وزير النفط يتسلم مهامه رسمياً
الخرطوم (smc)
أكد المهندس مكاوى محمد عوض وزير النفط العمل على تكملة مسيرة الصناعة النفطية ودعا العاملين فى قطاع النفط الى العمل بهمة عاليه لاستمرار مسيرة الانتاج النفطى بالبلاد الذى بفضله اصبح السودان واحدا من الدول المنتجه للنفط بالعالم ،
جاء ذلك لدى تسلمه مهام وزارة النفط رسمياً من سلفه د.عوض احمد الجاز ، واكد أن قطاع النفط غنى بالكوادر والخبرات والتقنيات التى تجعل من زيادة الانتاج النفطى واقعاً يتطلع اليه الشعب السودانى لاجل استقرار الحياة الاقتصادية والسياسية والاجتماعية. واثنى المهندس مكاوى على سلفه د.عوض احمد الجاز مذكراً باخلاصه فى كافة المرافق التى كلف بها وانه مفجر ثورة النفط السودانى والذى يعتبر مرشداً ومخبراً فى مواصلة زيادة الانتاج النفطى .
وكشف وزير النفط السابق د.عوض احمد الجاز أن الاقتصاد السودانى يعول كثيراً على الانتاج النفطى داعيا العاملين فى قطاع النفط الى العمل بروح التحدى والمسئولية والعزيمة مع شركائهم من شركات البترول وان يقيموا الصف حتى يستخرجوا ما فى باطن الارض لاستقرار حياة المواطنين الذين ينتظرون الخير والحياة الطيبة ، وتمنى العون والتوفيق والسداد للذين كلفوا بادارة وزارة النفط جميعاً ولم يفوته ان يترحم على الذين ذهبت ارواحهم اثناء مسيرة استخراج النفط ، كما اوصى الذين مازالو مرابطين فى القطاع بحمل الامانة وادائها بالوجه الافضل الذى يضئ طريق العباد والبلاد.
مكاوي دا شكلوا بلاع من خشموا الكبير دا بيشرب الجاز ويبيع الزفت احسن نشتري عجلة من هسي قبلما الجاز ينعدم وسعر العجلات يرتفع
مكاوي مشهود له بالكفاءة والصدق
نتمني ان يضف شيئا ولا يكون كسله الذي اصطفي اهله
لا حول ولا قوة إلا بالله …. من (ودالجاز) الى (الكوز القميء) مكاوي بتاع الكهرباء …مصيبة
حتى يستخرجوا ما فى باطن الارض لاستقرار حياة المواطنين؟؟؟؟؟؟؟؟؟؟؟؟؟؟؟؟؟
الفى سطح الارض عملتوا فيهو شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا جماعة الناس ديل حيرونا والله مع قالو الهدف من التعديل الوزاري اتاحة فرصة للشباب.الزول دا حسي علاقتو بالشباب شنو
يعني كليات الهندسة ما خرجت الا مكاوي بس ؟؟؟ وبعدين عوض الجاز خريج اداب جغرافيا مع شوية ادارة . بس برضو الوحيد الطلع بترول السودان وطلع زيتنا معاهو .
والجاز وين ما قالوا ما شالوا . يعني بقي شنو سبيرتو ولا شنو؟؟؟؟؟
يابختكم ياناس النفط مكاوي دا خلف ذكرة عطرة في الكهرباء كل شىء جميل اطال الله في عمرة ويديه الصحة والعافيةويقدم ليكم ولينا ولجميع الشعب مكاوي دا ملاك في شكل انسان كما ترك فبنا العامل المؤهل والمهندس العالم والجميع ملم بكل مايدور حولهم (يكفي انه خلي العالم بين ايدينا في كل لحطة)
الذي يضيء الطريق للبلاد والعباد وين الدولارات يا أبو الجاز التى نهبتها انت وعيالك وعصابتك وهي التي تضيء لنا الطريق وليس كلمات النصب والاحتيال لو عاوز تموت نظيف والكلام دة بقينا ما بناكل منه بعد كدة
بترودار >>>>> مقر للمافيا ،،،،،،، جريترنايل >>>>> عزبة آل البشير ،،،،،، سودابت >>>>>> المؤتمر الوطني ،،،،،،، وايت نايل وباقي الشلة من هجليج لحدي نبتة ونحلة وصرصور >>>>> شلّة حرامية ولصوص ،،،،، وزارة الطاقة وفروعها >>>>> ياهو زي الشبهك ديل !!!! حسبنا الله ونعم الوكيل فيكم ،،،، حسبنا الله ونعم الوكيل
الناس ديل يتبادلوا الادوار و المدح والثناء والمكر و الخداع في الشعب المسكين
رد علي أحد ابناء الكهرباء
عندماء كنت في الصف الثالث جامعة السودان كهرباء اتو بمكاوي عميد لكلية الهندسة والحق يقال هذا الرجل لاعلاقة له بالهندسة والادارة طول الوقت يسال في المرحوم د عوض صديق وانتظر بعض من الزمن سوف تجد وزارة الطاقة تعدت امات طه لان الجاز اوصلها امات طه. وربنا يكون في عون السودان