إنها الحرب … سيدي الوزير !
إنها الحرب … سيدي الوزير !
محمد لطيف
فى حديث للزميلة السوداني نشرته أمس قال وزير المالية ( لن يفرق معنا هذا القرار لأنه أمر يخص الجنوبيين وحدهم) ثم قال وزير المالية (نحن فى الشمال لن نتأثر بهذا القرار أبدا، ولدينا إجراءات سنمضي فيها..الخ) والقرار الذى يتحدث عنه السيد وزير المالية هو قرار حكومة الجنوب بتغيير عملتها فورا … والقرار الذى يتحدث عنه السيد الوزير؛ لتبيين خطورته نقول: إن الحركة الشعبية فى مرحلة من مراحل التفاوض حول السياسات النقدية عرضت على المؤتمر الوطني شراء النقد السوداني المتوفر بالجنوب بالعملة الصعبة حال تغيير عملته… وكان الاقتراح المقابل من الوطني هو أن يقوم الجنوب بشراء بضائع من الشمال مقابل العملة التى لديهم…ولم يتم التوصل لاتفاق..!
إن قرار حكومة الجنوب بإلغاء التعامل بالجنيه السوداني يعنى أن كتلة نقدية ضخمة أصبحت خارج السيطرة…وأن تدابير مالية واقتصادية عاجلة لا بد منها لمواجهة هذا الانفلات النقدي الهائل … فكيف فات ذلك على وزير المالية…؟.. ولكن..لئن كنا حسنيي النية بالسيد الوزير واستبعدنا عدم (انتباهته) لهذا المأزق … فلا أقل من أن نقول إن الاحتمال الثاني هو أنه تعمد تضليل الرأي العام باستسهال الأمر .. وتبسيطه بتلك الصورة المخلة … ولعل خطاب الرئيس بالأمس جاء بالمخرج أمس ..وهو مخرج فرض نفسه..لا خيار للحكومة غيره..وهو تغيير العملة السودانية… وهو حل له تبعاته المالية والاقتصادية، بل وحتى السياسية والاجتماعية…فقط نتذكر أن آخر عملية تغيير للعملة فى السودان كانت كلفتها نحو المائة والخمسين مليون دولار…!
إن تغيير عملة الجنوب خارج اتفاق بين الدولتين، يعني- فى أبسط تعريفاته- إعلان حرب اقتصادية مبكرة على الشمال…وليس شأنا جنوبيا بحتا…سيدي الوزير..!
الاخبار
وزير المالية فاضي من العرس وبناء العمارات !!!
والله العظيم ثلاث أتمنى أن من كل قلبي أن أرى مسئول في حكومة الإنقاذ مؤهل وكفوء والله العظيم سياسة الرجل الغير مناسب للمكان الغير مناسب وكل جربوع بيجيبوه من وين مابعرف عنقالة ساي يحكموا السودان ولموا من خلفهم النفعية والجهلة
وتحضرني قصة عندما كنا في المتوسط والثانوي العالي كان معانا طالب الحصص شغالة هو كان بسوي الشاي للمعلمين وفي النتائج كان لا يعاقب لأن المعلم كان يقول له الضرب على الميت حرام وبعد فترة عرفت أنوا استقطبوه الكيزان ودخل معاهم وهو الآن طبيب بيطري بس عاوز واحد يشرح لي دي كيف تجي وده يوريكم كل كوادر الجبهة والأنقاذ والحكومة على مستوى على عثمان محمد طه الفاشل الذي خدعه جون قرنق وانتزع منه حق تقرير مصير جنوب السودان وهو كان يراهن أنو الجنوب ماحيقدر ينفصل لا نو ماعندوا مقومات دولة كلها تحليلات خاطئة وقراءات خاطئة لما خلف السطور ببساطة لأن جهلة القوم والفاشلين هم من يحكموننا وكان الله في العون !!!!!!!!!!!!!!!
ابصم بالعشرة على كلامك يا ( نار الغربة ) .
هذه وزارة حساسة و هي قطب الرحى في حياة الناس. و الرجل الذي على رأس الهرم لا يفقه شيئاً لا في الاقتصاد و لا في المال إلاّ المال الذي ينهبه.
أنا لله
بالله ده وزير مالية السودان القال الكلام ده !!!!!!!!!!!!!!!!!!!!!!!!!!!!!!!!!!!!!!!!!!!!!!!
كنت عاوز أقول ……….. سجمنا …………
لكن لقيت مافى سجم أكثر مما نحن فيه
مساء الخير عليكم
وزير المالية قاليكم عوسو عواستكم واكلو كسرتكم شن عرفكم بالاقتصاد وصندوق الاداءات :crazy: :crazy: :crazy: :crazy: :crazy: :crazy: :crazy: :crazy: :crazy: اول مرة اجرب الايقونات دى ناس الراكوبه ختو لينا ايقونة عواسه ولا بالعدم قرقريبة وطايوق اصلو طايوقنا كمل
تصبحوا علي وطن
سعادة وزير المالية لا يعرف عن المالية الا " اللغف" كما لا يعرف رئيسه عن السياسة الا النهيق و هز الصلب
انا كلمتك ياالسيد الوزير وقلت ليك جايبنك في الذمن الضايع للمالية عشان الشعب يشيل معاك وش القباحة ويقولو اول وزير غرباوي دمرالاقتصاد السودداني لذلك ارجو ان لاتقبل بالوزارة دي وضربت ليك مثل باولادنا العاملين في بوابات المستشفيات من افراد الامن يتعرضون لاهانات من الزوار لسبب انهم يعدون دورهم الغافل ولو لاحظت دايما يصفوننابالحاقدين عليهم .لاكن المثل بقول كلام القصير مابتسمع بعد كدة شيل شيلتك .لانك قبلت بوزارة كتلو فيها الدجاجة وقمو بيضا.
الوزير جاء للوزارة نتيحة ترضيات ة موازانات و بس
يـا الصهر الرئاسى……….
بتايد إمامك فى مسالة تغيير العملة عشان تمقلبو الجنوبيين و ما تغيروا ليهم ما بحوذتهم ؟؟؟؟
هى العمله الفى الجنوب بقى شجر مزروع فى الارض ما حبيتقلع و يجيبو هنا يبدلو ؟؟؟ بالله دى ما بلاده ؟؟؟؟؟؟ياخى فتح مخك و بلاش تـمّـلـق !!!و كمان تشكر وزير العواسه و الكسرة ذو الدفع الثلاثى ابو ثقب فى اوزون ولدو !!!!! الـديـمـه مـا مـنـتـبـه !!! و الله دى بس مصيبة من ربنا ابتلانا بهؤلاء ……….