بسبب تأخره عن الحفل في ليلة عيد الحب: إحتجاجات واسعة وسط جماهير احمد الصادق التي شكلت حضوراً متواضعاً..!!
*ام درمان:تفاؤل العامري
أحيا الفنان الشاب أحمد الصادق حفلاً بالمسرح القومي بام درمان أمسية الخميس الماضي احتفالا بـ(عيد الحب) وشهد المسرح حضوراً جماهيرياً متواضعاً وأظهر الحاضرون إحتجاجات واسعة بعد تأخر احمد الصادق وإعتلائه لخشبة المسرح بعد ان تجاوزت عقارب الساعة التاسعة والنصف مساء ، و أطل بعدها مرتديا (تي شيرت) عليه صورة فنان الشباب الراحل محمود عبدالعزيز وقدم أحمد خلال الحفل عدداً من الأعمال الجديدة واخري مسموعة طالب بها الجمهور ، وخلال الحفل قام الصادق بتكريم لاعبي الهلال والمريخ الكابتن فيصل العجب ومدثر كاريكا تحت شعار (نحن في الوسط الرياضي لا بنخاصم لا بنعادي) كما تم تكريم د.عمر محمود خالد مقدم برنامج (صحة وعافية).
فنون
والله بتمنى لبسك لتيشرت عليه صورة الراحل محمود عبد العزيز انو مايكون كسب مزيد من الجماهير لأنو لو دي نيتك ياصادق صدقني جد حاتفقد اكتر من شخص حتى من جمهورك
اللهم إن بعض الظن إثم إن شاء الله نيتك تكون صافية وحزنان بجد لفقدنا وفقد الوطن وما عندك اهداف خفية من ورا مقصدك .
آخر كلام بنصحك ماتحاول عشان ماتجيب لنفسك المشاكل فجمهور الحوت (علية رحمة الله) لا يعرف الاستهذاء
احمد الصادق بطل كسير تلج لجمهور الحوت تي شيرت شنو وكلام فاضي شنو بطل البتسوي فيهو ده غني غناك
ديل هم سرطان العصر
والله غازي سليمان المعتوه ما خاطي عليكم لمن قال حقو يجلدوا المحتفلين بعيد الحب 100 جلدة
حب شنو و كلام فارغ شنو في الظروف المهببة دي و كمان بي احمد الصادق ابو عروق مشحطة
مني انا برضو 50 سوط
ورد اسم احد المكرمين عمر محمود خالد. لماذا يكرم هذا الخسيس ليتكم تعرفونه كما اعرفه الله لا يزيد امثال هذا الرجل.
التحية والتقدير للمشروع الحضارى الناجح وعقبال درجة الدكتوراه للامبراطور