منبر الخال الرئاسي يصدر بياناً
بيان مهم حول منح الحريات الأربع لمواطني دولة جنوب السودان
منــــــبر الســــلام العـــــادل
يقول تعالى: (وَإِن يُرِيدُواْ أَن يَخْدَعُوكَ فَإِنَّ حَسْبَكَ اللَّهُ هُوَ الَّذِيَ أَيَّدَكَ بِنَصْرِهِ وَبِالْمُؤْمِنِينَ).
وتأبى حكومة المؤتمر الوطني إلا أن توردنا موارد الهلاك مرة بعد مرة وتُصِر على استنساخ نيفاشا من جديد وإعادة الجيش الشعبي إلى قلب الخرطوم حتى يفعل بالسودان ما فعله ولا يزال بجنوب كردفان وما فعله طوال تاريخه الملطّخ بالشرّ والحقد الدفين تماماً كما يفعل المنتحِر وهو يتجرَّع بمحض إرادته السُم الزعاف.
إنه الانبطاح يأتينا في ثوب جديد بل إنها نيفاشا «تو» وربِّ الكعبة تتسربل بزي آخر وتُبرَم خارج السودان على أيدي ذات الأعداء وإن أتوا بوجوه جديدة تحت الضغط الأمريكي الذي ذُقنا زقُّومه المُر في نيفاشا حيث يتحرّك الكونجرس بنفس الوجوه القديمة مستخدماً نفس العصا التي ساقنا بها بنفس القانون (سلام السودان) وتحني الحكومةُ عنقَها بل عنقَ السودان بدون أن تستشير شعبَه المغلوب على أمره متبرِّعة بحقوقه في أرضه وثرواته لشعب آخر تكِنُّ حكومته لنا من العداء والكيد ما تنوء عن حمْله الجبال الرواسي وذلك من خلال منح شعب الجنوب الذي اختار أن يغادرنا بمحض إرادته الحريات الأربع… ليس حرية واحدة أو اثنتين أو ثلاثاً إنما أربع حريات هي ذات ما يتمتع به المواطن الشمالي.. حرية التنقل وحرية الإقامة وحرية التملك وحرية العمل!!
قبل أيام قليلة ـ ويا لها من مفارقة ـ يُحرَق سوق كنجو كنجو أكبر أسواق مدينة جوبا لإخراج التجار الشماليين الذين يشكلون معظم مُلاكه وقبلها يُطرد الرعاة الشماليون بعشرات الآلاف ويُهجَّرون إلى النيل الأبيض وسنار بعد أن أمضَوا عشرات السنين في الجنوب، ولا يمرُّ يوم أو يومان إلا ويتعرض الشماليون للقتل دون سائر الأجانب في جنوب السودان… تاريخ أسود من الكيد والتآمر والتطهير العرقي بدأ منذ عام «5591» بتمرد توريت ولا يزال مستمراً.
لو كانت الحريات الأربع مع دولة أخرى لما اعترضنا أما مع دولة تتأبَّط شراً وتحمل حقداً دفيناً أعلنت عنه يوم مولدها أمام الرئيس السوداني عمر البشير وتمارسه اليوم من خلال الحرب التي تشنُّها في جنوب كردفان والنيل الأزرق ومن خلال احتضانها لحَمَلَة السلاح من متمردي دارفور، بل من خلال تصريحات قادة مشروعها التوسعي المسمّى بمشروع السودان الجديد… أما أن تمنح الحريات الأربع لهؤلاء فإن ذلك لا يعدو أن يكون انتحاراً مع سبق الإصرار.
قالها باقان أموم إن مشروع السودان الجديد ليس مرهوناً بالوحدة فإذا كانت الخطة (أ) لإقامة المشروع خلال الفترة الانتقالية التي أعقبت نيفاشا قد فشلت فإن المشروع يمكن أن يقوم من خلال الانفصال (الخطة ب).
وها هم يحصلون على الاختراق الكبير بشرعنة الوجود الجنوبي من خلال الحريات الأربع لكي تبدأ المرحلة الثانية المسمّاة بالخطة (ب) التي تتيح للجيش الشعبي والقنابل الموقوتة الموجودة من أبناء الجنوب الإقامة وغيرها من الحريات في السودان الشمالي وتمكِّن من تحقيق تهديدات عقار حين قال سننقل الحرب إلى الخرطوم وسندخل القصر الجمهوري، وإذا أضفنا المتمردين الآخرين المتحالفين مع الحركة الشعبية والعملاء الآخرين الذين يجوسون خلال ديارنا في انتظار الإشارة فإن ذلك يمثل تهديداً خطيراً لأمننا القومي.
قبل اختراق الحريات الأربع فرحت الحركة الشعبية كثيراً باتفاق أديس أبابا الإطاري الذي نعتبره أقل خطورة من الاتفاق الأخير ونحمد الله أن الرئيس البشير أجهض ذلك الاتفاق الخطير ونطمع في أن يفعلها البشير مرة أخرى خاصّة وأن اتفاق الحريات الأربع لم يُوقَّع بصورة نهائية حتى الآن.
إننا إذ نطلب إلى الرئيس البشير وإلى الحكومة أن ترفض هذه المهزلة لنقول إنه ليس من حق هذه الحكومة أو المؤتمر الوطني أن تمنح نفسها الحق في أن تفعل بالسودان وشعبه ما تشاء وإذا كانت قد عجزت عن تحمُّل المسؤولية وسئمت مواجهة العدو الذي يتربّص بنا وبأرضنا وبشعبنا وبهُويتنا فما أقل من أن تتنازل وتسلم السلطة للشعب ليختار من يدافعون عن أرضه وحقوقه ومقدَّساته.
إننا نهيب بالشعب السوداني أن يتصدّى للدفاع عن أرضه وألّا يسمح للحكومة بأن تلعب بمصيره وتهدد أمنه وأمن بلاده القومي.
حمى اللهُ بلادَنا من كيْدِ المتربِّصين والحاقدين إنه سميع مجيب
الطيب مصطفي من زمان وينك الحكومة لعبت فينا وسرقت اموال الشعب وفصلت
ابناء الشعب من وظائفهم وجوعت وقهرت الشعب انت كنت وين . روح في ستين داهيه
وهنيا للحركة الشعبية الانتصار الباهر علي المؤتمر الوثني
هولاء لاتهمهم البلد ولا الشعب هم الاول السلطة . و الجري وراء النساء الزواج مثني وثلاث
ورباع همهم الاول البتاع بس
يا اخوانا معليش قد تشابه علي البقر كدى بالله بالراحة واحد كدة يفهمنا الناس ديل معانا ولا مع الحكومة
عندما أقراء أي من بينات منبر السلام العادل كانما أطالع صحيفة الانتباهة وخصوصاً عمود الخال الرئاسي حتي إنك لا تستطيع أن تفرق بينهما وهذا لا ينفي كون الانتباهة هي صوتهم ولكن الذي يثبت بذلك أن لا ديمقراطية ولا شوري عندهم فهو نبت شيطاني أسسه الخال ليتنفس فيه ويهاجم من لا يداهنه دون أدني مسألة أو توقيف صحيفة . فهو كالحرباء يتولن حسب سياسة الدولة يجهر بما تريده ولا ياتي على ذكر الذي لا تريده حتي وإن كانت ضد ميادئهم
ولد دا انت الدولة السودان دا مفتكرو حق خالك. انت اصلك ما سوداني علاقتك بالسودان شنو السوووووووود ان
يالك من رجل عملاق يالطيب مصطفى اللهم اكثر من امثاله دافع عن السودان مثله ومثل على عبداللطيف ورفاقه نحن مادايرين الجنوبيين ولادايرين نفطهم
واى واى يا راجل اختشى قال الشعب السودانى انت مالك ومال الشعب السودانى لا انت ولا ود اختك عندو تفويض من الشعب السودانى يا نكرات اخر الزمن
والله لم تقل الا الحق.
روق المنقه يا خاااااااااااااااااااااااااااااااااااااااااااااااااااااااااااااال
أعوذ بالله منك يا الطيب مصطفي ياعنصري يابغيض_فأنا أقول لك أنك لن تستطيع من الجنوبيين من المكوث في السودان الشمالي لأنه لايوجد منطق يمنعهم من التواجد والعيش بحرية_والسودان يتواجد الأحباش والمصريين وغيرهم وبأعداد كبيرة ومن غير ضوابط _فلماذا لايتواجد الجنوبيي في السودان وبأي منطق ؟فأنت وأمثالك فقط تزرعون العنصرية ولكن أنا أقولها لك إن الله يمهل ولايهمل
خيالك واسع يا الطيب مصطفى يا عنصرى يا نتن السودان وطن يسع الجميع اذا تركتوه والشعب السودانى على مر السنين عايش فى الفة و سلم الى ان قدمتوا انتم يا حثالة البشر تقتاتون على الحرب الدنينة التى قسمت السودان لنصفين والان تمارسون الشذوذ العنصرى لتعيشو فى رفاهية من دماء و عرق الشعب المكلوم لكن الله سيلطف بالشعب من نواياكم الخبيثة
يا اخوانا الزول العيان ده بتكلم عن الجنوبيين اللى نحن بنعرفهم من اجدادنا الزمان ديلك ولا عن جنوبيين جداد جونا من المريخ ولا من كوكب اخر مثلا؟
الجنوبيين سودانيين اكتر منك ولهم في الخرطوم بالحلال اكثر مما لك بالحرام ايها اللص الحاقد المتربص
لقد استطاع الطيب مصطفى ان يمسح باتفاقيه نافع الارض 0 وعلى لسان رئيس الجمهوريه بمسجد والده بكافورى ؟؟
فهل يستطيع الطيب مصطفى ان يمسح بهذه الاتفاقيه الجديده الحريات الاربع الارض كما فعل من قبل؟
المعلوم ان الرئيس البشير سيذهب للجنوب للتوقيع على هذه الاتفاقيات بحانب اتفاقيه البترول 0فان فعلها الرئيس ووقع على هذه الاتفاقيات فستصبح ساريه المفعول من تاريخ التوقيع عليها 0 وفى هذه الحاله فان ما يسمى بمنبر السلام العادل ورئيسه الطيب مصطفى يكون قد شيعو لمسواهم الاخير 0لان هذه الاتفاقيات هى فى الحقيقه نيفاشا تو بشحمها ولحمها ولكنها هذه المره لتوحيد السودان من جديد هذه المره ولكن بصوره جديده خالص خالص لن يستوعبها منبر السلام العادل الا بعد حين وشكرا
أنا شخصيا أمتلك 100 فدان فى مشروع زراعي بحر مالي وشقا غربة لأكثر من 35 سنة وعايز أبيعها لمستثمر جنوبي حسب اجراءات قانون التملك للمستثمرين لدكتور جنوبي ومن حقه احضار العماله الفنية للاستثمار فيها ويا المدعو الطيب مصطفى فني اللاسلكي تعال هوب ناحيتنا عشان تشوف النجوم فى عز الضهر .. الجنوبيين لهم حق فى الشمال حتى يتم حل جميع المشاكل العالقة ولهم اصول فى جميع ممتكات السودان من حلفا الى نمولي وبعد تقسيم الاصول بالحلال وكل زول يأخد حقه تعال اتكلم يا موريتاني يا ابن شنقيط وما تغلط فى الجنوبيين عشان ما نطلع الخفايا قال خال رئاسي وبس ..
لفت انتباهي تعليق سوداني زعلان !! الذي يبدو انه امنجي من الجهل والغباء الواضحين!!
نعت الطيب مصطغى (عجوبه) بابطال السودان علي ورفاقه ؟ يبدو ان هذا النكره صاقط جغرافيا وتاريخ.
اما عجوبه فليس عليه حرج !!
يا الطيب مصطفي إنت تبع ياتو قبيلة
لأنوا مافي قبيلة في السودان ما أختلطت بالعنصر الزنجي
يالطيب المصطنع اكتفينا منك ومن منبرك العنصري – اكتفبنا من حكومة خالك واعوانة لانها نفذت اجندتك الخفية وهي ليست بخافية على الشعب حسب اعتقادك – فصلت اصحاب الارض الحقيقيين عشان تمرحوا وتعملوا الدايرنو وماممكن تجر شعب باكملة لتفاهاتك – صبراً قد دنا أجلكم
انته يا الطيب دلوكه السودان دا حق ابوك وانحناما عارفين ولا شنو؟
بعدين علاقة الاية الكريمة بما تقول شنو? خاف الله يازول
الجنوبيين لهم من الحق فى الشمال اكثر ممالك ايها الجهلول غصبأعنك وعن ابن اختك
ثم من الذى اجج الحرب منذ العام 55
كل الحكومات منذ ذاك العام لم تعمل على حل مشكلة الجنوب الى ان جئتم وفعلتوا ما فعلتوا بالبلد والناس
فلم البكاء والعويل ولم الخوف ؟؟؟؟؟
خايف من قلة ادبك الكتيرة دى اقول ليك مافى زول بخلى حقو وشيل شيلتك وارجى الراجيك
ان حكومة المتأسلمين هذة لا تراعى مصالح الوطن ولا المواطن وتفعل الشىء ونقيضة بصورة مقرفة وكل هذا للمحافظة على كرسى الحكم .
ما يحدث الان وخاصة هذا الاتفاق الجديد يدلل على مقولة ان الحكومة تدير شؤون الدولة برزق اليوم باليوم وانها قد اقبلت على اتفاقية السلام الشامل المعيبة الاحادية من غير تخطيط استراتيجى ولا تدبير منطقى يؤدى الى نتائج عادلة .
وظللنا ننادى برفضنا التام لهذة الاتفاقية لانها تؤدى الى الانفصال . ولكن وطالما انهم فعلوها وبهذة الطريقة فيجب الان ان تتم اتفاقية الحريات الاربعة عقب تحديد من هو جنوبى ومن هو شمالى واستخراج الجنسيات للجميع ، بمعنى انى اؤيد الحريات الاربعة ولكن بعد استخراج الجنسيات واى جنوبى يريد العيش فى الشمال نرحب بة بل ونسعد بوجودة بيننا ولكن بعد ان يمتلك ما يددل على انة جنوبى يعيش فى الشمال ، وكفانا تخبط .
اما هذا الخال فيجب اخراسة لانة عنصرى نتن لا يجيد سوى اثارة الفتن والمحن .
لأول مرة حكومة الشمال و حكومة الجنوب تحكم العقل للوصول لحلول للقضايا العالقةوبمنح الحريات الأربعةيكون نحن و اخواننا الشماليين رجعنا لوضعنا الطبيعى والحكومتين زايلات وسيبقى شعب السودان موحدارضى الطيب مصطفى أم لم يرضى (ولو كره المنافقون). هؤلاء هم أعداء السلام ولا يعيشون الا فى ظل المآسي والمشاكل. مين كان بيعرف الطيب مصطفى قبلنيفاشا وسعيه الجاد لتقسيم السودان من خلال صحيفته (الانبهاته).
إنتو العائلة دي جاتنا من وين ؟
يازول لو عندك تار مع الجنوبيين شيل سلاحك وامشي يعني هي الحرب وقفت ما هديك شغاااالة
احسن نصيحة قدمتها لود اختك انك قلت ليهو يسلم السلطة لأنو فعلا اثبت انو ما قادر عليها
لو انت بتعرف الاسلام صحيح فالذيك ده حكموا القتل لأنك فتنة
عذرا جدنا وشهيدنا علي عبد اللطيف وصحي المابعرفك بجهلك
الحريات الاربعة عملتوها مع الكانوا مستعمرننا العيب شنو تتعمل مع الكانو قطعة مننا والله صحي الكلب بدور خناقو
الاعزاء الاكرام الذين يعرفون تكوين الشخصية السودانية الفسيولوجية والنفسية ارجوا ان لا تتركوا فرصة للافكار العنصرية الهدامة ان تتملككم وامثال منبر السلام العادل وصحيفة الانبهاتة الباهته سوف لن يكن لهامكان بيننا بعد حين انها فقط مسالةوقت . لان لهذه الروح النتنة ضد طبيعة الشخصية السودانية وكما اذكران هنالك سؤال من احد المعلقين يقول فيه هل هناك قبيلة عربية في السودان لم تختلط بالعنصر الزنجي غير بعض القبايل من الشرق مثلالرشايده ؟ وليه كل هذا العداء يا ممبر السلام فقط وليس لللشماليين لماذا كل هذا العداء للعنصر الزنجي السوداني واين انت من وعي الذات وهل السودان في مخيلتك هو فقط سكان العمارات ونمرة 2 والصافية فقط وما دون ذلك يجب ابعادهم من الخارطة السودانية هذا فعلا رجعية وحقيقة نحن ليس لدينا مشكلة مع الملونين السودانين ولكن انت عندك مشكلة مع المجموعات السودانية ذات الاصول الزنجية وهذه مشكلتك انت وتحتاج الزهاب الي طبيب نفساني لاننا نحن وعينا وعرفنا هذه الحرب وسوف لن نغير جلودنا تحت اي دواعي حتي الجمال كما تتدعون او دواعي التحسين حتي نصبح شكلنا غريب الي العرب وهذا من المستحيلات يالطيب وربنا يشفيك وخلينا نعيش مع بعض كما نريد وكما ينبغي
حقيقة ياجماعة القضية تحتاج لان يحتكمها العقل:
اولاً: نسبة التصويت للانفصال 99% يعني الشعب الجنوبي عايز دولة حرة يديرها بنفسه ويلقي راحتوا فيهامافي مشكلة.
ثانيًا: الاخوة الجنوبيين قالوا عايزين استقلال لانهم حاسين انهم مستعمرين في السودان.لما العودة مرة اخري عشان يستعبدوكمياخوانا الجنوبيين.
ثالثا: روية الدولة الجنوبية ان تعمل علاقات اقوي مع دولة مثال كينيا ويوغندا ليه ماوقعت معاهم اتفاقية زي دي وله الحكومة الجنوبية حاسة انها ماحتستفيد من مثل هذه الدول فهيه دول تعبانة وكدا
انا بفتكر ان الجنوبيين مفروض يبقوا علي راي واحد عشان مايجهجهونا معاكم وياخي مافي زول عندوا حق في دولة بما ان الدولة عندها سيادتها وكينونتها حاول ان تعالج مشاكلك وعقدك النفسية كلنا واحد والله انت ماناقص حاجة. لذلك انا اري انو هذا قرار الشعب السودان واتفق مع الباشمهندس الطيب مصطفي لان احداث 20 اغسطس 2005 حقيقة تضررنا منه كثير فالمسالة بالعقل.
..عليكم الله هسع الوجه الجميل الفى الصورة ده يخلو يمشى ينفصل مننا !معليش يا اختى اكوج,امسحيها لينا فى وشنا,, تعالى انتى واخوك اكيج,,المرحوم د خليل ابراهيم ذكر ان البشير اصوله من غرب افريقيا فى حوار مع الشرق الاوسط,الى الان لم يحكم السودان واحد من اهل البلد ,,يا المالطيّب ومافى زول اصطفاك..انطم والا..!!
انها نيفاشا تو ورب الكعبة
الراجل طالع من مسلسل ديني !
انت هسه موقف البلد على رجل واحدة عشان ولدك الأسروا ولا قتلوا في الجنوب زماااان داك…كفار ومسلمين وقريش وحقد ومتأبطين شرا ومسخرة ما عندها أول من آخر….ارحم نفسك ياخي …قال شعب !! نكرات مرضى انت ومن شايعك طلعتو لينا من وين !؟
حرية العمل:
اين العمل الذي سوف تعطيه حكومة السودان للاخوة الجنوبيين حتي اخواننا الجنوبين فى الاتحاد كانوا في الاعمال الهامشية لقلة التعليم وسطهم.
حرية الانتقال :
الفقر يجعلك لا تتحرك من مكان الي اخر واذا تحركوا وانتقلوا ماهو الضرر علما بان حركة الرعاة الموسمية تعادل كنوز الدنيا من حفظ للثروة الحيوانية واستقرار لسكان الحدود يعني الفائدة شمالية خالصة .
حرية التملك :
يعني الجنوبيين خلاص قروشهم فائضة لدرجة التملك وشراء العمارات والاراضي هل هم بثراء اليهود.
الاقامة :
كويسة معانا خلينا نبقى كفلا على اخر ايامنا ولتستفيد حكومتنا من رسوم تجديد الاقامة والفحص الطبي
بالاضافة الى رسوم التاشيرة وغيرها .
والله تذكرت موقف المتمنع وهو اشد الراغبين ليه ماعارف ؟؟؟؟؟
على فكرة يالطيب مصطفي ما راودتك فكرة الذهاب الى قبر ابنك وقراءة الفاتحة علية والله العظيم دى كفاية تخليك تبصم بالعشرة على هذا الاتفاق .
نحن قبل كده أجرنا بيتنا لدكتور جنوبي في الفتيحاب والله ماشفنا منو الا كل خير واحترام منو ومن اسرتو؟
نحن والجنوبيين اخوان وحنظل اخوان والمشاكل الحاصلة دي هي كلها بسبب المؤتمر الوطني؟؟
الشعب السوداني كلو بقى مصيرو في ايد الانقاذ..
صندوق النقد الدولي و مؤتمر تركيا والمساعدات الامريكية والاوربية ومساعدات المنظمات العالمية
كل هؤلاء رفعوا ايدهم مننا عشان الانقاذ؟؟
طيب نحن ذنبنا شنو ؟؟ياخي ارحموا الشعب السوداني واتنازلوا عن الحكم أو اعملوا حكومة قومية ترضي الشعب السوداني الصابر
ياناس الطيب مصطفي مصاب بنفسيات بعد ما رسل ابنه الي الجهاد ويكسب ليه منصب لاكن ربنا قدر بيه فهو غير معاغز وبعدين الجنوبين هم ليس بدخيلين علي السودان .
أنت ذاتك منو يا الطيب مصطفى حتى تفعل بالشعب السودانى ما تشاء و ما هو حجمك الجماهيرى الذى تستند عليه..ياهم الخمستاشر نفر المنتفعين حولك….نحن نريد الجنوبيين معنا فهم اخواننا و نحن و هم احق ببعضنا من غيرا
ياالطيب مصطفي انا شايف انت اذا انحنا الزرق ديل ماعاجبنك امشي شبه الجزيرة العربية وقول انا عربي وريحنا واسكن هناك عشان بدوي واحد من بدو السعودية يوريك العروبة الصاح يامفتري.
نحـن مـن الـذين إذا مـروا باللـغـو مـروا كـرامـا .. والـذين هـم عـن اللـغـو مـعـرضـون .. الطيب مصطفـي ومـعـاهو ود اخـتو ، لــغـو . ما لفت إنتياهي صـورة الفتاة الجنوبية ، أفـتونا إخـوتي رواد الـراكـوبة هـل هـي الاخـت الفاضـلة ، صـاحـبت الـقلـم الـرشيق الانيق الـطـاعـم سـتيلا قايتانو ، التي كـنا ننتظـر مشـاركتهـافـي الـراكـوبة بـفـارغ الصـبر لنتسـابق عـليهـا ونبادلهـا الـتـعـليق والـراي ونـعـبر لهـا عـن مشـاعـرنا مـن خـلالـهـا لأشـقائنا فـي جـنوب الـوطـن ؟؟ كـم إفـتقـدنا طـلـتهـا الحـلـوة ، ومشـاركاتهـا الـثرة !! .. أين أنت إسـتيلا ؟ ومـاذا فـعـلت بك الايـام ؟ أمنياتـي أن تكـونـي بخـير !! ، مـازلنا وسـنظـل فـي الـراكـوبة فـي إنتظـار مشـاركاتك ، نسـتمـد منهـا الـقـوة والـمـعـين ، نحـن نحـس أنك تؤام روحـنا ، لـن تفـرقنا الـزاوبـع والاعـاصير الطـارئه ألأعاصـير والـزوابـع مـصـيرهـا إلـي زوال وسـكون ، لكـن مـا بيننا يبقـي ويمـكث فـي الارض ، سنظـل نناديكم ، إلـي أن يخـرس صــوت الـباطـل سنظـل ننادي فيكم الـمـواطنة والاخـوة وعـشـرة الـسـنين ..
أناديهـا .. بناديهـا ..
وبـعـشـق ، كـل زول يرتاح عـلي ضـحـكة عيون فيهـا ..
أنا بحـلـم ، إنـي فـي أكـوان بترحـل مـن مـراسـيهـا ..
عـصـافـير نـفـشـت جـنحـات وطـارت للـغـيوم بيهـا ..
مسـافـر مـن فـرح لـي شـوق ، نازل بحـنان لـيهـا ..
أغـني مـع مـراكـب جـات ، وراهـا بلاد حتمشـيهـا ، أنا بحـزن لـي سـفـن جـايات ، مـا بتلـقـي الـبيلاقيهـا ..
ولـمـا تـغـيب عـن الميـعـاد ..
بفتـش ليهـا فـي الـتاريـخ ..
وأسـأل عـنهـا ألأجـداد ..
أسـأل عـنهـا المسـتقبل ، اللسـع سـنينو بـعـاد ..
أفتـش لـيهـا فـي اللـوحـات محـل الـخـاطـر ألـمـا عـاد ..
وفـي ألأعـياد ، وفـي أحـزان عـيون ألناس ، وفـي الـضـل الـوقـف مـا زاد ..
أحـس باللـقبا ، زي أحـلام بتصـدق يوم ألآقـيهـا ..
وأحـلـم بليالـي الـصـيف ، أسـاهـر ألليل وأحـجـيهـا ..
أدوبـي لـيهـا ماضـيهـا .. أطـمـبر ليهـا الـجـايهـا ..
أرسـل لـيهـا غـنوة شـوق .. وأقـيف مـرات وألـوليهـا ..
أقـيف مـرات ألـوليهـا ..
مـن عـمر الـدوش ، ومحمد وردي ، وشـخصـي البسيط ، إلـي الـرائـعـة الـمتألـقة ، سـتيلا قايتانـو أينما كانت ، كيفما كانت ،مـع باقات ود .
مقال من شخص حاقد وموتور
هل تعلم ان هذا السودان ملك للجنوبيين وهم اصحاب الارض الحقيقيين
اما نحن مدعييى العروبة فنحن الدخلاء وهم الاصل ونحن الفرع
اما هذه الاحقاد فقد اذكت نارها الانقاذ فكيف نمنح المصريين الحريات
الاربع وهم من استعمرنا وحكمنا بالسلاح عدة قرون .ولانمنحها لاخواننا واهلنا
الجنوبيين وهم اقرب البنا دما ولحما وثقافة ولدينا من اواصر النسب والرحم
اكثر من المصريين الذين يحتقروننا ويعاملوننا بتعال ..
يتحدث بلسان الشعب السوداني ولم يفوضه أحد
الزول ماخد في نفسه مقلب كبير جداً كأنه هو المالك الحصري لهذا الوطن أو إن له صفات الأُولوهية علينا
قال الخال الرئاسي أن شعب الجنوب هو الذي اختار أن يغادرنا بمحض إرادته
ألم تنشيء أنت منبرك العنصري خصيصاً لهذا الغرض وإجتمعت مع كل جنوبي روادته نفسه بالإنفصال
ألم تقل أنت أن الجنوبيين شينين وما بشبهونا
ألم تقل أنت أنك لا تريد وحدة مع الجنوب ولو دخلوا في دين الله زرافتاً ووحدانا
جايي هسي تفرض وصاية على وطن قسمته بنفسك وببلاهة إبن إختك المشير