هل يتزوج مساعد الرئيس عبد الرحمن المهدي ابنة أخت مسئول رفيع في الإنقاذ.. ؟ا

دة اسمة نكاح الانقاذ للامة على كتاب المؤتمر وسنة الامام

يا ناس دافور و جبال النوبة و النيل الازرق و قريعتي راحت (ناس شمال و غرب كردفان) و ناس ادروب. قلنا ليكم الناس ديل زيتم في بيتم، معقولة بس واحد يشرد اولاد اختو و لا واحدة ترضى اولاد اخوها يتعذبوا. احسن الناس يعيدو علاقاتهم و ولاءاتهم للناس ديل و يحرروا نفسم من البيوت الحاكمة دي.

دبابير !!!!!!!!!!! واثبت عبدالرحمن انه يحمل بوته بين كتفيه اما شنطة الجيش السمسونايت فهو يضع فيها المشط و رأسه الثاني …….أسف البوت

دة الزيـــــــــــــــــــــــــــــــــــــــــــــــــــــــت :mad: :mad: :mad: :mad: :mad: :mad:

ده عمرو 50 سنة ما متزوج؟ درس معنا ببيت المال الابتدائية

والله حكاية الزول مامتزوج عوجة والله…حقو يصوموه طوالى ….لمن يعقد:D :cool:

زيتنا في بيتنا.

وانا كنت محتار في الطريقه الاشتروك بيها الجماعه ديل .الليله وصلتني الفكره …..النسوان

وانتو مالكم واية دخلكم

كونو ما متزوج لدي حسة دي من الغرائب

معقول عمك الجلك دة مامتزوج للان وبعد خمسين سنة لزومو شنو والله شهر العسل الا تقضيهو مساج ساكت

مستشار رئيس ابنة مسئول رفيع = شعب ضائع
والساقية لسه مدورة

هي متين كدا مش مفروض تصبر شوية تشوف القصة نهايتها شنو

ولا اضرب الحديد وهو ساخن ؟

نفس افكار الصادق بهدؤ يلحس عقل الكيزان بالزواج ومش عيب لكن
الكيزان مش ساهلين يعني لو دعى الداعي او المستشار اتزوج وافتكر نفسه خلاص قريب من
الانقاذ وحب يلعب بديله ح يقطعوه ليه حتى لو كان متزوج بنت اخت الرئييييس

بنكره نسمع ونشوف

والله السودان شيء غريب زي تقول عاملين لينا عمل اي واحد يدخل بسرعة

وكمان بسرعة يتلخبطت مع العصابة ويتزوج منهم والملاحظة في نشرات الاخبار

سيدنا عبدالرحمن بياخد مساحة اكبر من الرئيس ومن عليوة مش معروف القصة شنو

الدنيا مصالح ودسائس وياما نشوف كثير وكثير من فعائل هؤلاء القـــوم . اليوم شراكة وغدا زواج وبعد غد نشوف الانتاج .

المعلق ميسرة :ماذا تقصد

كلامك صاح يامحمد حسن عايزين ابادة ثلاثية للبيوت الثلاثه حتى يبقى السودان للسودانين وليس الحرامية لمال الغلابة

كشاب ابن الامام من حـقـه أن يتزوج .. ويرتبط بمن يراها تتناسب معه كزوجه .. هذه مسأله شخصيه نترفع فى الخوض فيها .. فلسنا من أهل العريس ولا من أهل الست العروسه .. وهى فى النهايه زوجه ككل الزوجات السودانيات .. تُلزمنا الاعراف والاخلاق السودانيه عدم المساس بالخصوصيات ولا مجرد التعليق عليها …

كشـاب (عبدالرحمن) نقف معه ونفرح لفرحه بغض النظر عمن يكون ولأى بيت ينتمى ولا أتجاوز اذا قلتُ أن للصادق المهدى كرمز لون وطعم ونكهه خاصه .. فلاسرة الامام وافر وكثير الاحترام من كل العائلات السودانيه فالرجل ربى اولاده بنمط سودانى (كامل الدســــم) ..

يجب أن نفرق بين معارضتنا للنظام … والخوض فى الشــؤون الخاصه بالاسر الكريمه …

ان صحت رواية الخبر فأننا نتشرف ونرفع التهنئه للشاب (عبدالرحمن) بتكملة (نصف) دينه ..

ونســأل الله أن يوفقه فى الاختيار … وأن يسعدهم ويتمم على خير .. ومبرووك مقدماً للجميع …

الــجــــعــــلـــى

من مدينة ودمدنى الطيب اهلها … والراقِ زولا …

مـــــــــــــــدنــــــى السُـــــــــــــــــــــــنـــــــى