قصيدة : احدنا الجاي تكون وقفتنا

شان الناس السرقو عرقنا
وكتمو وحبسو علينا نفسنا
سرقو دهبنا كمان بترولنا
وما راضين يدونا الفتة
حرام يا شعب تظل متفرج
ويومك تقدح جاري ونازل
وحق “الدكوة” يادوب ما تلقى
شوف القلبو نظامنا
وذلوا عزيزنا وجهجوا دارنا
* * *
لازم نمرق
ولازم نحفظ شرف الامة
عشان امونة وفاطمة
عشان اولادنا وخالنا
وروح أجدادنا
وسترة حالنا
وحب اوطانا
* * *
احدنا الجاي تكون وقفتنا
نلبي ونسرع لي وحدتنا
كلنا برا
صغار وكبار
وما دايرين نتخاذل تاني
وقودنا القرشي وناس اكتوبر
وكل ابطالنا الهزمو الباغي
ولازم نمرق لازم نمرق
عشان سودانا يشرق تاني
وتزهر فيه سنين الوحدة
ونمسح منو فلول السلطة
* * *
ولازم نمرق لازم نمرق
نحرر شعبنا من ويلاتو
ونرفع لي كل قاماتو
نعيد تعليمنا
وسكة حديدنا
حليب اطفالنا
وراحة بالنا
ولازم نمرق
[email][email protected][/email]