مظاهرات طلابية وناشطون يحملون “حميدتي” مسؤولية الدماء – شاهد صور

لكم التحية أيها الابطال المناضلون ..

معا لاسقاط الدكتاتور الفاسد,,,

معا لاسقاط الكيزان الفسقة اللصوص..

معا من أجل الحرية..

وكانت ساعة النصر إكتمال النضأأأأأأأأأأأأأأأأأأأال

احزاب ونشطاء ومعارضين ….حارسين شنووو منددين بشنو حارسنا تبقي جاهزه …. متين حتكونو في الساحة

سيرو وعين الله ترعاكم انشاء الله
انتم المستقبل لهذه البلد
وادحروا الطقيان وتجار الدين

الله اكبر ولله ااحمد…سيروا وعبن الله توعاكم ما صاع حق وراه مظالب ..لابد من صنعاء وان طال السفر…ينبغي للاحزاب الخيه ان تنظف صفوفها وتتحرك لرد كرامة الشعب السوداني من قبضة الاسلامويين والمليشيات التي عاست في الارض فسادا..

روعة المشهد ؟؟
اركزوا يا ياكيزان ؟؟
القادم شنق وسحل ؟؟؟

لا بد من سقوط للظلم والطغاة . ولابد لليل أن ينجلي . سيره حتى النصر ولا نامت أعين الجبناء .
الله أكبر ولله الحمد . الله أكبر ولله الحمد . الله أكبر ولله الحمد

من الواضح أن سفلة الإنقاذ لم ينجحوا في تلويث عقول هذا الجيل الصاعد كما كانوا يعتقدون.

يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا غضبة الرعد البيسكن .. فى غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا
يا مشرع الحلم الفسيح

لووووووووووووووووووووووووي نزغرد ليهم رفعوا رأسنا قدام الحكومة عليك النبي هسي ناس الحكومة يقول علينا شعب جبان لووووووووووووووووووووووووووي

تركت اي تعليق منذ زمن لانني اصبت بخيبة عن اي آمل واليوم اول ما رايت هؤلاء الطلبه فجأة انهمرت دموعي وبدء يدب في اعماقي
الامل وقد قررت الليلة لن أنام سوف اصلي حتي الفجر مع الدعاء لرب العباد ان يرفع بلاءالعصابه عن الوطن العزيز اخوتي ….. ادعوكم ان
تصلوا وترفعوا اكف الدعاء لله ان ياخذ عصابة المؤتمر اللاوطني اخذ عزيز مقتدر ….. اتقي دعوة المظلوم فليس بينها وبين الله حجاب.
انه مجيب الدعاء.

#خربشة_برلومية:
… خربشة #كنداكة_وهاشتاق_الخروج_وعصيان_الخيل … شخبطة جات متضامنة مع نساء بلادي منضالي الإفتراضي والواقع عن جدارة ودعوتي للنزول للشوارع من قبل الناشطين لتدعيم موقف العصيان لأصحاب العمل والمهن #العصيان_المدني_يوم27_نوفمبر والإضراب السياسي حيستمر ما لم نزيل ونستأصل الورم الخبيث من الجذور … ولنا ذلك بوحدة الصف
… #كنداكة_وهاشتاق_الوفاء …
مدخل: (1)
يا طالع الشارع
هشتق وقول عصيان
وأنزل علي الشارع
ألحق لأخواتك
طلعن زمان قبلك
هَم الوطن نادام
أنت وين همك …؟
فالح لنقد الناس
طيب وينها حركاتك
لا شفنا طلعاتك
ولا حتي لافتاتك
أو شفنا هاشتاقك
ما تبقي زول تخزيل
وأدعم لصف لوطنك
أو ألزم عليك خشمك
ما تبقي كلب سرة
أعدل عليك حيلك
كنداكة معتقلة
وأنت بتهد في حيلا
وأنت بتزيد في ويلا
بتهد لبنيانها
تعبت عشان تبنيهو
وطلعت علي الشارع
بتطالب قضايانا
ما خافت من العسكر
هتفت من جوا الدفار
وباب القفص مقفول
حرية حرية
حرية ضد القمع
حرية لوطني …!
ضاق الأفق يا ناس
ولا حتي ساي الخجلة …!
من طلعت مهيراتنا
حتي العقول يا نااااس
صبحت عضم فاضي
بتعادي في بيتا
طلعت مهيراتنا
شعلة بواقينا
ما هن دوام شعلة
في كل مواضينا
والآن كمان طلعن
و ما زلنا في نومنا
كتبن هناك هاشتاق
وطلعن شوارعنا
عاشت مهيرتنا
وعاشت لنا كنداكة
…
مدخل: (2)
…
يا طالع الشارع
شوفي لي كنداكة
طلعت من امبارح
في إيدها لافتاتة
طلعت من الميديا
كتبت لهاشتاقة
قالت كفانا خلاص
نحن الصبر لكنة
كملنا جرعاتنا
عِدم العلاج الكان
ماسك لوجعاتنا
وصبح الوضع مذري
لا يحتمل صبراً
كل البلد إنهار
زالت مؤسستو
لا حكم لا دستور
لا دولة لا قانون
وحتي العلاج يا ناااااس
عدمتو فايتو ( غليتو فاتورتو )
جوعاً عليهو مرض
موتاً أخير منو
أو نطلع نقول لا لااااا
تسقط حكومتكم
سحقاً لإنقاذكم
عمتو عملتنا
بسوء إدارتكم
كل البلاوي الآن
من سوء سياستكم
خَيرنا أنفسنا …:
… موتاً أخير أرحم ؟
… أو ولا إسقاطكم ؟
وكل الشعب إختار
تسقط حكومتكم …!
وعشان ما نتحرر
لازم نقول لا لاااا
في وش ملشياتكم
رغماً عن أبواتكم
لازم نقول عصيان
نعلن تمردنا
وعشان نعيش أحرار
لازم نكون ثوار
وكل الفئات جاهزين
تَقوم قيامتكم
نحن النضال ناسو
لو ما مصدقنا
صبرك خلاص حتشوف
أجلك قبضناهو
أنت وعصابتك ديل
ويلك جلبناهو
ما ليك تاني مفر
غير إنك كفاك ترحل
والثورة راح حتقوم
الشعب هو الفيصل
كنداكة في الشارع
أعذارنا راح تكمل
مافيش تخازل تاني
وبدل الكلام نعمل
سيبكم من أوهامكم
ما تبقوا طبالة
ما تبقوا طبالة
إنتو الوقود يا ناس
إنتو الوقود يا ناس
وإنتو البديل زاتوو
لازم تقود الصف
وسفر الخلاص لو طال
حتماً يشوف الضو
وما طال سفر زولاً
واصل لمشوارو
لا قال خلاص إنهد
أو حتي قال أرهق
لازم نواصل السير
بثورة شعبية
بثورة حتي النصر
نصرك خلاص قرب
دربك هداك ظاهر
سرع خطاك يا زول
وعَلِي الهتاف لفوووق
حرية حرية
حرية حرية
لا للحرامية
ثورية ثورية
ثورتنا شعبية
ثورية ثورية
ثورتنا حتي النصر
إنتفاضتنا حتي القصر
…
مدخل: (3)
…
يا طالع الشارع
اطلع ارح نمرق
نحتج ضد الظلم
نكشف لساق زيفم
ونعري شرعيتم
نقهر تغطرسهم
ونقول في وشم لا
لا لإجرامكم
لا لإفسادكم
نحن الشعب موجود
ونحن الوطن موجود
وطال ما نحن الصح
وما دام طريقنا الحق
وأخترنا نمشيهو
فلتوسع زنازينكم
فلتوسع زنازينكم
أو حتي ياخ نندق
ومنا الدماء تنزل
ضريبة ربحانة
أو خدمة وطنية
كجرك وكلاب أمنك
ما هم بصدونا
ولو الكلاب زادت
ما هم بصدونا
نحن الصمود زاتو
لو قلنا كلمتنا
ما الشعب سوداني
وقادر يشيل الشيل
وجيش الوطن يا ناس
فيهو الشريف لسع
مصير ضميرو يجي
يصحي ويقول لا لا
وينحاز لهذا الشعب
ما الشعب سوداني
والجيش كمان منو
والشرطة بس وسخت
وأمل النضافة قريب
في إيدنا صابونتو
ما النيل وهب مويتو
وعطش وطنا الطال
نحن البنرويهو
وحالفين حنبنيهو …
…
مدخل: (4)
…
يا قاعد جوة البيت
وحالف وماك مارق
أعلن تضامن بس
وأدعم لعصيانا
من غير ما تتعور
خلي التعوور لينا
وركز تساعدنا
وأرفع البلاء عنك
أسمع خطابات
أحضر نداوينا
أقرأ وريقاتنا
وأدعو لجيرناك
وكلم قرابينكم
وفهم لعصيانا
لا مدرسة لا حصة
لا جامعة لا قصة
لو أنت موظف يابا
ويمه أستاذة
و أخويا داك عامل
بطل مشاويرك
ما تمشي لعملك
السلطة في يدك
ما تخاف علي فصلك
ما تخاف قطع رزقك
بكره الحكومة تغوووور
كل الأمور تظبط
أصبر كمان يومين
ما ليك سنين صابر
حلك وجاك عندك
أعلن وقول عصيان
هشتق وقول عصيان
وأهم شي التنفيذ
حتماً أكيد حنفوز
نلحق وطنا الضاع
ونعيدوا سودانا
من الحرامية
من الحرامية
وقادرين علي الإنجاز
…
يا طالع الشارع
هشتق وقول عصيان
وأنزل علي الشارع
وشوف لي كنداكة
وأهتف وقول حرية
يا طالع الشارع
أطلع أرح نمرق
نحتج ضد الظلم
يا قاعد جوة البيت
أعلن وقول عصيان
وبطل مشاويرك
نهتف نقول حرية
نهيف حماسية
كل الشعب واحد
واقف في خندقتو
حرية حرية
ثورية ثورية
ثورتنا حتي النصر
إنتفاضتنا حتي القصر
…
…
بريسدينت مصعب البرلوم
(25/ نوفمبر/ 2016)
…
قادموووون من داخل شباك العنكبوت خيوط تزيل البوت
خربشة #هاشتاق_النصيحة