سلفاكير : مجموعات بالمؤتمر الوطني دبرت الهجوم الاخير على الجنوب لعرقلة زيارة البشير ..عبدالرحيم حسين رفض مقابلة وفد الجنوب لمناقشة الترتيبات الامنية قبل يوم من الهجوم ووزير الدفاع الاثيوبي وصل جوبا لمناقشة الوضع الراهن .
سلفاكير : مجموعات بالمؤتمر الوطني دبرت الهجوم الاخير على الجنوب لعرقلة زيارة البشير لجوبا ودفعها نحو الحرب .
سلفا كير : ماكنا نريد استعادة هجليج بهذه الطريقة وهى ارض جنوبية وكنا نفضل استعادتها عبر التفاوض .
عبدالرحيم حسين رفض مقابلة وفد الجنوب لمناقشة الترتيبات الامنية قبل يوم من الهجوم ووزير الدفاع الاثيوبي وصل جوبا لمناقشة الوضع الراهن .
لندن : عمار عوض
[email][email protected][/email]
حمل الرئيس سلفا كير ميارديت مجموعات داخل الحكومة السودانية تسعى وتعمل لعرقلة زيارة نظيره عمر البشير لجوبا بانها من قامت بترتيب الهجوم الاخير وقصف (الجاو ومناكير ) وقال في مستهل كلمته امام مجلس التحرير القومي للحركة الشعبية بقاعة ناكورين( قامت القوات الحكومية السودانية بقصف منطقتى “الجاو- ومناكير ” ومن ثم شهدت المنطقة هجوم بري من القوات السودانية تصدت له قوات الجيش الشعبي التى خرجت من خنادقها بعد هروب القوات الحكومية وقامت بمطاردتهم حتى “هجليج” ) ليضيف بعدها ( والان انا بينكم هنا علمت ان قوات الجيش الشعبي سيطرت على هجليج تماما ) واوضح الرئيس سلفا كير انهم كانوا لايريدون استعادة “هجليج” بهذه الطريقة (مع انها ارض جنوبية الا اننا كنا نريد استعادتها بالتفاوض وعبر الحوار وهم كانوا يسيطرون عليها بالقوة والان نحن استعدناها ).
ونوه الرئيس سلفا كير الى وجود مجموعات داخل حكومة الخرطوم تريد وضع العراقيل لمنع زيارة الرئيس عمر البشير لجوبا ولفت الى انه شاهد زيارة وزير الدفاع عبدالرحيم حسين لولاية جنوب كردفان وقال ( انا شفتو في التلفزيون هو ?عبدالرحيم- عند زيارته لتلودى وهجليج وكادوقلي قال انو داير سلام و(نخرتوا )مرفوعه وماداير سلام بتاع هزيمة .. وهو من اعطى تعليمات الهجوم أمس ويتحمل تبعاته) .
يشار الى ان وزير الدفاع عبدالرحيم محمد حسين رفض أمس الاول (الاحد) بعد عودته من زيارة لقواته في جنوب كردفان مقابلة اللواء مجاك اقوت نائب وزير دفاع دولة جنوب السودان في مستهل اعمال اللجان الامنيه بين البلدين التى كان يفترض انطلاقها بشكل مبدئي ب(الاحد) في الخرطوم , وعاد الوفد الى جوبا بعد ان ابلغ من طاقم وزير الدفاع عبدالرحيم حسين انه يرفض لقاء نائب وزير الدفاع الجنوبي ويريد لقاء نظيره الوزير وليس نائبه .
وقالت مصادر مطلعة ومؤثوق بها في جوبا ان صراعات مراكز القوى داخل المؤتمر الوطنى والجيش والمجموعات المرتبطة بهم هى من قامت بالاعداد لهذا الهجوم من اجل نسف بوادر الاستقرار بين البلدين وجرهما لمربع الحرب وقال المصدر ( هنالك مجموعتان تتصارعان داخل المؤتمر الوطني مجموعة على راسها عبدالرحيم حسين وجنرالات من الجيش الى جانب اعضاء منبر السلام العادل والسلفيه الجهادية ومجموعه اخرى تضم الوفد المفاوض في نيفاشا سيد الخطيب وادريس عبدالقادر وغيرهم من القيادات.
واشار الى ان ماقام به عبدالرحيم بالهجوم على الجنوب ياتي لنسف كل جهود التطبيع والسلام بين الدولتين ولاحراج وفدي التفاوض من البلدين خاصة وان الجيش الشعبي وجد نفسه مع الهجوم عليه في موقف الدفاع ورد العدوان ) ولفت المصدر الى ان المرسوم الجمهوري الذي صدر بتعين نائب الرئيس على عثمان مسؤولا عن التعبيه واستنفار المجاهدين لقتال شعب جنوب السودان ياتي في سياق قطع الطريق امام كل العقلاء في حكومة السودان وجعلها حكومة حربية بامتياز وهو ماسياتي على دولة السودان بالخراب بحسب تعبيره الذي اضاف اليه أن المجموعات السكانية التى تحمل السلاح و ترغب في اسقاط النظام اصبحت اقوى من السابق بكثير خاصة في ظل الازمة الاقتصادية الحالية .
واكد المصدر ان وفد جمهورية جنوب السودان للترتيبات الامنيه سيكون حاضرا لمناقشة الملف الامني في اديس ابابا في الاسابيع القادمة حال ماتمت دعوته للمفاوضات بحسب ماجاء في اجتماعات مجلس وزراء دولة الجنوب .
وكان وزير الدفاع الاثيوبي وصل جوبا بعد تعثر مفاوضات اللجنة الامنية للنظر في جملة من القضايا من بينها القضايا الامنية بين السودان ودولة جنوب السودان وتطورات الوضع الامني الراهن بين البلدين.
يسلم نفسك ياالقطار .. كل الشباب حرنوا من الذهاب للحرب وتبقى الناس المغشوشة فى البشير وزمرته .. هم مرتاحين فى الخرطوم وناس تموت عشان الرئيس وزمرته ينامون مع زوجاتهم مرتاحين فى غرف النوم ويطقطقوا فى ظهورهم وبلابيطهم ويصحوا الصباح يدلوا بى التصريحات لتعبئة المساكين .. قال لواء ردع ودفاع شعبى المرة دى الحرب ستصل الخرطوم وغداً اذكركم جوبا ليست زى زمان الآن لهم دولة وعندهم سلاح زى الجيش السودانى تماماً ويزيد عن ذلك بدعم إسرائيل وامريكا تحت تحت غايتوا المؤتومرجية ماعندهم فحم ووقود لهذه الحرب المرة دى .. لذلك لابد أن يذهب الهتيفة والمطبلاتية والأرزقية وزمرة الوطنى للدفاع عن اموالهم وعماراتهم أما نحن الغلابة فليس لدينا شئ ندافع عنه لأنو مافى جهاد ضد إخوانا فى دارفور وكردفان والنيل الأزرق ولا عايزننا نموت فطايس زى ماقال الترابى … سجمى ياشباب الوطنى إنتوأمشوا حاربوا وبعد ماتخلصوا نادونا عشان نحكمها ليكم لأنو الوطنى سيقرضكم حته حته (( وزى ماقال نذار المهندس ..أفتح قلبى وفتشوا حته حته كان تلقانى بحب الوطنى )) .. أيوه ياثوار الهامش وياأبو مروة ويا أبوقزة ويا شيخ طلقها ويا الشيخ أباكورة وياالشيخ منزو عليكم بضرب الجبهجية وماتسمعوا الجعجعة فبمجرد دخولكم للعاصمة سيفر جماعة الوطنى ويولون الدبر وستجدون أغلب شبابا الخرطوم بل سكان العاصمة والولايات كلهم فى إنتظاركم على أحر من الجمر ياحلوين ياشية بالجمر تقدموا .. أما آن لهذا الليل البهيم أن ينجلى .. أضربوا بيد من حديد أضربوا كتائب البشير وأمسحوا وأكسحوا وأكتحوا لن يذهب هذا النظام إلا بالضرب فى الأنكل .
كرهتونا السودان ، بتين ببقى بلد كرهتونا كرهتونا ، اغبي سياسين على مر التاريخ والعصور
الي البشير نقول:
ما دام انت شبعان
وما دام انت بترقص مع النسوان
وما دام انت ضميرك مات ولع الحرب في اي مكان في سودان
ولا يهمك سير سير يا البوب نحنو ضحاياك يا مجنون
بدل البهدله سلم نفسك ؟ العالم يضحك يا أرجوز الذعامات
ستبدي لك الايام ما كنت جاهلا و يأتيك بالاخبار من لم تزود
::::::::
عموما كان لدى البشير رحلتان خارج السودان ,الان الغيت الرحلة الثانية الوضع بالنسبة للرحلة الاولى المتجهة الى بغداد سيبين لنا صحة أو خطأ بعض الاحتمالات
@@@@@@ مرسوم جمهوري صدر بتعين نائب الرئيس على عثمان مسؤولا عن التعبيه واستنفار المجاهدين لقتال شعب جنوب السودان @@@@@
من وين تجيبوا المجاهدين المره دي
زمان كان المجاهدين من دارفور وكردفان والنوبه والشرق والنيل الازرق وبقية الهامش
ديل كلهم انفضوا من حولكم يا كيزان يا مجرمين
مافيش مغفلين يحاربوا ليكم المره دي
حتي نحن في الشماليه اهلنا ما حيحاربوا معاكم المره دي
قتلتوا اولادنا الضباط الاحرار الشجعان الشباب في شهر الرحمه في رمضان
حرمتونا وكل الاسر من القاء نظره وترحم عليهم قبل دفنهم
دفنتوهم في مكان مجهول ضربتم بعرض الحائط كل القيم والسماحه السودانيه
قتلتم وشردتم المناصير المساكين من ديارهم
قتلتم وشردتم ناس كجبار المساكين من ديارهم
عذبتم وشردتم اسر كثيره بسياسة التمكين الخرقاء
امشوا جاهدوا يا نافع ويا عوض الجاز ويا عبدالرحيم حسين ويا قطبي ويا غازي ويا الطيب مصطفي … الخ
يا جبهجيه يا مرتاحين في المكيفات في الخرطوم … امشوا جاهدوا
ولا اقول ليكم ارسلوا ابنائكم ليجاهدوا … انتم عاوزين جنه ولا ما عاوزين
امشوا انتم وابنائكم جاهدوا اذا كان دي جهاد وبيجيب جنه صحيح
ما تعملوا كشات في الشوارع وترسلوا اولاد المساكين
امشوا حاربوا انتم شخصيا وابنائكم
مش قلنا ليكم حتحصدوا السراب يا جبهجيه يا وهم
يا تري العشاء المفتخر بتاع جمال الوالي ما جاب نتيجه ولا ايه
هاك دي واحده … والجايات كتر
عاوزين تغشغشوا الجنوبين يشوية عشاء
تبددوا في اموال الشعب السوداني المسكين
لسع … المصائب جياكم
شيلوا شيلتكم يا فاسدين
تحليل منطقي جدا…
> منطقة هجليج النفطية ( سقطت تماما ) بيد الجيش الشعبي …. كلام مؤكد ..
> القوات الشمالية ( هربت أو إنسحبت أو تم طردها ) خارج هجليج .. كلام مؤكد مليون في المية ..
> قوات المسيرية تواجه ( الجيش الشعبي ) بعد هرب الجيش الشمالي كلام مؤكد مليون في المية …
> قوات المسيرية ( تحتفظ بالعمال و المهندسين الشماليين كدرع بشري ) بعد هروب الجيش كلام مؤكد مليار في
المية و عبار إتصالات هاتفية بمهندسين شماليين معتقلين من قبل المسيرية حتي هذه اللحظة …
و لينظر البشير و الخال الرئاسي و عبد الرحيم إلي أين ستقودهم مغامراتهم …
الموقف الآن هو المسيرية في مواجهة الجيش الشعبي مع تصريحات قوات تحالف كاودا بالزحف نحو الخرطوم .. هجليج و غيرها من نقاط الإنطلاق و تأمين خطوط الإمداد هو من صميم العمل العسكري الذي يجب أن يعرفه البشير و وزير دفاعه و هي أمور بالقطع تغفلها عقلية الخال الرئاسي المليئة ( بحلف الطلاق) و هو لا يفقه في العسكرية شيئا ..
و الله ليس تحيزا لقوات الجيش الشعبي و لا لتحالف كاودا لكن المثل الشعبي بيقول (المحرش ما بيكاتل) و ليس المسيرية فقط هم المحرشين لكن أيضا ما تستعين بهم احكومة من قوات تشادية و طيران أيراني و قطري أيضا ..
و نداؤنا للبشير لا تزال الفرصة متاحة لوضع مستقر في الشمال الذي سيصبح غدا في خبر كان و لن تأمن حتي النوم في كافوري أنت و عشيرتك فأتق الله و أستمع لصوت العقل قبل أن تصبح نيرون السودان …
البشير الرئيسي هوذ يادمر السودان يا اخوة شمالين بشير انشاءاللة لاهاي بدمر كلو شئ حسو البلادكم شباب خلاص منة وتاني الطيب عبداللة ود الهرمة
اقتباس:وعاد الوفد الى جوبا بعد ان ابلغ من طاقم وزير الدفاع عبدالرحيم حسين انه يرفض لقاء نائب وزير الدفاع الجنوبي ويريد لقاء نظيره الوزير وليس نائبه .
تعليق: تقتضي الحنكة السياسية في هذه الحالة أن يرسل عبدالرحيم نائبه أو أحد مساعديه لمقابلة نائب وزير الدفاع الجنوبي وبهذه الطريقة سيفهم الجنوبيون الرسالة فهذا رد محترفين من دون أن تترك للطرف الاخر أي فرصة لالقاء اللوم عليك .
هؤلاء المتسلقون بحاجة لدروس خصوصية فكثير من تصرفاتهم لا تتناسب مع تصرفات خريج جديد
مبروك الجنوب السودان اعادة هليج انشاءاللة مرة دة الجنوب كردفان والنيل الاازرق
نحن مرة ده عزين نافع المانافخ على عثمان السجمان الطيب مصطفى العنصرى ال…………..خ فى الجهاد مع كل السودان من جودة الى حلفا ومن طوكر الى جنينة .
الجنة مفتوح السنة ده