خبر سيسعد "عشاق" الجامعات كثيرا ..الزواج بجامعة امدرمان الاهلية بـ"الف" جنيه فقط"..!!.. استاذ زهير: مشروعي افضل من "الزواج العرفي"
خبر سيسعد "عشاق" الجامعات كثيرا ..الزواج بجامعة امدرمان الاهلية بـ"الف" جنيه فقط"!!.. استاذ زهير: مشروعي افضل من "الزواج العرفي"
حوار: محمد المختار محمد
محاضر جامعى يتبنى المشروع والادارة تتحمس وتوافق!
تضج الجامعات السودانية بقصص عاطفية جادة وبعضها بالطبع يجابه الجدية الا ان هذه العلاقة الجدية لاتخرج للنور وتكلل بالزواج حيث تقف الامكانيات المادية حجر عثرة, وقد يؤدي هذا الامر لممارسات خاطئة "الزواج العرفي" او بعضها يؤثر على الشباب فيجعلهم محبطين وهذا الامر يلقي بظلاله على المجتمع باكمله .
وسط هذه الاجواء الضبابية اضاء احد اساتذة جامعة امدرمان الاهلية, الاستاذ زهير المغربي شمعة يستنير بها شباب الجامعة في تكملة مشاريعهم العاطفية وتتويجها بالزواج وتقوم الفكرة على دفع طلاب الجامعة مبلغ مادي بسيط بتراكمه يتم دفعه للطلاب الراغبين في الزواج وهي فكرة عبقربة قد تحدث ثورة عاطفية وسط هذا الجيل الذي اكتفى من الاحباطات … (السودانى) التقت بالاستاذ زهير ليحدثنا عن فكرة هذا المشروع.
ما هى فكرة المشروع و من اين يتم التمويل؟
الفكرة تقوم على ان يدفع كل طالب مبلغ واحد جنيه شهريا توضع فى صندوق, حيث يتم ايداع هذا المبلغ فى البنك فى حساب جاري, و جامعتنا على سبيل المثال بها اكثر من عشرة الاف طالب وطالبة, و اي اثنين جادين من طلاب الجامعة يرغبون فى الارتباط و الزواج يقوم الصندوق بدعمهما و تمويلهما بمبلغ 11 مليون جنيه وفق شروط محددة متفق عليها.
ما هى هذه الشروط وهل تعتبر صعبة بالنسبة للطالب؟
لاهو شرط بسيط جدا و مقدور عليه, يرتكز فى الاساس على ان يوافق الطرفان "الطالب و الطالبة" على مواصلة تسديد المبلغ اي الجنيه كل شهر.
من اين نبعت هذه الفكرة؟
لقد لحظت وجود اعداد كبيرة من الطلاب فى حالة حب و هيام يتبادلون العواطف و المشاعر و يمنون النفس بالزواج و الاستقرار, ولكنهم سرعان ما يصطدمون بالواقع المرير, و عدم وجود بصيص امل لتحقيق طموحاتهم و احلامهم التى يصبون اليها, وهذا فى رأيى له آثار نفسية واجتماعية وخيمة قد تؤثر على مستقبل هؤلاء الشباب المليء بالطاقة والحيوية و النشاط.
ما هو رأي ادارة الجامعة بخصوص هذه الفكرة؟
عرضت الفكرة على ادارة جامعة ام درمان الاهلية و قابلت المدير السابق البروفيسور محمد احمد خليفة, وعميد شؤون الطلاب, و شرحت لهما الفكرة بكل تفاصيلها و اعجبا ورحبا بها جدا.
وماذا عن رأي الطلاب و الطالبات؟
ايضار رحبوا بالفكرة و ابدوا ترحيبا منقطع النظير.
كيف عرفت ذلك؟
لقد قمت باستبيان واسع بين الطلاب من الجنسين, و من خلال هذا الاستبيان وجدت ان الفكرة قد وجدت قبولا لدى الطلاب والطالبات.
وهل تقبل الاسر بمثل هذا الزواج؟
و لم لا؟ ببساطة تقوم الفتاة "الطالبة" بمفاتحة اهلها بالموضوع و بانها تريد الزواج من زميلها, و هذا ما يحدث دائما عندما يتقدم أي شاب يريد ان يتزوج, و اذا و جد الضوء الاخضر يقوم باحضار اهله ليتم التعارف و طلب يد الفتاة, و اذا تمت الموافقة تتم كافة المراسم المعروفة من الخطوبة الى عقد القران, و هذا فى رأيى افضل من ان يلجأ بعض الطلاب الى طرق غير مشروعة وخيمة العواقب, و بهذه الطريقة نكون قد وضعنا حدا فاصلا بين من يريد ان يكون جادا فى مثل هذه العلاقات و من يريد ان يلهو.
من يقوم بادارة هذا المشروع؟
فيما يتعلق بالمال تقع المسؤولية المالية على عاتق جهة مستقلة, وكذلك الصندوق فيه طرف نفسانى واشراف اجتماعى ولجنة قانونية وشرعية تقوم بتعريف و دراسة الامور المتعلقة بهذا الخصوص.
و هل تقوم هذه اللجان بالاتصال بأُسر الطلاب؟
يتم الاتصال بذوي الطرفين من خلال افراد لهم صفة اعتبارية و شخصيات معروفة تقوم بتسهيل كافة الصعوبات التى تواجه هؤلاء الشباب, و تحاول بقدر الامكان تذليل كافة الصعاب واقناع الاهل فى حال حدوث ممانعة من أي طرف.
هل هذه الفكرة خاصة بجامعة ام درمان الاهلية ام كل الجامعات السودانية؟
حاليا مطروحة فى جامعة ام درمان الاهلية, و لكن فى المستقبل يمكن تطبيقها فى الجامعات الاخرى.
الى اين وصل هذا المشروع و فى أي المراحل؟
موافقة ادارة الجامعة من خلال مديرها وشؤون الطلاب, والطلاب انفسهم تعد خطوة كبيرة, والان انا بصدد دراسة بعض الامور الصغيرة لاعداد ورقة حتى اقدم من خلالها كل التفاصيل المتعلقة بهذه الفكرة لمناقشتها ومعرفة اوجه القصور بواسطة خبراء فى علم الاجتماع وعلم النفس, ليقدموا وجهة نظرهم و ملاحظاتهم على الورقة, و من ثم سنعمل ورش عمل تشارك فيها كل الجهات ذات الصلة بالموضوع لتقديم اوراق متخصصة على ضوئها تكون ضربة البداية.
السوداني
شكرا لك وبارك الله لك في مالك وصحتك أيها الرائع أستاذ زهير على هذا الطرح الجميل مع الامنيات لك بالتوفيق 000 ودمت لمعالجة مثل هذه القضايا المجتمعية الهامة مع فائق الاحترام والتقدير لك استاذ زهير
والله لم يضر السودان شئ اكثر من مثل هذه الصناديق والمشاريع الاتكالية …..يا ناس اصحو شبابنا يعتمد في مصاريف دراسته الجامعية علي اسرهم …في حين يمنكهم الاعتماد علي انفسهم…ثم يعتمدون في زواجهوهم علي الصناديق والزيجات الجماعية……يا ناس دعوا الشباب يتحمل مسؤليته تجاه نفسه .وليتعلم كيف يعطي ويساهم ويعتمد علي نفسه ويخرج الي الحياة ويتفاعل مع واقعه ويأخذ حقه بيده بكده وسعيه ويكتسب الخبرات التي تعينه لمجابهة الحياة ….لا نريد شباب غير مسؤل خامل بحجة عدم توفر الوظائف او ان الوظائف لا تفي بمتطلباتهم نريد شباب مبدع متواضع غير متكبر :mad: :mad: :mad:
جزاك الله خير أستاذنا زهير نسأل الله أن يكلل المشروع بالنجاح لمحاربة الزواج العرفي وغيرهـ من أمور الغش تحت بند الحب الوهمي وبالتوفيق
استاذى زهير متعك الله بالصحة والعافية
ياخى معقووووولة بعد ما نتخرج تعمل المشروع دا !!! اها بالنسبة للخريجيين كييييييف افدنا افادك الله (دفعة 95)
لك كل الود استاذى
الفكرة لا بأس بها ولكنها قد تقود الي أشياء اخري بما لا تحمد عقباها0
كم هو جميلا ان نجد مثل هذه الافكار النور بين شباب خاب املهم في اكمال نصف دينهم بين الظروف المعيشية القاسية نعيشها … وفقكم الله لخدمة العباد دوما .;) ;)
جزاك الله خير يا استاذ زهير على هذا المشروع المبارك ان شاء الله ويمكن ان تطلب دعم من الشركات والخيريين ونحند على اهبة الاستعداد للمساهمة ولو بالقليل
القدرة على الانفاق على الزوجة من اركان صحة عقد الزواج فكيف لطالب تعوله اسرته ان يعول زوجة؟؟؟؟؟؟؟؟؟ هذه الفكرة تصلح لمن يعمل فى وظيفة مهما صغر دخلها والتكافل فى تدبير نفقات الزواج موجود فى مجتمعنا وليس بجديد فقد دأب الاهل والاصدقاء والجيران والزملاء على مساعدة من يريد الزواج اما الانفاق على الزوجة وتحمل المسؤلية بعد الزواج فهى من مسؤلية الزوج بنص الشريعة والسنة والعرف والآيات والأحاديث النبوية كثيرة فى هذا الأمر. ايضا لابد من الاشارة ان سن الدخول للجامعة فد انخفض من العقود السابقة واصبح معظم الطلبة والطالبات فى ال 16 و 17 عاما وفى هذه السن هم ابعد مايكون من الاتزان والعقل الناضج وهم اقرب الى انهم مجرد اطفال كبار ومن الخطأ تزويج من هو فى هذه السن المبكرة ولا أظن ان هناك اب عاقل سيقبل بتزويج ابنته لطالب يأخذ ثمن فطوره من أبوه. اتركوا هولاء الشباب لتحصيل العلم والمعرفة واتوا بافكار جديدة لتطوير المناهج وادخال التكنولوجيا فى التدريس والعمل على تخرج خريجين مؤهلين وليس خريجين اميين بدلا من هذه الافكار التى تخالف العقل والمنطق. اللهم جنبنا وجنب ابنائنا وبناتنا الفتن ماظهر منها ومابطن اللهم اهدى الجميع لحسن السبيلز
اولاً السلام عليكم ورحمة الله تعالي وبركاته
ثانياً لي راي قد يكون مختلف تماماً عن ما كتب وهو ان اولئك هم طلاب ( يعني اهلهم بصرفو عليهم ) إنت بعد تزوجهم مين حايصرف عليهم اهلهم برضو وحايسكنو وين مع اهلهم برضو طبعاً وده كلام ما منطقي لانو الاسر مرهقة من مصاريفهم الشخصية ناهيك عن الواحد يعمل ليهو بيت ومتين الواحد يتخرج ويجد شغل في بلدنا الواسعة الضيقة دي مما يؤدي الي الطلاق وفشل معظمها وتكون الكارثة اعظم .
ولاحول ولا قوة إلا بالله
الحكاية هى مصاريف عرس وبس …..وين السكن وين ميزانية فتح البيت وصاريف العيال بعين ماتورطو الشباب ساى
اهااااااااا وبعد العرس يلعبوا سكسك وياكلو شنو ؟؟؟؟ من ال 11 مليون دى … مجرد فكرة لحل مشكلة لكن ستجر علينا مذيد من المشاكل ارجو التفكير بعقل اخوتى.. وبعدين انا من خريجى تلك الجامعة وما ظنيت انو فيها علاقة ناجحة وانشاء الله يا استاذ زهير تكون متذوج عشان ما تبدأ المشروع انت!!! ودمتم سالمييييييييييين.:cool: ;) ;)
الله يخيبكم ولا يكسبكم عملوها ناس البشير ومصفر الاست صاخب الانتكاسة=الانتباهة
وانتو بدل ما تتسلحوا بالعلم المفيد بقيتو تبحثو عن اشباع ملذاتكم وشهواتكم الواحدفيكم بقى كل همو بعد مايملاء بطنو بوش ويتكرع داير يركب والراس خالى الوفاض والمصيبة فى الاستاذ ده بدل مايفتح اذهان ومدارك الشباب ديل هوب قام جارى يبحث ليهم عن طرق للنكاح
قمة الخواء والفراغ عشنا وشفنا اساتذة جامعات بقو يشتغلو كمان …… وخطابات
الجن الكلكى اليركبكم. اكتر من كده
القدرة على الانفاق على الزوجة من اركان صحة عقد الزواج فكيف لطالب تعوله اسرته ان يعول زوجة؟؟؟؟؟؟؟؟؟ هذه الفكرة تصلح لمن يعمل فى وظيفة مهما صغر دخلها والتكافل فى تدبير نفقات الزواج موجود فى مجتمعنا وليس بجديد فقد دأب الاهل والاصدقاء والجيران والزملاء على مساعدة من يريد الزواج اما الانفاق على الزوجة وتحمل المسؤلية بعد الزواج فهى من مسؤلية الزوج بنص الشريعة والسنة والعرف والآيات والأحاديث النبوية كثيرة فى هذا الأمر. ايضا لابد من الاشارة ان سن الدخول للجامعة فد انخفض من العقود السابقة واصبح معظم الطلبة والطالبات فى ال 16 و 17 عاما وفى هذه السن هم ابعد مايكون من الاتزان والعقل الناضج وهم اقرب الى انهم مجرد اطفال كبار ومن الخطأ تزويج من هو فى هذه السن المبكرة ولا أظن ان هناك اب عاقل سيقبل بتزويج ابنته لطالب يأخذ ثمن فطوره من أبوه. اتركوا هولاء الشباب لتحصيل العلم والمعرفة واتوا بافكار جديدة لتطوير المناهج وادخال التكنولوجيا فى التدريس والعمل على تخرج خريجين مؤهلين وليس خريجين اميين بدلا من هذه الافكار التى تخالف العقل والمنطق. اللهم جنبنا وجنب ابنائنا وبناتنا الفتن ماظهر منها ومابطن اللهم اهدى الجميع لحسن السبيل.
الفكرة لا بأس بها
لكن تكوين أسرة ليس بالأمر الساهل ومن أين ينفق هؤلاء الشباب وهم طلاب بدون عمل وأين يسكنون؟؟
استفهامات كثيرة تبحث لها عن حلول وإجابات وهناك أسر كثيرة تدفع من دم قلبها ليتعلم الابن ويتخرج ويعمل من أجل مساعدة أسرته وإخوانه الصغار أهكذا يكافيء أسرته بالزواج وهم في انتظار رد الجميل؟
التحية لك استاذى زهير على تفاعلك مع اهم قضية تأرق المجتمع بصفة عامة والشباب فى بلادى بصفة خاصة . وهذا ليس بشئ غريب على جامعة امدرمان الاهلية واساتذتها الاجلاء . حقيقة ادهشتنى الفكرة وتمنيت ان تعمم على كل من نهل من هذه الجامعة منذ تاسيسها بان يكون هنالك صندوق لدعم هذا المشروع بواسطة نداء لكل خرجى الجامعة للمساهمة . ولنا عودة الدفعة (98)
رغم جاذبية الطرح وبريقه ولكن التحفظات عليه كثيرة (وليس كل ما يلمع ذهبا) :
اولاّ هي محاولة للالتفاف علي مشكلة متعاظمة بحلول صغيرة ومتواضعه (عينك في الفيل يا دكتور وتطعن في ظله)!!!…
ثانيا: تزويج الشباب اثناء الدراسة الجامعية (وهي فترة تفرغ للتحصيل الاكاديمي) غالبا ما يؤدي الي الفشل في الاثنين معا..
ثالثا: ما معني تزويجهم كطلاب وتركهم نهبا للبطالة والاحباط بعد ذلك؟اللهم الا اذا كان الطرح متضمنا ضمان الوظيفة او المشروع الاستثماري الصغير بعد التخرج!!!واشك في ذلك ايما شك!!!
رابعا ;(وهو اخطر ما في الموضوع) ان معظم -ان لم نقل كل- الشباب الجامعيين اليوم هم من فئة المراهقين الذين لا يعرفون للزواج معني غير (تبادل القبلات) و (ممارسة الجنس) !!!…
الفكرة نظريا جميلة ولكن يادكتور انت تعرف حب الجامعات لا يمكن ان يكون جاد
باي حال من الاحوال دي مساله قضاء وقت لا اكثر ولا اقل وبنات الجامعات دايما
تكون عندها واحد في الجامعة واحد في دة حق الشرح والفطور وواحد في
المواصلات يدفع حق الباص وواحد في الحلة مشروعك مشروع صوري
1/ والدليل واحد طالب من اين يصرف لها من حق فطورة اين دخلة
2/ اين يسكنوا في الجامعة ولا عندك بيوت شعبية البلد مافيها اوضة
3/ قربهم لبعض يسبب كراهية حسب تحصيلهم
4/ راي الاهل في هذة الزيجات مكتوب لها الفشل
5/ تعهد بعد اربعة سنوات مكتوب لة الرحول من اين يدفع لك ا
6/ الطلبة يوعدون بالتسديد ولكن هنالك ما لا يقدر علي شراء قلم
يااستاذي مشروعك فاشل بكل ما تحمل هذة الكلمة من معني ولا يطبق لا في
الورق كيف تزوج طلبة لا مصدر لهم ولا منزل ولادخل هذا لايمكن لا في حالة واحد
ان تكون لك وعد بالطالب بالعمل ليصرف علي زوجتة وكثير من الطلب سوف
يتركون الدراسة لاعالة زوجتة وما فكرت اين تضع الاطفال دي جامعة ولا روضة
جيب دادات معاك اهم شي لابد ان يكونوا فلبينات او اندنوسيات لحمل الاطفال
اثناء المحاضرات
:mad: :lool: ( ) ;(
مشروع عظيم أستاذ زهير أتمنى من كل قلبى أن يصحبه جهد آخر لتوفير فرص عمل و كسب لتساهم فى نهوض و أستدامة مشروع الزواج حتى لا يتحطم على صخرة الفاقة و المسغبة .
ربنا يديك على قدر نواياك الطيبة ;) :cool:
متعك الله بالصحة والعافية استذانا الجليل زهير المغربي .. عهدناك دوما سباقا للخير
بارك الله فيك وبارك لك فيما تسعى اليه
الفكره مابطاله بس بدون موافقت الاهل تكون مشكله كبيره
هاجرت من الاهلية بعد ضنك السياسة والمعيشةا وتركت حبيبتي ورحلت النونية وووو ياسودان الي متي
لك التحية ايها الاستاذ النبيل زهير عن هذة الافكار لا ياتى الا من زوى الاخلاق الرفيعة . ونسأل الله ان يرا مشروعك النور وان يكون سنة حسنة لباقى الجامعات
:lool: لوكنت العضو المؤتمر الوطنى فى مفاوضات نيفاشا بدل (على) لما حصل الحاصل فينا الان ومع الافكار النبيلة دة شو فلينا حل فى موضوع الانفصال
كيف سينفق من يأخد حق الفطور من اهله على زوجته؟؟؟؟؟؟؟؟؟؟؟؟؟:mad:
انا خايف الطلاب يتحولوا من الفكرة الاساسية لدخول الجامعة ، وهي التحصيل العلمي الى التفكير في الزواج وهو المفروض ان يكون ثاني الاهداف بالنسبة للشاب او الشابة.
ولربما فكر اليائسون الذين استعصى عليهم الزواج بسبب البطالة والبؤس الذي اورثته لهم هذه السلطة، لربما فكر الشباب المحبطون في دخول هذه الجامعة عشان يتزوجوا
وعندها يجب ان يتغير اسم الجامعة الي الجامع الاهلي لتسهيل الزواج
وان يتحول الاستاذ فيهابدلا عن بروفسير الى خطاب وماذون
واقترح ان تتعاقد الجامعة مع انصاف مدني وعوضية عذاب
الاهلية دي مافيها نظام قبول للناضجين ؟؟ :cool:
الله يعطيك العافية يا دكتور لكن يا شيخنا المشكلة ليست فى عدم القدرة على الزواج الانسان الجادى ورجل المسئولية والله يتزوج ولو بربعين بلح وكباية شاى وتعقبها فاتحة مباركة ( ابركهن اقلهن مهرا ) الكارثة والمصيبة يا شيخنا ما بعد الزواج ! ! ! غلاء فاحش وظائف معدومة جبايات كثيرة 0 يا شيخنا اعطنى صنارة اصيد بها السمك ولا تعطينى سمكة 0
i think is gread idea and it easay to wmarrey
مشروع فى غاية الروعة وهذة سنة حسنة
اعتقد لو قمت بزيادة الاشتراك الشهر ى خمسة جنيهات شهريا يكون افضل لان المبلغ عبارة عن دين هى فكرة ناجحة تماما وعمل الخير ربنا سيتمة وستجد من يمول هذا المشروع من اهل الخير ابتغاء مرضاة اللة
تكاليف العرس حليتوها . أها موضوع كيس الخضار و اللحمة كيييييييف؟؟ أحسن الناس توجه جهودها للخريجين و المتوظفين حديثا . لانو معظم علاقات الجامعة دي غير ناضجة وبالبلدي كدة (لعب عيال).
الفكرة غير مقبولة لاسباب كثيرة:-
1/الاسر بتقرى اولادها وبتتدفع دم قلبها عشان الولد يتخرج ويساعد اهلو مش من الجامعة وعرس طوالى….وين واجبك تجاه اسرتك.
2/انا شخصيا لو جانى واحد من الجامعة او من المشروع ده لى بتى او اختى ما بديه لو يكسر رقبته…..لانو الناس الشغاليين ما قادرين يفتحو بيوت وربنا يعينهم ماشيين بى كرامة البليلة خلى الطالب اللسه بيشيل مصروفو من ماما وبابا
3/قول العرس تم حا يكلها من وين ولا يشيل من بابا برضو.
4/قول شال من بابا برضو …اها حا يسكنها وين؟
5/اكيد كل اعضاء المشروع ده من الطبقة الفقيرة يعنى مافى زول فيهم ابوه عندو عمارة عشان يديه طابق يسكن فيه يعنى المسالة زيادة ضيق وتكتر المشاكل ويحصل الطلاق …لانو البجى بى الساهل بيمشى بى الساهل.
6/قول ده كلو ما حصل البت بتحمل بعد 9 شهور يعنى يكون الطال او العريس لسه ما كمل خدمتو الالزامية قروش الولادة دى على بابا برضو ولا كيف؟
7/يا اخوانا الاسر ما بتصدق لمن الولد ولا البت يتخرجو من الجامعة علشان على الاقل الولد لو ما ساعد فى البيت يقللو مصاريفهم ويرتاحو من رسوم الجامعات…يبقى الولد زاد الطين بله…يجيهم راجع بى مراة و اولاد؟
8/خلو الامور طبيعية والناس تمشى بى البتعرفو وما تشوفو فصاحة استاذ زهير ده انا متاكد هو زاتو ما بعرس لى بتو او اختو بى الطريقة دى.
هذا مشروع لإمتداد إتكالية الرجل السوداني حتى في اثناء دراسته للجامعة ،،، فهو مازال معتمداً على مساعدات الأهل ومتكل عليهم كمان نشجع فيه للمزيد من التواكل و نحل ليه مشكلة الزواج فهذا شىء مرفوض جداً ،،، الرجل الناجح يكمل تعليمه ويكدح في الداخل ام الخارج وشق طريقه ويكون نفسه وبعد ان يثبت نفسه يتزوج ويستحق ان يوافق الأباء عليه،،، اما ان يتزوج مؤقتاً ويتكل على اسرته او اسرة زوجته في غرفة لتحقيق رغباته الغريزية فهذا مرفوض ومرفوض ويا زهير إحتفظ بأقتراحاتك الغير موفقة لنفسك وكفانا مشاريع إستعراض ،،، يجب الوقوف ضد هذا المشروع بقوة
حسبي الله ونعم الوكيل امسك واقطع مشكلة الزواج مش في غلاء المهور ومتطلباتة المشكلة في استعداد الشخص نفسة هل هو قادر علي انشاء اسرة قادر علي تحمل اعباء الحياة درسوهم الحياة الزوجية والاسرية وبعد ذلك اطرحوا مثل هذا المشروع اذا كان الطالب نفسة يعتمد علي اهلة في كل شي
والله لست ادري اين يعيش صاحب الطرح في بلادي ام انه مجاور لبرج ايفل ووبالتالي طلي علينا بالفكرة الجهنمية هذه وذلك وفقا للاتي :-
اولا الجامعة مكان تحصيل علمي ومن اراد خلاف ذلك فعليه ان يغادرها مكرها كان ام بارادته
ثانيا من اين يتحصل صاحب النظرية الجهنمية علي الدعم المذكور فهنالك من يدرس اولاده في الجامعات السودانية ومتبقي اطفال بيته ياكلون وجبة واحدة
ثالثا الحمد لله صاحب الطرح اكتفي بجامعة يعتبر روادها من الطبقة الوسطي لكن لو طرح الطرح دا في جامعات الغبش (الخرطوم) كان قيل عنه مجنون
رابعا هل الطالب او الطالبة اصبح كل همه في الزواج فقط واذا كان كذلك فهذه وربي قمة الانحطاط
خامسا يا صاحب الفكرة احسبها وفاضل قبل ما تمشي لابو الفاضل
انا بس نفسى اعرف هوس النكاح اللما وضرب السودانيين ده شنو
يعنى ناس لسه ماشافوا فى الدنيا حاجة وكل واحد داير يعرس
والخريجيييييين يا دكتور ما العمل معهم ؟ الكلام في البوار والعنوسه الضاربه الشارع ناس الاربعينات 00 ولا انت من ناس (عينك في الفيل وتطعن في الشجره!) 0:cool:
والله بختك يا دكتور اذا الفكرة نجحت بعد عشرين سنة انشاءالله تكون كونت حزب من مواليد مشروعك لانننا سوف نطلق عليهم اولاد زهير ههههههههههههههههه بس انا عندى اضافة يجب ان يكون الزواج بعد اكمال الدراسة الجامعية وتكون هنالك لجنة تساعد المتزواجين فى ايجاد فرص عمل ولك الشكر
ان اتخرجت عام 88 بس ما عندي مانع ارجع للدراسة مرة اخر في جامعتكم الرائدة ممكن يتم قبولي اصلو ان ا لسع ماكونت نفسي علشان اكمل نصف ديني —- ارجو الافادة
أشك في نواياك يا أبو الزوز —-صراحة انا عاصرت صاحب الفكرة في الاعوام 94 -95 وكان وقتها معيد فلا سلمت منه الأقاويل واقول له رغم ان الفكرة جميلة ولكن خلفها شئ من حتى —فأأسألو سور الجامعة ليخبركم عن الشرح للحسناوات فقط
دى طبعا ان متزكر شكل الاستاذ زهير مغربى وهولابس الكاببتاعو من شكلو اصلا مامسئول انسان ماطبيعى عشان كده افكاروا ماطبيعيه عايش وكانه فى اروبا قل يحل مشاكل الزواج العرفى انت تدعو الى خروج البنت البكره عن طوع اهلها وفرض رائها مع ان عقد البكره لايجوز لابموافقة اهلها ( ان جائكم من ترضون دينه فزوجوه ) انت تدعو الى تغيب دور الاسره هدك الله ,,,,,
خريح 1999
عمرى 47 سنة و عندى 50 مليون فى البنك و راتبى تقريبا 2 مليون و ما زلت عازب لأننى خايف أدخل فى مشروع زواج و بعدين أعجز و أفشل فى تحمل مصاريف البيت – و بعد ده كله تجى تقولى حتدعم طالبين ب 11 مليون علشان يتزوجوا و هم لم يتخرجوا بعد و ليس لهم أى دخل يصرفوا منه – دى تجى كيف يا استاذنا ???
استاذنا الفاضل زهير اولا لك التحية وانت تتحسس مشاكل الشباب وتجتهد في حلها لكن….. هل مشكلة الشباب فقط في تكاليف الزواج دون النظر الي الطامة الكبري مشكلة توظيف شباب ليهم اكتر من 5 سنين عاطلين ومستقبلهم مظلم وحتي الاتوظفو مرتبهم دون ال300 جنيه او تزيد قليلا كمدخل وظيفي للخريج ؟؟؟؟؟ بعدين اولادنا في الجامعات خليهم في تحصيلهم الاكاديمي في جامعاتنا البقت اسوأ من النوادي كل يوم حفلة وطرب وحت نبق وعلي العليهم جايب ليهم فكرة زواج مدفوع التكاليف من جهد وشقاء ولي امر الطالب الكل مناهو ولدو يتخرج ويشيل معاهو الشيلة سنتين تلاتة ..يجي بعد ما يتخرج يقوم الولد يجيب ليهو بت ناس ومعاها شفع عشان ابوهو يربيهم ليهو ؟؟؟؟وبعدين قول عرست ليهم اها ياكلو بوش ولا شنو وين حق القفة والمديدة الحرقتنا والبت البتتوحم وحق الدكتور الكلو يوم والتاني البت تقول ماشي ليهوويسكنو وين نعمل ليهم داخلية عرسان ولا شنو والشفع البيجيبوهم ديل كيف ؟ البت تجمد ولا نجيب ليهم داده ومربية اطفال وبعدين الاولاد ديل لسع صغار ومراهقين وما بيقدرو علي العرس وتحمل المسئولية وعليك الله ما تملأ ليهم راسم بي خزعبلات العرس والواحد بعد ما يتخرج ويلف صينية ما يلقي شغل يفكر في البيخارجو من ورطة استاذ زهير…..ز غايتو ليك اجر تكريس الجهد لحل المشكلة لكن اعتقد استاذي الفاضل ان حل المشكلة يكمن في الاتي :
1/ اخوانا الفي الجامعات ديل نعمل الي حل مشاكلهم من اكل ومواصلات وتهيئة بيئة اكاديمية ليهم والغاء اوتخفيض الرسوم الدراسية .
2/النظر بموضوعية للخريجين واستيعابهم بمرتبات تفئ بمتطلبات المعيشة في حدها الادني او استيعابهم في مشاريع حقيقية مازي بتاعة استخدام الخريجين الكلها مواسير .
3/توفير مساكن شعبية للشباب باقساط مريحة جدا للمساعدة علي الاستقرار علي ان تتكفل الدولة بثلث القيمة او نصها مش عندنا ثروات لينا حق فيها
4/وبعد ده يا استاذي الفاضل تجي فكرتك بالمساعدة في تخفيض تكاليف الزواج ومساعدة الشباب لاكمال نصف دينهم
(ابو قدورة) دى مشكلة فهم خريجى التسعينات ____ ياخى انت بتقول فى كلام الراجل ماذكره
اقرأ الموضوع مرة ومرتين وثلاثة ولو مافهمت يعملوا ليك دلرس عصر
وياخى انت مالك ومال شكله ولبسه ___- خليك موضوعى شوية ياخريج 99 _____
والله يا الباشا المشكله فيك انت اصلا…. حاول راجع نفسك وابقي شجاع واتزوج… واعلم انه في رب موجود وخلي ايمانك قوي وتوكل علي الله.
حكى لى احد المعارف انو مرة مشى مع واحد صحبو لحضور احتفال زواج جماعى عاملينو كيزان عدد البنات طلع اكتر من الاولاد قاموا المنظمين قالوا ليهو خد ليك واحدة وحنديك بيت مدفوع الايجار لمدة 3 شهور والشيلة ومبلغ من المال وتحت اصرار صحبو العريس والمنظمين قام وافق لمان مشو البيت ولبت رفعت الخيمة الكانت لابسهاها ظهرليهو اشنا واقبح وش شافو فى حياتو وش نافع بالنسبة ليهو ملاك قام طلع كيس السعوط ودردم سفتو وختهاالبت بقرف قالت ليهو بتسف؟
قام رد عليها بسف وبسب الدين كمان
تحية للاستاذ زهير..والله المفروض ..القرار يعمم على كل الجامعات..ياحليلكم ناس الاهلية..اياما قضيناها؟؟؟؟؟:cool: :cool: :cool: :cool: :cool: :cool: :cool: :cool: :cool:
اشكر أستاذي زهير علي تلك الفكرة الجيد ويا حبذا لو فكرة ادارة الجامعة وادارة البنك في تمويل الشباب بعد الزاوج لضمان الاستمرارية بعد الزواج
ونشكر الجامعة الاهلية علي تلك الافكار النيرة وحظا سعيدا
ونحن كشباب الجامعة المتزوجين والحمد لله ننعم بنعمة الزواج والزرية نتمني لكل شباب الاهلية بتلك النعمة وشكرا مرة اخري علي استاذي زهير مغربي وكل اساتذة الجامعة اجمع خصوصا اساتذي للدفعة 96-2001 (اداب ترجمة
لكنزي :cool:
فكرة جيدة لكنها متاخرة بعض الشئ , استعدوا ياشباب سيكون بالمائة جنية فقط بعد ذهاب ثروة الجنوب لا تستعجلوا
هذا شئ طيب وجميل للغاية أعتقد أن دفع مبلغ جنيه شهريا فيه نوع من المباعدة أقترح أن يجلب يومي أو إسبوعي وصدقني مابفرق مع الطلاب في شئ بعدين الطالب لاقدر الله لوفصل من الجامعه هل يمكن أن يواصل في هذا المشروع أم يقتصر على المقيدين فقط وهل يجوز للطالب أن يختار فتاة من جامعة أخرى أو غير مقيدة في الجامعة وفقكم الله وسدد خطاكم فسيروا ونحن من خلفكم نشد من أزركم.
تقدم لزواجي رجل ميسور الحال وكريم الاصل والخلق ولكنه متزوج فرفض اهلي فكيف يقبلون بزواجي من طالب
والله فكرة الاستاذ زهير جميلة ورائعة وربنا يوفقو لان بعض من الجهلاء يرون ان الفكرة غير جيدة وعايزيين البنات يبورن ويعنسن وما بتهمهم بعض القضايا الاجتماعية الم تروا الزواج العرفي الوافد الينا الم تروا الفوضي والمايقومة وغيرها من الاماكن التي ضيعت بناتنا وخاصة بنات الاقاليم الم تروا ما يحدث في الشوارع والحفلات والاسواق هل تعلم كم عدد بنات السودان وكم عدد اللاتي فاتهن قطار الزواج ارجوكم اتركوا نظرية النقد الغير عقلاني اي حاجة عايزين تنقدوها حتي ولو من صالح حل قضية اجتماعية واقتصادية خطيرة المشكلة هي علاج لمشكلة حقيقية , البعيش هو الله وتزوجوا فقراء يغنيكم الله واقلهن مهراً اكترهن بركة ولو عندك اخوات شجعهن للزواج المبكر عشان تعف نفسها وتصون عرضها , انتو قايلين البحصل دا من علاقات الطلاب مع الطالبات دي شي طبيعي وعادي دا حرام وما علاقة سايت مش تقول زميلي في الدراسة ودا ود حلتنا هويي هويي هويي اكيد كتير من الناس بقولوا دا متخلف وما واعيي بس الحمد لله كتيرا واعرف التاثرات وكتير من الحكايات وهناك موافق صعبة يجب عليكم ان تعرفوها بس شجعوا الشباب والشابات ان يتزوجوا وانا اقترح ان يطرحوا البرنامج لكل انسان مستطيع بان يساهم بس دي ما فكرة الناس تنقدها وان كان راي انا بحترم اًرا الناس بس يجب ان يكون النقد بنأ وربنا يتتم لكل انسان عايز يتزوج عشان ما بعدين عايزين كوافير وصالة رقص وعشان في النادي وووو وشكرا لكل الشباب
وكل عام وانتم بخير وربنا يحقق كل الاماني وكل سنة ناشس الراكوبة بالف خير
فكرة حلوة بس أنا مامن الجامعة وداير لى واحدة من الجامعة أتزوجها ,,, هل أشترك بالألف الشهرى ولا أتكل على إشتراكها هى؟؟؟ لو ما ممكن ,,, هل من طريقة تدخل هى بألفين شهريا ؟