أخبار السودانأهم الأخبار والمقالات 
أمريكا تُهدي هئية الموانئ البحرية ميدالية تظهر فيها تبعية مثلث حلايب للسودان
الخرطوم: الراكوبة
أهدى الملحق العسكري الأمريكي بالسودان، ميدالية التعاون السوداني الأمريكي وعليها شعار الملحقية العسكرية الأمريكية وتظهر فيها خارطة السودان بخلفية تضم العَلَمين السوداني والأمريكي.
في غضون ذلك علمت (الراكوبة) أن هيئة الموانيء البحرية السودانية أهدت للملحق العسكري الأمريكي، درع وشعار الهيئة خلال زيارة وفد من السفارة الأمريكية للموانيء البحرية الأسبوع الماضي للتنسيق والترتيب لاستقبال السفن الأمريكية في مارس المقبل.
ووصف الجانب السوداني، الشعار بالمُهم لاعتماده خارطة السودان بمثلث حلايب المُعتمدة من الأمم المتحدة.
وقال الجانب السوداني إن اعتماد الولايات المتحدة يضيف قوة للحق السوداني أمام التغول العسكري المصري.
وحسب المتابعات، فإن الميدالية تم عرضها على أرفف العرض برئاسة مجلس الوزراء
وما هى الفائده من هكذا درع طالما السلطات والجيش المصرى لا يعترف بها!!!
اصلا لا نحتاج الي اعتراف عسكر مصر الحق يؤخذ ،،بعدين بعض الظواهر الصوتية من جيراننا لا يحترم بلادنا ،،حلايب سودانية باعتراف الجميع والفيصل الأمم المتحدة،،ودا باذن الله يكون اول مطالب التشكيلة الجديدة للحكومة…العسكر المصري باع ارضه،،تيران وصنافيؤ،،وواحدة مصرية قالت بعلو الصوت ،،لو عايز الهرم ياخدو، ،،ورفرف العلم السعودي عاليا خفايا في أيدي المصريين الذين تظاهروا لتأييد بيع الارض…واعتقل من رفض ،،مناع باع ارضه يا جدعان.
حقو تعرضوا صوره من ميدالية التعاون السوداني الأمريكي وعليها شعار الملحقية العسكرية الأمريكية وتظهر فيها خارطة السودان بخلفية تضم العَلَمين السوداني والأمريكي، تضعوا صوره منها في لائحة الاعلانات بسفارتنا في القاهره عشان تخلوا ولاد بومبه يرتجفوا رعبا وهم محتلين لحلايب وشلاتين بالباطل وحمرة عين … خليهم يعرفوا سيدتهم امريكا تقف مع السودان الان فالينسحبوا بالتى هى احسن قبل ما تقع الواقعه !!!
جميل
حلايب سودانية و لكن المكون العسكري يفتقد لروح الوطنية
ترفعوا يا ساسة خليكم قدر الوطن. ماتجاملوا كونو اكثر جدية مع إثيوبيا ومع مصر في إنهاء الاحتلال أليس ذلك باحتلال ؟ منتظرين شنو تجي أمريكا تحرر ليكم الفشقة وحلايب. كفاية إهمال كفايا تباطو كفايا جبن كفايا عاطفة الحقوق كده بتضيعهوها.. حلايب نسيتوها ومصر عملت تنمية في حلايب ونقبت وصدرت مواردكم هناك والدكتور معاز قال السكوت سنين طويلة يضيع عليك حقك. لمتين نحن غافلين حلايب سودانية كل الخرائط بتقول كده طيب ليه التأخير واصلا مافي صالحنا. انا اشوف لو انتم ناس وطنيين وبتحبوا التراب داء اهم ملفات تحرير حلايب والفشقة من الاحتلالين الإثيوبي والمصري ولو نافعنا كده قسما بالله مارجال عار وخزي وزل ومهزلة. تشاد الضعيفة اخذت او رجعت أرضها من القذافي القوي الذي رفض بمشي محكمة العدل الدولية وفي نهاية المطاف وافق بعدما انهذم في قطاع اوزو… يا برهان وياحميدتي وياحمدوك انصروا السودان ودي فرصة كبيرة لكي يخلد اسمكم في تاريخ السودان الحديث
Back Off !!! 😔😔
الله اكبر
ظهر الحق
لابد للحق ان يرجع يوما لاهله وان طال الزمن
مافعله الامريكان هو متسق مع الخريطة المعترف بها من الامم المتحدة والتى تظهر سودانية حلايب والتى يعرف الجميع بانها سودانية وحتى المصريين فى قرارة انفسهم يعرفون ذلك
اليانكي اداك الخريطة بمثلث حلايب ولكن ناقصة من اقصى الجنوب الغربي منطقة حفرة النحاس محمية الردوم اداها لجنوب السودان
مفروض إعلامنا في كافة منابره وأسافره يتحدث في حالة عدم ظهور هذا المثلث على خريطة السودان ويحتج في وجه أي جهة تفعل ذلك ..أما ظهور المثلث على الخريطة فهو حق وأمر طبيعي مفروض يصدر من كل الدول الشقيقة والصديقة ولا نستغرب ذلك ونصفق له ونمجده ..
حلايب سودانيه ولا يحتاج الي جدل او اثبات حلايب ما بترجع الا حمره عين مش بي التطبيل واللجوء الي المحاكم