حظر الشيشة واللبس الضيق بشرق دارفور
الضعين: أبوبكرمحمد عيسى
مرر تشريعي شرق دارفور، قانوناً جديداً لأمن المجتمع، يمنع تدخين الشيشة وبيع المعسل والسيلسيون وإقامة الحفلات بدون تصديق من السلطات، وحظر القانون اللبس الضيق والشفاف، في ذات الأثناء التي وضع فيها القانون ضوابط صارمة لبيع الأطعمة والشاي بالأسواق، بينما حظر القانون للتبرعات العشوائية ورهنها بإذن من المعتمدين.وأكدت رئيس اللجنة القانونية بالمجلس، فاطمة باخت أن القانون وضع مواد صارمة تحمي المجتمع، وأشارت لحظر القانون للأغاني الهابطة إضافة لمنعه فتح المحال التجارية وقت صلاة الجمعة. وأشارت إلى أن القانون يمنع استخدام مكبرات الصوت بصوت عالٍ، وأكدت أن القانون يهدف لترقية الذوق العام واتباع السلوك القويم، مشددة على أن كل من يخالف ذلك يعرض نفسه لعقوبات صارمة.
الانتباهة
بوكو حرام على مشارف الضعيين
وانت البدخلك مطعم زي دا ولا البخليك تنتظر بتاع دان لما يخلص مكالماتو شنو؟ دا لو أنا بخش المطعام وأجلس وأقوم أخرج شعاره بأن مطعمه هذا شر مكان وكذلك التاجر سأقف أنظر له دقيقة واحدة شذراً ثم أتوكل على الله وأشوف لي دكان تاني ولو في الشارع الآخر ولو كل واحد بعمل كدا لقلب صاحب المطعم من الأغاني لمكرفون لمناداة الزباين زي زمان يلا تعالوا علينا جاي عندنا كدة وكدة وبتاع الدكان لو شاف الزبون جاي من بعيد يقفل التلفون ويتابع الزبون لما يقول عاوز شنو بلا فنطزة ولا فشخرة طظ في دكانه ومطعمه
وانت البدخلك مطعم زي دا ولا البخليك تنتظر بتاع دان لما يخلص مكالماتو شنو؟ دا لو أنا بخش المطعام وأجلس وأقوم أخرج شعاره بأن مطعمه هذا شر مكان وكذلك التاجر سأقف أنظر له دقيقة واحدة شذراً ثم أتوكل على الله وأشوف لي دكان تاني ولو في الشارع الآخر ولو كل واحد بعمل كدا لقلب صاحب المطعم من الأغاني لمكرفون لمناداة الزباين زي زمان يلا تعالوا علينا جاي عندنا كدة وكدة وبتاع الدكان لو شاف الزبون جاي من بعيد يقفل التلفون ويتابع الزبون لما يقول عاوز شنو بلا فنطزة ولا فشخرة طظ في دكانه ومطعمه
كلام صح؟؟ وبالذات قفل المحلات وقت الجمعة؟ والاغاني الهابطة بالذات في المحلات بتاعت المرطبات والمطاعم.. مرة دخلت على بتاع مطعم في الخرطوم مشغل الصوت لاخر صوت.. وكنت بتكلم معاهو وبيقول شنو شنو نظام ما سامعني؟ قلت ليهو طيب انت حا تسمعك كيف مع صوتك فنانتك العالي؟ ياخي المفروض تقفل المسجل أو توطي الصوت لما يباشر معاك زبون؟ مش معناها المطعم حقك خلاص انت حر تعمل اللي انت عايزو.. تاني حاجة لاحظت انو لما تمشى لبتاع دكان يكون بيكلم في التلفون قرابة عشرة دقائق والناس واقفة منتظرة حتى يخلص مكالمته؟ طيب ياخي قولي لي البتتكلم معاهو دا برجع ليك بعد عشرة دقائق أو ربع ساعة خلص الناس واتصل عليهو.. وكلما ما يجوك زبائن اقفل وارجع ليهو تاني ان شاء الله للصباح؟
بس الناس ما عندها استعداد تسمع لحديثك واسرارك.. ولا يكون دا نوع من الغباء؟ لاحظ هذه المسالة بالذات عند الشباب؟
خلاص يعنى حليتوا كل مشاكل مواطنى الولاية وقبلتوا على الهيافات ؟
الاغاني البسموها هابطة قاصدين ناس (الزنجية والربع )
الاغاني دي بتعبر عن تراث افريقي للقبائل السودانية الافريقية
بعدما النظام حرق قري الافارقة في دارفور عايز يدمر حتي الثقافة غريبون هاؤلاء القوم