نظام البشير يعتزم إغلاق حدود السودان مع تشاد وأفريقيا الوسطى
الخرطوم: مريم أبشر:
قالت وزارة الخارجية، إن عملية إغلاق الحدود السودانية الليبية تمت بعد التشاور والتنسيق بين الخرطوم وطرابلس.
وأكد السفير رحمة الله محمد عثمان وكيل وزارة الخارجية أمس، أن الحكومة الليبية أبلغت الخرطوم بالخطوة، وكشف أن إجراءً مماثلاً تعتزم الخرطوم اتخاذه قريباً مع تشاد وأفريقيا الوسطى، وأوضح أن الغرض من الإجراء هو تأمين الحدود وحمايتها من تسلل العناصر المتفلتة ورغم تأكيده بأن قرار إغلاق الحدود السودانية الليبية جاء من قبل الحكومة الليبية، إلا أنه قال إن السودان سيحقق الاستفادة المرجوة منه، ولفت إلى أنه بعد الأحداث الأخيرة التي شهدتها ليبيا إبان الثورة أصبح هنالك سلاح منتشر في المنطقة الأمر الذي يحتم ضبط الحدود والمداخل، وقال إن إعادة فتح الحدود يرجع للحكومة الليبية باعتبار أنها من اتخذ قرار الإغلاق.
الرأي العام
الناس البنسمع بيها وزير ومستشار ونائب وما عارف شنو هل يستحقوون تلك المناصب ! وخارجية شنو والله دي خارجية مننا ليه لسة مدينهم فرصة ؟؟؟؟؟؟!!!!!
يا عمي قفلوا البلد بلدكم وانتو اسيادوا
الزول دي بقي بسمع بس و قاطع الكلام. الله يقطع رقبته ويريحنا.
كضابين اغلاق حدود شنو تتكلمون عنه اذا كان اغلاق الحدود بسبب الحركات المسلحة فحركات دارفور موجودة بين نيالا والفاشر وتتسلح من الحكومة نفسه ولا يحتاج لجب السلاح من ليبيا وافريقيا الوسطى وتشاد كما يدعى الحكومة كما ان اغلاق الحدود يحتاج الى قوة كبيرة ليست باستطاع الخرطوم فعل ذالك فالحدود سيكون مفتوحا بين تشاد والسودان وافريقيا الوسطى ولم يستطيع حكومة الؤتمر الوطنى اغلاقها
سماحة جمل الطين تشوفوا تقول فاهم حاجة وداد زى ما خلاها ود شمس الدين بترابو وما بملا جرابو
هههههه شر البلية مايضحك الحدود ح يدقفل بجدار عازل أم صف جود على الحدود أم زراعة ألغام وإنتو رادار مراقبة ماعندكم للداخل والمارق والله مصيبتكم مصيبة والحدود السودانية والتشادية وأفريقيا الوسطى متين كان مفتوح أصلا وبعدين تفرق شنو مع الثوار المقاتلين لو أتقفلت أو مفتوحة وبكدى يكون صيدكم سهل من الثوار مجندين مشتتين على الحدود والحشاش يملى شبكتو بالصيد وأول من يرفض هذا المقترح هو الجنجويدى ما عايز يكون راس حربة على مدافع الحركات الثورية .
انتو التبعتوهم شوية فضلت الحدود بس التبعية ميزة جبانة بالله يابشبش مرقنا من العوارة البتسوي فيه دي بلاش حدود أي حاجة عملو الناس جاري وراهم زي الطفل حسي الحدود موضوا تتكلم فيه الليبين لقو السلاح في بلدهم صعب الضبط انت لقيت الحرامية عندك ديل فلتوا ما كلهم معاك والسرقة بينكم بالكوتة البلد دي فضل فيها حدود لأمن تقفلوا كن الحدود تجيب سلاح الحركات ما كانو جوك جوه الخرطوم ولا الوقت داك الفكرة ما جات من سيد عربي حتي يتبناه السودان المسيود
هههه صف جديد على طول الحدود من بتوع النظر ( الشوافين )
انا بخترح جدار ذى بتاع اسرائيل مع فلسطين وكدا بكون مية مية
وشر البلية مايضحك
قرار صائب ولكن يجب ان يتبعه ضبط للهجرة من هذه الدول وغيرها فالبلد اصبحت زريبة سائبة
حدود شنو وكلام فارغ شنو هي البلد بقت كلها مقددة زي سروال المجنون الغرب وحنوب كردفان والنيل الازرق والشرق الشرق طبعاً سماء وواطة والشمال والشرق ايضاً تجارة بشر وسلاح وبنقو وهلم جرا وبعدين حدود مين هو القاعدين في المدن وفي العاصمة لاقية تاكل وتتعلم وتتعالج بلا حدود معاكم
احتمال مترجم لغة الإشارة وصل المعلومة غلط للصحفي لانه البشير بقي هزاز