجماعة نحن ربنا أقتضت أرادته أن يحكمنا هؤلاء النفر مهما كان رأينا الخاص فيهم
لدينا ولايات وهذه الولايات لها مشكلاتها ومشكلاتها لها حلول والحلول تحتاج لترتيب أولويات وأموال تنفق فى مصارف بعينها
أفضل أن يكون حديثكم بدلا الشتائم والسباب ينحصر فيما تودون أن ترونه وهؤلاء الولاة بشر عاديين أغلبهم لا يفقهون الفرق بين الماء الأزرق والماء الأسود والماء الرمادى
أهو منصب عرض عليهم قبلوه حتى لا يقعدوا عطاله وهؤلاء الوزراء أمضوا 26 سنة فى مهنة وزير وليس لديهم مهنة سواه لذا ماعرض عليهم قبلوه حتى لو كانت وزير دولة فى الثروة الحيوانية والبشير لا يملك سوى هؤلاء لأنهم وزراء من قبل أن يكون ضمن أحزاب الفكة – بالمناسبة يا جماعة عبود جابر ما أدوهو وزارة
أقترح ناس كل ولاية يكتبوا لواليهم بمايريدون دون شتم أو سب او تجريح وأنتظروا سنة سنتين وبعدين أدخلوا على النقد والتجريح لو فعلا كان بيستحق
أهنىء سكان ولاية الخرطوم بالوالى الجديد وكلامى دا اليوم حتشوفه مر وما بيتبلع لكن خلال شهور قليلة سوف تلحظون الفرق
الخطأ الذى وقع فيه صديقنا سابقا عبد الرحيم محمد حسين انه أستلم ولاية الخرطوم من اسوأ والى خلقه الله أسمه عبد الرحمن الخضر البيطرى صاحب مشروع تسمين سوبا والخريف باقى عليه اسابيع
أخطأ هذا الخريف لا يتحملها عبد الرحيم وسنحكم عليه من خريف 2016م
وياخبر بفلوس بكره ببلاش

الجماعة ديل اذكياء وهكذا خراجو من الحكم بكل بساطة لانو كلهم في قائمة الارهاب عشان ما يورطو بعضهم .. معقول كد ببساطة خضر يمشي الشارع ؟؟

ولاة السفاح وطوال تاريخة المشين فى السلطة عرفوا بالفساد والفشل وتدمير المشاريع الإنتاجية وفى بعض الولايات كانوا السبب الرئيسى فى إندلاع الحروب والنزاعات بين القبائل حتى أولئك المتفق عليهم بأفعالهم التنموية الوهمية أمثال إيلا إتجهوا لجيب المواطن الغلبان لبهرجة الشوارع والفنادق لتسر أعين الأغنياء والسواح ويجد حظه من التسهيلات والشراكات لصالحه وصالح أبناءه ومن أتبعهم بإذلال وإنكسار الخلاص فى طمس هذه الحقبة القمئية ورمى قادتها فى مزابل الهالكين وإلا سنظل كالأملاك يتوارثونا فاسد عن فاسد ..

زمان كانت 9 وايات بما فيها ثلاثه ولايات جنوبيه الاستوائيه واعالى النيل وبحر الغزال وحدود ولايه النيل الازرق تشمل سنار والدمازين وحتى الكرمك وكان شعارها السمبريه وولايه الخرطوم راس الفيل والولايه الشماليه ثلاثه نخلات والتبلديه والان تضاعف العدد الى 18 ولايه وعلى راسها 18 والى بدون الولايات الجنوبيه المنفصل عن السودان

والسؤال لماذا 18 ولايه لدوله منهاره اقتصديا ولماذا هذا التقسيم الغير منطقى اليست مدينه شندى تابعه للولايه الشماليه حتى دنقلا نقول ده ولايه بدل ولايتين ولايه نهر النيل والشماليه وولايه الخرطوم من حدود مدينه شندى جنوبا حتى الباقير ولايه الخرطوم وتبدا حدود ولايه الجزيره من منطقه الباقير حتى الكرمك جنوبا وولايه البحر الاحمر من القضارف وحتى بورتسودان وولايه دارفور والتى قسمت الى شمال وجنوب وغرب وشرق وغرب لماذا كل هذا هل هى مناصب وولاه ووزراء

ويفترض الى يقسم السودان كسابق عهده الى 6 ولايات فقط وما يتقاضاه الولاه ووزراء الولايات هل الشعب اولى بالانفاق الحكومى البزخى

السودان فى الوقت الحاضر فى حاجه لحكومه اتحاديه تدير شئون البلاد من اقصاها الى اقصاها

واصبح التشكيل الوزارى فى السودان شبيه بسباق التبادل من الزراء الولائيين الى الولاه الى الحكومه الاتحاديه

طيب حتى يتحقق الامن والامان فى العاصمه كل وزير اتحادى يمارس عمله فى تخصص وزارته وزير الثروه الحيوانيه تكون فى دارفور ووزاره الزراعه فى الجزيره ووزاره التعديل فى الشماليه بس خلوا لينا الخارجيه والداخليه والماليه فى الخرطوم وتوزع باقلى الوزارات فى الاقاليم على الاقل الواحد يلقى ليه مقعد فى المواصلات وينوم فى الحوش مطمئن وامن ويلقى ليه عيشه يسد بها جوعه

ويالريس كفايه 25 سنه لم تستطيع تقديم 10% مما وعدت والخمسه الجايه دى يافيها يافى الجراب

اختيار الاخ ابوقاسم الامين بركة لولاية غرب كردفان اعتقد انه اختيار موفق .
وهو اتى من حاضرة غرب دارفور الجنينة وتعتبر مدينة النهود التوئم لهامن حيث البيئةوالفولة من حيث المكون البشرى الرعوى والزراعى والاهم الحوكيروالتى تعاظمت اهميتها بعد انفصال الجنوب وظهور البترول والتعويضات التى حولت الحوا
كيير من المنفعة العامة الى الخاصة واصبحت بطون القبيلة الواحدة تقتتل فبالحكمةيرتق النسيج الاجتماعى وبالتنمية تقل النزاعات وبالحزم يلجم المتفلتين وكردفان 95% ليس بسياسيين فابلحكم الرشيد تسهل مهمة التكليف ونتمنى لك بتكويين حكومة ديناميكيةتارة بالفول ومرة بالنهود وتارة ببابنوسة
ولاتنسى الولايات الحدودية وفى طريق يسمى طريق الوحل وهو تجزئة القبائل الى بطون وافخاذ وتسميتها امارات فتصبح النزاعات فى تشظى دائم وكوارثها تصبح متوالية هندسية ونتمنى من الله ان تكون الخطة واضحة ولفترة زمنية محددة ويساهم فيها المركز والمواطن كليهما واهم شئ بعد الصحة والتعليم هو التخطيط الهيكلى للمدن وعدم التعدى على المياديين والمنتزهات حتى لاتصبح المدن كبيت الكبريت فنرحب بك فى دارحمر ودار بقارةوجميع ربوع كردفان الغرة

أجمل خبر: هبوط (الفريق) عبدالرحيم أبوريالة من دوري (ود الحاجة هدية) الممتاز لدور (الأخرطوم) مكرر للترضية!! .. عقبال الليق يا عواليق!!.

نرحب ترحيبا حارا بامير الشرق محمد طاهر ايلا في ارض المحنة وقلب الوطن النابض ونتمني ان يكون عند حسن ظننا به وينقل الجزيرة وحاضرتها ود مدني الي افاق المستقبل – طيلة عهد الانقاذ لم يولي علي الجزيرة الا اشباه الرجال . لذلك مهمة الرجل صعبة ولكن ما عرفناه عن الرجل وانجازته في بوابة الشرق يجعلنا نتعشم ونتوسم فيه الخير فنريد طفرة اقتصادية وثقافية وجمالية بقري ومدن الولاية وحاضرتها كما نتمني من اهل الجزيرة ان يقفوا مع الرجل لتحقيق الطفرة المرجوة .

ينعل دينهم زاتو .
متين السودانا يخلص من فيروسات ديل
قتلوا مستقبل السودان ، الله لا يجب امثالهم.

سكة النظر ….
عبد الرحيم ما خطر ….
من الدفاع للمطر ….

الف مبروك لناس الخرطوم بتعيين لفريق اول ركن مهندس عبد الرحيم محمد حسين واليا لولاية الخرطوم. اختيار صادف اهله. نصيحة لناس الخرتوم: جهزوا المراكب. ايضا تجنبوا المشي في اي طريق سلكه الوالي بعد نزول المطر لأن الارض بعد مروره ستكون زلقة جدا جدا بسبب اختلاط الماء بالافرازات الطبيعية

هم موجودين في الحكومة من زمان عملوا شنو تبديل مواقع فقط ولعبة كراسي ماأكتر أو أقل .

واحد مسطول قالو ليهو عبدالرحيم محمد حسين٬ وزير الدفاع بالنظر٬ عينوهو والي لولاية الخرطوم٠
المسطول قاليهم: والله ده ذي الولد البال في سريرو قامو قلبو ليهو المرتبة٠

يا ايلا عليك الله ما تخذل ناس الجزيرة الطيبين رحبوا بك فى تعليقاتهم فكن عند حسن ظنهم

الخرطوم جاها البدمرها تمام ابوريالة دمر جيش السودان وشتته في كل الاصقاع ما يدمر الخرطوم الوسخانة الاصلها مدمرة واوسخ مدن العالم بلا منازع ، يا اخي لسع الناس المارة تبول في قارعة الطريق نساء ورجالا وشبابا واطفالنا دي بلد حاكميها اجهل من مشى على الارض حتى الجدد طبعا ديل معظمهم آتون من فقر مدقع وسترى ح يغنو انفسهم كيف وفي فترة قصيرة جدا .

وعلى الحكومة ان تسجل لكل الوزراء الجدد ابراء ذمة قبل كل شيء .

غايتو يا ناس الراكوبة الله يجازيكم في إختيار الصورتين هههههههههههه
واحد ابله طبيعي خلقة ربك ….والتاني خاشي غلط من الاول ….بالله عاين زمومة الشلاليف ) بس حاجة عوضية الوداعية ههههههه.
فضحتونا وشرطتو عينا …..

مساكين أهلنا في الولاية الشمالية – وقعوا وقعة شينة ربنا يعينهم – الوالى الجديد/ علي العوض محمد موسى – ده بصراحة شديدة ( لايربط ولايفك ) ساط ولاية كسلا من وزارة الى أخرى / من قامت الانقاذ ) ( وزير للتربية والتعليم – وزير للرعاية الاجتماعية – وزير للمالية / اخر منصب ) ومن وزير مالية الى والى للشمالية ( يا أهلنا في الشمالية شوفوا ليكم حل قبل أن يقع الفاس في الراس )ودي نصيحة غالية .. وانتم اصحاب المصلحة ( وأهل مكة أدرى بشعابها ) .

يا جماعة اناء ما كوز ولا جك بس اثق تماما” في المهندس ميرغني صالح رجل صالح وتقي ونظيف جدا كنت اتمني ان يكون والي للشمالية

مرحب والله بالمهندس الهميم محمد طاهر إيلا..
وهذه روشته:
هم يا الفنجري..
يا الجرف الصبور..
لا بابور وصل..
لا خلخال يدور..
****
القنوات وسخ..
والطمي والكسور..
حواشات حالها كُر..
مرات عطش ومرات تبور..
***
فى ناس حالها زين..
تزرع جناين يجيبن دخول..
ناساً لا عيوش ولا حتى فول..
شايفين وهس ما تقدر تقول..
***

إيلا يا ناس مدنى حيجيب ليكم مصانعه حقت الانترلوك وحيملاكم انترلوك , بس الحمد لله ما عندنا فى مدنى حبش كتيرين ,,

موسى هلال على طريقة حميدتي
فلان نقول شيلوه معناه شيلوه فلان نقول سيبوه معناه سيبوه
وصلك خطاب الشكر يا ( كبر ) و لا لسع ؟

والله المحيرني .. ناس شمال كردفان الجابرهم على احمد هارون شنو .. عمل شنو الراجل لسع الولاية الموية ما عندها بس إعلام وكلام .. بعدين حكاية ناس كردفان الغلبانيين عايزين احمد هارون والله دي كذبة .. الراجل لأنه سمته زي الطين ووشه كله مليان دم الغرابة في دارفور وجنوب كردفان عايزين يزينوا ويجملوا وجه في شمال كردفان ..

والله يستغرب ابناء ولاية شمال كردفان عندهم قروب في الفيس بوك كل وقتهم يداقعوا عن أحمد هارون … اللهم بدل خيراً منه

الخرطوم جابو ليها ابو بواسير في خشمو دا؟

التعيين بدلا عن الانتخابات ردة حضارية ونكسةاخلاقية واهانة للقضاء والدستور والاتفاقيات الموقعة وعدم احترام للشعب السوداني الفضل وحتما ستظهر نتائجها قريبا …عندما تقف الدولةتماما…..عرفنا الناس وينا الرؤية وينوالبرنامج العلمي والعملي البناسب العالم في سنة 2015

صاطوها ولخوها
وطلعت كده
ولا ادري ماهو لزوم18 ولاية و18 والى بحكوماتهم ومجالسهم التشريعية و60 وزارة بوزائها ووزراء الدولة .. السودان لايحتاج الى هذا الجيش العرمرم هذا .. فقط السودان يحتاج من 5 الى 6 اقاليم للحكم على الاكثر واقل من 15 وزارة وليس هذا العدد من العطالى الذين لو جمعتهم على بعضهم وعصرتهم لن يخرج لك منهم وزيرين بمعنى كلمة وزير .. ولكن هذا زمان فيه كل شئ ممكن وعليك قبوله .. الاموال اموال الشعب والشعب راضي وقنعان يتفرج على هذه المسرحيات السمجة بدون مبالاة
عموما الجماعة امامهم احتياطي 300 طن ذهب ليمارسوا فيها ما يمارسون ويكملون النهضة والبناء الذي لم يحققوه طيلة 26 عام .. والله اكبر .. وماهي للجاه والسلطة ودونها فلترق كل الدماء ..

بالله دى قداديم ولا قنيطة

طبعا كلو كلام فارق وظاهر انو كان بحصل بس شالو مصطفي و كرتي والمبي جابو والي وموسي هلال مشي كلامو وايلا جا لي ناس الجزيرة كداء يادوب الناس ح تعرف انو الزول بالجد كويس وبتاع شغل ولا حرامي ومافي جديد في الكيزان

عبد الواحد يوسف ابراهيم واليا لولاية شمال دارفور .

الفريق اول ركن مهندس عبد الرحيم محمد حسين واليا لولاية الخرطوم .

محمد طاهر ايلا واليا لولاية الجزيرة .

طبعا احمد هارون دا معاهو في نفس المركب ما بمشي حتة الي بشة يمشي

مافي ولاية ماكلة تبن وخشموا حيبقى ملح ملح الا الشمالية
يطلع مين (علي العوض محمد موسى)

ومبروك لناس مدني (محمد طاهر ايلا)

سودان محتاج لحول ديمقراطي كامل وسلام عادل شامل يا الكلكم رديتواعلي المقال انكشفتوا خلاص تاني ما فيكم واحد ينتقد المعارضه

والله يا ناس الشماليه وقعتو وما سميتو @على العوض دا مطعم ما يديرو @جنسو حلنقى بركه اصلن ما فيه@الله معاكم

اعتقد أن أول شيء سيبدأ به إيلا هو طريق الموت ارجو ذلك

لو ايلا ده قدر فتح الميجرات والترع الفرعيه وابو عشرينات لحد سوبا ….انا بخلى الوظيفه وبرجع امسك حواشة ابوى …يلا ياايلا ورينا الشغل كيف؟

على احمد حامد واليا لولاية البحر الاحمر
الزول دا جاي من ووين وشايت وين ، بطيخة مقفولة
الزول دا كوز ولا جك ولا تكنوقراط ، عاوزين نفهم بس
نسأل الله السلامة

وصلنا مدنى؟
وصلت يا كتاحة. والفى مرادك بتلقا وأسأل ودأبفسيخه والحاج سعيد
ما محظوظ ما حصلت زمن آدم شتيمه! الشباب بيقوموا بالواجب وحينسوك
مهرجان التسوق وحتلقا البتحلم بيهو يوماتى.

ووزير العدل بشارة دوسة وين ؟؟؟؟؟؟؟؟؟؟؟؟؟

بنرحب بي ايلا في ارض الخير ونسأل الله له التوفيق في مسيرته التنفيذيه ونتمنى ان تعود الولايه الى احسن ما كانت عليه ، اهم حاجه انجازته واااااااضحه في ولاية البحر الاحمر ،

ياقيردون ماتحمد ربك قالوا شنطه ولكن هي ماشنطه جاي شايل اغراضو في شوال تمر قديم وشنطة الحديد دي حقت الناس السودانيين الاصليين

لا حول ولا قوة الا بالله
يعنى ديل كلللللللللللللللللللللللهم تاااااااني نرجوهم خمسة سنوات ياكلوا

اختيار الاخ ابوقاسم الامين بركة لولاية غرب كردفان اعتقد انه اختيار موفق .
وهو اتى من حاضرة غرب دارفور الجنينة وتعتبر مدينة النهود التوئم لهامن حيث البيئةوالفولة من حيث المكون البشرى الرعوى والزراعى والاهم الحوكيروالتى تعاظمت اهميتها بعد انفصال الجنوب وظهور البترول والتعويضات التى حولت الحوا
كيير من المنفعة العامة الى الخاصة واصبحت بطون القبيلة الواحدة تقتتل فبالحكمةيرتق النسيج الاجتماعى وبالتنمية تقل النزاعات وبالحزم يلجم المتفلتين وكردفان 95% ليس بسياسيين فابلحكم الرشيد تسهل مهمة التكليف ونتمنى لك بتكويين حكومة ديناميكيةتارة بالفول ومرة بالنهود وتارة ببابنوسة
ولاتنسى الولايات الحدودية وفى طريق يسمى طريق الوحل وهو تجزئة القبائل الى بطون وافخاذ وتسميتها امارات فتصبح النزاعات فى تشظى دائم وكوارثها تصبح متوالية هندسية ونتمنى من الله ان تكون الخطة واضحة ولفترة زمنية محددة ويساهم فيها المركز والمواطن كليهما واهم شئ بعد الصحة والتعليم هو التخطيط الهيكلى للمدن وعدم التعدى على المياديين والمنتزهات حتى لاتصبح المدن كبيت الكبريت فنرحب بك فى دارحمر ودار بقارةوجميع ربوع كردفان الغرة

عبد الرحيم جابوهوا مخصوص لمكتب والى الخرطوم وحيدوهوا وقت كافى لغاية مايغطغط فضيحة مكتب الوالى ويدمدم جنازتها ال لى حسى دمها مابرد ..خاصة وإنه له نصيب الأسد فى إسنثمار عقار مكتب الوالى بعدين يرجعوهوا للدفاع بالنظر والله أعلم …

غايتو أحلى مافى التعديل الجديد ريحونا من الطفل المبتسر فى الإستثمار مصطفى شحادين وريحونا كمان من إشراقة جنجويد ياريت لو غيروا معاها قناة قلبك كنا إرتحنا …وفى النهاية هى حكومة كرتون شالوا كرتون وجابوا كرتون الله يكون فى عون الشعب السودانى…

يا جماعة بشير دا جنت ولا شنو ولاية وسط دار فور دي وين يا جماعة و دا كلو لقتل الناس والسرقة بتاعهم كل مرة يزيدو في الحرامية

ده وزير معانا الراجل ده

لك التحيه والتجله يا باشمهندس احمد عباس على كل الاعمال التى قمت بها وكل الانجازات التى عملتها لولاية سنار شكرا لك ولكل الذين عملوا معك فى الخفاء لرفعة ورفاهية انسان الولايه وربنا يجعل كل تلك الاعمال فى ميزان حسناتكم .

العزاء واحر العزاء للشرق الحبيب في هذا الفقد العظيم ايلا ماله ومال الجزيرة كان يعينوا ليها من اهلها ولا رجال الجزيرة انقرضوا

وين المتخلف والي سنار احمد عباس
وابخاره شنو

رد هلى القلم الحر

انت قلم ماجور مش حر ماذا فعل احمد عباس خريج الزراعة لولاية سنار .

فقر ودمار وتردى خدمات صحة وتعليم وطرق .

انسان سنار الخير هرب منها فى وجود هذا الشخص الفاشل .

هو فاضى من المعارك فى غير معترك .

يلا الضو الماحى ابعد الفسدة المفسدين وابدا .

الله يكضب الشينة ايلا اشتغل في بورسودان لانها بلدوا , فهل حيشتغل في الجزيرة ويخليها زي بورسودان؟؟؟
اذا فعلا اشتغل فيها الناس تهاجر من الخرطوم للجزيرة وتصبح العاصمة الجديدة