مناسبة أخرى للرقص !!

الله يفك حظرك يا الماسي فرجيسون

سبحانه الله ما لاقيت بلد زي بلدنا دي (السوداااااان) بلد كل يوم بتطلع في قرارات و قوانيين بس ضد الوطن و المواطن المسكين الغلبان .
ياخي ليه نحن كده و بنعمل كده و عشاااان شنو ليه الناس المسؤلة تطلع قرارات مجحفة و ظالمة كده اولا في حق الوطن ثم ثانيا في حق المواطن الزيتو طلع قال الروب عديل.
بدل تطلع قرارات ولا لوائح ولا قوانين نكون فيها مصلحة البلد و المواطن المسكين تطلع قرارات ضد البلد و قرارات يستفيدو منها ناس معينة او شريحة من التجار المحسوبين علي الحكومة ( الراسمالية الطفيلية).
من القرارات دي منع دخول تركترات الماسي فريجيسون الموديلات القديمة ١٦٥ و ١٦٨ و ١٧٨ و ١٨٥ و ١٨٨ و ٢٩٠ و ٥٩٠ الخ.
في الاول الجمارك كانت زي ٣ الف جنيه زادوها لي ١٤ الف جنيه برضو الناس بتدخل تاني زادوها لي ١٨ الف جنيه برضو الناس دخلتو كلو مرة يرفعو جماركو عشان الناس تقيف برضو ما نفع في النهاية قرااااااااار عديل بي المنع.
طبعا تجار الغفلة ديل لمن سوقهم وقف بيكونو مشو لي الوزير ياخي لازم توقف الماسي ده سوقنا وقف خلاص ديل الشوعية و العطاله الفي اروبا بيقو يشحنو يرسلو الماسي ما تخلوهم يشتغلو حاربوهم خلونا نحن نشتغل. دي بلدنا قرارات بتطلع كده نتحدي اشطر مهندس اليجي يعيب لينا الماسي ده .
دي التركترات النحنا من ما قمنا بنعرفه و التركترات الكانت بتخدم و بتشتغل و التركترات الكانت بتنتج .
ابواتنا و اجدادنا ياها البعرفوها التركترات السهل الممتنع زي (غني الحقيبة بس)
تركترات ما عندها مشاكل بدون بطارية لزه تدور الحديد القوي المتين بسموها الخواجه دقس او لمن الخواجه كان مخلص هسا الخواجات برضو بقو يكلفتو زي الصينين
اسبيراته ماليه السوق و رخيصة في اي محل تلقاها
المكنيكيه بعرفوها حتي ابواتنا و اجدادنا بعرفو يصلحوها (المكنيكيه ما معقده مكنات عادية ما كهرباء)
بالله عليكم تركترات زي دي تمنعو تخلوها تخش البلد ليه؟ و بلدنا بلد زراعي محتاج ليها والله زي الزول محتاج ليهو لي قزازة دم و تمنعو منها .
عليكم الله منو البطلع القرارات المجحفة الظالمة دي ؟ عشان ناس معينه و تجار معينين يجيبو تركترات من بلا روسيا و لبنان و تركيا و تركترات حتي لو جديده عباره عن (خرده) و تركترات غالية و معقده كهرباء و كلام فارغ و ما بتحمل الضغط و الدرش.
عشان التجار (الحكومة) ديل سوقهم وقف لمن الناس الفي اروبا بقت تشحن تركترات الماسي القديمة الجيدة الممتازة .
عليكم الله ده كلام معقولة البلد تطلع قوانين ضد مصلحة البلد و ضد مصلحة المزارع و ضد مصلحة الناس البقت في اروبا تشتغل وترسل التركترات دي .ديل ناس بينغعو روحوهم و بلدهم و بيساعدو اهلهم في السودان بيرسلو المصاريف و بيدفعو ليك كمان جمااااااارك .
والله لو القلم عندي ادخله مجاني جمارك صفر و اعمل دعاية في التلفيزون اناشد الناس تدخل التركترات دي لاننا في حوجة ليها و بلدنا حدادي مدادي تستوعب الماسي الفي العالم ده كلو.
دي تركترات البلد محتاجه ليها و نحن بلد زراعي خلونا من الدهب و البترول زراعه بس تكفينا و تغنينا و من فارقنا مشروع الجزيرة و اهملنا الزراعة تاني ما شمينا عافية. .
الله يفك حظرك يا الماسي ليك صولات و جولات في تراب ارضنا و مزارعنا و مشارعنا و ايام الخريف دي كانت ايامك يا الفحل .
الماسي فرجيسون نجح في بلدنا لا بديل لي الماسي الا الماسي
ملاحظة التركترات دي ما مسببه اي ازدحام في المدينة لانها اصلا في مناطق الانتاج المشاريع و الخلا حتي الفي المدينة مع الفجرية بتتحرك ( بكور المزارعين)
ايلا كان ذكي في بورتسودان عملبها ترلات و شغله في الوساخه نجحت نجاح منقطع النظير كانت سبب في نظافة مدينة بورتسودان .
الماسي فريجسون تركتر سبق زمنو زي بيله البرازيلي زمان في الكوره لمن سبق زمنو.
بنحبك يا الماسي حتي لو لونك الاحمر المريخابي
الاحمر لون الدم و الشهدا و التحية لي كل هلالابي
الله في عونك يا بلد الناس الماسكه القلم همها جيوبه و الطفيلية الراسمالية الظهرت دي مافي وطنية والله لي الاسف

[الماسي فرجيسون]

كل الفصائل وقعت بعد الضغط عليها في فتره انتظار موسيفيني لام أكول و الباقين جماعه بإقان اموَم

مع مباركتي للاتفاق ودعمي له…

الا أنني أتفق مع الكاتب في كون أن الاتفاق نسبة فشله أكبر من نجاحه ولكن السبب الرئيسي أن الجنوبيين أصلا مع كامل احترامنا لهم هم شعوب بدائية ولذلك لا يلتزمون بأي اتفاق أو أو كلمة وتاريخهم في نقض العهود لا يحتاج لدليل

ونسبة لأن حكومتنا مخنوقة وتريد البترول بأي ثمن الا أن الفيصل هو من الذي سيحرس مناطق البترول لضمان انسيابه علما بأن مناطق انتاجه تعتبر هشة جدا وتتوقف عند أول رصاصة..

يادكتور هذا الاتفاق الهش الذى ولد ميتا يؤكد ماظللنا نردده منذ مدة . وهو ان مشكلة السودان التى اقعدته منذ فجر الاستقلال حتى اليوم هى النخب ,هؤلا تعلموا على حساب الشعب ولكنهم تنكروا له . انظر الى هذه الاتفاقية من اولها الى اخرها تتكلم عن تقسيم كيكة السلطة ولا تعالج مشاكل المواطن قوت الحرب التى قتلت اطفاله و شردته فى اركان الدنيا الاربعة . جاء هولاء القادة من نيروبى وكمبالا ولندن من بروجهم العاجية التى شيدوها على جماجم الشعب , ليتقاسموا كيكة السلطة والا بربك قل لى ماذا يعنى تعين 5 نواب لرئيس الجمهورية , ووزراء وولاة ووووو. والشعب يموت جوعا فى بلد غنى بثروته ولكنه فقير فى نخبه , ان كل الاتفاقيات التى عقدها نظام الابالسة كانت عبارة عن نرضية وتولى مناصب وانتهى . شخص مثل ابوقردة لم يعد يتكلم عن معاناة اهله فى النزوج واللجوء والمنافى بد ان توليه السلطة ومثله فعل السيس وغيره , وكل من يدعو لمفاوضة النظام من قادة الاحزاب والنخب همه الاول المال والمانصب . على الجماهير اخذ ذمام امرها بيدها والعمل على التغيير الحقيقى الذى يصب فى مصلحتها وترك هولاء النخب ينظرون من بروجهم العاجية من على البعد . الغد للحرية والجمال واطفال اصحاء.

يا اخوانا ارجعو لنمط الخط قبل التغيير . اظنه [Times Roman].
الخط الجديد غير مريح للنظر ..

البشير أصلاً رجل فاشل وبجكم دولة فاشلة بكل معنى الكلمة وهو ليس مؤهل الى أنجاز مثل هذه الاتفاقيات لأن فاقد الشئ لا يعطيه ، السودان أحوج ما يكون للاتفاق والمصلاحة مثله ودولة جنوب السودان والبشير نفسه والمفسدين المعاه وقفوا حجر عثرة أمام تحقيق اي سلام وصلح يخدم أهل السودان نتيجة لتمسكه بالسلطة وعدم قدرته على تقديم اي تنازل يخدم مصلحة الوطن كمان إن الاتفاقيات التى وقعها مع أطراف النزاع كلها فشلت لانها كانت ناقصة وغير حقيقية . لكن الان استقل ضعف وحيرة رياك مشار المنبوذ من قبل كل الجهات الدولية والاقليمية وحاول الضغط عليه من أجل القبول بسلام وسلطة ومناصب هو لا يستحقها من أجل ان يظهر بمظهر رجل الصلح والاصلاح .

يادكتور هذا الاتفاق الهش الذى ولد ميتا , يعكس تماما ما ظللنا نردده وهو إن مشكلة السودان الاساسية هى النخب . هؤلاء الذين تعلموا على حساب الشعب وتنكروا له وجروا وراء مصالحهم الشخصية الا من رحم ربك, انظر الى الاتغاقية من اولها الى اخرها , لا تتحدث عن شىء سوى تقسيم كيكة السلطة ولا اثر يذكر لحل مشاكل انسان الجنوب قوت الحرب الطاحنة التى فتكت بهم بينما يعيش هولاء القادة فى كمبالا ونيروبى واوربا فى بروج عاجية شيدوها على جماجم البسطاء الغلابة . وهو نفس ماجرى ويجرى فى كل الاتفاقيات التى عقدها النظام مع قادة الحركات المسلحة فى دارفور مجرد ترضيات لا تعالج المشكلة بل تذيدها تعقيدا . انظر الى ابوقردة وغيره هل سمعتة يتكلم بعد ان صار وزيرا ولو بالغلط عن ما يعانيه اهله فى النزوح واللجوء . على الجماهير ان تمتلك زمام امرها وتتحرك وتتحد وتعمل على التغيير الحقيقى الذى يستجيب لمطالبها , وترك هولاء القادة فى بروجهم العاجية ينظرون . الغد للحرية والجمال واطفال اصحاء.

يا ناس الراكوبة هل هنالك برمجة لحذف الحروف ا/ ن/ ي /ك إذا وقعت بهذا التسلسل؟ يظهر ذلك في الموضوع أعلاه و عدة مواضيع سابقة!!

نـرجـو من أدارة الراكـوبة العــودة الى الـخـط الـقــديـم حـيـث ان هـذا الـخـط يـصلـح فـقـط للـعـنـاويـن ولـيـس لـقـراءة طـويـلـة وشكـرا .