سفارة السودان بالقاهرة : السائق المتهم بحيازة مخدرات ليس ضمن العاملين المقيدين لدينا

الحمدلله مامقيد معاكم لو مقيد معاكم كان لقو عندو الحشيش وكمان اربعة بنات وفى نهار رمضان
اها وليد سر الختم ما سودانى والنمرة الفى العربية ما هئية دبلوماسية .

والله حرام عليكم.الموظف دا ماعارف السواق الجابو بتاع مخدرات دا حقو مايكون دبلوماسي لانو الظاهر عليو فاقد تربوي ماعندو رؤيه. تاني حاجه منو القال السفاره ماعندها مسئوليه مش العربيه تابعه ليها ولا تابعه للموظف. لو تابعه للموظف كيف تكون بارقام دبلوماسيه. المصيبه الاكبر كيف زول بتاع مخدرات يوصل الاولاد المدرسه الكوز دا ماعندو راس ولا شنو. الدبلوماسين ديل معروفين بتاعين بروتوكولات. سؤال بري يجب ان تجيب عليو السفاره حالا. الموظف بتاع السفاره دا (بتاع سجاره) غايتو بس نقول (عالم الكيزان عالم لذيذ)

اولاد بمبة ديل مالهم بقوا متربصين بينا كده؟!!!

محاولة ساذجه من السفارة لتمييع القضية بادعاء ان السواق لا يتبع للسفارة و السياره للاسرة و السؤال هو هل السياره مملوكة للسفاره ام لا وهل تحمل لوحات دبلوماسية عليها الرقم المخصص لسفارة السودان !!! اذا كانت الاجابة بنعم ايحق لكل من هب و دب ان يعين من يشاء و دون ضوابط !!!! اقول هذا و ارى سيارات قنصليتنا بجدة تجوب البلد ليلا و نهارا فى ترحيل الآلاف من شاغلى مناصبنا الدستورية و اسرهم اثناء اداءهم لواجباتهم الوطنيه و مأمورياتهم الرسمية بمكة و المدينة و اسواق جده ،،، حتى الحج والعبادات لا يؤدونها على حسابهم الخاص مما يدل على انهم لم يسمعو بان الحج يكون من حر المال و يقوم نفس المسئول بعمل نموذج كعبة لتدريب الحاج السودانى على اداء مناسكه

آي ما نحن ريالتنا سايلة في خشمنا

نفس الغباء في الفعل وفي التبرير!!! يعني مش كفاية انكم جالسين هناك علي حساب الشعب دون فائدة او قيمة تتناوب الهمبته ولم الدولارات وارسال الكونتينرات!!! كمان فضائح!!!! يعني لماذا يتم استخدام سيارة السغارة من قبل سائق موقت!!! وكيف لم يتم تعيينه بعد تحري دقيق ومن قبل شرطة السفارات حتي لاتقع الممثليه في مثل تلكم الاخطاء وتفضح بلد!!ام ان الامر لايخلو من الوساطة والقرابة وسياسة الاداره المطبخية وبالبركه!!!فاذا كنت تستخدم سائق موقت دون تدقيق!! فالافضل ان ترسل اولادكم بالليموزين!!! الم يكن في مقدور المسطول الاساءة لابنائكم!!! ثم كيف تم تفتيش سارة دبلماسيه دون علمكم!!!!! وله الراجل بيوزع ليكم لزوم الكيف!!!!

الله يجازي الي كان السبب ، الفساد والمحسوبية خربت كل شئ حتى المساطيل وتجار المخدرات صاروا يمثلوننا في الخارج رسولنا الكريم يقول : ( سيأتي زمان يكذب فيه الصادق ويصدق فيه الكاذب ويؤتمن الخائن ويخوَّن الأمين ) أها الزمن دا جاء

العذر اقبح من الذنب

السائق المعني مصري ام سوداني الجنسية….. ومسألة تعين الكوادر في السفارات هل بالبساطة الموجودة في البيان لكل من هب ودب…. وهل عربة الاستعمال الشخصي ملك الموظف ام السفارة بمعني من مالنا ودمنا ولا حاجة تانية ….ارحمونا يرحمكم من في السماء

يـا عـالـم كـفـاية فـهـلـوه .. كـفـاية إسـتنكاح .. كـفاية إسـتهبال .. كـفـاية إسـتـغـفال .
السـيارة ممـلـوكـه للـسـفارة وتحـمـل لـوحـات دبـلـومـاسـية .. والسـائق مـعـين تـعـيين ، وهـو إبن اُخــت الـمـلـحـق الإداري .. والـتهـمـه ترويـج ، بالـثابـت ، وليـس تـعـاطـي .
الـعـالـم أصـبـح صـغـير ، شـــقـه .. أدخـلـوا عـلـي اليوتيوب لتشـاهـدوا السـيارة ، وارقــام اللـوحـات الـدبلـومـاسـية !!! .
هــذا مـاحــدث فـي طرابلس حـينما تم الـسـطو عـلـي خــزينة الـسـفارة ، وقـطـع خــزينة الـسـفارة بالـسـتلين ، والاوكـسجين .. وأنكـروا فـي الـبداية أن يكـون السـارق مـن ضـمـن الـعـاملين .. وأثبتت تحـريات الـبحــث الجـنائي الليبي .. حـاميهـا حــراميهـا ..
يا ســودانيين الشــتات .. أحـذروا السـفارات الســودانيه .. هـي أوكـار جـريمـه ورزيلــه .

لماذا توضع فيها لوحات السفاره السودانيه اذا كانت سيارته الشخصيه ؟ التبرير زاد الطين بله

الشينة منكورة، ومهما تبرأت يا كمال حسن علي من هذه الفعلة فهي من صنيعك وصنيع كادرك الدبلوماسي الذين تسللوا لهذه المناصب بالواسطة والمحسوبية والجهوية، فهم لا علم ولا أخلاق ولا فهم في العمل وانت أولهم لأنك في مكان لا تستحقه ولست أهل له فإن كانت عندك ذرة من الشجاعة وصحوة الضمير أستقيل معترفاً بسوء إدارتك لموظفيك ومرؤوسيك.

و نحن ناقصين ..أصلا المصريين بدون سبب مطلعين علينا كل بلاويهم والآن سفارة الأمنجى بتاع الدفاع الشعبى جابت ليهم موضوع جاهز لحدى عندهم..لا حول و لا قوة إلا بالله ..اللهم عليك بهم أجمعين ..و طبعا تلقاهو معين ود أختو على حساب السفارة و ترويج المخدرات (دخل إضافى) لأن المعايش بقت صعبة فى عهد البشير

كان لى اخ يعمل باحدى السفارات (دوله خليجيه) رفض ان يضع على سيارته علامة هيئه دبلوماسيه . يعنى زاهد . ولكن عندما رجع الى السودان تم احالته الى المعاش القسرى لانه ليس من هواء الموتمر الوطنى؟ يعنى مثل هذا الموظف الذى يضع العلامه الدبلوماسيه على سيارته . ماكان له ان يقوم بتعين سائق من خارج السفاره . لكن كما هو واضح وجلى كل من ارتدى جلباب المؤتمر الوطنى يمكنه ان يعمل فىاى مكان؟ كما الحال فى السودان وزير الدفاع كيف تسلق الى هذا الموقع وزير الداخليه كيف وصل الى هذا المنصب والقائمه تطول . هذه من الاسباب التى ادت الى انهياروقشل الحكومه فى كل موقع .

في القليوبية.. العثور على كميات من الهيروين بسيارة السفارة السودانية

كتب – عاطف سعيد:

تمكنت الأجهزة الأمنية بالقليوبية من ضبط سائق سودانى الجنسية وبحوزته 17 لفافة لمخدر الهيروين، حال استقلاله لسيارة هيئة دبلوماسية تابعة للسفارة السودانية، وقد استعارها من سائقها الأصلى بالسفارة بهدف ترويج المخدرات.

بدأت الواقعة أثناء قيام النقيب محمد فؤاد، ضابط مباحث إدارة تأمين الطرق والمنافذ بمديرية أمن القليوبية والقوة المرافقة، بتأمين وتفقد الحالة الأمنية بالطريق الدائري، جوار مطلع منطقة بهتيم باتجاه الجيزة، حيث شاهدوا قدوم السيارة رقم 237/43 “هيئة دبلوماسية”، وفور رؤية قائدها لقوات الشرطة قام مسرعا بالترجل عن السيارة وألقى لفافة ورقية وفر هاربًا.

على الفور قامت القوات بملاحقته، وتمكنت من ضبط قائدها (وليد . س) 42 سنة، سائق، “سوداني الجنسية”، وعُثر على اللفافة التى ألقاها، وتبين أنها تحتوى على 17 لفافة ورقية صغيرة “تذكرة” لمخدر الهيروين، وبتفتيشه عُثر بحوزته على مبلغ مالى قدره 10 جنيهات، تم إخطار اللواء محمود يسرى مدير أمن القليوبية بالواقعة.

وقالت التحقيقات، إنه بمواجهة المتهم، قرر أن السيارة تابعة للسفارة السودانية بالقاهرة، وانه لا يعمل بها، موضحًا أنه استعار السيارة من سائقها، واعترف بحيازته للمضبوطات بقصد الاتجار والمبلغ المالي من حصيلة تجارته والهاتف المحمول للإتصال بعملائه، كلفت إدارة البحث الجنائى بالتحرى عن الواقعة.

تحرر بالواقعة المحضر رقم 11714/ 325 جنايات قسم ثان شبرا الخيمة، وأخطرت النيابة للتحقيق.