في الرد على صاحب مقالات ( فتيات الشنطة على الكتف..)
قلت لي ردودي عليك في صحيفة الراكوبة كانت ( مقرفة) ؟
يااااخي..
عذرا على تعكير صفو جنابك ( المتعالي والمتفلقص والمتجسس ) ..
أولا شوف..
يا أيها المنبت عن مجتمعه وواقعه .. لاعقا حذاء كل ذي سلطة ..و( متبلبصا ) من أجل دريهمات ..
أنا لست مجرد ( كاتبة أو صحافية ظهرت لها مؤخرا بضع مقالات في الراكوبة ) ..
أنا آمنة مختار المتخصصة في علمي الإجتماع والتاريخ.. ومؤسسة حزب سياسي.
ولي في قومي ما يجهله أمثالك من الأنانيين الذين لا يرون أبعد من أرنبة أنوفهم .
ونشأت عيني ملييييانة والحمد لله.. ولكن هذا لم يجعلني جبارة متكبرة عن معاناة قومي .. معاذ الله.
وحتى عندما طال أهلي قرار الإحالة للمعاش الإجباري بدعوى الصالح العام.. رفضوا اللجوء لدول الخليج والعمل بها.. كي لا يذلوا ولا يهانوا من كل مستجد نعمة لا يعرف قدرهم..
صبروا في بلدهم وأكلوا من سنامهم حتى باعوا كل أملاكهم ..أو يكاد .
ورغم ذلك أحترم كل من سعى وضرب في الأرض ساعيا لرزق قومه وعياله.
فاهم ؟
ولا زلت أقول لك ، هذه الظاهرة وغيرها من ظواهر سالبة لها مسبباتها التي تعلمها جييييدا ..ولكنك تتعامى عنها.. وأراك وجادا وساعيا كل السبل ..حتى ( سبل من سببها ) .. !!!
كي تعاقب الضحايا..
وكي تعيد ذلك القرار الغبي والظالم والمأفون والمتخلف..لمنع سفر السودانيات دون محرم !!
مالك ومالهم ياخي ؟!!
خليهم يتذللوا في معايشهم كما تتذلل أنت ..للأمير فلان والسلطان علان ولراعي الضان..
بل ولسلطة الإنقاذ البائسة ومنسوبيها ..ممن ضيقوا على المواطن كل سبل العيش الكريم.
ألم تسمع يا أيها ( الإعلامي العلامة) .. بالكشات اليومية لستات الشاي ؟!
ألم تسمع يا أصم وأعمى الضمير ..بالغرامات الباهظة على بائعات التبش ؟!!
ألم تسمع عن ( رخصة ممارسة التسول ) ؟!!
ألم تسمع عن ما يسمى ( بمكتب إدارة الدرداقات) ؟
يدردق ركابينك قول يامين .
ولكن كيف تسمع.. بكل هذه المعاناة.. وأنت بعيييد هناك متربعا على برجك العاجي الوهمي.. ولا زلت تتحدث عن كرامة السوداني التي أضحت خرافة : كخرافة الغول والعنقاء ..
ولن أقول الخل الوفي.. فالخل الوفي لا يزال نعمة ورحمة من المولى.
أي كائن أناني أنت ؟!!
..جزى الله أمثالك بما يعانيه هذا الشعب في الداخل ، فلو كنتم تظنون ( أن دربكم مرق) فدعني أبشرك بأنك في تلك البلاد لست سوى ( وافد) .. وراسمالك نفخة من مسؤول فيها كما سبق أن نبهتك .
أنت لست بأفضل من هؤلاء الضحيات.. اللواتي تدينهن بما ليس بيدهن..
فأنت أيضا خرجت من بلدك مضطرا تضرب في أكباد الأرض سعيا وراء الرزق..
فرقك منهن فقط.. ربما يكون الحظ في العثور على مهنة.. أو ربما تكون الواسطة القوية.. أو التذلل للسفارات وكل ذي سلطة دنيوية مؤقتة وبائسة..
الظواهر الإجتماعية لا تعالج هكذا يا جاهل..
بل تعالج من جذورها.. والجذور ليست كما هي في فهمك الضحل والأناني .
بل عبر مناهج بحث صاغها علماااء ..لتبيان الخط الفاصل بين العلم واللغو .
ودراسة الظواهر الإجتماعية أي تلميذ في الروضة ربما يعلم أنها تكون أول ما تكون بدراسة مسبباتها.
قلت لي الضابط فلان قال.. هههههههه
حقا كم أنت مثير للشفقة ، ربنا ينير بصيرتك.. فأخشي ما أخشى عليك.. أن تمتحن ذات الإمتحان.. من الواحد الديان .
…………….
وثم ، وبالمناسبة أضحكني جدااا طلبك لي بأن أدعو لل(الفضيلة ) ..
فما أدراك يا مسكين يا ضيق الأفق .. بأن فهمي للفضيلة هو نفس فهمك البائس لها.. ؟!!
فهمي للفضيلة ببساطة : أن لا أتجسس ولا أتحسس ..
وأن أدع الخلق للخالق..
فالحمد لله أعرف قدري.. ولست ب(ملاك طاهر ) كما توهم نفسك ..
يا متجسس ومتحسس ومتسكع القهاوي النواص..
همي كله في هذه الدنيا أن أراجع وأراقب نفسي وأحوالي..
ولا أنهض من سريري إلا من أجل عمل ينفع ويفرج على الخلق.. لا يضيق عليهم سبل الله الواسعة.. بزعم ( وهم ) فضيلة فضفااااض..
وماهي (الفضيلة ) إن لم تكن.. السعي لعلاج قريب مريض أو إطعام طفل جائع.. ؟!!!
فلتذهب كل دعاويك للفضيلة إلي حيث تنتمي وتستحق …
فهل كنت تظن حقا ..أن الصانع جل وعلا.. سيترك هؤلاء الضحيات المسكينات .. وحدهن بلا عون ، رحمة في يدك ويد كل من يتوهم سلطة دنيوية فانية :
سواء كان إعلامي مثلك وبوق لدولة أجنبية ، أو مجلس جالية ، أو الضابط فلان أو علان ( واااو هههههه) …
أو سفارة وطن ( حدادي مدادي ) استولت عليها عصبة ظالمة في يوم طالع بئيس ..؟!!
ألا تبا لك ولأمثالك.. ألا تبا لك ولأمثالك..
ضيقوا الأفق.. الأنانيون.. المتعالون على معاناة قومهم .
وتبا لك كرة أخري.. لأنك جعلتني ألعنك.. وقد ظننت أنني قد تبت من اللعن !
2 Apr 2018
[email][email protected][/email]
الاستاذة: امنة المحترمه
تحية وبعد:
نتفق في معارضتنا للحكومة
ونتفق في ان ما تفعله الدولة اتجاه اخواتنا ومما يعانونه
نحمل هم تغيير كبير ونتمني واقع افضل لبنات حواء بالسودان
ولكن ان نسمح لبعض الاخوات ان يسئن الي انفسهن اولا وللوطن ثانيا هذا غير مقبول
كان الاولي التركيز في الحلول وليس التهكم علي كاتب المقال
الله وحده اعلم بالنيات والرجل يتطلع الي وقف المهزلة التي تصير هناك
و سعي لامتلاك الحقائق فقد يكون الموضوع مجرد افتراء فكان لابد من تقصي
انا ارفض ان تهان سمعتي وسمعة اخواتي السودنيات داخل وخارج السودان
كل من هب ودب اسس حزب سياسي
حريقة فيك انت وقومك وعلم الاجتماع بتاعك
اسي المتفلقص منو فيكم
ثم تانيا جدك دا الاسماء عدمت ما لقو ليهو غير اسم اير دا
المقال الصحفي يرد بمقال صحفي مهذب ، فنحن لم نفهم فيما تتحدث الكاتبه الموضوع كله شتم وسب ولعن لشخص ما .
صح لسانك
طيب انت ما دام فاهمة وبتاعة علم اجتماع وحزب سياسى لزوم الجهر بالسوء من القول شنو ..الراجل كتب كلام اتفقى معه او اختلفى هذا حقك لكن لزوم الاساءة شنو خاصة الراجل كان مهذب فى رده لك ورغم عدم معرفتى الشخصية به فان مقاله يندرج فى الامر بالمعروف والنهى عن المنكر فهى تعتقدى انت ان البنات ديل بعملوا فى معروف؟
الاخت آمنة
فرق كبير بين مقالك و مقاله,الفرق ليس فى المنطق او المعلومات..ولكنه رجل مهذب و راقى..ليتك تتعلمين منه شيئا
فعلا مقرفة
بالله عليك هسي دا سلوك واسلوب واحد بقول انا صحفي او اعلامي او كاتب اما هو العجز وعدم الحيلة وقلتي اخد حقي بي خشمي دا و اوريهو اطفي النور منو دا اسلوب واحدة لا ليها في الاجتماع ولا التاريخ ولا السياسة واحدة روحها حارقاها والدنيا مضلمة في وشها وقريبة من الانتحار ونحرتني معاك صاحبات التاشيرات زيادة واصبحتي تشرقي وتغربي عشان تدافعي عن الباطل البعملو فيهو وبقن زي الحكومة يكوسو للدولار والريال وباقي العملات الصعبة ما كان احسن ليهن يمارسن الفضيلة حقتك دي جو بلدهم بدل البشنتة والبهدلة وقصف روس اخوانهم المغتربين من السودانيين الاخ الصحفي والرياضي اثار موضوع معين لماذا انتي تخلطي كل المواضيع مع بعض الله ينور بصيرتك يا ام مختار وتتركي الاساءة والتجريح وتخليك في الموضوع فقط والتحية للاستاذ الذي اثار الموضوع
اللعن معناه الطرد من رحمة الله، وقد ثبت فى الأثر أن من لعن شخصاً ولم يكن هذا الشخص مستحقاً للعن، فإن اللعنة تعود إلى قائلها، فلا بد أن يبوء بها أحدهما، احذري يا اختي من اللعن.
لا حول و لا قوة إلا بالله.
قلنا فلانة ديك واحدة تاريهم فلانتين.
و كل إناء بما فيه ينضح.
أحدثك من موقع الحدث أو قريب منه
و أقول لك إنت لا تعرفين ليس فقط
ما يحدث و لكنك لا تعرفين قدر الناس.
اللهم لا تمحنا و لا تبلينا و أعتذر لك
يا أستاذ كمال و لا داعي للرد و أما
الإناء فقد نضح.
مقال هابط من انسانة تتدعي التخصص في علم الاجتماع ومؤسسة حزب سياس كما قالت
لكن ليس غريبا في زمن الانحطاط الذي نعيشه تحت حكم الاخوان
والله يا شابة جنس كلامك ده ما عندو علاقة بالاجتماع ولا التاريخ ولا البطيخ. والموضوع من الأساس ما داير كل الزعل والشتيمة دي الراجل قال في بنات سودانيات بيجو عندهم في مسقط وبيشتغلوا بائعات هوى (يبيعوا شنو نان، حتى بيع الشاي منعوهو في السودان) والراجل طرح حلول محددة لو متفقة معاهو أوكي ولو مختلفة معاهو برضوا أوكي ورينا مختلفة معاهو في شنو وده حقك. لكن تنبذيهو وتلمي فيهو الناس زي بائعات الهواء (مش الهوى، علشان ما تزعلي) فده كلام ما كويس… وبمناسبة عينك المليانة أنا أعتقد أنها مليانة أكتر من اللزوم وظاهر من خلف النظارة. أما عندك حزب ملك حر فهذا أرخص شيء في السودان أنا بعوف ناس عندهم تلاتة أحزاب واحد مع المعارضة واتنين مع الحكومة. روقي المنقة واستهدي بالله وخليك من موضوع الكتابة ده وشوفي ليك مفكرة شخصية أكتبي فيها خواطرك وتداعياتك وقريها لصحباتك وأرحمي خلق الله وانجمي.
بالمناسبة أنت بتضعي علامة إحالة (asterisk) بدون أي إحالة (footnote) … قلت ليك الكتابة دي ماشغلتك لكنك مصرة تكوني من بائعات الكلام
قلت لي قمت بتاسيس حزب سياسي!!؟؟حزب بالدكوة!؟؟الراجل كتب في موضوع المفروض تردي بحقائق مش شتم واساءات …. بعدين انت بتدافعي عن بنات الليل ليه!؟؟وليه بتختلقي لهن اعزار!!؟؟امرك يحير وردك يغير في اتجاه الزول….انت عاجبك البحصل في مسقط ودبي القاهرة!!؟الحرة لا تاكل من جسدها يا سليله الحسب والنسب يا موهومه……ارجعي البلد الله لا جاب باقيكم عاملين فيها اصحاب رائ وقادة مجتمع
هي خايفة يحرموا النساء من السفر من غير محرم يعني ربما هي ليس لها محرم وبالتالي سيمنعوها من السفر إذا عادت إلى السودان لأنه من كلامها ده هي خارج السودان.لم اسمع بحزب هي كونته كما أنها لم تذكر اسم حزبها حتى يعرف الناس طريقة تفكير رئيسة الحزب،وربما هؤلاء النسوة اللائي تحدث عنهن الأستاذ كمال هن عضوات في حزبها.
كلامها الخارم بارم ده كله هو دعوة للرزيلة وللأسف ليس كلام واحدة متعلمة وخريجة تاريخ وعلم نفس كان الاولى بها الحرص على سمعة المرأة السودانية من بني جنسها،كلنا نكره الحكومة لكن في نفس الوقت نكره قلة الأدب التي تجلب لنا كشعب العار والفضيحة.
“مالك ومالهم ياخي ؟!!
خليهم يتذللوا في معايشهم كما تتذلل أنت ..للأمير فلان والسلطان علان ولراعي الضان..*
بل ولسلطة الإنقاذ البائسة ومنسوبيها ..ممن ضيقوا على المواطن كل سبل العيش الكريم.*
ألم تسمع يا أيها ( الإعلامي العلامة) .. بالكشات اليومية لستات الشاي ؟!
ألم تسمع يا أصم وأعمى الضمير ..بالغرامات الباهظة على بائعات التبش ؟!!
ألم تسمع عن ( رخصة ممارسة التسول ) ؟!!
ألم تسمع عن ما يسمى ( بمكتب إدارة الدرداقات) ؟
يدردق ركابينك قول يامين .”اقتباس..
“ألا تبا لك ولأمثالك.. ألا تبا لك ولأمثالك..
ضيقوا الأفق.. الأنانيون.. المتعالون على معاناة قومهم .
وتبا لك كرة أخري.. لأنك جعلتني ألعنك.. وقد ظننت أنني قد تبت من اللعن !”
اقتباس اخر..
كلام الطير في الباقير.. كلام “شماسة” ..كلام شوارع..
كل من يعرف كتابات كمال الهدي.. يعرف الموضوعية والرزانة والادب..
فأربأ بك ايها الاستاذ الهمام كمال الهدي من مجرد أن تتطرق لمثل هذه السفاهات والترهات التي تتقيأ بها مثل هؤلاء النكرات.. ســــــلام..
لقد كان لي تعليق سابق في مقال سابق لك تطرقت فيه لنفس الكاتب.. صدقيني ندمت انا علقت عليك.. والله ليس دفاعا عنه لانه لم تربطنا به معرفة شخصية ولا قرابة إلا من خلال الراكوبة وكتاباته فقط..
وانا كقاري مدمن للراكوبة منذ زمن.. اقول لك يا اختنا الكريمة ما هكذا تورد الابل.. اسلوبك غير لائق وغير محترم.. انا اتخيل لي انت عندك اشكالية نفسية من الرجال أو حالة خاصة بك انت.. لذلك مصيبتك لا تعرفين أن مخاطبة الرجل الذي يمكن ان يكون غلط في حقك بهكذا اسلوب… اولاً انت على ما يبدو لي امراة ناضحة وذات تجربة في الحياة.. اولاً: حتى لو فرضنا ان هذا الكاتب الذي تناولتي ما قاله وتصديت له.. حتى لو فرضنا انه مخطي وليس على حق وكلامه خارم بارم واتهام ظالم وتهمة مردودة عليه.. فمن حقك ان تدافعي عن ما قاله وما كتبه بس بطريقة الطف من كدا؟؟ ممكن هو نفس يراجعه حساباته ويراجع مقاله.. طريقة تنفي فيها هذا وطريقة تبخسي بها مقاله.. مع العلم اني قريت مقاله واتفق معه تماماً.. ولكن هناك ايضاً نماذج نسائية سودانية تشرفنا في الخارج ادباً ومقاماً وشرفاً وقامة ومقاماً…. هذا النموذج الذي يعجب كل سوداني..
بالله عليك سوي ليك فنجان قهوة كدا.. واقعدي وأول حاجة تعمليها تقلعي النظارة اللي على عيونك دي..وتقري مقالك دا تاني كدا بمزااااااااااج وشوفي فيه كم كلمة شينة وعقيمة وفارغة؟
اسه زيي تعبير[يدردق ركابينك] دا شنو دا سلق البيض دا… دي لغة اعلامي ولا كاتب ولا مؤسس حزب؟؟!!
مقالك دا تضيفي عليه حاجة واحدة[محاسن كبي جبنة] لانها تنقص المقال.. رغم ان مقالك مقبولا شكلاً لكنه غير مهضوم بلغته السوقية والفاظه الخارجة عن المألوف في الرد على خطأ أو نفي شيء أو تقويم ولفت نظر اخر.. يصيب الانسان بحالة من الاستفراغ.. رغم انك لك الحق في الرد والنصح والتوجيه والإضافة والنفي.. لكن لا قلتك لا ترقى كونك كاتبة ولا قاصة وكسياسة مؤسسة حزب..
ملخص ما ذكره الأستاذ كمال في مقاله ان ممارسة الدعارة كمصدر للرزق امر يجب ان نقف في وجهه وخاصة خارج السودان، وهو شعور وغيره يجب ان يشكر عليها. لم يتطرق الكاتب في مقاله الي الأسباب التي أدت بهؤلاء الفتيات الي هذا السلوك، وفي جميع الأحوال لا يوجد مبرر ان تاكل الحرة بثدييها.
أسلوب صاحية المقال يفتقر للموضوعية وينضح بالسطحية، فقد بدات بالحديث عن اسرتها وتعليمها ثم انتقلت الي للاساءة الي الطرف الاخر بعبارات سوقية وغير موضوعية، ولم تقدم طرحا منماسكا يوضح وجهة نظرها.
يتضح جليا من الأسلوب والطرح ان هذه السيدة تعوزها القدرة علي التفكير وتحليل الواقعائع للوصول الي خلاصات موضوعية، وبالتالي جاءت كتابتها من نوع الكلام الساكت.
يبدو ان الاستاذة لم تتجاوز الخطل و العادة السئية او الفهم الناقص عند اغلب زمرة من انبرى للعمل العام و الكتابة وهو الخلط ما بن مرارات الذات و التشفي او الشخوصية و الانحراف عن الموضوعيةوهو شان مهلك ومقزم ان لم يكن محجم حتي ولو كانت الامكانيات و المؤهلات كبيرة.
والله ياأمونة بت مختار ما قصرتي تب .
صاحبنا دا لو كان بهمه أمر حوة السودانية كان تبرع بقيمة التذكرة( ذهابا وإياب لمسقط )، لأمهات شهداء سبتمبر 2013م.
دي مش بتاعة ال (نقط نقط) يا اخي قومي لفي انت ما عندك موضوع . يا ناس الراكوبة مش ممكن مش ممكن كل من عرف يكتب الحرف ينشر مقال هذا خصم كبييييير من رصيدكم اوقفوا المهزلة
(يدردق ركابينك قول يامين ) ههههههههههه
يا بت مختار قولي بسم الله ما لك شادة الحبل مرة واحدة كدي وملحتيلوا مع الكلاب ؟
فأتركي مساحة للتعليم ربما يتعلم من الأيام .. وليس كل من اختلفنا معه في الفهم نشخت فيهو الشختة القوية دي؟
انا شخصيا لا اتفق معه تماما فيما قال اذا كان السبب فقط هو(كرامة السودانيين) فهو يريد ان يعيش ولا يعكر صفو حياته احد
ولكن نحن لم تعد لنا كرامة بل كرامتنا انتهت يوم ان جاء قوم يأجوج ومأجوج من كل حدب ينسلون..
أي كرامة وصار الحديث ممنوع حتى الفضاء الاسفيري صار مراقبا من قبل الطغمة الحاكمة وينتظرونك في مطار الخرطوم…
ويا بت مختار الحلة فيها الملح والشطة والشمار يعنى لازم يكون في اختلاف ووجهات نظر مختلفة.. بس الكاتب ده عنده ميول اخوانية .. او متأثر بالفكر الكيزاني الذين يتابعون سواءات الأخرين دون النظر في أسبابها او مسبباتها ويتركون عوجة الاخرين بمعنى يطاردون الضحية ويتركون صاحب الاسية ومسببها..
على العموم روقي المنقة انتي كمان
ضيقو الافق و ليس ( ضيقوا ) الافق ،، بدون ألف ، لأنها أصلاً ضيقون و حذف منها النون للاضافة اليها و صارت ( ضيقو )
امنه، ما هكذا تورد الابل
مقالك ملئ بالاغلاط الاملائيه والنحويه وخالي من الحقائق واسلوبك ركيك وفيه (شخصنه)
واعتداء لفظي علي الاستاذ الكاتب الوقور كمال الهدي ، فان دعاك للفضيله فهذا في
حد ذاته فضيله وتفضل عليك فاما تاخذي بها او تتركيها .
نرجو من الساده هيئة تحرير الراكوبه الغراء ان تمنع من النشر مثل هذه الفجاجه
والاسلوب السوقي الضحل الركيك و الشتائم النابيه
بالغتي والله
والله انت لا كاتبه لاصحفيه لا محترمه وشكلك فاقد تربوي دا اسلوب بذئي في شخص محترم وكتاباته محترمه ورصينه
مالك مجنونه انتي تفلقي كدي….عيب عليك الكلام دا….. اعتذري للرجل وللقرء وبطلي الكتابه…
الكلام ده رسلي ليه في الواتس اب .. زي تراجي مابتعمل .. والشكش ماليين الدنيا
يا كمال ويا مغتربين ففكونا من الفارغه .. عندكم حلول للعاهرات ؟
مقال غريب جدا . السؤال بسيط جدا هل ترضين ان يمتهن بنات سودانيات الدعارة في مسقط وغيرها ام لا ؟ اذا كنتي لا ترضين ذلك بحكم انك انسانه متعلمة ورئيسة حزب فانتي متفقة معه ام اذا كنتي ترضين لهن ذلك فهذا شأن لا يتفق مع تاريخ اسرتك العريقة التي تفخرين بها ومع تعليمك العالي ورئاستك لحزب سياسي يدافع عن الدعارة ويبرر لها بدلا عن ايجاد الحلول لمشاكل الفتيات .وقديما قيل تجوع الحرة ولا تأكل من ثديها.
لولا أن الراكوبة للراى و الرأى الآخر و هو مناخ لا يمنع و لكنه يمنح الفرصة للكتابات و الافكار الجيدة أن تسود(مثل اقتصاد السوق الحر) و العكس صحيح, كما رأينا فى الردود أدناه على هذه الكاتبة , لما رأى هذا المقال النور أو لطلب القراء ايقافها عن الكتابة فى هذا المنبر للأبد, ما هذا ؟؟؟؟؟؟؟؟؟
أعوذ بالله
يا اخوانا نحن مصيبتنا شنو ؟! عشان يلموا فينا ناس تراجى مصطفى وآمنه مختار وسارة منصور ومها من تكساس وغيرهن من اللائى افضل منهن من باعت شرفها جهاراً نهاراً
وجع
وجع
وجع
كتمت
الاستاذة: امنة المحترمه
تحية وبعد:
نتفق في معارضتنا للحكومة
ونتفق في ان ما تفعله الدولة اتجاه اخواتنا ومما يعانونه
نحمل هم تغيير كبير ونتمني واقع افضل لبنات حواء بالسودان
ولكن ان نسمح لبعض الاخوات ان يسئن الي انفسهن اولا وللوطن ثانيا هذا غير مقبول
كان الاولي التركيز في الحلول وليس التهكم علي كاتب المقال
الله وحده اعلم بالنيات والرجل يتطلع الي وقف المهزلة التي تصير هناك
و سعي لامتلاك الحقائق فقد يكون الموضوع مجرد افتراء فكان لابد من تقصي
انا ارفض ان تهان سمعتي وسمعة اخواتي السودنيات داخل وخارج السودان
كل من هب ودب اسس حزب سياسي
حريقة فيك انت وقومك وعلم الاجتماع بتاعك
اسي المتفلقص منو فيكم
ثم تانيا جدك دا الاسماء عدمت ما لقو ليهو غير اسم اير دا
المقال الصحفي يرد بمقال صحفي مهذب ، فنحن لم نفهم فيما تتحدث الكاتبه الموضوع كله شتم وسب ولعن لشخص ما .
صح لسانك
طيب انت ما دام فاهمة وبتاعة علم اجتماع وحزب سياسى لزوم الجهر بالسوء من القول شنو ..الراجل كتب كلام اتفقى معه او اختلفى هذا حقك لكن لزوم الاساءة شنو خاصة الراجل كان مهذب فى رده لك ورغم عدم معرفتى الشخصية به فان مقاله يندرج فى الامر بالمعروف والنهى عن المنكر فهى تعتقدى انت ان البنات ديل بعملوا فى معروف؟
الاخت آمنة
فرق كبير بين مقالك و مقاله,الفرق ليس فى المنطق او المعلومات..ولكنه رجل مهذب و راقى..ليتك تتعلمين منه شيئا
فعلا مقرفة
بالله عليك هسي دا سلوك واسلوب واحد بقول انا صحفي او اعلامي او كاتب اما هو العجز وعدم الحيلة وقلتي اخد حقي بي خشمي دا و اوريهو اطفي النور منو دا اسلوب واحدة لا ليها في الاجتماع ولا التاريخ ولا السياسة واحدة روحها حارقاها والدنيا مضلمة في وشها وقريبة من الانتحار ونحرتني معاك صاحبات التاشيرات زيادة واصبحتي تشرقي وتغربي عشان تدافعي عن الباطل البعملو فيهو وبقن زي الحكومة يكوسو للدولار والريال وباقي العملات الصعبة ما كان احسن ليهن يمارسن الفضيلة حقتك دي جو بلدهم بدل البشنتة والبهدلة وقصف روس اخوانهم المغتربين من السودانيين الاخ الصحفي والرياضي اثار موضوع معين لماذا انتي تخلطي كل المواضيع مع بعض الله ينور بصيرتك يا ام مختار وتتركي الاساءة والتجريح وتخليك في الموضوع فقط والتحية للاستاذ الذي اثار الموضوع
اللعن معناه الطرد من رحمة الله، وقد ثبت فى الأثر أن من لعن شخصاً ولم يكن هذا الشخص مستحقاً للعن، فإن اللعنة تعود إلى قائلها، فلا بد أن يبوء بها أحدهما، احذري يا اختي من اللعن.
لا حول و لا قوة إلا بالله.
قلنا فلانة ديك واحدة تاريهم فلانتين.
و كل إناء بما فيه ينضح.
أحدثك من موقع الحدث أو قريب منه
و أقول لك إنت لا تعرفين ليس فقط
ما يحدث و لكنك لا تعرفين قدر الناس.
اللهم لا تمحنا و لا تبلينا و أعتذر لك
يا أستاذ كمال و لا داعي للرد و أما
الإناء فقد نضح.
مقال هابط من انسانة تتدعي التخصص في علم الاجتماع ومؤسسة حزب سياس كما قالت
لكن ليس غريبا في زمن الانحطاط الذي نعيشه تحت حكم الاخوان
والله يا شابة جنس كلامك ده ما عندو علاقة بالاجتماع ولا التاريخ ولا البطيخ. والموضوع من الأساس ما داير كل الزعل والشتيمة دي الراجل قال في بنات سودانيات بيجو عندهم في مسقط وبيشتغلوا بائعات هوى (يبيعوا شنو نان، حتى بيع الشاي منعوهو في السودان) والراجل طرح حلول محددة لو متفقة معاهو أوكي ولو مختلفة معاهو برضوا أوكي ورينا مختلفة معاهو في شنو وده حقك. لكن تنبذيهو وتلمي فيهو الناس زي بائعات الهواء (مش الهوى، علشان ما تزعلي) فده كلام ما كويس… وبمناسبة عينك المليانة أنا أعتقد أنها مليانة أكتر من اللزوم وظاهر من خلف النظارة. أما عندك حزب ملك حر فهذا أرخص شيء في السودان أنا بعوف ناس عندهم تلاتة أحزاب واحد مع المعارضة واتنين مع الحكومة. روقي المنقة واستهدي بالله وخليك من موضوع الكتابة ده وشوفي ليك مفكرة شخصية أكتبي فيها خواطرك وتداعياتك وقريها لصحباتك وأرحمي خلق الله وانجمي.
بالمناسبة أنت بتضعي علامة إحالة (asterisk) بدون أي إحالة (footnote) … قلت ليك الكتابة دي ماشغلتك لكنك مصرة تكوني من بائعات الكلام
قلت لي قمت بتاسيس حزب سياسي!!؟؟حزب بالدكوة!؟؟الراجل كتب في موضوع المفروض تردي بحقائق مش شتم واساءات …. بعدين انت بتدافعي عن بنات الليل ليه!؟؟وليه بتختلقي لهن اعزار!!؟؟امرك يحير وردك يغير في اتجاه الزول….انت عاجبك البحصل في مسقط ودبي القاهرة!!؟الحرة لا تاكل من جسدها يا سليله الحسب والنسب يا موهومه……ارجعي البلد الله لا جاب باقيكم عاملين فيها اصحاب رائ وقادة مجتمع
هي خايفة يحرموا النساء من السفر من غير محرم يعني ربما هي ليس لها محرم وبالتالي سيمنعوها من السفر إذا عادت إلى السودان لأنه من كلامها ده هي خارج السودان.لم اسمع بحزب هي كونته كما أنها لم تذكر اسم حزبها حتى يعرف الناس طريقة تفكير رئيسة الحزب،وربما هؤلاء النسوة اللائي تحدث عنهن الأستاذ كمال هن عضوات في حزبها.
كلامها الخارم بارم ده كله هو دعوة للرزيلة وللأسف ليس كلام واحدة متعلمة وخريجة تاريخ وعلم نفس كان الاولى بها الحرص على سمعة المرأة السودانية من بني جنسها،كلنا نكره الحكومة لكن في نفس الوقت نكره قلة الأدب التي تجلب لنا كشعب العار والفضيحة.
“مالك ومالهم ياخي ؟!!
خليهم يتذللوا في معايشهم كما تتذلل أنت ..للأمير فلان والسلطان علان ولراعي الضان..*
بل ولسلطة الإنقاذ البائسة ومنسوبيها ..ممن ضيقوا على المواطن كل سبل العيش الكريم.*
ألم تسمع يا أيها ( الإعلامي العلامة) .. بالكشات اليومية لستات الشاي ؟!
ألم تسمع يا أصم وأعمى الضمير ..بالغرامات الباهظة على بائعات التبش ؟!!
ألم تسمع عن ( رخصة ممارسة التسول ) ؟!!
ألم تسمع عن ما يسمى ( بمكتب إدارة الدرداقات) ؟
يدردق ركابينك قول يامين .”اقتباس..
“ألا تبا لك ولأمثالك.. ألا تبا لك ولأمثالك..
ضيقوا الأفق.. الأنانيون.. المتعالون على معاناة قومهم .
وتبا لك كرة أخري.. لأنك جعلتني ألعنك.. وقد ظننت أنني قد تبت من اللعن !”
اقتباس اخر..
كلام الطير في الباقير.. كلام “شماسة” ..كلام شوارع..
كل من يعرف كتابات كمال الهدي.. يعرف الموضوعية والرزانة والادب..
فأربأ بك ايها الاستاذ الهمام كمال الهدي من مجرد أن تتطرق لمثل هذه السفاهات والترهات التي تتقيأ بها مثل هؤلاء النكرات.. ســــــلام..
لقد كان لي تعليق سابق في مقال سابق لك تطرقت فيه لنفس الكاتب.. صدقيني ندمت انا علقت عليك.. والله ليس دفاعا عنه لانه لم تربطنا به معرفة شخصية ولا قرابة إلا من خلال الراكوبة وكتاباته فقط..
وانا كقاري مدمن للراكوبة منذ زمن.. اقول لك يا اختنا الكريمة ما هكذا تورد الابل.. اسلوبك غير لائق وغير محترم.. انا اتخيل لي انت عندك اشكالية نفسية من الرجال أو حالة خاصة بك انت.. لذلك مصيبتك لا تعرفين أن مخاطبة الرجل الذي يمكن ان يكون غلط في حقك بهكذا اسلوب… اولاً انت على ما يبدو لي امراة ناضحة وذات تجربة في الحياة.. اولاً: حتى لو فرضنا ان هذا الكاتب الذي تناولتي ما قاله وتصديت له.. حتى لو فرضنا انه مخطي وليس على حق وكلامه خارم بارم واتهام ظالم وتهمة مردودة عليه.. فمن حقك ان تدافعي عن ما قاله وما كتبه بس بطريقة الطف من كدا؟؟ ممكن هو نفس يراجعه حساباته ويراجع مقاله.. طريقة تنفي فيها هذا وطريقة تبخسي بها مقاله.. مع العلم اني قريت مقاله واتفق معه تماماً.. ولكن هناك ايضاً نماذج نسائية سودانية تشرفنا في الخارج ادباً ومقاماً وشرفاً وقامة ومقاماً…. هذا النموذج الذي يعجب كل سوداني..
بالله عليك سوي ليك فنجان قهوة كدا.. واقعدي وأول حاجة تعمليها تقلعي النظارة اللي على عيونك دي..وتقري مقالك دا تاني كدا بمزااااااااااج وشوفي فيه كم كلمة شينة وعقيمة وفارغة؟
اسه زيي تعبير[يدردق ركابينك] دا شنو دا سلق البيض دا… دي لغة اعلامي ولا كاتب ولا مؤسس حزب؟؟!!
مقالك دا تضيفي عليه حاجة واحدة[محاسن كبي جبنة] لانها تنقص المقال.. رغم ان مقالك مقبولا شكلاً لكنه غير مهضوم بلغته السوقية والفاظه الخارجة عن المألوف في الرد على خطأ أو نفي شيء أو تقويم ولفت نظر اخر.. يصيب الانسان بحالة من الاستفراغ.. رغم انك لك الحق في الرد والنصح والتوجيه والإضافة والنفي.. لكن لا قلتك لا ترقى كونك كاتبة ولا قاصة وكسياسة مؤسسة حزب..
ملخص ما ذكره الأستاذ كمال في مقاله ان ممارسة الدعارة كمصدر للرزق امر يجب ان نقف في وجهه وخاصة خارج السودان، وهو شعور وغيره يجب ان يشكر عليها. لم يتطرق الكاتب في مقاله الي الأسباب التي أدت بهؤلاء الفتيات الي هذا السلوك، وفي جميع الأحوال لا يوجد مبرر ان تاكل الحرة بثدييها.
أسلوب صاحية المقال يفتقر للموضوعية وينضح بالسطحية، فقد بدات بالحديث عن اسرتها وتعليمها ثم انتقلت الي للاساءة الي الطرف الاخر بعبارات سوقية وغير موضوعية، ولم تقدم طرحا منماسكا يوضح وجهة نظرها.
يتضح جليا من الأسلوب والطرح ان هذه السيدة تعوزها القدرة علي التفكير وتحليل الواقعائع للوصول الي خلاصات موضوعية، وبالتالي جاءت كتابتها من نوع الكلام الساكت.
يبدو ان الاستاذة لم تتجاوز الخطل و العادة السئية او الفهم الناقص عند اغلب زمرة من انبرى للعمل العام و الكتابة وهو الخلط ما بن مرارات الذات و التشفي او الشخوصية و الانحراف عن الموضوعيةوهو شان مهلك ومقزم ان لم يكن محجم حتي ولو كانت الامكانيات و المؤهلات كبيرة.
والله ياأمونة بت مختار ما قصرتي تب .
صاحبنا دا لو كان بهمه أمر حوة السودانية كان تبرع بقيمة التذكرة( ذهابا وإياب لمسقط )، لأمهات شهداء سبتمبر 2013م.
دي مش بتاعة ال (نقط نقط) يا اخي قومي لفي انت ما عندك موضوع . يا ناس الراكوبة مش ممكن مش ممكن كل من عرف يكتب الحرف ينشر مقال هذا خصم كبييييير من رصيدكم اوقفوا المهزلة
(يدردق ركابينك قول يامين ) ههههههههههه
يا بت مختار قولي بسم الله ما لك شادة الحبل مرة واحدة كدي وملحتيلوا مع الكلاب ؟
فأتركي مساحة للتعليم ربما يتعلم من الأيام .. وليس كل من اختلفنا معه في الفهم نشخت فيهو الشختة القوية دي؟
انا شخصيا لا اتفق معه تماما فيما قال اذا كان السبب فقط هو(كرامة السودانيين) فهو يريد ان يعيش ولا يعكر صفو حياته احد
ولكن نحن لم تعد لنا كرامة بل كرامتنا انتهت يوم ان جاء قوم يأجوج ومأجوج من كل حدب ينسلون..
أي كرامة وصار الحديث ممنوع حتى الفضاء الاسفيري صار مراقبا من قبل الطغمة الحاكمة وينتظرونك في مطار الخرطوم…
ويا بت مختار الحلة فيها الملح والشطة والشمار يعنى لازم يكون في اختلاف ووجهات نظر مختلفة.. بس الكاتب ده عنده ميول اخوانية .. او متأثر بالفكر الكيزاني الذين يتابعون سواءات الأخرين دون النظر في أسبابها او مسبباتها ويتركون عوجة الاخرين بمعنى يطاردون الضحية ويتركون صاحب الاسية ومسببها..
على العموم روقي المنقة انتي كمان
ضيقو الافق و ليس ( ضيقوا ) الافق ،، بدون ألف ، لأنها أصلاً ضيقون و حذف منها النون للاضافة اليها و صارت ( ضيقو )
امنه، ما هكذا تورد الابل
مقالك ملئ بالاغلاط الاملائيه والنحويه وخالي من الحقائق واسلوبك ركيك وفيه (شخصنه)
واعتداء لفظي علي الاستاذ الكاتب الوقور كمال الهدي ، فان دعاك للفضيله فهذا في
حد ذاته فضيله وتفضل عليك فاما تاخذي بها او تتركيها .
نرجو من الساده هيئة تحرير الراكوبه الغراء ان تمنع من النشر مثل هذه الفجاجه
والاسلوب السوقي الضحل الركيك و الشتائم النابيه
بالغتي والله
والله انت لا كاتبه لاصحفيه لا محترمه وشكلك فاقد تربوي دا اسلوب بذئي في شخص محترم وكتاباته محترمه ورصينه
مالك مجنونه انتي تفلقي كدي….عيب عليك الكلام دا….. اعتذري للرجل وللقرء وبطلي الكتابه…
الكلام ده رسلي ليه في الواتس اب .. زي تراجي مابتعمل .. والشكش ماليين الدنيا
يا كمال ويا مغتربين ففكونا من الفارغه .. عندكم حلول للعاهرات ؟
مقال غريب جدا . السؤال بسيط جدا هل ترضين ان يمتهن بنات سودانيات الدعارة في مسقط وغيرها ام لا ؟ اذا كنتي لا ترضين ذلك بحكم انك انسانه متعلمة ورئيسة حزب فانتي متفقة معه ام اذا كنتي ترضين لهن ذلك فهذا شأن لا يتفق مع تاريخ اسرتك العريقة التي تفخرين بها ومع تعليمك العالي ورئاستك لحزب سياسي يدافع عن الدعارة ويبرر لها بدلا عن ايجاد الحلول لمشاكل الفتيات .وقديما قيل تجوع الحرة ولا تأكل من ثديها.
لولا أن الراكوبة للراى و الرأى الآخر و هو مناخ لا يمنع و لكنه يمنح الفرصة للكتابات و الافكار الجيدة أن تسود(مثل اقتصاد السوق الحر) و العكس صحيح, كما رأينا فى الردود أدناه على هذه الكاتبة , لما رأى هذا المقال النور أو لطلب القراء ايقافها عن الكتابة فى هذا المنبر للأبد, ما هذا ؟؟؟؟؟؟؟؟؟
أعوذ بالله
يا اخوانا نحن مصيبتنا شنو ؟! عشان يلموا فينا ناس تراجى مصطفى وآمنه مختار وسارة منصور ومها من تكساس وغيرهن من اللائى افضل منهن من باعت شرفها جهاراً نهاراً
وجع
وجع
وجع
كتمت