تعليم الخياطة

ياسلام عليكم يا ناس الراكوبه …الصور الجميله دى بتجيبوها من وين …الا رحم الله الفنان محمد وردى والشاعر المرهف ابو امنه حامد .حين قال ؟
التوب المهفهف فوق ام الضفائر
وانا بى كل عمرى بمشيلا وبسافر
وبنحب من بلدنا ما بره البلد.وشكرا

والله فعلآ بنحب من بلدنا ما برة البلد اهو دا الجمال الطبيعى

الاهليه كملت ياحبيب راحت
ياحليل شمس المحنه الغربت طاحت
بسم الله ابتديت متل البرق لاحت
بالشين والفسل بقينا نتباحت
طال الكان قصير والعالى اتاحت
والصولات حليلن ملكتن راحت
**********************
مالك يازمان شبعتنا هولا
لبست الناس تيابا حاشا مى هولا
يات من كان يجى دماعو مبهولا
لله راحت بقت البواجبولا
*********************
ماليازمان شبعتنا وحيح
صح الدون كضب..وكضب العوالى صحيح
يات من كان انا جعلتو لى صليح
عقرب جزا لى ويانفسى زين ومليح
******************
فى احوال الزمن صار الفكر حاير
والياباك خلو عندو شن داير
فوق اهل الفكر كاس الوحيح داير
نفذ سوق النفاق..وسوق السمح باير
*******************
تب الشباب ان بقى كواس
وتب الصبى ان قطع المروه خلاص
وتب الشايب ان بقى وسواس
وتب القربين الاتفاتتو الامغاص