( التطبيع) .. هل هو نهاية مشاكل البشير الاقتصادية و ملف المحكمة الجنائية ؟!!

والله انا لم استغرب لما نقلته صحيفة هاآرتس الإسرائيلية فنظام الإنقاذ والدولة العبرية وجهان لعملة واحدة. التخطيط اليهودي للتمكين من إحتلال فلسطين وإخضاع شعبها تضمن انتهاج وسائل القتل والإغتصاب وحرق القري بمن فيها من السكان ولن تنمحي من الذاكرة مأساة قرية دير يس. كان الهدف هو زرع الخوف في النفوس حتي تصبح قيادة الناس والتجكم في حياتهم أمراً سهلا. نقلت الإنقاذ هذاالقاموس اليهودي وزادت عليه لكسر شوكة الشعب بإشعال الحروب وإزكاء روح القبلية وضرب القبائل بعضها ببعض. الإنقاذ والدولة العبرية ( روح واحدة في جسدين) كما قال أحد المطربين

والله الكيزان ديل اكبر جهلة و طير و اغبياء. والشعب السوداني يستاهل البيحصل ليه. معقولة الاغبياء ديل بيحلموا انهم يطبعوا ولا بس يتعاملوا مع اسرائيل. اسرائيل عندها من الكروت والاتباع كفاية جدا في المنطقة العربية و الافريقية. وطبعا بشة وحميره ما ممكن يكونوا باى حال مرغوب فيهم. سبب واحد مافي يا طير.انتو ما عندكم حاجة اصلا والاراضي الزراعية الصينيين جاين الاسبوع القادم عشان يخلصوا اراضيهم في الجزيرة و الشمالية جنب السد الكبير. البلد كلها اتباعت وانتهت واي حاجة جاية الجماعة في انتظارها خلاص البلد انتهت و البيعملوا فيه ده بيوضح للازكياء بس ان البلد جوة الهاوية خلاص… اسرائيل بعد سد النهضة خلاص مسكت مصر و السودان وزمان قلت انوا اسرائيل هي الاساس في تمويل و بناء سد النهضة وانوا اللوبي اليهودي الان اصبح مارد عملاق في اديس ابابا.. فالحين بس يا الكيزان في الفساد و العرس مثني و ثلاث و رباع..الواحد عقله في …. مافي داعي وباقي العقل في سرقة المال العام.

انت يازول واعى بالهرطقة البتقول فيها دى وللا مازلت مصدق وهم روسيا امريكا قد دنى عذابها واضح انك مازلت عايش تحت تاثير غسيل الامخاخ ووهم المشروع الحضارى وواضح ايضا انك لا تفقة شى عن اى شى ولا ترى ابعد من وسائل الاعلام فى الخرطوم

العالم يعيش في صراع شرس حول المصالح ولا حدود للسياسة ..والبتغلب بيهو العب بيهو …

اعتقد والله اعلم انو الانقاذ حتمشي لطريق تسويه شامله في السودان وتطبيع مع الصهاينه في الخارج واظن حيكون في نموذجين لاثالث لهما واحد انو الانقاذ يفك علاقتو مع الاخوان وبرنامج الاخوان المسلمين ويمشي لتسويه شامله مع كل القوى السودانيه المعارضه او انو النظام ده قبل مايحصل ده كلو حينبسم لي نظامين جزء عاوو يبقى جزء من تنظيم الاخوان والحلف الممانع وجزء حيكون مع عمر البشير والناس دي حتتحارب في العاصمه وحتقتل في بعض وسوف يقتلعون من السودان اقتلاعا كما تنبا محمود محمد طه لذا كل الطرق ف مصلحة المعارضه السودانيه التي وبذكاء وقعت على خارطة الطريق بقراءتها الصحيحه للاوضاع ف المنطقه وشعف النظام الذي قارب على الدمار نتمنى ان نصل لتسويه سودانيه سودانيه شامله عادله لكل السودان واستقرار امني وسياسي في البلاد بدون رائحة الدماء والدمار والفوضى

لا أعتقد أن كل ما جئت به سيكون لكن هي اجتهادات لا بأس بها

ليست مشاكل البشير بل مشاكل الشعب الاقتصادية

انتو التطبيع والتحول الديمقراطى دا شنو يا ربى دا نوع من انواع حلاوة قطن ولا شنو ،، معاكم حمارويه من سوق ام دفسوا شارع كرور الجنب الخور ،،، لن تنجح الثورة الا اذا فهم حمارويه ماهو التحول الديمقراطى مثل ناس كاردف وسكرامنتو وباريس ،،، فالثورة يصنعها ملح الارض الشعب الكادح ، لايصنعها اصحاب التنظير المفرط والكلمات المنمقة ،،،،، يصنعها هتاف الدكتور شالوا الخور

التحول الديمقراطى دا البيعملوا منو …اذا هم المناضلين السودانين هو اصطناع مشكلة مع الدولة السودانية وادعاء النضال والبحث عن اللجوء طيب انتفاضة السجم دى البعملها منو اشباح المناضلين .. انتو منتظريين منو يعمل التحول الديمقراطى ، ابو عيسى العايش على هامش الزمن ولا الخطيب المسكين و لا عرمان ابو اضان .، واحد فى امريكا وواحد فى كندا وواحدة فى فرنسا والمشكلة شنو بنطلون احيييييي انا من البنطلون دا ، ، واحب البنطلون والجوه البنطلون ، مافى واحد مشى روسيا ولا كوبا ولا مملكة كوريا ،، اصبح ملاذ اهل الشيوع والثورية هى واحة الحرية الاميريالية البغيضة ،، طيب مادى سنة سودانية متجذرة كراهة الشئ والحب مستقبلا ودا العملتوا الانقاذ كره اسرائيل والحب لاحقا ،،،

شرعا هو القدر . فهل من وقع فى النفاق والكفر يعذر وأن كان مجتهد فى نصرة لا اله الا الله . كان مجتهد لكنه تخطى العلم الاخروى وذهب يعمل بدون علم او تعلم علم اخروى غير صحيح معتقد انه الصراط المستقيم ( الاخسرين اعمالا ) على فكرة كلنا صوفية اقصد نشأنا صوفية ولا يغير الله ما بقوم حتى يغيروا ما فى انفسهم . كذلك الكوز ( الاخوانى ) وكل الفرق . فالاصل : قل امنت بالله ثم استقم . يعنى لا تعمل الا بعد ان تعلم نفسك العلم الاخروى الصحيح لكى لا تتورط كما تورط الكيزان فى الدنيا وورطتهم الكبيرة حساب الاخرة كيف يتوبوا وعليهم اصلاح وبيان شروط التوبة . فقد انطبقت عليهم الاية (لا يستطيعون مضيا ولا يرجعون ) فرحمة الله التى وسعت فى باب التوبة الفاتح لكل حى يرزق وعطاء ربك غير محظور وفضله يغدو ويروح لكن هولاء وصلوا مرحلة لا يتصورها الا مومن بدرجة فوق درجة علم اليقين . فصار همهم الاول نجاتهم من حساب الدنيا والمشاهد اذدادوا ورطة فى حساب الاخرة انتهى لمن يفهم او هو مومن باليوم الاخر ويرد الامور لله ولرسوله .

الاسئله التى لم يطرحها الكاتب:
1- هل سيساعد التطبيع مع اسرئيل الابقاء على ما تبقى من السودان؟
2. هل سيساعد التطبيع مع اسرئيل رفع العقوبات الامريكيه؟
بالنسبة للسؤال الاول هل سيساعد التطبيع مع اسرئيل الابقاء على ما تبقى من السودان نعلم ان اسرائيل صارت تهيمن على القرن الافريقى وخاصة دول الجوار اثيوبيا، جنوب السودان، كينيا ويوغندا. ونعلم ان لاسرائيل طموحات فى هذا الاقليم.واذا توقف السودان امام هذه الطموحات ستفعل اسرائيل بنا الافاعيل فيجب ان نتقى شر اسرائيل ونتعظ بالدمار الذى يحدث فى سوريا. حينها لن تحمينا السعوديه.
اما بالنسبة للسؤل الثانى هل سيساعد التطبيع مع اسرئيل رفع العقوبات الامريكيه نعلم ان السياسة الخارجيه الامريكيه بالنسبة للمنطقة العربيه متروكة حصريا لاسرائيل ولا ينكر ذلك الا مكابر. واى مجهود لرفع العقوبات الامريكيه مضيعة للوقت.
نعم علاقه طبيعيه وصداقه مع اسرئيل سيرفع العقوبات الامريكيه فورا.

المقال عبارة عن إفتراضات مأخوذة مما كتبه ويكتبه الإعلام العبري الإسرائيلي الذي يريد أن يتكسب من مواقف السودان. السودان في طريقه للتطبيع مع أمريكا وستكون ثمرة هذا التطبيع هو رفع العقوبات وإعفاء الديون وتجميد المحكمة الجنائية ودعم السودان والإبقاء علي حكومة المؤتمر الوطني في الحكم إلي أن تقوم الساعة. أما علاقة السودان بإسرائيل فستكون مثل علاقة السعودية بأسرائيل – أي صفر كبير – فلا تبادل دبلوماسي ولا إعتراف بأسرائيل أبداً.

الإنقاذ حكمت السودان 27 عاماً بدون دعم أمريكا، أما مع الدعم الأمريكي فإنها ستحكم السودان إلي مالا نهاية أيها المعارضون المخرفون!

قال إنبطاح قال! أصلاً لا يوجد دولة عذبت أمريكا مثلما عذبناها وجنناها وأحرجناها وأفشلنا لها كل مخططاتها.. أمريكا هي التي إنبطحت أخيراً وعرفت أن الوسيلة الوحيدة للتعامل مع السودان هي التعامل بإحترام وليس التعامل الإستعلائي الذي لم ولن نقبله.. وسودان البشير ليس هو سودان نميري لو كنتم تعلمون. النميري سقط والقذافي سقط ومبارك سقط لكن البشير هو الوحيد الذي مازال يمسك بمقاليد الأمر بقبضة من حديد.

بلا ثورة بلا كلام فارغ معاكم.

اسمه أبوبكر القاضي ويجزم ان محكمة لاهاي حياديه صحيح الاختشوا ماتوا .