جوبا : نوافق على خريطة الوساطة.. رفض الخرطوم لا يفيدها لأن مجلس الأمن الدولي حدد آخر موعد بالنسبة للطرفين

صدقوني ….مسألة وقت ليس إلا ،وسوف ترون ان الحكومة تنهار من تلقاء نفسها — لاداعي للمظاهرات لا داعي للخروج لشارع ،،نتحدى ابو العفين باننا لن ولم نخرج للشارع ،،كل المؤشرات تقول الحكومة ساقطة لا محالة -سوف تطول مدة المفاوضات – نزف اليكم البشرى

اهداء لك…. ولكل وطني شريف -رجل ، امرأة ، شيخ أو شاب فقد دنت ساعة الخلاص

قصيدة صالح عام

شعر هاشم صديق

************
هديمك يا وليدمقدود
و صابحنا الفقر
و الجوع
صبح باب التكل
مسدود
كمل حتي الملح
في البيت
وشن همّ
الملح في البيت
وكت ملح
الدموع موجود؟!
دحين يا وليد
هو ديل
موُ قالوا ناس
إنجاز ؟!!
وشن سّولنا
مما جونا
غير حرقو
الفضل بالجاز ؟
كّل شيتا
صعب في السوق
من الكبريتة
للطايوق
و كان جانا
البخت تموين
رطيل سكر
و صابونتين
نجيب من وين ؟
و اخوك مرفود
و عدمان الشهر
ملين ؟
أمس زازيت
اكوس الدين
مشيت لسمية
بت مامون
لقيت جابولها
تلفزيون
سمح بالحيل
تشوف الصورة
بى كم لون
وكت في نشرة
ألأخبار
ظهر مك البلد
يضحك
جضومو كبار
مزرر الكرش
بزرار
لا مهموم
لا مغموم
لا زعلان
و شيهو
يراري بالألوان..
وقّد في حشايا
تباق نار
طريت رفد
الوليد و الجوع
و سال
دمع الغبينة الحار
اريتك يا ملك
فد يوم
يخلى الجوع
عينيك ما تنوم
أريتك يا ملك
فد يوم
تحس بي غصة المظلوم
دحين يا وليد
هو ديل ما لهم
و مال الدين
وكت قولهم
كلام الله
و فعالهم
ما فعال صالحين
كتير فيهم
عديل حقار
و بالقرآن
كمان تجار
و كضابين
أكان بنزين
عدم .. أو جاز
وتعبوُ الناس
و ضاقو خلاص
صفوف واقفين
يقولولك
إرادة الله
وكان عدم الرخيص
و الغالى
في التموين
يقولولك
ده . غضب الله
و كان الموية
صبحت طين
يقولولك
ده من امريكا
والعملا
حمونا الشب
ولاد الكـــــــــــلب

عشان الشعب
يحرن تب
يقبّل
من صراط الدين
دحين يا وليد
هو ديل
ما لهم
و مال الدين
أكان كنزو
الدهب و المال
بلايينهم
تسوى جبال
وعرباتهم تخطف
العين
و بناياتم قصور
في قصور
وحاة الله
و كتاب الله
أكان ادونا
طوب فد سور
كان سوينا
الف أويضة
لي مسكين
فترنا من الخطب
يا وليد
و من طيش العقيد
و عميد
و من قل القرش
في الايد
و من تعب الوقوف
في الصف
ومن غبن الرصع
بالكف
و من حفر الدروب
و اللف
و من خت الحلم
في الرف
كل يوماَ
نقيحنا يزيد
دحين يا وليد
هو كم دغشاَ
عشان نلقاهو
دافرنا
و تعبنا شديد؟
و كم حولا
صيامنا صبر
عشان يشرق
هلال العيد ؟!
اح ح يا وليد
لا حتى الخبيز
إنضاق
و لا هدما
كسانا جديد
و شوف المغسة
يا وليد
سموُ شقانا
صالح عام
و كل دمعاَ
نزل من عين
و كل جوعاَ
سكت بالدين
و كل زيناَ
محاهو الشين
ختو وقعيتو
في الإسلام
حرامهم يا وليدي
حلال
وا نحنا حلالنا
كلو حرام
يقلبو الدين
نصّل سكين
و ناسين
الحساب قدام
اخر زمن
يا وليد
نشوف كل البشاتن
لون
يفوت هولاكو
دوب نرتاح
ينط في الكرسي
نابليون
اريتك يا أمير
حالي
جعيص في الكرسي
في الخرتوم
و ساويلك
الف والي
نبايعك للظلم و الجوع
نبايعك
وكل ضيم مشروع
نبايعك
و جيتنا جيش
و دروع
نبايعك و الحكم
مقلوع
نبايعك
و القسم مخدوع
نبايعك
من سجن عالى
أخر زمن يا وليد
حصيف العين
يلاقى و يشوف
زمان
ظلم السلف
بالسيف
و حسه السيف
كلاشينكوف
غير زمن
الهوان و الجوع
كمان طالع
زمان الخوف
ديل ما برتو
لى إنسان
كم ولداَ
وقع نشفان
وكم زهراَ
كِتل و اتحت
في رمضان
لا شهراَ حرام
إتصان
لا كفنا ستر صبيان
لا شاهد
قبر معروف
لا اماَ
برد نارها
سكت و إرتاح
نزيف الجوف
دحين يا وليد
أ كان حسع
ده ديش مصعب
و أكان بيرق
علي الكرار
منو الكفار ؟!!!
منو القاصدينو
بالتكبير
و بالتهليل
و ضرب النار؟
اخاف نحنا
و أكان نحنا
أخير نضحك
كتير سبب
الضحك بخته
شوف المغسة
يا وليدي
ديل ما حسه
ناس حُقار؟
ده ذى دق الطبول
للموت
وذي وقد البلد
بالنار
* *
إلا نشوف
أ كان ساهرين
معاك يا جوع
و أ كان ضيقنا
إتحفر في ضلوع
و أكان صابرين
علي الفجار
وحاة الله
و كتاب الله
وكت نغلي
و نكوس التار
لا سوراَ
بقيف في وش
و لا لهب الغبن
بترش
و لا صفاَ
يميل بالقش
كل ظالماَ
يقع و يندش
و سيل دمع البلد
ينقش
لا بحبس حلقنا
الخوف
و لا بترجع
اكان لعلع
كلاشينكوف
هديمك يا وليد
مقدود
و صابحنا الفقر
و الجوع
صبح جلد البطن
مشدود
شن بتسو
و أخيك
من شهر مرفود
قالو صالح عام
عشان قال
العوج في العود
* *
نان ما يقول
أريت يقول
عديل يا زول
هديك
البغلة في الابريق
ما هامينا
-صالح عام-
وديش مصعب
و لا الحجاج
و لا بكتل
قلبنا الجوع
و موت منقذنا
ولا الضاج
خلي الضيق
يزيد يا وليد
بكرة الضيق
يخلى الناس
تبقى عُصّار
علي الحقار
و تبقي حريق
* *
قريب يا وليد
صيامنا يتم
و يهل و يشرق
هلال العيد
نحس طعم الخبيز
و يتبدل هدمنا
جديد

لابد للحكومه من ايجاد حلى سلمى يجنب شعبى السودان الشمالى و الجنوبى ويلات الحرب القادمه و يجب ان تتضع فى اعتبارها ان دوله الجنوب الوليده ان الذين يسيسونها لا زال فيهم روح الغابه

مجلس الامن لا يمكنه فرض حلول فى تاريخ محدد اذا لم تقبل به الدولة المعنية بالقرار و عليه لايمكن ان يفرض على السودان القبول بخرائط مغلوطة و نسأل السيد برنابا من اين اتو بهذه الخرائط هل كان لديهم دار وثائق خاصة بالجنوب ام هى الوثائق الموجودة فى دار الوثائق بالخرطوم و هى نفسها الموجودة لدى الحكومة البريطانية ام هذه خرائط ونتر و كلونى ، عند توقيع اتفاق السلام كانت هناك خريطة تبين حدود اقاليم وولايات الجنوب و التى كانت تتبع حكومة الجنوب و هذه الخريطة بنى عليها اتفاق نيفاشا و تمت الموافقة عليها من السودان و الحركة الشعبية و وافقت عليها الامم المتحدة و عملت بموجبها قوات الامم المتحدة و ايضا تم العمل بها فى تحديد من يحق لهم المشاركة فى الاستفتاء لتقرير المصير و لكن الان حكومة الجنوب و بضغط و مساندة من المستشارين و الخبراء الامريكان و الغربيين هم من يدفعون سلفاكير للمطالبة و الادعاء بهذه المواقع رغم قناعته الشخصية بأن هذه المناطق سودانية و لا تمت للجنوب بصلة و عليه لابد لحكومة الكيزان ان تكون واعية و مدركة لمصالح شعب السودان و ان لا تتهاون فى ذلك و اذا تم التغيير قبل انتهاء هذه المفاوضات فيكون الحكم الجديد هو اكثر قوة و جرأة فى المحافظة على ارض السودان و ليس لديهم ما يخشونه كالمؤتمر الوطنى الان .

المؤتمر الوطني لا تعرف الخرائط يا جماع تعرفون لماذا؟ لان معزمهم لا يدرسون العلوم المعروفه
لانهم تفرقوا لدراسة( الكضب )

ياسلفا لف البلف شمال الزول داعطشان يا اخى