هجوم عنيف من الشرطة على سكان أمدوم بولاية الخرطوم واصابة العشرات
محمد أحمد علي عثمان
تعرض أهالي منطقة أمدوم بمحلية شرق النيل بولاية الخرطوم حاليا الجمعة بعد صلاة الجمعة لهجمة شرسة من قوات الشرطة بالسلاح الناري الحي ، والقنابل المهيجة للأعصاب والمسيلة للدموع والضرب بالهروات والعصي الكهربائية.
ووصل الأمر لإطلاق القنابل المهيجة للأعصاب والمسيلة للدموع للمواطنين في داخل منازلهم ، ونتيجة لذلك أصيب العشرات من بينهم أطفال وشيوخ ونساء إصابات بالغة.
وقد خرجت أمدوم عن بكرة أبيها لصد الهجوم التتري من الشرطة.
وقد خرج سكان أمدوم عقب صلاة الجمعة اليوم في وقفة احتجاجية سلمية للتنديد ببيع حكومة السودان لأراضيهم لمستثمرين عرب وخليجيين من بينهم رجل الأعمال السعودي الشيخ صالح كامل زوج الممثلة المصرية صفاء أبوالسعود التي تمتلك سلسلة فنادق روتانا السلام.
يارحمن ارحمنا برحمتك
والله ما ليهم حق ،،، كان يفترض بيهم يدوكم كوميشن !!! ولا القصة شنو ياخوانّا ؟ ما السودان كللو إتباع كانتو وين ؟
يا هؤلاء هبوا لنجدة أهالي أمدوم
لكل منظمات حقوق الانسان أنصفوا أهل أمدوم
وعلى المستثمرين العرب والخليجيين وعلى رأسهم الشيخ صالح كامل إعادة أراضي أمدوم لأهل أمدوم
قلوبنا معاكم يا ناس أمدوم
ان شاء الله منصورين
واللة ياناس العصابة دي لو ماشلتوها سريع سريع ماحتبقي لكم ارض في السودان الا وهي مبيوعة ,الناس ديل في اخر عمرهم وداير كل واحد منهم يقسم قسمتو بسرعة وبأي طريقة قبل ما الفاس يقع في الراس ,لو سكتنا عليهم اكثر من كدا , على السودان السلام و اللة يعين الحكومة الجاية ما حاتبدا من الصفر لكن من -50.
ألى كل أهلى بالمدن والقرى من أباء وأمهات وأخوان وأخوات , ألى منظمات المجتمع المدنى والشباب هيا هبوا مع أهليكم فى أم دوم وفى النيل الأزرق وجنوب كردفان ودارفور وفى الجزيرة وفى الشمال فكل شبر فى الوطن أصبح محتل بالقوة وتباع أراضيكم وبيوتكم وغدا تباع أمهاتنا وأخواتنا ونحن ملازمين الصمت فلنترك الرهب والخوف فالموت واحد ولكن الشرف والأرض والعرض أن لم ندافع عنهم فموتنا أحسن من حياتنا.هيا لنهب هبة رجل واحد ونقلع جزور هؤلاء اللصوص.لا لن نريد كلمة(من يقودنا)لأن هذه الكلمة هى السر الذى جعلهم يتشبسون بالسلطة,لا لن ننظر لقيادة من أى حزب ففينا من هم أبطال صدورهم عارية فداء للوطن وللثورة القادمة.هيا لنتحرك قبل أن يحكموا السيطرة حتى على أنفاسنا.
نحن قبيل شن قلنا قلنا الطير بياكلنا
معا لاسقاط عصابة الانجاس
طيب الحكومة ماعندها حاجة تمشي بيها حالها غير بيع اراضي المساكين ديل لكن الشعب يستاهل لانه ترك للحرامية والفاسدين ديل الحبل علي الغارب يجب ان تهب الثورات ضد نظام الفساد والفاسدين والله والله لم نترككم من غير حساب والله البموت قبل الثورة سوف ننبش قبره ونحاسبه عن ما اقترفت يداه من ظلم وتقتيل وفساد وسرقة ومافي كبير علي القانون من البشير الي الخفير البيان من الناطق الرسمي باسم قوات الحزب الاشتراكي الاسلامي جناح تيران الوحل
علي الحكومة الضرب بيد من حديد لحماية مصالح الشعب السوداني و تشجيع الاستثمار.
اللهم اجعلها شرارة البداية.
آمييييين.
يقال ان حسبو عامر نائب دائرة ام دوم و الجريف بالمجلس الوطني المزور في موقف حرج جدا بعد عمالته للنظام ضد اهله الشرفاء،، يا لها من حكومة همجية و غبية جدا في التعامل مع مثل هذه المواقف يطوعون الشرطة لخدمة مصالح الراسمالية الطفيلية
ارض السودان الفضل اصبحت مستباحه من عائلة الرئيس الدائم الخالد.. وهم يعتقدون ان الشعب السودانى اصبح عبيدا لهم وارضهم ملك لهم. وذلك بعد ان استعبدوا القوات النظاميه التى اصبحت تدافع عن جرائمهم فقط . ولكن نحذر السلطة الغاشمه الحراميه بأن الاحتجاج اليوم سلمى وغدا بالرصاص وعلى الباغى تدور الدوائر .. اللعنة على هيئة علماء السودان الاجيره ..
الجنيات يا بغاره شدوا خيلهم للمغاره ,,, الغايظنى ,, البغنى ده راجى شنو , ؟ ولاقاعد غناى زى الحكامات , الله يلعنه
/دق الجراب خلي الجمل يخاف/ واذا خاف الجمل كل شي علي مايرام واذا لم يخف الجمل فشلت سياسة جذب اموال المستثمرين بعد ان اصبحت الخزينة خاويةالحكاية ظاهرة والشعب جعان لكنه جبان مع الاعتذار للشجعان
الليلة ام دوم بكرة ما معروف يضربو وين لازم كل المدن والقرى تطلع الشارع في وكت واحد عشان ما استفردو بكل ناس براهم
لا زالت الشرطة حتى الان والساعة السابعة مساء تحاصر امدوم وتداهم المنازل
وقد فاق عدد المصابين الثلاثمائة ما بين اطفال وشيوخ ونساء وشباب
يا ضمير العالم هبوا لنجدة اهل امدوم
ونقول للعالم ان هنالك أربعة أشخاص عملاء خائنين من امدوم هم من احضروا الشرطة وحرضوهم على سكان امدوم وظلوا يوجهونهم لضرب اهالي امدوم
وهؤلاء الخونة الاربعة هم : الصديق محمد علي الشهير بـ (الصديق مييع) ..وحسبو عامر عبدالمجيد نائب دائرة الجريفات وامدوم .. و السيد حسن الشهير بـ (السيد يهودي) .. وخالد عوض ، وهو مندس على ناس امدوم يعني اصلا ليس من امدوم ، وهو تزوج في امدوم وظل فيها خائنا وعميلا مدسوسا.
بعد بيع الاراضي حا يقبل ابيع الاطفال متاكد تماما من عديمين الزمة اين الشعب السوداني بلدنا دا جدودنا سلموهو لينا حدادي مدادي جو الكيزان اتاجرو بيهو عينك ياتاجر لي متين نصحا من الجهل الورثتنا ليه كما يسمونها الانقاز
يااخونا وين الوطنية بعتو الجنوب وام دوم الكيزان ديل حا يبيعو وطنا كلو عديمين الوطنية كثمكم ياكيزان
يا ناس اقسم بالله الكلام المكتوب ده كلو صحيح
بوليس البشير واخوانه هجمو على اهلنافى ام دوم وتعرض
كتير من الناس لاصابات بعضها خطير . ولحدى الان العدوان مستمر
وده كلو عشان اخوان البشير ما دايرين يخسرو القروش القبضوها
من السعوديين . مافى اى حكومة عندها فضل علينا .
اقسم بالله المدارس والمساجد والمراكز الصحية وصهاريج الموية
والطريق المسفلت من حلة كوكو الى ام دوم كله عملناه نحن .
يا ناس دى فرصة اطلعو الشوارع عشان نتخلص من الغمة دى
وننتصر لكل اهلنا المستضعفين فى الشرق والغرب والشنمال
والجنوب والوسط
عفارم تمام .. صاح الكلام .. كده يا شباب
كتمت خلاص بلغ النصاب
نفد الصبر والجو كتم.
جيبك نضف
وطنك نشف
كتمت سخانة الف الف
اغضب وثور
قوم وانتفض
قف وانتصب ..
لا تستكين ..أو تستخف
للحالة والعيشة القرف
نفد الصبر والجو كتم ..
جيبك نضف
وطنك نشف
لو بكرة عن وطنك سئلت
امام عيالك تنكسف
مهما تبرر او تقول .. ومهما تصف
برضو برضو حتنكشف..
لا تنحبس للحسرة والالم المرير لا ترتجف
فك البلف
كتــــاحة تكتـح
ما تخلـــي تك تح
غبارها يلفــــح
تكشف وتفـــــضح
للدمعة تمـــــسح
للظلم تكـــــشح
حرية تشطــــــح
في وطن مشــلح … حضن العذاب
عفارم تمام … صاح الكلام كده يا شباب
كتمت خلاص بلغ النصاب
*******
كتاحة كتاحة
اعصار ودوامة
طلاب شيوخ ورجال
نسوان بنات اطفال
الناس هناك لآمة
ام در وارض القاش
جرافا ديامة
كتاحة قبلية تبرق أمل وشعاع
تحمل صراخ الجاع
تهتف بصوت مسموع .. عن ظلم ساد أنواع
تبكي الصرير المر.. من شدة الأوجاع
كتاحة تلغي فساد .. وتقلع قلع من باع
تنقذ بلد قد ضاع . .. من خائنا جعجاع
كتاحة غربية … ومرات جنوبية
تقلب شمالية ….. وفجأة شرقية
شايلة البرق والرعد
شايلة الأمـل والوعد
تحمل دعاش وعبيـر
لثورة التغير ..كتاحة للتغير
كتاحة تحت وفوق .. تكسر قـيود الطوق
تقذف يمين وشمال… تنسج خيوط الفال
كتاحة للتعبير عن ثورة التغير
الحكم ما هو خلـود
بكرة الظلم حيفوت
الكبت والجــبروت
لو كان دوام لســـواك
ما كان بترجع ليك !!
والله أحسن ليك … فالنفس لوامة
حسرة وأسف وندامة
والحالة مش دوامــة
كتاحة كتاحة… إعصار ودوامــة
طلاب شيوخ ورجال
نسوان بنات وأطفال
ام در وارض القاش
ساحات هناك لأمـــة
جرافا ديامة .. الكل نزل وأجاب
عفارم تمام …صاح الكلام … كده يا شباب
كتمت خلاص بلغ النصاب
*************
كتاحة كتاحة … جوة البلد لافة
يا العسكري السراق
مين فينا شاذ آفاق !!
ياالكاذب الافاك .. لا خلقة لا أخلاق
مين الاباد شعــــبو ؟؟
مين الخســر ربــو ؟؟
مين الكــلام كذبــو ؟؟
مين الخلف وعدو ؟؟
مين البخون للـعهد .. للكلـمة والميـثاق؟؟
مين فينا شاذ افاق !!مين الكلامو نفاق ؟؟
ياالكاذب النقناق .. لا خلقة لا أخلاق
قول ياا
اسم مكتوب .. في المحكمة العلياا
يا متهم مطلوب…… لعدالة دولياا
يا هاربــا شــارد .. في هذه الدنياا
وينك تمش حتروح ؟؟
من رب عوضيــــاا ؟؟
انت الشذوذ نفسو لو تم وصفك بيه
اتبرا منك وزاق !!
مين فينا شاذ آفاق!!!
والكل منك ضاق
طبعك كضب ونفاق ..اصلو الطبع غلاب
عفارم تمام ..صاح الكلام ..كده يا شباب
كتمت خلاص بلغ النصاب.
الناس ديل باعوا السودان كلو..ولو لقوا طريقه كان باعوا الهواء كمان….وكمان لسه بيقولوا هي لله هي لله لا للسلطه لا للجاه….وهم اثبتوا انهم عبيد السلطه والفلوس…في الخرطوم..ما لقوا واطه فاضيه الا باعوها…وشوف فضيحة المدينه الرياضيه..وهم يحبوا الدنيا…وشوف كل واحد متزوج 2 وزياده….يخسي عليهم اهل الضلال و النفاق…الله يزيلهم من السودان انشأالله قريبا…..
يا ود ام دوم قد ناديت اذ ناديت احياء ولكن لا حياة لمن تنادى يااخى كان الله فى عون اهل ام دوم
ان لم يهب شعب السودان اليوم وينزل الرجال فلتنزل النساء يقودن الرسن رجال ام دوم ما ساهلين لكن شدو من اذرهم يا رجال السودان وصالح الكامل لو عارف انه اشترى من لصوص سيرجع الارض لاصحابها ولا اظنه يرضى باغتصاب ارض نسال الله ان يكون هذا سبب لاقتلاع عصابة حكومة البشير وعصابة ال البشير ورميهم فى مزبلة التاريخ وليتذكر البشير انه عند غزوة خليل ابراهيم لام درمان هرب ودسوه ناس الطيب النص فى العيلفون والعلبفون عمومة ام دوم ياها شرق النيل
يا رجال السودان ارسلوا لرجال مصر وسوريا يجوا يخلصوكم ويعلموكم كيف تكون ارجولة والوطنية
سير سير يابشير…
الموت في الحق شهاده.ثوري ياخرطوم ثوري الحرب قد بدأت …
ياخوانا والله الخبر يحير زاتو
نحن مع الحق يابشر ماتتهموا الناس منفراغ الاخ القال صالح كامل حرامي منوين بتعرفوا الشيخ صالح رجل اعمال قامة ووصل لما هو فيه بجهده لانه رجلبداء من طبلية لاترموا الناس بالكذب وواله لم اري الرجل الافي الصور
على الشعب السوداني الوقوف مع اهل ام دوم وعلى سكان الخرطوم عليهم الخروج غدا للشارع ويا سكان ام دوم وكل الناس الذين بيعت اراضيهم للعرب والخليجين احرقو زراعتهم وحطمو كل شيء يخصهم كبدهوم خسائر فادحة في اموالهم حتى يخرجو من بلادنا والله اخر زمن العرب يريدون استعمارنا واسعبادنا باموالهم لعنة الله عليهم ومن اتى بهم .
حكومة الجهل النشط لا تدرى كيفية التخطيط السليم والاستثمار الذى يعود بالفائده اولا للمواطن وليس لسماسرة وعملاء الانقاذ وهذا يتطلب اولا مشاورة اصحاب الشان. يا جماعه الدول المتحضره والتى تحترم شعوبها لو ارادت ان تعمل اى شىء اولا تستشير اصحاب الدار واهل الاختصاص والبيئه واصحاب المصلحه وبعد اعداد الدراسات وعرضها على الكل يبدأ التنفيذ. مش بالبنبان والقوه الجبريه.
صالح كامل حلاامي معروف وربما تكون صفاء أبو السعود رغم كل مصائبها أنضف منو.
صالح كامل حلاامي معروف وربما تكون صفاء أبو السعود رغم كل مصائبها أنضف منو. هل نعلموا أن صالح كامل وهو باكستاني الأصل كان يبيع السجاير في الحرم المكي؟
إنتقل إلي رحمة مولاه الشهيد محمد عبد الباقي إثر إصابه من شرطة حكومة السودان
وسط الشارع
كان الطفل محمد
شايل حلمو يصارع
ببعض نشيد
وهتاف وغناوي
كان الولد السكرة شايل حلمو ومارق
حلمو بوطن يسكن فيه العدل
حلمو بارضو تنور وتثمر تدي الجوعي الخبز
كانت سكك ام دوم مليانة رصاص
والاولاد ماليين الحتة هتاف وصمود
والبنوت زغاريد ونشيد
وكان العسكر حالف اكتل شتل الثورة
واحرق شدر الريد
والاولاد مليانة هتاف وغناوي
وكان العسكر شايل في ايديه الموت
شفت ام دوم حلمانة تقاوم
بايدا القابضة علي الاشواق بصادم
بحلم الوطن البمرق من الليل
هدارة دروبها ذي السيل
هتاف
وغناوي
نشيد
شق الافق الطيب صوت البارود
دخان
بمبان
غازات اشكال والوان
وريحة الموت والدم ياامدوم في كل فضاء
عطر الشهدا بيعلن ان الصحو بدا
والصدق بدا
فهذي ام دوم باكفها تهزم هوج العسكر
تبني مجدا للشرفاء
الشرطة حمالة اللهب تبت يدا آمرها وتب
الظلم ظلمات يوم القيامة وصلت الى بيع اراضى المواطنين سرقة عينك يا تاجر حسبى الله ونعم الوكيل على كل ظالم ومغتصب
وسط الشارع
كان الطفل محمد
شايل حلمو يصارع
ببعض نشيد
وهتاف وغناوي
كان الولد السكرة شايل حلمو ومارق
حلمو بوطن يسكن فيه العدل
حلمو بارضو تنور وتثمر تدي الجوعي الخبز
كانت سكك ام دوم مليانة رصاص
والاولاد ماليين الحتة هتاف وصمود
والبنوت زغاريد ونشيد
وكان العسكر حالف اكتل شتل الثورة
واحرق شدر الريد
والاولاد مليانة هتاف وغناوي
وكان العسكر شايل في ايديه الموت
شفت ام دوم حلمانة تقاوم
بايدا القابضة علي الاشواق بصادم
بحلم الوطن البمرق من الليل
هدارة دروبها ذي السيل
هتاف
وغناوي
نشيد
شق الافق الطيب صوت البارود
دخان
بمبان
غازات اشكال والوان
وريحة الموت والدم ياامدوم في كل فضاء
عطر الشهدا بيعلن ان الصحو بدا
والصدق بدا
فهذي ام دوم باكفها تهزم هوج العسكر
تبني مجدا للشرفاء
لا حولا ولاقوة إلابالله العلي العظيم,حسبي الله ونعم الوكيل ملأ السماوات والارض وما بينمهما
ما معنى هذا الصمت الذي لا ينتهي؟؟؟!!
ما هذا يا أبناء شعبي لقد ماتت الشهامة والمروءة لقد ماتت عزتنا وكرامتنا في كل يوم تشرق فيه الشمس تزداد المعاناة ولا احد يحرك ساكنا!!
أصبح الشباب غارق في الفجور والمعاصي ولا يأبهون لما يحاك من مؤمرات لوطنهم,أصحو و أفيقو وهبو لنجدة هذا البلد المنكوب والمغلوب على أمره
قال شنو: الخروج على الحاكم المسلم حرام أي إسلام هذا بربكم؟؟؟؟؟!!!
تبا لكم يا هيئة لقطاء السودان قاتلكم الله جميعا
ياأخوانا أم دوم معروفة بالعصامية وبيوتهم ومدارسهم ومستشفياتهم بنوها من حر مالهم عملوا فى التجارة قبل الانفصال مع الجنوب واستشهدت أسر منهم فى الجنوب وهناك حى فى الجنوب لاهالى ام دوم تم استشهادهم ومدارس امدوم تستقبل طلاب خارج ام دوم والتحية والاحترام لاهالى ام دوم مدرسة العصامية فى السودان والله اكبر .
مازا وجدنا من العرب غير النكد وحرق الروح “الخليجين”
الله يجازي كان السبب يا حكومة الشؤم كفانا خلاص مغص اتخارجوا الله لا يوفقكم هيا ياشباب فلنتكاتف يدا بيد حتي نوفق العدو الصهيوني ( الكيزان )
بطلوا النواح ولطم الخدود زي النسوان مازال المجال مفتوح للالتحاق بركب المناضلين، الميدان مفتوح
لمن أراد مواجهة الطغيان والفساد. الجبهة الثوريةوالحركة الشعبية لتحرير السودان- شمال
يجب على الشعب السودانى التضامن مع أهالى ام دوم العزل , بالامس كان أهالى دارفور, بورتسودان ,كجبار , جنوب كردفان ,النيل الازرق , طلاب جامعة الخرطوم و الجزيرة…الخ…اليوم أم دوم.. وغدا أنت داخل غرفتك .الثورة الثورة يالشعب السودانى فلنجعل من الطفل المرحوم محمد عبد الباقى شهيد الكرامة السودانية وليس شهيد أم دوم فقط…. للمستثمرين الذين يصطادون فى المياه العكرة فليعلموا أن أى صفقة تجارية تتم فى ظل حكم الارهاب غير ملزمة للشعب السودانى , يعنى بالبلدى ياسعودى يامغفل أموالك حتروح شمار فى مرقة بعد زوال حكم الاغبياء.
ياجماعة خليكم منطقين ديل مستثمرين بينمو البلد ومشاريع حضارية واول ناس حا يستفيدوا هم ناس ام دوم بدون ما يعملوا عند المستثمر زاتو واس المدوم الاراضي دي ما حقتهم ولا حاجة هذه ملك الشعب السوداني اعدلوا والا فان الله سوف يسقط عليم ذة الراكوبة
امر محير فعلا. الاستثمار مرغوب فيه ولكن يجب ان يعود علي المواطن الغلبان مش لجيوب الحراميه. لماذا لا يتم تعويض المواطنين عن اراضيهم من قبل المشتري ويا دار ما دخلك شر. الاستثمار يمكن ان تستفيد منه المنطقه بايجاد فرص عمل لابنائها ويستفيد البلد لذلك يجب معالجه الموضوع بحكمه وبدون ظلم للمواطنين. وبعدين الناس دي كل واحد خاتي ليهو حجرين حاجز بيها الارض بدون اي وجه حق والارض تلقاها قاعده لعشرات السنين خاليه وعندما ياتي من يريد الاستثمار الدنيا تقوم وهاك يامظاهرات وقتل والامثله كتيره كجبار وغيرها. يا عالم روقوا المنقه شويه وكت انتو ما قادرين تستثمروا الاراضي خلو الناس تشتغل ولا بقت علينا قول المثل الساعدو في قبر ابو دس المحافير؟
اعتقد ان مدير عام قوات الشرطة رجل مثقف وواعى
ورجل ذو خبرة طويلة
ومتزن وهادئ الطباع
لذا اتعجب ان يكون مثل هذا الامر قد فلت من يده
وكيف تعاملت الشرطة مع الناس بهذه الطريقة
حتى ايام مقتل قرن احترمت الشرطة الجنوبيون وتركتهم يقتلون ويحرقون
واستباحوا الخرطوم لمدة ثلاثة ايام
وهؤلا اهل امدوم
اهلنا مسلمين مثلنا ولهم قضية عادلة
كيف نتعامل معهم بهذه الوحشية والهمجية
ارجو الاهتمام ومحاسبة المسؤلين عن قتل الناس
وولى عهد اخافة الناس بالكاكى
الحوار…… الحوار واحترام الاخر
هو الفيصل
يا ناس راكوبة الموضوع اكبر من كدة اصبحت ظاهرة التعدى على ارض الدولة مشكلة مذمنة وهنك من ديتاجر بارض الحكومة بحجة حياذة وما ادراك ما حياذة وللاسف الضحية هو المواطن المسكين الزى يححث عن قطعة ارض فى اكبر بلد مساحة ولا يجدها فيقع فى سماسرة الارض الوهم على الدولة منح اى مواطن قطعة ارض وكفى المؤمنين شر القتال
قال المولي عزُوجل في الحديث القدسي(ياعبادي اِني حرمت الظلم علي نفسي وجعلته بينكم محرما فلاتظالموا)اللهم أنصف المظلومين.
قلبى ودعواتى معكم احبائى ناس امدوم عاشرناكم فى ملكال تجارا للعيش فكنتم لنا نعم الاخوه وصرتم لنا كالاهل ولا زلنا نتواصل معكم وتتواصلوا معنا نسال الله لكم صادقين ان يفرج همكم ويهدىء روعكم وينصركم على من تجبروا وتكبروا فاصبروا ان الله مع الصابرين
البلد ما فاضيه ساااااكت ليها الاف السنيين شن عملو فيها خلي اخوتنا من عرب الجزيره العربيه افيدو واستفيدو وبارك الله في من فاد واستفاد ويا شرطه الضرب بمقمع من حديد علي اي معترض
هل حسن العزاء والاستسلام هو الحل؟؟ ان بيع أراضي الدولة السودانية بمشاريعها الاستراتيجية للأجنبي ورهن سيادتها في الجزيرة وأم دوم والبطانة والشرق اليوم كما تم بالأمس تشريد وتقتيل الدارفوريين والنوبة وجنوب النيل الأزرق والمناصير والسدود لازاحة شعوبها وتهجيرها لاستحواز الارض وما ظهر فيها من نفط ومعادن دلالة قاطعة لاستمرار سياسة التمكين والتكويش والنهب لائمة النفاق والطغيان الديني الانقاذي والكسب التمكيني القبلي. وعلى المعارضة السياسية والمسلحة توحيد الصفوف لقيادة الشعوب السودانية للخروج للدفاع عن ممتلكاتها وكراماتها بإزالة الكيزان ومحاسبتهم لاسترداد الحقوق والممتلكات والمال المنهوب ولن تقبل أية تسوية ةتصفر أعمال الفساد والافساد
أفتحوا بلاغات لدى النيابات التى دائماً فى صف المواطن وأكيد السيد الرئيس سوف يقوم بتشكيل لجنة تقصى الحقائق فوراً وتعيين مدعى عام لجرائم أ م دوم والجريفات مباشرة بعد ان يرفع مدعى عام جرائم دارفور تقريره والذى تمَ تكليفه فى الأول من العام 2006م والذى يتحقق فى أول بلاغ ضد الجندى من قوات حرس الحدود المتهم بمحاول ة الإعتداء على المرأة النازحة خارج معكسر دنقيل .
العربة الهامر يقودها توم السودانى وفى المقعد الامامى الولد الشاطر الفهلوى مصطفى اسماعيل وفى المقاعد الخلفية يجلس رجل الاعمال السعودى وزوجته المصون يتنزهون فى الخرطوم على ضفاف النيل وفجاءة صاحت الزوجة وهى تشير الى اراضى امدوم :انا عايزة حتة الارض دى يا كامل استثمر فيها.ابتسم الولد الفهلوى وقال : دى بتاعت ناس وما بدوها ساكت كده .زعلت الامورة وتعكر صفاءها والتفتت فى شئ من التهديد الى كامل زوجها بان يتدخل فنطق بلغة الارقام موجها حديثه الى مصطفى :انت البقشيش اقصد الكوميشن لو ضربناهو فى ثلاث بمشى الحال .هنا تبسم مصطفى وتململ فى جلسته وسكت برهة وهو يدير الحسابات فى راسه واجاب سريعا:طبعا نحن مجموعة وكان ضربت فى 10 تكون القسمة مرضية للجميع .وفى هذه اللحظة خرجت نحنحة من السائق توم السودانى فاردف اسماعيل وطبعا ما حننساك يا توم .هنا رجعت الزوجة الى اصلها الفنى ومثلت دور الشفقة وتسالت وكيف نحل مشكلة الاهالى ؟واوما كامل موكدا سوالها لاسماعيل فاجاب اسماعيل بسرعة البديهة : انت يا كامل اضرب فى 10 ونحن بنضرب ليك الاهالى والسودان كلو لو عايز فاوما كامل بالموافقة وتبسمت الحسناء وفرح اسماعيل وصحبه توم وانضرب اهل امدوم
يا من ضحكت على جهلها الامم
في السودان لو مشيت اخر الدنيا تجد الارض محجوزة لي زول يا خوانا الناس تتعب وتجلب الاستثمار من برة مع وضع السودان المنيل اجي اقول ليك دي ارضنا بلا اخمكم واخم تخلفكم واجي الشيوعية مناضي الكيبورت بشوية قصائد نضالي عاوزين اركبو الموجة ما هكذا تورد الابل يا هؤلاء.
اتمني من الشرطة ان تضرب بيد من حديد
انتو عارفين الحكومه سنت قانون خاص لنهب الاراضي باي وسيله والدليل علي ذلك اطلع الولايات وشوف شوف المحن والحكاوي واليلاوي والمظالم قدر شنو حتي البيوت البنوها الامجليز للموظفين اتباعت . والله ما عارفين دي ذاتها اخرتها ايه.
ناس الجكومة يقعدو ا مع ناس ام دوم ويراضوهم لان ده حقهم . الاستثمار كان ما قام على التراضي زاتو ما بينفع والله واحد نفر يخرب مشروع كامل وكلكم عارفيين . بالتراضي ارجوكم عشان
لابد للاستثمار ان يحقق شرطين اساسين
1- الشرط الاول في الاستثمار هو تعزيز العلاقات بين الدول وبناء الثقة ووجود استثمارات كبيرة ارضية قوية لبناء علاقات استراتيجية طويلة الامد بين الشعوب لان هذه الاستثمارات ستحول دون حدوث اي توتر بين الدول المرتبطة بهذه الاستثمارات.
2- ام الشرط الثاني هي الفوائد الاقتصادية التي تجنيها الطرفين.
بالنسبة للاولي لا يوجد استثمارات تذكر بين الدول العربية وان التبادل التجاري بين السعودية والصين تعادل اضعاف ما بين السعودية والدول العربية كلها مجتمعة وان الاستثمارات الموجودة الان في السودان هي محاولات من صغار رجال الاعمال في مشاريع غير معروفة لنا كمواطنين وان وجدت وهي محدودة للغاية وليست علي المستوي التي يتبناها الدول اي انها لا تحقق الشرط الاول.
بالنسبة للشرط الثاني
انا لا اعرف مشروعا عربيا في السودان يوظف بضعة مئات من السودانيين وتدفع شوية ملايين من ضرائب وغيرها للخزينة العامة واذا كانت هنالك مشاريع باحجام تحقق المصلحة العليا للبلد من توظيف وخدمات معينة علي الاعلام ان يطلعنا بذلك بالتفصيل الممل بدلا من ضياع اوقات المواطنين في لقاءات تلفزيونية فارغة من ان يحكي شخص قصة حياته وكيف كان يهرب من الفصل الدراسي الي اخره
باختصار الشفافية ثم الشفافية هي التي تحقق كل شيء واهمها طمانة المواطن علي ممتلكاته
انا في رائ انة الحكومة ماتهبش النحل في الخلية
جلب استثمار للسودان ، كل مره بنسمع قصة جديدة ، الخرطوم كملها المتعافي و مجموعته خلاص قبلوا علي شرق النيل ،استثمار شنو الناس بتتكلم فيه، ولا ديل مجموعة سحر وها إخوانا ديل وعناوين ينصبوا عليهم، حرام عليكم
ناس أم دوم هم أوائل المستثمرين في أفريقيا مثل كنيا يوغندا إثيوبيا وحتي جنوب السودان منو الكان بستثمر فيه غيرهم بالله اتقوا الله في السودان وأهل السودان
its very shame sudan government
درجت الحكومة علي التسويات المرضية ، هل التسوية ما مرضية ولا ما حصلت من اصلوا؟