بدء التقديم للقبول بجامعة المغتربين كأول دفعة
بدأ أمس التقديم للقبول المباشر بجامعة المغتربين كأول دفعة
لكليتي الهندسة الإلكترونية والعلوم الإدارية بمباني الجامعة بالصحافة شرق محطة (7).
وأوضح مصدر مسئول بإدارة الجامعة في تصريح (لسونا) أن التقديم لتخصصات الهندسة الإلكترونية يشمل بكالريوس هندسة الاتصالات والحاسوب والالكترونيات الصناعية، فيما تشمل تخصصات كلية العلوم الإدارية بكالريوس المحاسبة، التمويل والمصارف، وإدارة الأعمال والتسويق, وأضاف المصدر أنه سيتم الإعلان قريباً عن بدء القبول لكليتي الطب واللغات.
الرائد
جامعة خاصه بالمغتربين فقط. ليه فاصلنهم من المجتمع برة بلدهم فى غربه وايضا جواه. خلوهم يختلطو بالعايشين داخل السودان ليكتسبو العادات والتقاليد بس السمحه فقط اشان يحسو بالوطنيهفى وطنهم
ارجو مزيدا من التفاصيل عن نسب القبول للكليات والسكن الداخلى للطالبات
والرسوم ان وجدت .
وشكرا
غايتو الإسم غير جميل
عاملين جامعة للمغتربين طمعانين فيهم وفاكرنهم زى زمان ___ هو ناس الانقاذ خلوا
ليهم حاجة ____ ضرائب وبلاوى بدون اسم _____ والغاء الاعفاء للعائدين نهائيا وسد
كل الطرق ام الاستثمار بالتعجيز ___ واصبح السودان طارد بوجود (الكيزان) وانتو
فاكرين الجامعة حتكون حصرا على ابناء المغتربين ؟؟؟؟ وجماعة (ياشيخنا) ا
المكدسين فى السفارات يمشوا وين؟؟
الجماعة ديل عبارة عن (وباء) يصعب علاجه الا بالخلع من الجذور زى السن التالف __
ملاعين ليكم يوم ____________:mad: (؟) (؟)
والغريبة يقول ليك ( نعمل على العودة الطوعية للمغتربين)
وبعدين الجامعة دي أكبر ماسورة في تاريخ التعليم السوداني
اسألوني أنا بعرفها كويس
فعلا الجامعة دي اكبر ماسورة وماسورة 16 بوصة كمان ؟؟؟؟
ظللنا منتظرين من سنتين وساهمنا فيها فالو لا لابد من ان تكونوا مؤسسين
قمنا سددنا ثمن اسهمنا وتحصلنا علي شهادة اسهم
بروزناها وعلقناها علي الحيطة ؟؟؟؟؟
الشعارات قبل ما يصطادوك انو الجامعة فيها وفيها و تقوم تصدق انها سوف تنافس
الجامعات الاخري من حيث الرسوم وطريقة القبول
حيث ان الفهم انو يقبل ابن المغترب او الشهادة العربية قبول عام وحامل الشهادة
السودانية قبول خاص ؟؟؟
الذي يحدث الان انو الفرق بين رسوم الشهادة العربية والشهادة السودانية شيء
لا يذكر اضافة الي خصم درجات عند معادلة الشهادة العربية بالسودانية
نهاية الامر الماسورة كل مرة بتكبر