الحكومة : (10) تجار يسيطرون على الدولار

رجلك بالتكسره.

كضاب أصلاً أنت لا تفقه شيء في أي شيء . أبقى راجل وأذكر أسماء التجار العشرة ، أه واحد منهم مات قبل أسبوعين . وما بتقول أسماؤهم مالك ؟

بلد يحير. اها وبالنسبة لانكم بتعرفوهم حاتعملوا فيهم شنو؟ جهاز الأمن سمع بيهم وحايطبق توجيهات رئيسكم وحايلاحقهم؟ والملف الضريبي ده شن العمل فيهو؟
حاجات عجيبة قدر العقل الفي نافوخنا ده طيرتو.
الكلام لمن يكون ني اخير السكات

الكبري الماسورة ، عشرة مليار ؟؟؟

مسكين عشرة تجار فقط هم سبب الفساد وانقذوا الانقاذ يا جحش

طيب ماتقبضوهم وخلاص

عشرة عكاكيز في ضهرك ان شاء الله…
العشرة القلتهم ديل كلهم ناسكم هم المتلاعبين بالدولار والاقتصاد

كذاب, قال عشرة!!! لو كانوا عشرة وكل واحد يملك مال غارون كنتوا فلستوهم في لحظة ياحرامية.

شكلك حريف شديد — طيب ورينا اموال البترول مشت وين ؟

كم هو جميل حقا ان نرى قلوب المواطنين تنبض بعرفان الجميل ، مثلما يترقرق الدمع
فى عيونهم اعترافا بما قدمه تجار الدولار فى سبيلهم

يالله السماوات ….مأتعس بلادي الحبيبة !

كلما أسمع أو أقرأ تصريح لمسؤول يتكلم عن الاقتصادأشعر بالتقزز والغثيان، ليس بسبب حالة الاقتصاد المحزن المبكي، ولكن لبشاعة ما يقوله هؤلاء المسؤولين، وكأنهم يخاطبون قطيعاً من الأنعام لا تعي ولا تفهم ولا تحس.
إنهم يخاطبوننا وكأن ليس في هذا الشعب اقتصاديين وعلماء وأساتذة جامعات ومهندسين ومحامين وحرفيين وتجار ومزارعين ورعاة ورجال أعمال ومثقفين ومتعلمين وبني آدمين يحسون ويشعرون ويفهمون ويكتوون برعونة هؤلاء المسؤولين.
لا أقول مثلهم كمثل الكلب إن تحمل عليه يلهث وإن تتركه يلهث، وهم كذلك، ولكن أقول هم على رأس جبل عال يرون الناس صغاراً ويراهم الشعب أقزاما.

(لأول مرة يضع الاقتصاد رجله على الكبري ليعبر) … زي الكلام دا يسمعوا اخوانا البرلمانيين كانوا صفقوا معنى الكلام ده يعنى 28 سنة كنتو تحت الكبري ولا شنو؟؟

الكلام ما ال١٠فئران الكلام في شبكتهم اولاد الفئران !سمح وقت ال١٠عاملين فيكم العمايل دي امن شنو وبلاويكم شن لزومه ولا في فئران امنيه تعمل مع الشبكه دي!!!!!

يا سعادتك بعد 30 سنة ياداب ختينا رجلنا في الكبري عشان نعبر ، نعبر نمشي وين يا سعادتك ، وريتنا البداية كان مفورض تورينا النهاية برضه ، عالم كضابة وحرامية وقليلة أدب كمان ، ده شغل محل ما تخت راسك خت كرعيك يا وهم ، بس أقول ليك نحنا حنعبر الكبري للقصر الجمهوري والبرلمان نجيب خبركم ولو المقابر ما شالتكم حنوديكم مقابر بلاد الواق واق يا حسبو تحسبو لعب .

رجلك بالتكسره.

?crossing to where

دا راكب من ويــن ؟ ؟ صـمـت دهـرا ونـطـق كـفـرا . حـسـبنا الله ونعم الوكيل .

عشرة يسيطرون وانتو ماكتلتو ناس في العملة والان تقولوا هم الذين حموا السودان من الانهيار
البلوى في السودان تتمثل في عدم الدين لان الدين هو الاخلاق الفاضلة
كيف دولة تصدر دهب ب ٣ مليار وتترك قوت الشعب القمح والدواء للحرامية
لا نريد منكم دعم المواطن نريد منكم ان تبعوا للسعب ما استوردته بسعر السوق وبهامش ربح قليل اما تستوردا القمح ب ٣٥٠ وتليعوه ب ٥٥٠ هذا افتراء وكذب ونصب وسرقة
اللهم عليك بمن ضيق على الشعب
اللهم ابتليهم بالمرض العضال كل من يظلم وظلم الشعب المسكين

كيف عرفت يا سعادة الوزير بأن هؤلاء التجار لهم نشاط في ﺣﺠﻢ ﻋﻤﻞ ﻻﻳﻘﻞ ﻋﻦ ‏(10 ‏) ﺑﻠﻴﻮﻥ ﺩﻭﻻﺭ إن لم تكن لديكم صلات بهم ؟؟؟!!!!
قال سعادتو : “لأول مرة يضع الاقتصاد رجله في الكبري ليعبر” !!!!!
بعد 30 سنة الاقتصاد السوداني لأول مرة يضع رجله على الكبري يا سعادتك ؟؟؟؟ دا ما الفشل ذاتو. ولا سعادتك بسميهو شنو؟؟؟!!!!
بلاش كذب على الناس يالا كل كوز يسلم الدائرة المسؤول عنها ويمشي يسلم نفسه للنائب العام.

طبعا الاربعة ديل كلهم كيزان

الامن الاقتصادي هو اساس الفساد بالبلاد هو الذي يطبع العملة المحلية مليارات من الجنيه السوداني ويجفف الدولارات بشرائها بهذا الورق الجديد ، وسخر عملاءه في دول الخليج وغيرها لشراء وتحويل العملات من ريال ودرهم ودولار ويورو واسترليني خاصة تحويلات المغتربين باي سعر وفي ظرف شهر ارتفع الدولار من 16 جنيه الي ما يقارب 40 جنيه حاليا ……انه جمع محموم للدولار للهروووب العظيم ……
لاحظوا العملة السودانية في الأسواق كلها جديدة ، هذه طباعتهم ويكذبون ويسربون بوستات وصور لعملة سودانية فئة ال50 جنيه ويقولون كذبا بانها قبضت في ارقين وان مصر تطبع العمله وتجفف الدولار بالأسواق ….كذب هم الذين يطبعون العملة المحلية ويشترون الدولار ومعلوم لدينا من هو رئيس اللجنة المكلفة بهذا العمل من الامن والمؤتمر ومن على قمتها …….

طيب العشرة الاكلونا زمن العقوبات يا سيادة الوزير ليه ما اكلونا هسه كمان ؟ انت كده بتقول العشرة ديل الحكومة الفاسدة فكت ليهم السوق يشطفوا الدولارات الفيهو لانو الحالة بفت ما مضمونة سمعنا واحد منهم مرقا في يوغندا كايس يستثمر هناك وسبفو واحد تاني بنى فتدق خمسة نجوم ليكم يوم قريب يا نجوس

اخي الوزير لكي الاقتصاد يضع رجله الثانية يحتاج الى كم 30 سنه ثانيه الله المستعان

طبعا يا وزير التهاون الدولى الشهيد مجدى محجوب محمد احمد من ضم العشره

١- عمر البشير
٢- عبد الله البشير
٣_- عباس البشير
٤-
٥-
٦-
٧-
٨-
٩-
١٠
حل من ٤ الي ١٠ كملوا تخيل
* للمساعدة علي الحل، فتشوا علي المتزوجين من ٢ الي ٤ نساء

عسى العشرة الكرام وقفوا عشان عملتو ليهم ملف ضدي بى خلوهم يكملوا جميعهم ويعتبروا بيكم الكبرى والله المستعا
ن

لعن الله كل من تولي امر المسلمين واخذ يكذب عليهم ويضللهم ويتغاضي عن المجرمين الاصليين وهم اوضح من الشمس في كبد النهار

اكبر اراضي زراعية في العالم ونستورد القمح من روسيا
ثاني اكبر انتاج للذهب في افريقيا والعيشة بجنيه
اكبر انتاج للصمغ في العالم ونستورد ادوية
سلة غذا العالم العربي ونستورد الخضار من لبنان
اكبر نسبة فساد في العالم ونتكلم باسم الدين
اكبر احتياطي مياه في العالم والناس تشرب من الابار الملوثة

دقت ساعة المحاسبة دقت ساعة الزنقة

تعبير يعبر عن جهل صاحبه و يعبر كذلك عن حجم الكارثه التى يعيشها السودان.
اذهب الى الجحيم ايها الكذاب المافق .