حلّل لحم الخنزير وزواج الكتابي بالمسلمة..توقيف مهندس زراعي يدعي النبوة وسط الخرطوم
الخرطوم: سلمى آدم:
أوقفت الشرطة أمس، مهندساً زراعياً ادعى انه نبي بعثه الله بكتاب أفضل من القرآن. ونادى المهندس الزراعي شمس الدين الأمين في الناس بشارع الحرية وسط الخرطوم بأن يتبعوه، لاخراجهم «من الظلمات الى النور، قبل ان تسارع الشرطة الى اقتياده واخضاعه للتحقيق.
وبتفتيش مدعي النبوة، عثر بحوزته على منشورات كتبت عليها بعض الآيات والأحاديث التي كان يستدل بها، وأكد في أقواله بأن الملك جبريل وعده أن ينزل عليه كتاباً أفضل من القرآن. وأرسله ليهدي الناس.
وكشفت مصادر عليمة لـ(الصحافة) ان المتهم مهندس زراعي من قرية فارس جنوبي مدينة ودمدني بولاية الجزيرة، واضافت أن الرجل كان يستدل على انه النبي رقم 26 بالحديث النبوي القائل: «لو كان الدين معلقا بالثريا لتناوله رجال من فارس»، مدعيا بأن المعني بفارس الواردة في الحديث، قريته في ولاية الجزيرة.
واقتادت الشرطة النبي المزعوم إلى قسم شرطة الخرطوم شمال وباستجوابه أفاد بأنه من قرية فارس بولاية الجزيرة ويبلغ من العمر (62) عاماً ونزل عليه الملك جبريل «الوحي» قبل 22 عاما وأبلغه بأنه نبي هذا الزمان و»اشهد أن لا إله إلا الله وان شمس الدين عبده ورسوله» وأمره بأن «يهدي الناس ويخرجهم من الظلمات إلى النور لأن ما يحدث الآن للمسلمين من تردي أوضاع بسبب ان القرآن أصبح (ما نافع)»، وطلب منه ان يحلل أكل لحم الخنزير وان يجوز زواج الكتابي من المسلمة.
ووجهت النيابة للرجل تهماً تحت مواد الردة والازعاج والاخلال بالأمن العام تمهيداً لتقديمه للمحاكمة. في ذات الصعيد، أوقفت الشرطة أمس رجلاً آخر ادعى النبوة إلا انه لم توجه له تهماً لأن أهله أفادوا بأنه معتوه ويتلقى العلاج بمستشفى التجاني الماحي للامراض النفسية.
الصحافة
Ya Gama3at Al Mo’tamar Al Watany,
Wallahy Kifaya al bata3malooho fy al nas del yakhy ganantoohom 3deel kida khalito al nas tamshy baraha o kaman gabat liha Nobooat, ba3ad shewya igy zool igool likom ho Allah Zato… ASTAGHFIR O ALLAH Al 3ZEEM.
الزول دا يستاهل يعدموه عدييييييييييل كدا بدون تردد، لأن الرسول محمد (ص) خاتم النبيين…
ماذا تنتظروا يعدم فوراً
يا قهرااااااااان
والله يا عمر بشبش لو ما اتلاشيت سريع ح تجر كتير من السودانيين الى الردة والكفر لانو الناس دى ح يتخيل ليها انو البتحكمو بيهو فى السودان دة هو الدين الاسلامى فى حين انة حكمكم دة ما عندو علاقة بى اى دين على وجة الارض خليك من الدين الاسلامى السامى فبالتالى ح يكفرو بيهو و يحسو بى انو ما نافع وح يحاولو فى تاليف دين فيهو اكثر عدالة واكثر احترام وقبول للاخرين وما يكون فيهو فاسدين ( المهم يتفادو فيهو كل المساوىء الفى دينكم البتحكمو بيهو دة. وطبعا هو ما الدين الاسلامى على اى حال من الاحوال )
اقترح تكويين محكمة يسموها المحكمة الدينية ( على وزن المحكمة الجنائية ) ويحاكمو فيها بشبش واعوانة بى انهم شوهو الدين الاسلامى وبالتالى ساعدوا فى خروج الناس منة افواجا بدل تطبيقو بالطريقة الصحيحة ليدخل الناس فيهو افواجا )
ليكونو عبرة لى اى زول يحاول استخدام الدين الاسلامى العظيم للوصول الى اغراض دنيوية حكم كانت او غيرو
واستغفر الله العظيم
iهسي عليك الله الناس في شنو ؟؟ والجاهل دة في شنو؟؟
منهدس زراعي بتاع شنو كمان ياناس مافي داعي الي العبط يعني بس نمسك كلام الائمة الاربعة هو المدعي دا وغيره من المدعيين النبوبة بلحقوا 1% من الانجاز العملوهوا الائمة الاربعة مالك وابوحنيفة والشافعي والحنبلي نحنا لدينا عقول مامكن نتخيل في يوم من الايام ان نصدق لينا واحد قال مهندس واخر طبيب والي اخ شنو يعني القران واضح والحديث واضح ونحن في الدنياكمسلمين لدينا هيئات معروفة تضم علماء وليس سطلجية ودمتم
بالمناسبة ده واحد من اعراض الشيزوفرينيا الحادة وهو الهوس الديني , وحالات زي دي يتدخل مشتفيات الامراض العقلية , وبتحصل في كل مدينة وفي كل مستشفي في العالم في اليوم اكثر من 15 الى 20 حالة , ده ما خبر يجيبوه علي الصحافة. اذا كان الصحافة في العالم بتنشر هذه الحالات , سوف تمتلئ كل صفحات الجرائد بالعالم باخبار ناس مدعيين النبوه .
شمس الدين مصاب بمرض نفسي . وسبق أن ادعي النبوبة في عهد الرئيس الاسبق جعفر نمير نرجو من الجميع الدعاء له بالشفاء . عجبنا يطالب الناس بقتله وليس عليه حرج .
يا اخوانا اتركوا الرجل يبلغ دعوته فقد يكون صادقاً ويكفي دليلاهذه القومة عليه فلك الانبياء قوبلوا بالتكذيب وتعرضوا للاستهزاء والتعذيب بل والقتل كما فعلت بنو اسرائيل، فلا تكونوا مثلهم ودعوا الرجل إن كان صادقا فسوف يخرجنا من ظلمات الانقاذ وظلمهاغلى الهداية والنور والنعيم.
وحبذا لو علمنا أنه بعث للناس كافة، أم لأهل السودان حصرياً أم لأهل الجزيرة خصوصاً،
أما موضوع تحليل لحم الخنزير، بالله ناس السودان الان لاقينوا؟ ثم أنه قد يحلل الآن مرحليا ثم بعد توالي تنزل الايات على النبي الجديد واحكام الايات قد يقول فيه شيئاً يختلف، مثلما في تدرج تحريم الخمر مثلاُ.
أما زواج الكتابي من مسلمة، يا جماعة الموضوع صائر وكائن من زمان في السودان ومصر والكثير من بلاد المسلمين وما فيه أي جديد
ادوا الراجل فرصة فقد حان الوقت لبعث نبي لأهل السودان واقول نبي عديل لأن مجرد مهدي لا يستطيع وحده لملء الارض عدلاُ بعد ان ملئت جوراً لابد من نبي كامل الدسم وعام الرسالة ليخرجنا من ظلمات الانقاذ
واهو على الاقل نبي من جلدتنا ليبعث الحياة في مشروع الجزيرة.
فقط اطبعوا انزلوها في النيت – بي سوداني مية في المية
في دولة الهوس الديني كل شيئ ممكن
الزول ده ما سمع البشير في الفضارف قال حيطبق شرع الله
والله حيرتنا يا شمس الدين طيب لو كنت ساكن ام طرقا عراض كان حتجيب ليها حديث من وين ــ واها ال22 سنه دي كنت في اي غار ــ انت بلا شك مريض نفسيا واتمني لك عاجل الشفاء ـ كما ارجو من الاخوه المعلقيين النظر لهذا الموضوع من ناحيه علاج لمثل هؤلا الاشخاص وليس النظر من ناحية جزاء نعم الدين تشريعاته واضحه ولكن ما الذي جعل شمس الدين يسلك هذا المسلك هذه مسئوليه الحكومه لان مثل هذا الشخص الخريج ربما تخرج من الجامعه قبل فتره وربما لم يتوظف والاسره التي صرفت عليه دم قلبها في انتظار ان يتوظف ابنها كي يعيلها ـ والابن يري انه عاطل ولا يستطيع اعاشة اسرته ــ والتفكير الكثير يجعل بعض الاشخاص يخرجون من طورهم مما يترتب عليه دخول الشخص في جو نفسي سيئ واذا لم يكن الشخص قوي الايمان فهي بلا شك النفسيات وان خايف بعد شويه التجاني الماحي ما تسع الناس وربنا يستر بكره يظهر واحد يقول انا عيسي بن مريم . اللهم جنبنا فتنة الدنيا.
لا حولة ولا قوة الا بالله
يا ناس الراجل مريض ومحتاج علاج نفسي
دا نوع من انواع فصام الشخصية معروووف وشايع جدا
اعدام شنو
واللة يا جماعة الدنيا بيقت غريـــــــــــــــــبة خصوصا السودان ظلم وجبروت واحد يجي يقول انا رسول لببه سكون في العون :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek:
هذا الرجل معتوه وما أكثر هؤلائي ولاكن شقي الحال يقع في القيد
الزول شكلو عندو مرض نفسى ربنا يشفيهو
برضو حمد النيل صاحب التعليق نسال الله له الهداية لان مثل هذا التعليق حتى ولو من باب السخرية والدعابة يحسب عليك ويكتب فى ميزان سئياتك
خلى الفنجرة