مصر تستخرج الذهب من حلايب وشلاتين

مبروك يافراعنة وعقبال ضم باقي إقطاعية الشاويش السفاح ويابختكم والفرصة أمامكم والشاويش مرتعش الأيادي ممكن يسلمكم على طبق من ذهب كل شئ بس أنتوا أشرو لو بنظرة أو بكلمة أو بهمسة أو حتى نسمة عابره قولو عاوزين نضم جنوب الوادي !!!!!!!!!!!!!!!

الواحد بقي بدل الدموع ينزف دم ضاعت حلايب وشلاتين خلاص الله ينتقم من الكيزان الغملاء الانبطاحييين

التصويت للانتخابات قادم صوتو للرئيس الذي من ضمن اجندته استرداد حلايب وشلاتين بس

للأسف الشديد حلايب ضاعت لأن الجيش السوداني المُنهك من حروبه الداخلية لا يستطيع منازعة الجيش المصري المشهود له بالقوة الجبارة وأستطاع محاربة إسرائيل في عُقر دارها مرات ومرات، وحكومة السودان تعرف جيداً الثمن الغالي الذي ستدفعه في أي صراع عسكري لإستعادة حلايب.

يا ناس عووووووووووووووووك كدي خلونا اول نشوف الحراميه فى الخرطوم وفى باقي السودان ونحاسبهم وبعدين نشوف حرامية الخارج ونشوف لينا شباب وناس تانيين يحكمو البلد والله اي زول يرتبط بالاحزاب القائمه دي معناه عنده حاجه مش مظبوطه يعني الا الامه والوطني والشعبي والاتحادي وباقي الكرور انتو ما عندكم راس يا ناس السودان شوفو ناس تانيين وبعدين شباب خيخه ساكت بس الرقيص والغناء والجكس ويقولوا البلد تعبانه والبلد زفت والله زفت انتو وتعبانين انتو عشان ما عاوزين لا تفكرو ولا تتحركو لا فى مستقبل ولا فى احلامكم حتي ال حلايب وشلاتين ال اصلحوا حالكم المايل اول وبعدين كله ينصلح ولا شنو عوووووووووووووووووووووووك

شاهدت قبل عدة أيام برنامج على قناة دريم 2 وفي برنامج مصرx يوم الذي تقدمه الإعلامية الموجهة(أي التي تعمل بموجب توجيهات سياسية عليا) وهي تجري مقابلة مع من أسمتهم أعيان حلايب وشلاتين وهم خليط من أهل الشرق وبعض المصريين المدسوسين على أهل الشرق وكان من السهل جداً أن تفرق بين هذا وذاك من اللهجة وطريقة الكلام وللأسف الشديد إشارات من يدعون أنهم أعيان الشرق بأن أرض حلايب وشلاتين وأبو رماد هي أراضي مصرية وكانوا يقولون ذلك على استحياء وهم مطرقون خجلاٌ لأن ضمائرهم لم تتركهم من الوخز وهم يسجلون الحلقة مع تلك المنافقة المأجورة.الوحيد الذي كان صادقاً هو صبي من شرق السودان عمره حوالي 13 سنة تقريباً وكان يعمل على صب الجبنة”القهوة” حسب وصف مقدمة البرنامج وكان الصبي عفوياً في إجاباته بلهجته الشرقسودانية التي لا تخطئها إلا إذن كاذب مكابر:
المذيعة:إنت اسمك إيه؟؟
الصبي : فلان (لا أذكر اسمه)
المذيعة:بتروح المدرسة؟؟
الصبي :ما قاعد أمشي المدرسة
المذيعة: ليه ما بتروحش المدرسة؟؟
الصبي : ساي
المذيعة:(لم تفهم كلمة “ساي” وكررت السؤال مرة أخرى)
الصبي : قاعد أسرح بالبهائم(وهنا انتزع منه أحد الكومبارس المايك وغيَّر الموضوع)

للأسف الشديد لم يتعرض صحفي أو كاتب أو صحيفة أو على الصعيد الرسمي أو الشعبي أو الخاص لهذه الحلقات المنتظمة.
وبالمناسبة لا يستطيع الوالي محمد طاهر إيلا دخول هذه الأراضي المنزوعة من السيادة السودانية.
وللعلم قامت السلطات المصرية قبل شهر من سحب جميع الأطالس من وزارة التربية والتعليم والمدارس المصرية التي تبين مثلث حلايب تابع للسودان.
الذي يدعو للسخرية والضحك أن نفس المذيعة عندما كانت تهييء المشاهدين لهذا البرنامج كان في خلفية الأستديو خريطة توضح تبعية المثلث للسودان.

كنا في دورة من دورات الشعبي ( دفعة حناكيش وخسائر) وكان في ذلك الوقت حرب الجنوب مدورة دوير شديد والتفويج الى الجنوب وحلايب محتلة من المصريين وكان الضابط المئول نقيب ولما يدور يسخنا ويحمسنا يقول لينا تمشوا تحرروا حلايب وتكبير وتهليل والله لو كان ودونا كان عملنا حاجة رغم اننا خسائر وبعدها تخرجنا وكل واحد ركب جبلو زمن

هههههههههها يا اولاد بمبا استخرجوها اكبر كمية ممكنة من الذهب عشان بعدين تستروا بيها مياه النيل من السودان وإثيوبيا .

والله طيله ما الشعب السوداني يعاني من الخلافات الداخليه وخاصه التمرد الماراضي يتفاوض وفي زول اسمو عرمان ينطط من هنا لي هنا طردوهو من الجنوب مشى كردفان .ما حا نقدر نرجع اراضينا وكمان الاحتلال ح يزيد .عليكم الله من قامت الدنيا لي يوم الليله شفتو ليكم معارض مصري رافع السلاح في وجه الحكومه او شفتو ليكم مصري قال عايز ينفصل او اتكلم في وسائل اعلام عالميه قال انا مظلوم يا ناس الراكوبه والمعلقين ارحمونا .

الشعب السوداني المحترم
السلام عليكم ورحمة الله وبركاته
نتمنى لكم أولا السلام والعفو والعافية – ثم الرخاء الذي نأتينا جميعا إلا بالإخلاص لديننا ولعربتنا والبعد عن الفساد الذي استشرى في عالمنا العربي الذي لا يحتمل أو يحتاج إلى التفرقة أو التفتت أكثر من ذلك .
لقد حزنت شديد الحزن لما شعرته من ردود تدل على الاستهانة بأنفسكم بدليل الشعور بالاستعلاء من المصريين عليكم وهذه هى المشكلة الرئيسية وليست قضية أرض هنا أو هناك .
والحقيقة غير ذلك تماما فأنتم في قلوب ونفوس المصريين بخلاف ما يحاك في نفوسكم –
فقد نجحت الحكومات والإعلام الفاسد في غرس هذه الأقاويل في نفوسكم لأغراض سياسية ونزع الله من ضمائرهم ومن قلوبهم حكمة التعامل من أجل ديننا ووطننا وعملوا من أجل البقاء في مناصبهم .
والدليل على ذلك عندما تتفق سياسات ومصالح الحكام لا نجد ذكر لأي شئ يبعد الشعوب عن بعضها – وإن اختلف السياسات ومصالح الحكام اختلقوا المشاكل وعبئوا النفوس لدرجة الإحساس بالعداء .
فقد نجحوا فعلا في أن يجعلوا الشعوب في جزر متباعدة ومتفرقة رغم ما نشهده من وسائل اتصال واسعة ومتاحة ولكنها جميعا موجه .
فهلا تعاملنا معا بالعقل والمنطق ومن خلال تعاليم ديننا الذي يجمعنا ولا يفرقنا ووطننا الذي يسعنا جميعا وخيراته تفيض عن حاجتنا بشرط عدم الفساد أو الإفساد وندعوا أن نجد حكومات من بيننا يجمعوا ولا يفرقوا يعملوا من أجل مصالح الشعوب ووقتها سيظلون أيضا في مناصبهم ولكن بكرامة واحترام من جميع الشعوب .
هل هذا حلم – أم واقع يمكن تحقيقه ؟
السلام عليكم ورحمة الله وبركاته