الرئيس نميري والشيخ زائد

الجنيات بشرو ليك البنات زغردن
تسلم ابعاج اخوى يادراق المحن …

هييييييييييييييع
ابعاج
علي كيفك تنوم ترقد تقوم لا اوكامبو لا هموم
زمن

قناصة الكاميرا اخطر من قناصة المسدس

الله يرحمك يا نميري ويعوض السودانيين ايام الرخاء والعيش الكريم والسودان ايام الهيبة والاحترام والغيرة وحب الانتماء للوطن لنشكو الي الله كيف اصبح حالنا الان ضياع الجنوب وحلايب والفشقة اصبحت ذكريات من الماضي والجيش لا يعرف السودان تقع عليه غارات جوية
ورئيس دولة فاسد يسرق ثروات الشعب ويبيد شعبه بالجوع والالحرب ومطلوب للمحاكم الدولية
اللهم ارحم السودان والسودانيين

طيلة حكمة لم ندفع ةلا مليم للكهرباء و لا للموية و حتى المدارس و المستشفيات كانت بلاش و كمان يدوك قروش

رحمة الله تتزل عليك المشير الرئيس جعفر محمد نميري ( أب عاج ) رحل عن هذه الفانية و يداه لما تمتد إلى مال الدولة و لم نسمع له بأرصدة خارجية أو فساد لزوجته ، كما أنه كان عسكري منضبط و حازم و صاحب شخصية قوية

رحمك الله وجعل الجنة مسواك ايها القائد المغوار حكمت فكان همك رفعة الوطن وتقدم الوطن نعلم انك ضحيت من اجل الوطن ولم تملك قصر وكما رؤسا الدول ولا منزل وقطة الارض التي كنت تملكه اهديته للمواطنيين لبناء مستشفى لمصحلة عامة المواطنيين رحمك الله وانزلك الله في جنات النعيم

يالسلام ياعليك يا ابو عاج حكمت وعدلت ونوت رحمكم الله انت وصحبك الشيخ زايد يالسلام يامشير فى زمنك كان الخبزة بقرش وحتى الدجاجة كانت سمينة ورطل السكر كانت بقرشين وكوم اللحمة بخمسين قرش وطلب الشيية كانت بترادة وطلب الفول كانت ب15قرش واحلى الفول كانت فى مطعم على السيد النجار الكوببانى شرق شارع الحرية بالخرطوم والجنيه السودانى كانت يساوى 4 دولار كما كانت تسواى ثلاثة ريالات بالسعودى وثلاثة ونصف دينار ليبي وسبعة جنيهات مصرية والهجرة كانت للعم وليست بشان الحورب ياخي اتذكر لو بس وقفت قدام الناس وقلت ليهم ابوكم مين طوالى يقولو ليك نميرى بدون اي شك وتفكير اتذكر لما جائنا نميري ءاخر زيارة فى الاقليم والموعد كانت الساعة العاشرة بس الناس طلعو من الساعة ستة صباحا مسحوبين بزغاريد النساء فى جميع انهاء المدينة ولان ومن بعضك الشعب السودانى شاف العجب والويل رئيس رقاص وبطنو مليان وهو لاهم ولا غم والشعب جيعان وعطشان ومغطس فى الحروب ياخى انت بس امشى ايى مطعم فى الخرطوم واطلب فول بالجبنة وزيادة عيش تشوف كل الناس يعاينو ليك ياخى والحكاية وصلت بدرجة انت لو سمين فى السودان تلقى كل الناس يعاينو ليك فالشارع انا غايتو ما بعترف باي رئيس فى السودان غير نميرى حتى لو مات واللما عاجبو يطلع لينا برة فى الغابة بين الشمال والجنوب شكل عديل كدة

رحمة الله تتنزل عليك يا فارسنا وحارسنا
المشير جعفر النميري تفتحت اعيننا على الدنيا فوجدناه وكم سمعنا الاناشيد التي تمجده فهو فعلا كان يستحق اكثر منها
كان قائدا شجاعا واسدا هصورا وفوق كل هذا هو من خريجي حنتوب الجميلة وتبا للترابي واعوانه
لم يكن يملك منزلا وهو رئيس الدولة السودانية أي زهد واية امانة تلك ياسعادة المشير العفيف الطاهر
كانت زياراته لجنوبنا الحبيب تمثل الاستفتاء الحقيقي لشعبيته الجارفة وذلك عندما كان يصعد في مقدمة السيارة دون حراسة واقفا كالجبال الشامخة ,,,,
الجنيه السوداني كان في القمة يقارع الدولار ولا يلقى بالا للريال السعودي غي عهد اب عاج الزعيم
رحمة الله تنزل عليك وكل من عليها فان ويبقى وجه ربك ذو الجلال والاكرام

ايامك كنا بنوم على على اكتاف العرب 000

كان السودان ابلجا كالمحجة البيضاء !!
تسلط عليه الكيزان بالبلطجة المغلفة بالشريعة ، فجعلوها سوادا كالحا :eek: :cool:

صوره جميله
الرحمه والنور عليهما