تشكيل محير

ظل معظم الشعب في الايام المنقضيه بانتظار التشكيل الوزاري الجديد , وكالعاده تتشاور وتناقش وتجيز وانا ما عارف بتشاورا في شنو ما هو نفس الطينه والعجينه القديمه اللهم الا لو ظهور الناس الكانت خلف الشباك بصوره واضحه ,وبقيت افكر يا ربي قالوا شباب جديده ولما ظهر التشكيل قلت عادي شباب الزمن ديل بيعجزوا بسرعه عادي الاخوه معتقل والوالد مريض ليه كم شهر كل مستشفى مشغلين جزارين لانهم خبره في سلخ الجيوب والمغتالين لاحصر لهم ولا عدد ناسي كل الاحلام والاماني والله ده مش يعجز المفروض يكون من عمالقه الاكتئاب والخرف , حاولت اصدق تصريحات المستبعدين الحاضرين بقوه ,يا ربي نافع والمستقيل على بعد السنين دي كلها خلوها بسلام كده برضى تام وابتسام , يمكن يكون في ترضيات او استراتجيات للانتخابات القادمه , لو الحكومه فاكره تيم الشباب (غير الباء الاولى بياء لو عايز)بتحل مشاكل السودان ياداب كده اتعمقوا في الاحلام ,الغريبه قواعد المؤتمر تهلل على انها ابثقة من جديد وبوجوه جدد ولا تعلم انها تحاول المستحيل حتى تواصل مسيرتها عاتمه الظلام في الحكم , والحاجه العجيبه جماعة المستقيل قالوا حنكون سند للاخوه بالخبره ولا نبخل بمدهم بالافكار والحلول ,ما قلنا الجماعه ديل متعاونين شديد يمكن المرتبات والنثريات تطلع مرتين ما كلهم وزراء من زمان اللهم الا لو توقيعات والشؤون الاداريه ,الشعب من زمان قال وهو حل واحد بس يحكم اختيار الشعب ما اختيار عبدالعاطي وحزبه الحايم بيه كل الفضائيات ومصر انها حره ونزيهه ,اخاف من السيناريو القادم ,دعوه للدراسه جيدا للموقف بيفكروا كيف ولي شنو ومؤشرات كثيره تدل على خبث قريب يتفقون حوله بان تظل حكومتهم حتى لو بتنازل معظمهم علنا ووجودهم خلف الكواليس يراغبون بقوه كل شارده ووارده احذروا القادم , وكل الحيره مع التشكيل الشبابي .

[email][email protected][/email]