قصة هاجر سيد أحمد
عندما تأتي ذكرى هذا اليوم يقفز الى أذهاننا اسم القامة السودانية الشامخة أُم الشعب السوداني المناضلة الجليله والمرأة العظيمة الاستاذة فاطمة أحمد ابراهيم والتي لو لا جهودها ونضالاتها هي ورفيقاتها في الاتحاد النسائي لما انفكت المرأة السودانية من قبضة الرجل السوداني ولما تحررت المرأة من القوانين المنافيه لآدميتهن مثل قوانين بيت الطاعة وعدم المساواة في الاجر..الخ.. كل ذلك قامت به رائدات الاتحاد النسائي السوداني وجاءت أجيال بعدهن لتحصد ثمار غرسهن وليتهن حذون حذوهن بوعي ودراية.
فاطمة أحمد ابراهيم والتي تستشفى الان في لندن أحوج ماتكون الى زيارة من أي امرأة سودانية وهذا فرض عين وأقل واجب يمكن القيام به تجاها ، والامنيات لها بدوام الصحة والعافية ومديد العمر.
هناك أفراد تستحق تجاربهم الحياتيه أن تفرد لها صفحات وصفحات ، حتى تكون دروسأً مجانيه للاقتداء بها وعدم الركون الى اليأس والاحباط.
اليوم تحتفل نساء العالم بيومهن العالمي ، كثيرات لم تسمعن بهذا اليوم وان سمعن به فذلك لايعني شيئاً كثيراً لهن .
يسر الراكوبة أن تسمع قصة شابة من أسرة سودانية تقدمية، رب الاسر المناضل الراحل سيداحمد الشيخ قائد نقابي وسياسي ابنته هاجر سيد أحمد الشيخ مناضله سودانية بصبرها وجلدها احتلت مكانه تستحقها في الولاية التي تعيش فيها بعد أن أصبحت بلسماً شافياً لمرضاها وهي التي درست الهندسة في السودان، لكنها قررت أن تشق طريق آخر بين المرضى فاختارت مهنة التمريض بعد أن تسلحت بشهادتها الاكاديمية والان تحاضر في قاعات الدرس.
تقديراً لما قامت به تم عمل فيلم وثائقي لها تجدون رابطه أسفل هذا الحوار.
حوار عبدالوهاب همت
التحدي الاول في حياتك؟
أول تحدي غير عادي بالنسبة لي عندما التحقت بالجبهة الديمقراطية وطلعنا مظاهرات كنت في السنة الثانية في المدرسة الثانوية كان ذلك العام 1993 تقريباً قبضونا وودونا مكتب الامن في موقف شندي في الخرطوم بحري وكانوا يضربوني من الساعة الثامنة مساء الى الرابعة صباحاً علقوا يديني في شجرة والضرب كان يبدأ من الراس وينتهي في القدمين في البداية الضرب كان مؤلم ولكن بعد مرور الزمن فقدت الاحساس بالالم وتورم جسمي بشكل كامل وفي حوالي الرابعة صباحاً تقريباً اخذوني ورموني في ضهر بوكس ولما وصلنا البيت شالوني اتنين جدعوني زي الشوال وقعت في الارض وابوي كان قاعد برة وكورك فيهم لكن تحرك البوكس بسرعة شديدة جداً واختفى عن الانظار اتذكر في اللحظات الاولى للتعذيب جاء شخص اسمه الفاتح ولما شافني قال ليهم دي هاجر اضربوها ساكت بعد داك مع كمية التعذيب تكتشف في نفسك بانك قدام تحدي وعليك التحمل والمقاومة وبالتالي تكون عندك خبرة كبيرة وتستطيع تجاوز الكثير من الصعوبات.
في اللحظات الاولى انا كنت خائفة ومتألمة وما فاهمة البحصل في البداية كان في اسئلة ودي ما كانت اول قبضة وكانوا في المظاهرات ديك قبضوا كمية من الناس.ونتيجة للتعذيب البشع أنا لم اتمكن من الرقاد على ضهري الا بعد 3 أسابيع
مدير مدرسة بحري الجديدة الثانوية كان موقفوا عجيب وغريب في سنة تانية واتذكر كان شهر رمضان يومياً كان ناس الامن يطلبوا مننا الحضور الصباح ونرجع المغرب في زمن الفطور وكنا سبعة بنات الشئ الوحيد الكان مطمئن ابوي كان بجي جنب مكاتب الامن وبتكلم بصوت عالي وبهددهم اذا حصلت لي حاجة وكنت كلما اسمع صوتوا برة بطمئن ولحدي الوقت داك ما كان في زول بهددك باغتصاب ولا شئ ردي من النوع دا، نرجع لموضوع مدير المدرسة قام فصلنا لمدة عام من المدرسة ولما كلمت ابوي مشى وعمل معاه مشكلة والمدير تراجع شوية وبدل الفصل النهائي لمدة عام قال ممكن أجي امتحن فقط ولا ادخل سور المدرسة اطلاقاً إلا للامتحانات وفي الفترة ديك في شباب ساعدوني وهم بدر الدين علي وفيصل بابكر وهم كانوا بيدرسوا في الجامعة ولعبوا دور كبير جداً في اني انجح السنة ديك بمساعدة شباب اخرين وبخاري عثمان الامين زوج شقيقتي نجلاء سيدأحمد الان، كان عندو معهد لتدريب الطلاب واتاحوا لي فرصة ادرس معاهم.
التحدي الثاني دخلت جامعة السودان وانا كنت كادر خطابي للجبهة الديمقراطية في جامعة السودان وكان كلما نعمل ركن نقاش يحصل فيهو ضرب وصدامات وتم اعتقالي انا والطيب شريف بسبب ان الحرس الجامعي في واحد مشى فتح فينا بلاغ وهو كان مسئول في الادارة والبلاغ ضدنا اننا هددناه وبنعمل مشاكل قاموا قعدونا في حراسة لمدة يوم وجات مجموعة من المحامين عملوا لينا ضمان والمحكمة كان تحدد لها بعد شهر والطلاب كلهم جاوؤا وحضروا المحكمة لأن المحامين عملوا دعاية كبيرة، مما اضطر الشاكي إلى تقديم تنازل من البلاغ وشطبت القضية.
في العام 98-99 كانت في حادثة مشهورة أسمها الكشك الخشبي، وأنا كنت بتكلم في ركن النقاش قاموا ضربوا الناس بالسيخ وكان عندهم كشك مخزنين فيهو كل المصائب الخاصة بيهم وبقينا نضارب ضدهم قام واحد خبطني بسيخة كبيرة في رأسي والفتحة كانت كبيرة لا زالت اثارها موجودة ووقعت في الارض والطلبة هاجوا في ناس الامن وكادوا يفتكوا بيهم وطلعت مظاهرة برة إلى الشارع وجو ناس الامن يطاردونا واتذكر نحن ماشين في الشارع والناس جارية وأنا وصلت بيت اسرة في الديم والزولة فتحت الباب ودخلتني جوة البيت وقالت لي ادخلي تحت السرير وهم فرشوا السرير وختوا صينية الاكل وقعدوا ناس الامن خبطوا الباب هي مشت فتحت ليهم الباب سألوها مني قالت ليهم مافي زول دخل البيت ده وجاطت فيهم وهي امرأة كبيرة في السن وهم في الاخير مشوا واثناء الحوار وانا راقدة في الواطة تحت السرير، ولما الواطة مغربت اديتهم تلفون بخاري اتصلوا عليه عشان يجيني بالموتر وهو جاء المغرب بالموتر الفيسبا وساقني من البيت داك وانا راسي كان مضروب والجرح ما منضف بخاري اخدني لمستشفى بحري والراجل رفض يعالجني إلا بعد ما أجيب أورنيك8 عشان يخيط الجرح وخليناه ومشينا لأنو قال لينا مافي اورنيك خياطة مافي و كبوا لي هبوت في الجرح. بعد داك ناس الجامعة قاموا أهدروا دمي أنا والطيب شريف وناس راشد سيد أحمد والاستاذة فاطمة أحمد إبراهيم لما سمعوا الخبر في لندن اتصلوا بالبي بي سي وببعض المنظمات وتحدثوا عن موضوع إهدار دمنا وبعدها ناس الجامعة تناسوا الموضوع بإيعاز من الحكومة، وقاموا ناس الحكومة نفوا الخبر وبالمناسبة لحدي ما انتهى الموضوع دا نحن لم نذهب إلى الجامعة وكنا مختفين أنا في بيت المرحوم دكتور عماد الامين وبعد داك رجعنا الجامعة عادي.
التحدي الثالث كان قرار المخارجة من السودان وهو انك بعد ما تكون قاعد وتناضل في السودان وعندك قضية وتصل لمرحلة أن بقائك في السودان لن يفيد ويمكمن تموت في اي لحظة وتصل لقرار المغادرة وهو قرار ذاتي وأناني جداً كونك اخترت خياراتك الشخصية وتركت الاخرين غرقانين في قضايا كبيرة، وانت تحس بالخذلان وأصبح التحدي صراع داخلي يعني بينك وبين نفسك وذهبنا إلى القاهرة والقاهرة هي قاهرة جد. ما كان فيها مشاكل كبيرة غير الجوع وبعد شهر أنا اكتشفت اني حامل وقدمنا للامم المتحدة وكنا منتظرين وما كان معروف ح نغادر القاهرة متين ولوين، كانت تصلنا 100 دولار من شقيقي راشد وكذلك كانت شقيقتي نجاة بترسل لينا مصاريف. اجرنا استديو في مدينة نصر، هو مش استديو إنما سكن البواب، هو سلم حديد تطلع فوق في النهاية في غرفة مبنية في السلم، الغرفة مفصولة بستارة والحمام لو عايز تغسل يدك تدخل يدينك فقط، كان معانا ميرغني والمرحوم حمزة وكنا قاعدين في الجو البائس ده عشان نقدر نوفر زيادة دخل انا قدمت لشغل مع منظمة اسمها معاً بعملوا تدريب تشتغل معاهم كانوا بدفعوا عشرين دولار في الاسبوع.
أنا اصبت بانيميا حادة في فترة الحمل وكنا نأكل قرقوش وكنا نمشي نشتري عيش ناشف نشرب شاي أحمر مرات بدون سكر وبنكون بالحالة دي زي ثلاثة اسابيع في الشهر ومرات لمن يكون عندنا قروش بنحاول نفرح روحنا شوية نشتري فول مرات مرات بنشتري دجاجة، وما بنغسلة عشان الدهن ما ينقص يوم نأكل الشوربة ويوم نأكل اللحمة ونحاول على الاقل نمشي بيها اربعة خمسة يوم وباقي الايام شاي بقرقوش وكانت فترة عصيبة لا توصف لكن احسن من السودان.
انا اصحابي كانوا بقول لي شقاوتك دي ما كملت مره ناس مجدي بحر قالوا لي بعد كده حتحصل ليك حاجة كويسة من كترت الشقاوة الكنت بقع فيها، والمثل بتاع اي شئ لا يقتلك يقويك صحيح مية المية والجلد تخن وانا في الحقيقة جلدي اتحجر مش تخن، قعدنا بالحالة دي في القاهرة تسعة شهور واتضح انه المصرين كانوا بياكلوا قروشنا لأنه اي انسان يقبل في منظمة الهجرة الدولية بتصرف ليه مية دولار في الشهر ونحن يعني ما ادونا ولا طرادة ولحدي ما خلاص مسافرين ادونا 100دولار بس.
لما بلغونا اننا مسافرين خلاص انا كنت حامل في الشهر السابع ولو كلمتهم بالحقيقة ما كان بخلوني اسافر، مشينا واتفقنا مع دكتور قال مافي مشكلة سفر ممكن، وقال ممكن تسافر وطمأنهم والطيران كان حوالي 12 ساعة ومع ضغط الطيارة كرعيني ورموا ودي قصة طويلة ولما نزلنا في مطار فلادلفيا هو مطار عفن جداً والشوارع كأنها في الديوم أو الدناقلة.
في الفترة ديك انا كا عندي انيميا حادة وطلبوا مني الرقاد وعدم الحركة الى ان اضع طفلي وملاذ ابنتي الكبرى جاءت الى الدنيا مستعجلة اسبوعين قبل مواعيدها من كترت التعب والعذاب، بعد الولادة رحلت لمدينة في نفس الولاية ومشينا لناس وليد يس وزوجته لمياء واستضافونا في بيتهم، المياء كانت شغالة في روضة ونزلت معاها في نفس الروضة.
التحدي الرابع هو عندما بدأت اواجة الواقع الجديد والخلافات التي بدأت بيني وبين زوجي السابق وكان يضربني ولكن كنت أأمل في مساعدته والوقوف معه ليترك ادمان الكحول وجاءت الطامة الكبرى عندما ضربني امام ابنتي الكبرى وكنت حامل بابنتي الصغرى عندها قررت الانفصال وهو قرار ليس بالسهل وتقع نتائجه علي وعلى بناتي الاتنين.
الفرق بين بنتي الكبيرة والصغيرة حوالي ستة سنوات لكنها المسكينة تحملت معي كل التبعات وشاركتني في تربية الصغرى.
كل الكلام ده ما خلاني استسلم بالعكس حفزني وعملت في روضة بالنهار وكنت اذهب للجامعة بالمساء كنت اعمل خمسة ايام في الاسبوع ومن حسن حظي لم اجد مشكلة في اللغة ولم اتعطل في الدراسة درست كورس التمريض بعدها عملت بشهادته في يومي السبت والاحد، ثم انتهيت من الماجستير في التمريض ودرست في نفس الكلية التي تخرجت منها.
اسست شركة خدمات طبية توفر الايدي العاملة في مجال التمريض ونجحت فيها ولا زلت ونتيجة لتفوقي في ادارة الشركة ستقدم لي الولاية جائزة وذلك في يوم 16 مارس الجاري.
استطعت ان اخلق صلات ممتازة جداً مع المرضى كل شخص كبير في السن اتعامل معه باعتبار انه والدي وكل انسانة كبيرة في السن اتعامل معها باعتبار انها امي، في فترة بسيطة جداً خلقت صلات وطيدة جداً مع كل المرضي الذين يدخلون إلى قسمنا. وبالطريقة السودانية إذا مات شخص فأنا ابكي معهم.ونتيجة لتعاملي مع المرضي وزملائي كرمتني المستشفى التي اعمل بها وانتجت لي فيلما توثيقيا تحدث فيه بعض المرضي واهلهم وزملائي في العمل.
من خلال تجربتي ألخص أن العزيمة والإصرار هما الطريق إلى النجاح مهما كان الجو الذي يعيش فيه الإنسان.
في كمية من الجهل في أوساط الشعب السوداني في مجال العنف الاسري تحديداً والتعامل تجاهه من قبل الضحايا وأهمية التوعية وكيف يجب أن يتعامل الناس عندما تتحول الحياة الزوجية إلى جحيم ويدخل فيها الضرب والشتم، هذه الثقافة يجب أن نتعلمها ونعرفها ونساهم في وقف ثقافة العنف مهما كان حتى لا تتفرغ الاسر ويضيع الاطفال ويدفع بقية الناس أثمان ذلك.
[SITECODE=”youtube xiObKchXXek”].[/SITECODE] [url]https://www.facebook.com/thehagirshow/?ref=bookmarks[/url]
التحية ليك ي زولة ي اصلية
#خربشة_برلومية:
#Happy_Womens_Day
#يوم_المرأة_العالمي … 🌹 … الأنثي عالم مستقل له ذاته😍 …
🌹 صباح يوم عظيم بعظمة المحتفي بها في صفاء بعيداً عن زخم الحياة التي أهلكتها دون رحمة أو ترفُع لرد الجميل … #ست_جواي
تبقي هي الإنسانة الأنثي العزبة بكل تفاصيلها الوصفية وما يتصف بها من تسمية ( ام – اخت – حبيبة – صديقة – زميلة – رفيقة – عمة – خالة – حبوبة – جارة – ست شاي – ست كسرة – ست البيت – فراشة – استاذة- دكتورة- مهندسة – ستات الخمور البلدية – … – ست الهناي – و ست جواي ) لكن التحية والإحترام أينما كنتن أميراتي ملكات الأرض …
في يوم عيدكن المسمي في هذا اليوم … يوم مرأة سعيد … وكل ايامك سعادة …
….. 🌹 …..
ي ست جواي
😊✌🏼😍
مدخل (اول):
سلام للوالدة والعازة
محبة وريد
سلام للمرأة بت بلدي
الكفاحه فريد
سلام لكل بنات حواء
الحنانة يزيد
سلام للماشة والجاية
تمد في الأيد
سلام للراقدة والواقفة
تعبي وريد
سلام مرهف يليق بيكن
يرد لو حبة من دينكن
ويبقي نشيد
سلام بحب مرسل ليك
لانك ياخ كلك عيد
ومن حقك يكون ليك
في كل ثانية مليون عيد
بدون تحديد كل يومك
يبقي سعيد
وما بكفيك …
وحات ريدي المشبع بيك
ما بكفيك …
ولو نفضل نبوس قدمك
عمرنا عديل…ما بكفيك …
فدينك كسر فلكي في التحديد
يا مرأة يا عيد …
ي ست جواي … وبتعزف ناي …بألحان العود
…
مدخل(ثاني):
…
بعتذر منك…
إذا في يوم أُسيئ تقديرك
بمجرد نظرة من غيرك
ما تشليها في خاطرك
بعتذر منك…
إذا نزل عرق منك
عشان ما تعيلي لبيتك
والأولاد دوام همك
بتعذر منك…
إذا ما كان منمط ليك
تعيشي شقاوة في حياتك
عشان مجتمعك يعيش بيك
بتعذر منك…
إذا ما الليل طلق نحوك
جنود عرشو في سهرك
وانت تمارضي جنياتك
بعتذر منك…
إذا حمل وطنا عليك
وشال همو وردمو عليك
وصبح العسكر يعاكس فيك
بعتذر منك…
أذا في العالم كتر شيلك
وضيق الأفق ميل علي شباكك
بس كلك وعي بتعرفي كيف تقفلي بابك
وتفكي الكربة بخبرة
وخيااااكة بتحيكي العثرة بإبرة
وماك ساهلة … أنثي بحالة
ي ست جواي … في زمن العصرة
…
مدخل(ثالث):
…
صباح “وطن” ارحب يسع حنك
يقالد في شروقو عطاك
يشع بالبهجة من لقياك
يفوح بالنسمة من عطرك
ويتدفق … عطر حبك
في هذا الكون ويتلون
كيفما يكون … وتكون أنت
أنثي بحب … ومرسومة
إنسانة ملاك لهذه الأرض
ومخلوقة من كيفك
عشان ينعدل كيفنا
و من شقك … نبقي كمال
كمال نسبي مرتبط بيك
أنثي جميلة ليك ذاتك
منو البقدر…
بالديالكتيك ينفي وجودك
وينهي الدور الأصلاً ليك
ومنو القال ليك…
انك ناقصة ما كاملة
وصدقتي … بدون ما تعرفي المقصود
منو الزيك …
في هذا الكون بتضحيتك
وعطفك ي ملاكي أنا
سألتك بالذي سواك
كوني ملاك…
كوني ملاك…
وليك ذاتك كما ذاتهم
وعيشي الدور كما تبقين
وكما تشتهي المرأة انو تكون
ي ست جواي … ي ست ليك رأي …!
.
.
🌹😘… … 😍… … 😊✌🏼
.
بريسدينت مصعب آدم
(8/ مارس/ 2017)
.
.
.
وكما اسلفت تستحقين أن يحتفي بك في كل ثانية وكل كسر من الثانية مليون عيد وما بكفيك… حبي عشقي إحترامي وتقديري وبل مزيد لك ي سيدتي … Happy Women?s Day
و #المرأة_وطن_أكبر كما #الحبيبة_وطن … و #بنحلم_بوطن_أجمل
يا سلام يا هاجر انا اصدقائك على الفيس لكن والله اول مره اعرف انك صارعت كل هذا الواقع المرير احييك واشد من ازرك وان شاء الله اعبر لك عن اعجابي بصمودك في موقع اخر شكرا تعلمنا منك الكثير
انا والله ما عارف عبارة قهر الرجل السوداني للمرأة دي جبتوها من وين ..
لا توجد بلد في العالم حتى امريكا و دول اوروبا يحترم فيها الرجال النساء مثل السودان
ومال لو كنتي في مصر كان تقولي شنو ؟؟ اسوأ تعامل لي النساء في الدنيا
عموما انتي سيدة شجاعة و تحملتي كتير و ربنا يوفقك
فاطمه احمد ابراهيم ورفيقاتها فى الاتحاد النسائى . هن إنتاج اصلى وخريجات مدرسة الوعى والاستناره التى قدمت المناضلين فى كل ضروب الحياة . عاشوا وسط الشعب ولفهم غبار الحياة وهجير النضال . ماقدمه الاتحاد النسائى بقيادة فاطنه ورفيقاتها للمرأه السودتيه سوف يسجل لهن ولمدرسة الوعى والاستناره فى دفتر التاريخ وبسجل قى ذاكره الوطن والشعب مابقى الوطن وبقى الشعب. قدمن للمرأة السودانيه حق الانتخاب والترشيح وكانت فاطنه اول امرأة تدخل البرلمان فى افريقيا والعالم العربى والعالم الثالث. قدمن للمرأة السودانيه حق الاجر المتساوى للعمل المتساوى وتقدمن بذلك على كثير من الدول حتى الاوروبيه .قدمن كل ذلك فى تواضع ونكران ذات منقطع النظير ودون من ولا اذى . وقد رفعت فاطنه اسم السودان عاليا فى جميع المحافل الاقليميه والدولبه . فقد كرمها العالم وتقديراا لنضالها من اجل المرأة بل من اجل الشعب السودانى فقد كانت رئيسة لاتحاد المرأة العالمى . وفى هذا اليوم يوم المرأة العالمى نقف وقفة حب واجلال واحترام لفاطنه ( ام احمد).والله ياام احمد لو كل فرد من افراد الشعب السودانى كتب مقالا عنك ما اوفوك حقك . نتمتى لك دوام الصحه والعافيه . وحياك الغمام اينما حللت يارائعه . والف تعظيم سلام . واخيرا نطلب من جماهبر الشعب ان يدعو بصدق لغاطنه بالصحه والعافيه وهذا اقل مايمكن ان يقدم لام احمد فاطنه السمحه. تقديرى وحبى واحترامى لكل مناضل قدم ما استطاع من الوعى والاستناره لشعبه على القول المأثور. الغد للحريه والجمال واطفال اصحاء. .
وفقك الله و سدد خطاك!!
السلام عليكم ورحمة الله وبركاته
والله أنا ما عارف أقول شخصك شنو!!!!!!
لكن انت ما شاء الله عليك ،،إنت ماسه فريدة وعجيبة
أقف لك إجلالا وتقديرا
وكله في ميزان حسناتك إن شاء الله
وربنا يسعدك ويوفقك ويرحمك في الدنيا والآخرة. آميييييييين يارب
متعك الله بالصحة والعافية ويحفظ لك بناتك وإنتي المرأة التي مفروض تتكرم لأنك ضحيتي بكل غالي ونفيس من أجل الوطن الغالي لك منى كل الود والتقدير .
لكي كل التجلة والاحترام والتقدير دكتورة هاجر
هاجر أمرأة زادتها مصائب البلد قوة فى الارادة…لفظها الوطن جورا وبهتانا…فنبتت غرسة طيبة فى أمريكا….كم مثل هاجر شردته الانقاذ…نساء ورجال بقيمة أمم وليس دول فقدهم البلد نتيجة طيش البشير وهبالته
لكي كل التجلة والاحترام والتقدير دكتورة هاجر
باش مهندس هاجر الشيخ كل التحية والتقدير ايتها الرفيقة المناضلة
اعدتى الى الذاكرة ذكريات جميلة بالاذات يوم حرق كشك الكلاب
تم اعتقالى فى ذلك اليوم والمهندس حافظ ثالثةالكترونيات ومحمد جعفر حضرة الكترونيات لمدة 3 ايام من الضرب والتعذيب فى كلب من الكيزان انا تعرفت عليه من المعتقل وكان طالب فى قسم المحاسبة فى الجناح الغربى وعمل على رصده وهومن ابناء بحرى حله حمد والله ثم والله ما دمت حى يا(الحاج ادم ) لن اتركك متى ما تمكنت من ذلك ووعد الحر دين عليه
وفقك الله مهندس هاجر
يا لها من امرأة قوية ومثابرة..
في بلادها أرادوا تحطيمها .. وتحويلها إلى مجرد أشلاء..
فرفضت هذا المصير وتحدتهم..
وفي تلك البلاد الغريبة .. القريبة .. التي يدعون عليها عقب كل صلاة آناء الليل وأطراف النهار.. احترموا انسانيتها وأتاحوا لقدراتها أن تتكون.. فأجادت وأبدعت.. ولم يكتفوا بذلك – أولائك الأغراب القريبين – بل كرموها.. بيد أنها جديرة بذلك وزيادة ..
التحية للماجدة (هاجر سيد أحمد) ولجميع نساء بلادي الماجدات في يوم عيدهن..
والله انت كنداكة بجد , لك التحية ولكل الزملاء خريجي جامعة الخرطوم المغاوير دفعات الثمانينات الذين عاصرو عنف جهاز الأمن والتنكيل … ياريت عندنا زيك كثير كانت البلدتغيرت كثيرا
التحية لك والاجلال والخزي والعار لاشباه الرجال من الكيزان فهم يعانون من عقدة التحرش بهم منذ الطفولة
لله دركن يا نجلاء ونجاة وهاجر بنات سيد احمد الشيخ رحمه الله
بكل ااحترام ما المقصود بعبارة لما انفكت المراة السودانية من قبضة الرجل السوداني
بكل صراحة كان المقال يكون اكتر من رائع وحتي لايتعجل المتعجلون المتعصبون بالكيل يجب ان اوضح هنا معي ينتفي الجهل فقد عبرت قارات العالم القديم لاجل العلم فثقافتي جيدة باكثر من لغة ومع ذلك اوافق علي ان الجهل والتخلف كان ولايزال مناصفتن بين الجنسين ليس في السودان فحسب ولكن كان ولايزاللاقليم العربي والافريقي.قصص النجاح رائعة وتستحق ان تسرد ويتأمل ويستفاد منها اما نغمة المراة مظلومة ومقهورة هذة اشك جدا فيها ويعلم العارفون انها نابعة من نبع سؤ.والدليل علي ان المراة السودانية كانت مثل الرجل في الفقر ولافرق بينهم في شي فأطلع عل رائعةاديبنا الجهبذ المرحوم الطيب صالح موسم الهجرة الي الشمال ستري كيف ان المراة السودانية لم ينتقص من قدرها وحقها يوما الرجل السوداني بل انظر الي مهيرة بنت عبود وتاجوج وفي تاريخنا السوداني السحيق الكثير من الامثلة علي انهن كن ملكات واميرات يحكمن نريد صدقا في حياتنا ولا نريد ان نتلقف كل تدليس كما يفعل اليهود في كذبهم عن الهلوكوست وابتزاز الاخرين بذلك .الرجل السوداني اليوم مقهور في نظري اكثر من المراة التي بالفعل تحررت اكثر مماينبغي ولا يحتاج ذلك لدليل .كان ذلك رايي وهو صواب قابل للخطا والعكس .ولكي ولكل بنت بلد اصيلة التحية والاحترام .واختلاف الراي لايفسد للود قضية..شكرا
قصة كفاح ونجاح مثيرة للاعجاب خاصة لامرأة سودانية واجهت بشجاعة وبسالة نظام قمعى تميز بألقسوة والعنف ورغم كل ما تعرضت له من معاناة حتى في حياتها الخاصة شقت طريقها بأصرار وقوة وشجاعة وبنت لنفسها ولاطفالها حياة أفضل في بلاد توفر فرص النجاح لكل مجتهد وطموح, التحية لها ولكل نساء السودان المكافحات المناضلات في يوم المرأة العالمى , والتحية الخاصة لستات الشاي في كفاحهن اليومى الصعب من أجل لقمة العيش.
هذه الشبلة من ذاك الاسد المناضل المرحوم سيد احمد الشيخ طيب الله ثراه.فقد تربت هاجر علي النضال ورضعته من ثدي والدتها. فلنقف وقفة اجلال واكرام لهذه الاسرة العريقة التي انجبت لنا هذه البطلة المناضلة. وكل سنة وجميع نساء بلادي في خير وصحة وعافية بمناسبة عيد المراة العالمي
لا حول ولا قوة الا بالله
ربنا يقويك كمان وكمان ونتمنى ليك المزيد من النجاح
انت فخر للمرأة السودانية
اتمني ان يعم الوعي جميع نساء بلادي
شهادة حق والله كنا في اولي وارجل من بنات الجبهة الديمقراطية ماف ودي حقيقة ما مجاز والزولة لو انضربت في جبهتا هي نفسها ان لم تخني الذاكرة رغم البيها كانت بتضرب بالحجار في الكيزان وكان يوم مشهود
لك التحية يا زولة يا اصلية ….
يا السلام عليكي يا هاجر يا مناضلة يا بطل كل الابطال لكي التحية والتجلا هكذا النضال هكذا الصمود هكذا تاتي النصر باذن الله ااااااا موفقة من رب العباد
والله كررت المقال اكثر من ثلالثة مرات ةةةةةة لله دركي يا هجوري
يابت بلدي يا فخرأوطاني…نرفع القبعة احتراما وتقدير لهاجر وأخواتها
حقيقة تقال أنها قصة تعكس واقع المواطن السوداني في ظل حكومة الانقاذ ما بين شمولية المتأسلمين و الهجرة والاغتراب
نتمني لك مزيداً من التوفيق في بلاد العم سام
اما عن السودان فقد فارق شأطيئه الي الابد الي سودان جديد
نتمني ان يسع الجميع وتعود فيه الطيور المهاجرة
تحياتي
فى يوم كنا فى معمل الاكترونيات فى كلية الهندسه كنا برالما … بوظت جهاز الافوميتر (جهاز قياس كهربى) بعدت من الجهاز وصاحت دا بوز الجهاز يا استاذ
كنت واقف بعيد منها ومراقب الموقف كلو .. الزميل متفاجئ ومذعور ما قدر يدافع عن نفسه برغم انو لمس الجهاز بعد منها .. صدقونى من يوما كرهتا …
باشمهندس مبروك عليك التفوق لكن انت انتهازيه
التحية اولا واخيرا استاذي سيد احمد الشيخ لقد كان جميلا ورحل مع من رحل وقد ترك من بعده من هو اجمل وستلمنا ابنته هاجر واخوتها بعد عمر طويل من هم اجمل واجمل، هكذا هي تربية الشيوعيين السودانيين لهم منا التحية والتجلة.
كنت شاهدا و لا ازال علي قوتك , فعلا بت ابوك , طبعا شهادتي فيك مجروحة ودمها يشرشر لذا اكتفي انك اهل للنجاح وتحدي الظروف
التحية للأستاذة المناضلة هاجر سيد أحمد
هاجر تجربة متكاملة تستحق الدراسة و الاقتداء بها ..حولت كل عوامل الفشل و الهزيمة الى نجاح مذهل توفر لها من خلال تربية سليمة وسط اسرة مناضلة قصة نجاح تحقق بارادة قوية توفرت لها و عزيمة صلبة مكنتها من النجاح في مجتمع لا يعترف الا بالناجحين المثابرين..كونت خبرة عظيمة في امريكا و الخبرات المكتسبة في العالم الاول يعتد بها..ام مثابرة ربت بناتها بمسؤولية و حرص و هيأتهن على النجاح و لسوف يحققن تفوق مستمد من امهن و يالها من قدوة و من مثال مشرف..هاجر إمرأة مناضلة تتمتع بالذكاء و روح المبادرة و الشجاعة و الكرم و شعارها الاساسي انه لا مستحيل
# معا _ من أجل _ تكوين جبهة عريضة _ لمقاومة واسقاط _ النظام
انت فخر لنا و لكل سودانية .. الي الامام
التحية ليك ي زولة ي اصلية
#خربشة_برلومية:
#Happy_Womens_Day
#يوم_المرأة_العالمي … 🌹 … الأنثي عالم مستقل له ذاته😍 …
🌹 صباح يوم عظيم بعظمة المحتفي بها في صفاء بعيداً عن زخم الحياة التي أهلكتها دون رحمة أو ترفُع لرد الجميل … #ست_جواي
تبقي هي الإنسانة الأنثي العزبة بكل تفاصيلها الوصفية وما يتصف بها من تسمية ( ام – اخت – حبيبة – صديقة – زميلة – رفيقة – عمة – خالة – حبوبة – جارة – ست شاي – ست كسرة – ست البيت – فراشة – استاذة- دكتورة- مهندسة – ستات الخمور البلدية – … – ست الهناي – و ست جواي ) لكن التحية والإحترام أينما كنتن أميراتي ملكات الأرض …
في يوم عيدكن المسمي في هذا اليوم … يوم مرأة سعيد … وكل ايامك سعادة …
….. 🌹 …..
ي ست جواي
😊✌🏼😍
مدخل (اول):
سلام للوالدة والعازة
محبة وريد
سلام للمرأة بت بلدي
الكفاحه فريد
سلام لكل بنات حواء
الحنانة يزيد
سلام للماشة والجاية
تمد في الأيد
سلام للراقدة والواقفة
تعبي وريد
سلام مرهف يليق بيكن
يرد لو حبة من دينكن
ويبقي نشيد
سلام بحب مرسل ليك
لانك ياخ كلك عيد
ومن حقك يكون ليك
في كل ثانية مليون عيد
بدون تحديد كل يومك
يبقي سعيد
وما بكفيك …
وحات ريدي المشبع بيك
ما بكفيك …
ولو نفضل نبوس قدمك
عمرنا عديل…ما بكفيك …
فدينك كسر فلكي في التحديد
يا مرأة يا عيد …
ي ست جواي … وبتعزف ناي …بألحان العود
…
مدخل(ثاني):
…
بعتذر منك…
إذا في يوم أُسيئ تقديرك
بمجرد نظرة من غيرك
ما تشليها في خاطرك
بعتذر منك…
إذا نزل عرق منك
عشان ما تعيلي لبيتك
والأولاد دوام همك
بتعذر منك…
إذا ما كان منمط ليك
تعيشي شقاوة في حياتك
عشان مجتمعك يعيش بيك
بتعذر منك…
إذا ما الليل طلق نحوك
جنود عرشو في سهرك
وانت تمارضي جنياتك
بعتذر منك…
إذا حمل وطنا عليك
وشال همو وردمو عليك
وصبح العسكر يعاكس فيك
بعتذر منك…
أذا في العالم كتر شيلك
وضيق الأفق ميل علي شباكك
بس كلك وعي بتعرفي كيف تقفلي بابك
وتفكي الكربة بخبرة
وخيااااكة بتحيكي العثرة بإبرة
وماك ساهلة … أنثي بحالة
ي ست جواي … في زمن العصرة
…
مدخل(ثالث):
…
صباح “وطن” ارحب يسع حنك
يقالد في شروقو عطاك
يشع بالبهجة من لقياك
يفوح بالنسمة من عطرك
ويتدفق … عطر حبك
في هذا الكون ويتلون
كيفما يكون … وتكون أنت
أنثي بحب … ومرسومة
إنسانة ملاك لهذه الأرض
ومخلوقة من كيفك
عشان ينعدل كيفنا
و من شقك … نبقي كمال
كمال نسبي مرتبط بيك
أنثي جميلة ليك ذاتك
منو البقدر…
بالديالكتيك ينفي وجودك
وينهي الدور الأصلاً ليك
ومنو القال ليك…
انك ناقصة ما كاملة
وصدقتي … بدون ما تعرفي المقصود
منو الزيك …
في هذا الكون بتضحيتك
وعطفك ي ملاكي أنا
سألتك بالذي سواك
كوني ملاك…
كوني ملاك…
وليك ذاتك كما ذاتهم
وعيشي الدور كما تبقين
وكما تشتهي المرأة انو تكون
ي ست جواي … ي ست ليك رأي …!
.
.
🌹😘… … 😍… … 😊✌🏼
.
بريسدينت مصعب آدم
(8/ مارس/ 2017)
.
.
.
وكما اسلفت تستحقين أن يحتفي بك في كل ثانية وكل كسر من الثانية مليون عيد وما بكفيك… حبي عشقي إحترامي وتقديري وبل مزيد لك ي سيدتي … Happy Women?s Day
و #المرأة_وطن_أكبر كما #الحبيبة_وطن … و #بنحلم_بوطن_أجمل
يا سلام يا هاجر انا اصدقائك على الفيس لكن والله اول مره اعرف انك صارعت كل هذا الواقع المرير احييك واشد من ازرك وان شاء الله اعبر لك عن اعجابي بصمودك في موقع اخر شكرا تعلمنا منك الكثير
انا والله ما عارف عبارة قهر الرجل السوداني للمرأة دي جبتوها من وين ..
لا توجد بلد في العالم حتى امريكا و دول اوروبا يحترم فيها الرجال النساء مثل السودان
ومال لو كنتي في مصر كان تقولي شنو ؟؟ اسوأ تعامل لي النساء في الدنيا
عموما انتي سيدة شجاعة و تحملتي كتير و ربنا يوفقك
فاطمه احمد ابراهيم ورفيقاتها فى الاتحاد النسائى . هن إنتاج اصلى وخريجات مدرسة الوعى والاستناره التى قدمت المناضلين فى كل ضروب الحياة . عاشوا وسط الشعب ولفهم غبار الحياة وهجير النضال . ماقدمه الاتحاد النسائى بقيادة فاطنه ورفيقاتها للمرأه السودتيه سوف يسجل لهن ولمدرسة الوعى والاستناره فى دفتر التاريخ وبسجل قى ذاكره الوطن والشعب مابقى الوطن وبقى الشعب. قدمن للمرأة السودانيه حق الانتخاب والترشيح وكانت فاطنه اول امرأة تدخل البرلمان فى افريقيا والعالم العربى والعالم الثالث. قدمن للمرأة السودانيه حق الاجر المتساوى للعمل المتساوى وتقدمن بذلك على كثير من الدول حتى الاوروبيه .قدمن كل ذلك فى تواضع ونكران ذات منقطع النظير ودون من ولا اذى . وقد رفعت فاطنه اسم السودان عاليا فى جميع المحافل الاقليميه والدولبه . فقد كرمها العالم وتقديراا لنضالها من اجل المرأة بل من اجل الشعب السودانى فقد كانت رئيسة لاتحاد المرأة العالمى . وفى هذا اليوم يوم المرأة العالمى نقف وقفة حب واجلال واحترام لفاطنه ( ام احمد).والله ياام احمد لو كل فرد من افراد الشعب السودانى كتب مقالا عنك ما اوفوك حقك . نتمتى لك دوام الصحه والعافيه . وحياك الغمام اينما حللت يارائعه . والف تعظيم سلام . واخيرا نطلب من جماهبر الشعب ان يدعو بصدق لغاطنه بالصحه والعافيه وهذا اقل مايمكن ان يقدم لام احمد فاطنه السمحه. تقديرى وحبى واحترامى لكل مناضل قدم ما استطاع من الوعى والاستناره لشعبه على القول المأثور. الغد للحريه والجمال واطفال اصحاء. .
وفقك الله و سدد خطاك!!
السلام عليكم ورحمة الله وبركاته
والله أنا ما عارف أقول شخصك شنو!!!!!!
لكن انت ما شاء الله عليك ،،إنت ماسه فريدة وعجيبة
أقف لك إجلالا وتقديرا
وكله في ميزان حسناتك إن شاء الله
وربنا يسعدك ويوفقك ويرحمك في الدنيا والآخرة. آميييييييين يارب
متعك الله بالصحة والعافية ويحفظ لك بناتك وإنتي المرأة التي مفروض تتكرم لأنك ضحيتي بكل غالي ونفيس من أجل الوطن الغالي لك منى كل الود والتقدير .
لكي كل التجلة والاحترام والتقدير دكتورة هاجر
هاجر أمرأة زادتها مصائب البلد قوة فى الارادة…لفظها الوطن جورا وبهتانا…فنبتت غرسة طيبة فى أمريكا….كم مثل هاجر شردته الانقاذ…نساء ورجال بقيمة أمم وليس دول فقدهم البلد نتيجة طيش البشير وهبالته
لكي كل التجلة والاحترام والتقدير دكتورة هاجر
باش مهندس هاجر الشيخ كل التحية والتقدير ايتها الرفيقة المناضلة
اعدتى الى الذاكرة ذكريات جميلة بالاذات يوم حرق كشك الكلاب
تم اعتقالى فى ذلك اليوم والمهندس حافظ ثالثةالكترونيات ومحمد جعفر حضرة الكترونيات لمدة 3 ايام من الضرب والتعذيب فى كلب من الكيزان انا تعرفت عليه من المعتقل وكان طالب فى قسم المحاسبة فى الجناح الغربى وعمل على رصده وهومن ابناء بحرى حله حمد والله ثم والله ما دمت حى يا(الحاج ادم ) لن اتركك متى ما تمكنت من ذلك ووعد الحر دين عليه
وفقك الله مهندس هاجر
يا لها من امرأة قوية ومثابرة..
في بلادها أرادوا تحطيمها .. وتحويلها إلى مجرد أشلاء..
فرفضت هذا المصير وتحدتهم..
وفي تلك البلاد الغريبة .. القريبة .. التي يدعون عليها عقب كل صلاة آناء الليل وأطراف النهار.. احترموا انسانيتها وأتاحوا لقدراتها أن تتكون.. فأجادت وأبدعت.. ولم يكتفوا بذلك – أولائك الأغراب القريبين – بل كرموها.. بيد أنها جديرة بذلك وزيادة ..
التحية للماجدة (هاجر سيد أحمد) ولجميع نساء بلادي الماجدات في يوم عيدهن..
والله انت كنداكة بجد , لك التحية ولكل الزملاء خريجي جامعة الخرطوم المغاوير دفعات الثمانينات الذين عاصرو عنف جهاز الأمن والتنكيل … ياريت عندنا زيك كثير كانت البلدتغيرت كثيرا
التحية لك والاجلال والخزي والعار لاشباه الرجال من الكيزان فهم يعانون من عقدة التحرش بهم منذ الطفولة
لله دركن يا نجلاء ونجاة وهاجر بنات سيد احمد الشيخ رحمه الله
بكل ااحترام ما المقصود بعبارة لما انفكت المراة السودانية من قبضة الرجل السوداني
بكل صراحة كان المقال يكون اكتر من رائع وحتي لايتعجل المتعجلون المتعصبون بالكيل يجب ان اوضح هنا معي ينتفي الجهل فقد عبرت قارات العالم القديم لاجل العلم فثقافتي جيدة باكثر من لغة ومع ذلك اوافق علي ان الجهل والتخلف كان ولايزال مناصفتن بين الجنسين ليس في السودان فحسب ولكن كان ولايزاللاقليم العربي والافريقي.قصص النجاح رائعة وتستحق ان تسرد ويتأمل ويستفاد منها اما نغمة المراة مظلومة ومقهورة هذة اشك جدا فيها ويعلم العارفون انها نابعة من نبع سؤ.والدليل علي ان المراة السودانية كانت مثل الرجل في الفقر ولافرق بينهم في شي فأطلع عل رائعةاديبنا الجهبذ المرحوم الطيب صالح موسم الهجرة الي الشمال ستري كيف ان المراة السودانية لم ينتقص من قدرها وحقها يوما الرجل السوداني بل انظر الي مهيرة بنت عبود وتاجوج وفي تاريخنا السوداني السحيق الكثير من الامثلة علي انهن كن ملكات واميرات يحكمن نريد صدقا في حياتنا ولا نريد ان نتلقف كل تدليس كما يفعل اليهود في كذبهم عن الهلوكوست وابتزاز الاخرين بذلك .الرجل السوداني اليوم مقهور في نظري اكثر من المراة التي بالفعل تحررت اكثر مماينبغي ولا يحتاج ذلك لدليل .كان ذلك رايي وهو صواب قابل للخطا والعكس .ولكي ولكل بنت بلد اصيلة التحية والاحترام .واختلاف الراي لايفسد للود قضية..شكرا
قصة كفاح ونجاح مثيرة للاعجاب خاصة لامرأة سودانية واجهت بشجاعة وبسالة نظام قمعى تميز بألقسوة والعنف ورغم كل ما تعرضت له من معاناة حتى في حياتها الخاصة شقت طريقها بأصرار وقوة وشجاعة وبنت لنفسها ولاطفالها حياة أفضل في بلاد توفر فرص النجاح لكل مجتهد وطموح, التحية لها ولكل نساء السودان المكافحات المناضلات في يوم المرأة العالمى , والتحية الخاصة لستات الشاي في كفاحهن اليومى الصعب من أجل لقمة العيش.
هذه الشبلة من ذاك الاسد المناضل المرحوم سيد احمد الشيخ طيب الله ثراه.فقد تربت هاجر علي النضال ورضعته من ثدي والدتها. فلنقف وقفة اجلال واكرام لهذه الاسرة العريقة التي انجبت لنا هذه البطلة المناضلة. وكل سنة وجميع نساء بلادي في خير وصحة وعافية بمناسبة عيد المراة العالمي
لا حول ولا قوة الا بالله
ربنا يقويك كمان وكمان ونتمنى ليك المزيد من النجاح
انت فخر للمرأة السودانية
اتمني ان يعم الوعي جميع نساء بلادي
شهادة حق والله كنا في اولي وارجل من بنات الجبهة الديمقراطية ماف ودي حقيقة ما مجاز والزولة لو انضربت في جبهتا هي نفسها ان لم تخني الذاكرة رغم البيها كانت بتضرب بالحجار في الكيزان وكان يوم مشهود
لك التحية يا زولة يا اصلية ….
يا السلام عليكي يا هاجر يا مناضلة يا بطل كل الابطال لكي التحية والتجلا هكذا النضال هكذا الصمود هكذا تاتي النصر باذن الله ااااااا موفقة من رب العباد
والله كررت المقال اكثر من ثلالثة مرات ةةةةةة لله دركي يا هجوري
يابت بلدي يا فخرأوطاني…نرفع القبعة احتراما وتقدير لهاجر وأخواتها
حقيقة تقال أنها قصة تعكس واقع المواطن السوداني في ظل حكومة الانقاذ ما بين شمولية المتأسلمين و الهجرة والاغتراب
نتمني لك مزيداً من التوفيق في بلاد العم سام
اما عن السودان فقد فارق شأطيئه الي الابد الي سودان جديد
نتمني ان يسع الجميع وتعود فيه الطيور المهاجرة
تحياتي
فى يوم كنا فى معمل الاكترونيات فى كلية الهندسه كنا برالما … بوظت جهاز الافوميتر (جهاز قياس كهربى) بعدت من الجهاز وصاحت دا بوز الجهاز يا استاذ
كنت واقف بعيد منها ومراقب الموقف كلو .. الزميل متفاجئ ومذعور ما قدر يدافع عن نفسه برغم انو لمس الجهاز بعد منها .. صدقونى من يوما كرهتا …
باشمهندس مبروك عليك التفوق لكن انت انتهازيه
التحية اولا واخيرا استاذي سيد احمد الشيخ لقد كان جميلا ورحل مع من رحل وقد ترك من بعده من هو اجمل وستلمنا ابنته هاجر واخوتها بعد عمر طويل من هم اجمل واجمل، هكذا هي تربية الشيوعيين السودانيين لهم منا التحية والتجلة.
كنت شاهدا و لا ازال علي قوتك , فعلا بت ابوك , طبعا شهادتي فيك مجروحة ودمها يشرشر لذا اكتفي انك اهل للنجاح وتحدي الظروف
التحية للأستاذة المناضلة هاجر سيد أحمد
هاجر تجربة متكاملة تستحق الدراسة و الاقتداء بها ..حولت كل عوامل الفشل و الهزيمة الى نجاح مذهل توفر لها من خلال تربية سليمة وسط اسرة مناضلة قصة نجاح تحقق بارادة قوية توفرت لها و عزيمة صلبة مكنتها من النجاح في مجتمع لا يعترف الا بالناجحين المثابرين..كونت خبرة عظيمة في امريكا و الخبرات المكتسبة في العالم الاول يعتد بها..ام مثابرة ربت بناتها بمسؤولية و حرص و هيأتهن على النجاح و لسوف يحققن تفوق مستمد من امهن و يالها من قدوة و من مثال مشرف..هاجر إمرأة مناضلة تتمتع بالذكاء و روح المبادرة و الشجاعة و الكرم و شعارها الاساسي انه لا مستحيل
# معا _ من أجل _ تكوين جبهة عريضة _ لمقاومة واسقاط _ النظام
انت فخر لنا و لكل سودانية .. الي الامام
الزول البتراجل علي مرتو ويضربها دا ما راجل ولا عندو كرامة ولا انسانية ياخ لو الاختلاف وصل الحد الفراق بالتي هي احسن… تضرب زول اضعف منك؟؟ ووكت البنية الجد تجي عليك بتجفل منها…فعلا في ناس كوايتة مجانين
والله يا بنتي انا اب لست بنات 4 منهن خريجات وانا اعلم تماما ان المرأة لها ارادة اقوى من الرجل ولكن ارادة مثل ارادتك وقوة شكيمتك تجعلني انحني لك احتراما واعجابا بامك وابيك اولا وبك انت وبالاخ راشد الذي لم يتوان من الوقوف مع بنتي ايضا في ايام المحن وتشجيعها .فلكم كلكم المودة والاحترام وفقك الله ايتها القارورة القوية . قوة من ارادوا اهانتك في عضلاتهم وقوتك في ذلك العقل الذي اعطاه لك الله سبحانه وتعالى وسماه بالامانة ….مرحبا بك مناضلة عظيمة قوية الشكيمة وواصلي ورأسك عاليا فالهدف امامك جلي بائن طالما انتي واثقة .
لك التحية يا أستاذة هاجر
ربنا يزيدك خير وسعادة أنت وأسرتك
التحية للرعيل الاول مؤسسات الاتحاد النسائي والتحية لماما فاطمة احمد ولماما فاطمة القدال
التحية لكل نساء العالم واخص بالتحية المرأة السودانية في مناطق النزاعات وفي معسكرات النزوح وفي دول المهجر
التحية لهاجر سيد أحمد اختي وصديقتي وتوم روحي وشكرا لانك حقيقتي الرباية ورفعت راسنا عالي
وبعد احب ارد للكوز المنافق العلق بكل كضب وسزاجة هاجر اتربت علي قول الحق وقالتها في وجهه النظام استحيل تبوظ جهاز وتنسبها لشخص تاني دا ماسلوك بتماشي مع كل الشجاعة والاقدام السلوك الانتهازي بشبه تنظيمك وبشبه عمرالبشير رئيسك والكلام دا قولوا لنفسك ممكن تقتنع بس الناس عندها عقل استحيل تصدق والديل انا من عبرتك بالرد ياكوز يا انتهازي والسلام .
وللة انتى مثال رائع لكل نساءالعالم وربنا يخليك لااخواتك واهل السودان .ولانامت اعين الجبناء
الزول البتراجل علي مرتو ويضربها دا ما راجل ولا عندو كرامة ولا انسانية ياخ لو الاختلاف وصل الحد الفراق بالتي هي احسن… تضرب زول اضعف منك؟؟ ووكت البنية الجد تجي عليك بتجفل منها…فعلا في ناس كوايتة مجانين
والله يا بنتي انا اب لست بنات 4 منهن خريجات وانا اعلم تماما ان المرأة لها ارادة اقوى من الرجل ولكن ارادة مثل ارادتك وقوة شكيمتك تجعلني انحني لك احتراما واعجابا بامك وابيك اولا وبك انت وبالاخ راشد الذي لم يتوان من الوقوف مع بنتي ايضا في ايام المحن وتشجيعها .فلكم كلكم المودة والاحترام وفقك الله ايتها القارورة القوية . قوة من ارادوا اهانتك في عضلاتهم وقوتك في ذلك العقل الذي اعطاه لك الله سبحانه وتعالى وسماه بالامانة ….مرحبا بك مناضلة عظيمة قوية الشكيمة وواصلي ورأسك عاليا فالهدف امامك جلي بائن طالما انتي واثقة .
لك التحية يا أستاذة هاجر
ربنا يزيدك خير وسعادة أنت وأسرتك
التحية للرعيل الاول مؤسسات الاتحاد النسائي والتحية لماما فاطمة احمد ولماما فاطمة القدال
التحية لكل نساء العالم واخص بالتحية المرأة السودانية في مناطق النزاعات وفي معسكرات النزوح وفي دول المهجر
التحية لهاجر سيد أحمد اختي وصديقتي وتوم روحي وشكرا لانك حقيقتي الرباية ورفعت راسنا عالي
وبعد احب ارد للكوز المنافق العلق بكل كضب وسزاجة هاجر اتربت علي قول الحق وقالتها في وجهه النظام استحيل تبوظ جهاز وتنسبها لشخص تاني دا ماسلوك بتماشي مع كل الشجاعة والاقدام السلوك الانتهازي بشبه تنظيمك وبشبه عمرالبشير رئيسك والكلام دا قولوا لنفسك ممكن تقتنع بس الناس عندها عقل استحيل تصدق والديل انا من عبرتك بالرد ياكوز يا انتهازي والسلام .
وللة انتى مثال رائع لكل نساءالعالم وربنا يخليك لااخواتك واهل السودان .ولانامت اعين الجبناء
بسم الله الرحمن الرحيم
الاستاذة هاجر
السلام عليكم ورحمة الله وبركاته
كل الاحزاب الحالية فى السودان علمانية اما جماعة الحزب الذىن ضربوك اكيد هم جماعة الحزب الحاكم اى اعنى حزب الجبهة حزب النفاق والكذب والغش والخداع باسم الدين
اما انت فحزبك حزب شيوعى وهم كفرة سفلة ومعهم البعثيين
فهؤلاء الاحزاب الاثنان (( الشيوعى + البعثى )) كونت لمحاربة الاسلام
لكن بحمد الله تبارك وتعالى وفضله تحطمت ودمرت تحت اقدام المسلميين فى عقر دارها وهى روسيا الان والاتحاد السوفيتى سابقا
لعند الان روسيا لم تستطع النهوض
الدين الاسلامى لا يستطيع احد ان يتحداه ومن يعاديه يذله الله تعالى
ومن يواليه يعزه الله تعالى
نسأل الله تبارك وتعالى لنا ولكم الهداية والتوبة والرجوع الى ديننا الاسلامى الحقيقى وهو الكتاب والسنة المطهرة
فكل مسلم يجب ان يفتخر ويعتز بانه مسلم و يصرخ ويجلهر بها علنا وبصوت جهور
لان المسلم هو افضل انسان فى الكون اجمع
افضل من الكتابى الحالى
لايوجد افضل من المسلم الا المسلم الذى يسبقه بالتقوى والعمل الصالح
والسلام عليكم ورحمة الله وبركاته
ياسر عبد الله محمد طه
جماعة انصار السنة المحمدية
ليبيا
بنغازى
سلمت يداك