المهدي:الاستعانة بالامم المتحدة لاصلاح الامن تمس السيادة الوطنية
الامة القومي :نرفض الاستعانة بالامم المتحدة لتنفيذ الاعلان الدستوري ولحماية المواطنيين
اعلن رئيس حزب الامة القومي الصادق المهدي رفضه الاستعانة بالأمم المتحدة بموجب الفصل السادس في اربعة مهام اعتبرها تنقص من السيادة الوطنية للسودان وعدد هذه النقاط في مطالبة الأمم المتحدة بدعم تنفيذ الإعلان الدستوري والرصد المنتظم لتنفيذ نقاطه ،و دور الأمم المتحدة في وضع الدستور والإصلاح القانوني والقضائي،و إصلاح قطاع الأمن ،و حماية المواطنين.
وفي ذات السياق اعلن المهدي موافقتها علي الاستعانة بها لدعم السلام والمساعدة في تعبئة الدعم الاقتصادي الدولي،وتنسيق وتسيير المساعدات الانسانية ،فضلا عن الدعم التقني والمادي لعمليات نزع السلاح والتسريح لقوات المقاومة المسلحة ،وفي المساعدة في تعزيز ما تحقق من مكاسب في دارفور والمنطقتين ،والمساعدة في دعم عودة النازحين واللاجئين واعادة دمجهم في تحقيق المصالحات الاهلية ،وفي المساهمة في الانتقال من مرحلة العون الإنساني إلى دعم برامج التنمية المستدامة،و توفير الدعم لعمليات الإحصاء السكاني ومراقبة الانتخابات ،وفي الاستمرار في الرقابة علي منطقة أبيي .
واكد المهدي في ان هناك نقاط في خطاب حمدوك للامم المتحدة تمس السيادة الوطنية،ودعا الحكومة لتاكيد موقفا مماثلا لحماية السيادة الوطنية.
وكشف المهدي عن تقدم حكومتي بريطانيا والمانيا بمبادرة لمجلس الامن تحت الفصل السابع،واعتبر مابدرتهما تمس السيادة الوطنية مشيدا بموقف روسيا والصين بالنص علي ان اية قرارات في هذا الصدد ينبغي أن تكون بموافقة حكومة السودان .
واشار الي وجود مبادرة مماثلة بقانون مقدم في الكونغرس الامريكي،واوضح بانه سيكلف مكتب الحزب بامريكا بالاتصال بمقدمي مشروع القانون لتجنب المساس بالسيادة الوطنية.
اها بدأنا في المزايدات يا الكاذب الضليل بدأنا في اللف والدوران آل الشيطان
نحن عايزين تدخل الامم المتحدة والصادق عايز بيت العجزة او الاصلاحية.
أصلاً السودان موجود سلفاً تحت البند السابع
أنا ما عارف كلام الصادق ده يفهمو كيف، يعني الامم المتحدة تساعد في أشياء معينة ومفروض ما تساعد في أشياء معينة اخرى!!
يعني زي زول محتاج مساعدة يقول لصاحبو – أنا بسمح ليك تساعدني في اصلاح الباب لكن ما بسمح ليك تصلح معاي الشباك – عشان لو صلحت معاي الشباك بتجرح لي كرامتي هههه
🤣
والله عرفتو على حقيتو .. فقد وصفوا الدكتور جون قرنق في عام 1987 حين قال ( الصادق المهدي ده ابلد زول في سودان) ههههه
يوجد تحويلة الخصوصية يجب أن تحمى وتدويل المشاكل يؤدى للتدخل وعند التدخل يجب مراعاة الخصوصية في اعتقادي الأمر حقوق تشترى وتباع لذلك الاهتمام بالقضاء هو ذروة سنام العدل
الامم المتحدة في عهد الانقاذ لم تتدخل بصورة مباشرة في نظامه لتوقفه عند حده ، فكيف تتدخل في نظام لثورة شعبية قام بها ابناء الوطن لاستعادة حريتهم ، فالذين يخافون من تدخل الامم المتحدة هم الذين لا يريدون العدالة حتى لا يتم اقصائهم من المشهد السياسي.
لو امكن تنقطنا بسكاتك عشان الناس تقدر تشتغل ؟ حمدوك البتحاول تقلل من شآنه اقسم بالله افهم منك وآكثر وطنيه !! فضيلتك كان اول وظيفه تقلدتها رئيس وزراء بدون اى خبرات بينما دكتور حمدوك بداء من اول سلمه وطاف العالم وجمع الخبرات من كل اطرافها وإستفاد وافاد وفضيلتك كل خبراتك (شيخ طريقه) وفشلت تكون رئيس وزراء وسلمت البلاد شعباً وارضاً لمن غدروا بيك وده بعدما صَعَدتهم على أكتاف حزبك شى بالشراكه التجاريه وشى بالمصاهره وده كلو كان نكايه للحزب الاتحادى وخوف ايضاً من الحزب الشيوعى ومازالت هواجسك بتنتاشك وصرت مصاب بمتلازمة الوسواس القهرى وخاصة بعدما إكتشفت ان عضويات حزبك ملو خلقتك بسبب تصرفاتك الخرقاء وشايفنك اليومين ديل سعيك للوقوع فى حضن العسكر والمره دى مش تحكم بل عشان تضارى خيبتك وفشلك وكما لم يُعد فى العمر بقيه وقد بلغت ارزله !!.
أردم بس .. الزول المرضان ده لازم يقيف في حدّو .. ده لو خلوهو يطربق كده, حل يضيّع البلد تاني ..اردم وزيدو ردم
سيادة فى عينك يعنى أنت الوحيد البتحدد ماهية السيادة، ستين سنة تلفوا و تدوروا، فى حلقات مفرغة من انقلابات و مؤامرات و فشل تلو فشل، حتى تمزق تراب الوطن و بدأت الوحدة الوطنية فى الذوبان، من صراعات قبلية و اثنية نتيجة لسياساتكم الخاطئة فى ادارة حكم البلاد تتحمل أنت الصادق المهدى جزءا كبيرا من اسباب الفشل و المحن التى الَمت بهذا الوطن، وتأتي اليوم لتحاضرنا عن السيادة، فليس لدينا إلا أن نقول لك قوم لف.
ايوا ده الردم كدا
رجل ناقص بصحيح لماذا لم تعلن ذلك عندما كان في الفصل السابع وهو أسوأ من السادس وكنت خايف من الكيزان.
مش
(وفي ذات السياق اعلن المهدي موافقتها علي الاستعانة بها لدعم السلام والمساعدة في تعبئة الدعم الاقتصادي الدولي،وتنسيق وتسيير المساعدات الانسانية ،فضلا عن الدعم التقني والمادي لعمليات نزع السلاح والتسريح لقوات المقاومة المسلحة)
حقيقة كاذب وضليل ، ذي ما يقولوا شحات ويتشرط ، أنت عايز الامم المتحدة تفصل ليك بند خاص بالسودان وبي شروطتك بصفتك امام الانصار ولا شايف نفسك نبي الله المهدي ولازم العالم يسمع كلامك، أنت البند السابع ده له عشرة سنوات مفروضة وبقوة السلاح من الامم المتحدة على السودان وما قلت بغم ، ياخي أنت لي متين بتزايد وتكذب وضلل على الناس ياخي انت لا اخلاق لا دين انا عايز اعرف البردعك شنو لو الله ما بتخاف.
اصلاح الاجهزة الامنية يضر بمصالح حزب الأمة و الكثير من الجهويات و القبائل.
وهو أمر بغيض و قذر ، حيث بامكان هذاالاصلاح ان يحيد تلك القوى من المشهد السودانى كما هو المعتاد ، و يخلق عهدا بدون انقلابات او محاصصة قبلية جهوية فى السلطة.
اى فائدة ترجى من مثل هذا الاصلاح ؟
واسوداناااااه ، وا اسلاماااااه
وا غباشتاااااه.
الصادق المهدى اخد زمنو وعايز ياخد زمن غير و عليك الله يا المهدى روح ارتاح خلى الفتن واللخابت دى والله بعد كده الشباب ديل يقوموا عليك الا يشيلوك ب حاشيتك دى ويدوك البحر القبلك ده روح لف بالله عليك الله كلامك ده كان زمان الفصل السادس والسابع ديل فى ناس شغالين فى الامم المتحده ورئيس الوزراء حمدوك ده كان شغال فى الامم المتحده والسيادة الوطنيه دى منتهكه ليها 30 سنه عملت شنو ما قاعد تعاين ب عيونك ديل والبشير يشيل ويملا ليك فى جيبك ويلبس فيك فى الاوسمه والنياشين دى ما رشوه عينك ياتاجر الان افضل ليك تقعد فى بيتك وتقفل خشمك ده
الزول ده طلق وبقى يقول كلام ما موزون أخير ليكم يا شباب حزب الأمه تشوفوا طريقه تغيروه.
في الوقت الذي نستعد فيه جميعا لليلة القدر يستعد الصادق المهدي لليلة الغدر.
الغدر هو شيمة هذا العجوز المتهالك على السلطة, وكل دعوة صالحة في ليلة القدر يجب ان ترجم بها هذا الشيطان المارد.
أحسنت وأوجزت
كلام الصادق دة كلام الطير في الياقير يعني الصادق داير ليه مانديت خاص بيه هو ياخي بكتش واحد اذا كنت داير السلام الامم المتحدة لها امكانيات مهولة وتستطيع ببرامجها المعروفة ان تقوم بعمليات الدمج والاعادة- ده هو المانديت ما تلف وتدور ساكت – انت فقدت البوصلة با مهدي اترك الخبز لخباسينو ما معقول ستين سنه متلحنا اصلو السودان ده خلقوه عشانك روح كدة
الحاصل دا كله من سوء ادارتك ونسببك للسودان
اخرص ايها الثمانيني فانكم فشلتم في ادارة البلد
اتركوا من هو احسن منكم ايها الكوز العجوز
الحمد لله النية زاملة سيدها
ليه خايف بس ! أجهزة الامن دى الوحيدة الماقادر واحد يلمسها او حتى شركاتها ..
صدقوني هذا الرجل النافه هو من سيفشل هذه الثورة الظافره. بعد انحسار كرونا انشاءالله لا بد من مليونيه لردع هذا الديناصور
كلامك متناقض يا اخ احمد, لو ممكن توضح اكتر
هل اصبح امام البوخه الحاكم الفعلي للسودان لا يخلو يوم لا نري فيه صورة امام البوخه او تصريح له والكل يتهافت علي زيارته في منزله من حمدوك لتجمع المهنيين وحريه وتغيير وبرهان والكيزان والدقير وابراهيم الشيخ وجبهة ثوريه.
كل ذلك يجري علي مسمع ومرأى من حمدوك الذي التزم سياسة الصمت المريب والانزواء .. يشارك ببعض من التغريدات الخجوله ونعي لنا فاروق ابوعيسي ومنصور خالد والطيب زين العابدين عليهم الرحمه.
هل ما زال حمدوك يعتقد انه موظف في الامم المتحده ام هنالك من يكبل خطواته ؟؟ الشفيع خضر مثلا.
لو كان حمدوك صاحب شخصية قويه وترك سياسة التردد والجبن وتصدي لكل مشاكل السودان بعزم وحزم واكثر من اطلالته في اجهزة الاعلام وزياراته لاقاليم السودان وبؤر المشاكل والالتقاء بابناء شعبنا خاصة وان له سند شعبي هائل لتغيير الحال واحجم امام البوخه وحلفائه الكيزان واعداء الثوره من تهديداتهم ووعيدهم بوأد ثورتنا المجيده.
قم يا حمدوك وقف علي رجليك مستندا علي شباب الثوره والكنداكات ولجان المقاومه واحرار بلادي وهم كثر وتدثر بثوب الثوره التي مهرها الشباب بدمائهم الطاهره. ونفذ كل مطالب الثوره دون تردد وخوف.
هل تسمعني يا حمدوك نحن لم نفقد الامل فيك فانت مازلت امل شباب الثوره .وسنردد معهم شكرا حمدوك اذا تقمصت روح الثوره وتدثرت بردائها..
الصادق المهدي آخر من يتحدث عن الوطنيه .. اليس هو من أتي بالمرتزقة لإطاحة بحكم الرئيس نميري الذي شهد له عامة الشعب بحبه وإخلاصه وانتصاره لهم من الإقطاعيين ومستغلي الشعوب لمصالحم الخاصه وإستعبادهم لهم لدرجة انهم كانوا يأكلون التراب الذي توطأه أحذيتهم بدعوى فيه من البركات ما يشفي الداء ويزيل البلاء..كلام (الكاذب الضلّيل) كلمة حق يريد بها باطل. لقد فات زمانك يا سي الصادق .. خد راحتك بالكامل..
الصادق المهدي فاشل فشل متكرر و ببغاء يكرر سناريوهات قديمة ( العقد الاجتماعى )
بتاع لف و دوران … طيب لو فشلت الحكومة فى اذاء مهامها
هل نستطيع محاسبة الصادق و باي صفة و ما هي وظيفته رئيس حزب
منذ 60 عاما …ما هو عمل الصادق الذي يجعل الحكومة تجتمع به ..
لضحالتة الفكر السياسي العسكري يجتمع العسكر بالصادق المهدي
الصادق سيضر السودان وعند مراجعته للعسكر رفضوا له الانقلاب
بسبب الامم المتحدة …العالم يرفض حكم العسكر و لا يتعاون معهم
بذلك لن يصل الصادق الى الحكم اذن من يقوم بالانقلاب هو الصادق
عليك الله يا الصادق المهدي عليك الله اختانا
الصادق يخشي فتح دفاتر فساد الانقاذ لشي في نفسه لو لا الصادق لما كان الترابي و بقية مجرمي الكيزان. بعد الثورة الدين مكانه الطبيعي المساجد اما السياسة و الحكم بلا دين لان الوطن للجميع.
غور في ستين داهية تاخد حل عن سماءنا.
حل عن شهداءنا.
نستعين بالشيطان ما ليك دخل وانكتم
( ودور الأمم المتحدة في وضع الدستور والإصلاح القانوني والقضائي ، وإصلاح قطاع الأمن ، وحماية المواطنين ) . مقتبس من الخبر أعلاه
مثال بسيط جدا لحوجتنا للاصلاح القانوني والقضائي والأمن وحماية المواطنين تأملوا معي كم أشخاص قتلوا أو اتلف مالهم أو تمت سرقتهم والتعدي عليهم في غضون عام وآحد سابق من الآن في جميع أنحاء السودان ولم تصل قضاياهم الى الشرطة أو النيابة أو القضاء.ليفصل فيها بالعدل ، بل لعلكم تذكرون بالأمس القريب احداث كادقلي عندما قتل الراعي لأبقار الرائد جاو لم تتحرك السلطات الا بعد شهر وبعد حدوث القتل والاضطرابات التي هزت المدينة .
وتذكرون بالأمس أحداث سنار المصورة والمتداولة على النت اذ قام البعض بخنق عثمان ذو النون وتكسير أضلاعه وضربه بعنف وسبه أحدهم قائلا يا لو……… وقال آخر يا ابن الشر………… وقام البعض برفع الفيديوهات على مواقع التواصل الاجتماعي لتصل الى أكبر عدد من المشاهدين بحيث لم تعد خافية حتى على مجلس السيادة أو مجلس الوزراء ولم أسمعهم يشجبون هذا التصرف ناهيك عن تقديم المشتيه بهم الى العدالة !!!
الصادق المهدى كعادته رجل بالداخل والاخرى بالخارج وكفاية جدا علينا منك بوخة المرقة والعايرة ما بنديها سوط
اما ابيض او اسود رمادى يخنق
الان قد وضحت النوايا ايها الكاذب الضليل – لن تقوم للسودان قائمة وهذا المعتوه له سلطة او موضع راي في السودان – انت وحزبك اسباب دمار السودان
سؤال بسيط جدا ماذا يعنى السودان بالنسبة للكاذب ولا الصادق؟ قرأنا تاريخ المهدية وين ولد المهدى ديانة شهامتة رجولتة حتى فهمة استطاع لم شمل السودانييييييييييين ٠٠٠٠ ماذا فعلت ايها الصادق اصبحت رئيس وزاء السودان مرتان وطردوك الكيزان وحلقت دقنك ليسا جارى وراهم يا راجل ما خليك عاقل يوم ٠٠٠ هرجلة ٠٠لخبطة ٠٠ معاكسة ٠٠ فتن ٠٠٠ خارج و داخل السودان ٠٠٠ يا عمك مالك و مال الامم المتحدة أنت قايل الباقى من عمرك كم سنة؟ ٠٠٠ يا عمك ملخبطتنا قبل ما ندخل الابتدائية لقايد ما عجزنا ٠٠٠ يا عمك ماهو الجديد الذى تريد تقديمة للسودان بكل صراحة ٠٠٠ ما ريحنا و ريح السودان للسودانيييييييييييين !!!!
طيب ماقلت الكلام ده ليه لما صاحبك البشير دخلهم عن طريق البند السابع؟ بل راسك وجهز حفرة دخانك البل جاييك. بعدين ممثلينك الفي امريكا ديل مش ياهم العواطلين بتاعين الكشاتين العايشين علي الاعانات البتصرفها ليهم من القروش النهبتوها من البلد؟
الامام كرونا اقصد الصادق المهدي الفرق بينك والكرونا في السودان بسيط جدا كرونا يقتل وانت تلتف بدمار الامة بالله كفاية يا صادق المهدي كرونا الله يخلصنا منك ومن مرض ال المهدي في السودان
الصادق المهدى الفاشل بدأ فى بالمؤامرات اعملوا حسابكم يا بنى السودان من هدا الافعى
الصادق المهدى افشل من مشى على البسيطه يعنى لازم هو الكل فى الكل او على وعلى اعدائى ما كنت رئيس وزراء الف مرة قبل كدة وقلعوهو منك والله يا بنى السودان تانى تخلوا المهدى ده يحكم ما معروف المرة الجايه دى يسلمها لمنو ——- الله يستر
لو عايز تردمه بالجد قول ليه اسكت ياامام البوخه .. اسكت يافريخ السراريج .. تقل ادبك نفك فيك سهام تراجي مصطفى الكنديه تمعطك زي الفروجه .. انتا ما قلت اعتزلت السياسه ؟؟؟ ما كفايه 60 سنه زعامه !!!
بدا العواجيز الخونة خطة هدم وعدم استقرار السودان ..يا ناس لمو الزول دة مننا
الحقنا يا عم شوقي بدري بي مقال كارب في المتصابي دة..
الصادق يعلم تماما ان مثل هذه التصريحات لاتجد قبول عند الشارع . ولكن تحت الرماد وميض نار من هم مؤيدوه داخل الحرية والتغيير؟
ياخي انت يا الصادق اذيتك للسودان اكبر من اي مصيبة تتصورها علي وجه الارض. حرقت دارفور و كردفان قبل الكيزان، حرقت الجنوب بعنصريتك، حرقت السودان بانانيتك. انت تتحدث علي السيادة؟ وين كنت 30 كانت الامم المتحدة داخل السودان لماذا لم تتحدث عن السيادة؟ يا الصادق تاني حكم ليك و لا لعيالك مافي ختها حلقة في ادانك. انت نوابك كانوا من دارفور و كردفان و انت حرقتهم الاثنين كيف تاني تعشم تحكم يا اجبن و احقر سوداني عرفت…حسبنا الله و نعم الوكيل فيك بقدر ما اذيت البلاد. تفرتك خيمتك قبيل المجزرة لن ننسي يا المجرم ما حيينا. اللهم ارحنا منه بما شئت يا جبار و يا قهار!!!
الامم المتحده تريد تطبيق العدالة والديمقراطية والشفافية في كل شئ في السودان السيد الصادق المهدي يعتبر حزبه اكبر الاحزاب ويجب ان يحوز علي الكيكة كلها وهذا زمن ولي يا الصادق
اليوم، الثلاثاء ١٩/ مايو الحالي، ـ الساعة الواحدة صباحآ و(٤٥) دقيقة بتوقيت المانياـ ، وصل عدد التعليقات (٤٥)، ولم اجد تعليق واحد في صف الصادق المهدي!!