كشفت لجنة إزالة التمكين، عن مضاربات في العقارات من قبل منسوبي النظام السابق، بقصد تحويلها إلى أموال سائلة.
ووجهت اللجنة مكاتب تسجيلات الأراضي، بإيقاف استخراج شهادة البيع لكافة الأراضي السكنية والزراعية، بإستثناء استخراج شهادة البحث بغرض البيع بأمر المسجل العام لأغراض الضرورة التي يقوم هو بتقديرها.
ووجهت إزالة التمكين في قرار بحسب (آخر لحظة) مكاتب التسجيلات بمنع استخراج شهادة البحث بغرض الرهن إلا لأغراض التمويل الزراعي أو شراء المواد الغذائية والأدوية.
وشددت على وقف الإفادات المطلوبة من مدراء الأراضي والتخطيط العمراني وكل مؤسسات الدولة.
بالله عليكم في مسئولين تافهين اكتر من كده. يادوب توقفوا بيع الاراضي بعد ما الجماعة باعوا وبدلوا وعملوا كل شيء ممكن يتعمل لاخفاء الجريمة. يجب مراجعة كل التعاملات التي تم في الاراضي منذ الاطاحة بالمحل ع. نفس شيء قمتوا تفتشوا في الحرامية بعدما هربوا. تبا لكم
عدم استخراج شهادات بحث بغرض البيع إلا ((بأمر المسجل العام لأغراض الضرورة التي يقوم هو بتقديرها)) ؟؟ طيب المسجل العام دا ما حيطلع شهادات البحث دي لكل الفلول الراغبة بيع الأراضي التى استولوا عليها قبل ما تصادر منهم!!!! انتو متأكدين من المسجل العام دا زول كويس وثورجي ولا من المندسين؟ اذا طلع فلول قراركم دا تبلوه تشربوا مويتو وزي ما قال كوشيب قبل أن يهرب من رهيد البردي إلى بانقي ويسلم نفسه للجنائية قال القانون ما بحمي المغفلين وشرح هذه العبارة شرحاً مضحكاً قال المغفلين ديل نحن ناس لجنة أمن رهيد البِردي لأتو سمحنا للتاس يتكلموا في السوق وفي الحلة، يعني ينتقدوا النظام بعد ثورة التغيير، وقبل ذلك كنا مانعينهم وفي الحقيقة كتلنا كتير الزي الشاب الكان بتكلم دا ولو استمر أنا سأربطه وآخذه بعربتي هذه واذهب لأسلمه لحمدوك في الخرطوم….!!!
غباء لجنة إزالة التمكين .قطاع العقار قطاع كبير لا يمكن بكل بساطه إيقاف البيع والشراء فيه . اوجدو حل اخر غير إيقاف إستخراج الشهادات . لو كنتم جادين في مكافحة الفساد وإسترداد الاموال كل إسبوع أعلنو إسم شخص وأطلبو من الشعب السوداني المساعده ستتوفر لكم معلومات يشيب لها الراس وبالتفصيل لان الشعب كله يعرف بعضه وبالتفصيل . او إذهبو الي جهاز الامن يمكن ان يفيدكم إيضا .
المعلومات هي الاساس في كل شئي وليس المنع .
الدستور لا يعطيكم حق في منع شخص سوداني في بيع ممتلكاته او شراء ممتلكات . سلمو الاراضي كشف باسم الاشخاص المتهمين وإمنعو إصدار شهادات لهم او تسجيل جديد لهم وعمموها للمحامين إن يمتنعو عن توثيق عقد باسمهم .
– كلام يا حمير الجنينة يا دوب فهمتوا نُكتة قرود الشعب السوداني لما قالوا ليكم يا قحاطة يا متسلقين انتبهوا اليقِطة الاستعداد لأعداء الثوره و الشعب؟؟؟
– ناسكم و واجهاتهم معروفين لماذا لم تركزون عليهم في كافة المرافق الخدمية حتي لا يتحايلون و المنافذ الحدودية حتي لا يهربون و لكن كل المؤشرات تجعلنا نُسي بكم الظنون مع ان بعض الظن إثم !!!
– ظنونا بأنكم طابور خامس علي الثورة و الثوار اكيد في محلها و لا تحتاج لي اي مُبررات أو شرح،،،
كنت في سوق في لندن مشهور اسمه شابوربوش سوق محل يباع فيه كل ما هو جيد وخاصه الثياب السودانيه جلست اشرب لي قهوه وبعد طلبت القهوه جلس شخصين بالحقيقه ما كنت اعرف حبال الخضيعه لان اكثر تأثير كان في حراكنا ضد البشير أمام البرد الغارص كنا في لندن المهم الشكر والتقدير لسودانا الجميل اكتشفت ان الناس لديهم مجموعه داخل مكتب الأراضي الحكومي يتكلمون عن بيوت وعقارات ومزاع للبيع َكلها بالمليلارات عرفت في ناس في مكتب تسجيل الأراضي اقسم بالله العظيم في تلاعب في بيع ومكتب التسجيلات في ااخرطوم التابع للحكومه هو مسؤول عن بيع وتسجيل وتغير قطع من كان في حكومة عمر البشير تحويلها إلى ناس مدنين بحجة بيعها يا ناس لجنة المقاومه داهموا مكتب الأراضي والله العظيم هذين الشخصين أكدوا لي أن الكيزان موجودين في اي مصلحه حكوميه بيت العنكبوت ابحثوا عن شخصين في مكتب الأراضي انا سمعت الشخص الجلس معي في القهوه اتصل وقال يا عادل وبعد خلص معه المكالمه قال أين خالد قال في اتصال. عرفت ان هذين الشخصين يلعبون بقدرات الشعب ارجوا من لجان المقاومه الحياكه تدار من عاصمة الضباب لندن بيع الأراضي والتصاديق والتسجيل اي عقار الشفره موجوده هنا اقسم بالله العظيم مكتبكم ده بلوه واشربوا مويته الاختام والحبر والورق المروص هنا في لندن وبحث الشطب والتغير ناس موظفه في الخرطوم مكتب الأراضي اما اللعب من لندن حقيقه الصندوق الأسود في لندن المهم تغير كافة مكاتب الأراضي قبل يفوت الأوان اللهم إنا بلغت فاشهد
بعد اييييييه ؟؟؟؟؟؟؟؟؟؟؟؟؟
صحيتوا يادووووووب….
ليكم سنه من مسكتوا الحكومه ده كان مفروض يكون اول قرار تاخدوه
ياهبل…..
الكيزان راجينكم قاعدين لحد هسه.!!!!!!!!!!!!!!!!!!
زماااااااااااااااان باعوا اراضيهم وبيوتهم وهربوا والان قاعدين
في تركيا يتمتعوا بي اموال الشعب السوداني ……
وانتو يادوووووووووووب صحيتوا …
لا بالله واصلوا نومكم الفايده شنو بعد ده مافي اي فايده
الحصل حصل……
وتباً لكم من لجنه كسيحه…………….