والي الخرطوم : الله أكبر على تجار ومروجي الخمور والمخدرات
الخرطوم ? رقية ابوشوك – فاطمة عوض
توعد والي الخرطوم الدكتور “عبد الرحمن الخضر” بردع كل من يتاجر أو يروج لبيع المخدرات في ولايته. وأكد أن سلطات الولاية ستعمل بالمرصاد لكل من يتاجر أو يروج في المواد المحرمة شرعاً أو قانوناً بحكم أن دستور السودان مستمد من الشريعة الإسلامية، وهنأ والي الخرطوم أفراد شرطة أمن المجتمع الذين تمكنوا من القبض على كميات كبيرة من الخمور المستوردة والخمور المصنعة محلياً.
وقال الوالي لدى زيارته رئاسة شرطة أمن المجتمع، بحضور الفريق شرطة “محمد الحافظ حسن عطية” مدير عام شرطة الولاية وقيادات شرطة الولاية، قال إن الشرطة أبلغتهم بحصولها على معلومات تفيد بأن هناك جهات تعمل في توريد كميات من الخمور من الخارج ومن داخل الخرطوم بغرض توزيعها في رأس السنة حيث تكثر ظاهرة شرب الخمر، غير أن يقظة شرطة أمن المجتمع حالت دون تنفيذ المخطط ولا تزال الشرطة تراقب عدداً من المجموعات التي تنوي القيام بممارسات مماثلة. وأعلن الوالي عن حافز مالي ضخم للمجموعة التي قامت بالقبض على الخمور، وقال الوالي: (الله أكبر على تجار ومروجي الخمور والمخدرات) واستدرك :(لكننا في الوقت ذاته لن نقتحم أي شخص في داره لأنه يشرب الخمرة لأن ديننا نهانا عن ذلك لكن من يجاهر في الشارع العام ويروجها فإننا له بالمرصاد). ووجه الوالي شرطة ولاية الخرطوم بتفعيل وتأهيل أجهزة الرقابة لسد الثغرات التي تأتي منها هذه السموم وأضاف: (نحن ما زلنا في حاجة إلى عمل أعمق ومكثف لمعرفة مصادر هذه الخمور). وطالب الوالي بتأهيل وتدريب الضباط والأفراد واختيار العناصر المؤهلة للقيام بهذه المهمة، كما طالب بضرورة ربط شرطة أمن المجتمع مع إدارة التوجيه والتنمية لإجراء بحوث ودراسات أعمق لهذه الظواهر.
وفيما يتعلق بالاحتفالات برأس السنة قال الوالي إنهم لا يريدون للمجتمع السوداني ذي الثقافة والجذور الإسلامية المتأصلة أن يكون احتفاله برأس السنة أكثر حفاوة من احتفالاته بأعياده الأخرى، وأضاف: (يجب أن نتعامل معها كـ(عام انتهى وعام بدأ) وألا نقلد الآخرين ونمارس طقوساً لا تتفق مع ديننا وأخلاقنا بحيث يتخذ البعض مناسبة العام الجديد فرصة لارتكاب المعاصي). ودعا الوالي الأسر كافة لرعاية أبنائها وفقاً لضوابط الدين الحنيف (دون إفراط أو تفريط) حتى ننعم بحياة هانئة وسعيدة.
المجهر
السيد والى الخرطوم عاصمة الخلافة الاسلاميه .. نفيدكم علما بأن بار جناكليس العظيم يتوسط قلب القاهرة التى يحكمها كبير الحاخامات محمد بديع مع كهنوته الدينى الاخوان المسلمين .. وبما ان تصنيع وتجارة الخمور تدر للدولة الرساليه المصريه الجديده مليارات عديده فلا نتوقع من دولة الازهر الشريف ان تمنع تصنيعها وتصديرها وبيعها فى بار جناكليس وبقية البارات ..نشكر السيد محمد بديع الذى يحميناويحترمنا نظامه عندما ندخل بارات القاهرة الفخيمه .. ومبروك عليهم الدولارات التى نصرفها مقابل الحصول على المسكرات .. ونشكر السيد جناكليس واسرته التى تقدم لنا كل الاحترام والتقدير .. شكرا للرئيس مرسى ..
طيب ده ذاتوه ممتاز جداً يعني مادام ما بتنوطوه البيوت خلوه الناس تأخذ راحتها؟؟؟ طيب ستات العرقي ديل مابيعملوه العرقي في بيوتهم ما لكم معهاهن ؟؟ ليه بتقبضوه فيهن ؟؟ بعدين عرقي دنقلا بتاع ناس عبد الرحيم محمد حسين حتعملوه فيه شنو؟؟ لأنو عرقي دنقلا مشهور بجودتة.. الماعندهم مشكلة السفراء والموطفين بتاعين الخارجية في الخارج ..أخر حلاوة..من أقرب سوبر ماركت بيشتري العاوزه من ويسكي وفودكا وكونياك وممكن يشتري الثلج من أقرب محطة بنزين وراس سنة جميل جداً..حسه إنت ياعبد الرحمن في جاهليتك ما ذوقت الخمر ؟؟ مأنحنا سودانيين؟؟؟
المخدرات والمسكر دمار للشخص ثم العائلة ثم الوطن واسالو مجرب لذلك اي واحد يحاربها شجعوة فرقو في تعليقاتكم بين السودان والحكومة
يا حليل ايام زمان تلاقى من العصر الواحد يرش بالخرطوش قدام البيت ويخت الكراسى ويأتى الصحاب يحملون زجاجات ….. البلح والشيه والحله والونسه لغاية الساعه9 وبعد كده كل واحد يمشى بيته بكل إحترام
الوالي الحرامي عبدالرحمن الخضر
وعوضيه دي ماكتلتوها جوه بيتها ..
وين التحقيق الوعدت بيها يامنافق
MERRY CHRISTMAS & HAPPY NEW YEAR – CHHHHHHHHEEEEEERRRRRSSSSS
23 سته شغالين اسلمه للسودانيين وقتل للمعارضين وبعد ده كله فى ناس سكرانه ومسطوله
باختصار الكبت والاهانه لا يزيدون الناس اسلاما لان الاسلام اتى من كلمة سلام
اما انا افضل المشروبات البلدية واعارض جميع المستورد وذلك دعما لآقتصاد البلد وذيادة الايدي العاملة وتحصيل الضرائب والدمغات وتوفير النقد الاجنبي وزراعة محاصيل ذات انتاجية عالية وجودة مميزة من جميع التمور بالشمالية ودعم حركة النقل من والى مصانع الخمور البلدية والسعى لتصديرها في المستوى الاقليمي والدولي وفتح باب الاستثمار
انه النفاق البدوي لتغطية جرائمهم هؤلاء أحفاد من اسلموا خوفا وطمعا هؤلاء اختصروا الدين في فرج امرأة ودبر رجل .هؤلاء المستمتعين بالنفاق والعهر المخفي والتخلف ولاحياة ولاشرف لمن تنادي.
ياوالي انتماداريوين الشقق المفروشة والدعرة علي عينك ياتاجر بالتلفون اجنبيات غير سودانيات من ……… يقمن ببيع الويسكي وليس العرقي والبيرة وليست المريسة لزبائن من طينة العملوا قروش حرام متنفذين عندكم في الدولة او واصلين جدا. جهاز الشرطة فيه من هو قليل الأيمان عديم الوطنية والضمير وهم قلة رغم حوجة الناس والحمد لله خاصة النساء يساعدون في الحصول علي الجنسية ال,,,,,,,,,,, وامسك عندك طوكر القضارف سنار بورتسودان الخرطوم
ده الفالح فيهو تقبض فى ستات العرقى وتجارالبنقو وعامل روحك
أميرللمسلمين ووالى
ياسارقين الجداده
وخامين بيضها همك كلو
خاتيهوا فى ليلةرأس السنه عشان ماتجيب ليك
فضيحه إنت وشرطتك الفاسده أمام أسيادك ومشروعهم الظلامى وناسى العطاله وأزمة المواصلات والدواء المافى والأمراض
وتدهور البيئه وضيق المعيشه والفقر وفوضى الأسعار والمرتبات الضعيفه والتعليم المنهار
وكمية الجرائم الأخلاقيه
والجنائيه وفسادقططكم
السمان ؟!
لن يحلكم هذا ولن تنجحوا فيه لوحشدت كل
قواتكم وقواديكم فالخمره لن تختفى مهما
فعلتم وحتى المخدرات
أحلال عليكم وعلى الآخرين حرام ماتبدأوا بى
ناسكم زى بشه وحاشيته
وإضنينو الإثنين بكرى واللمبى وغيرهم الكثير؟!
أنحنا حنسكر فى ذلك اليوم شئتم أم أبيتم وسنحتفل برأس سنه جديده نتمناها خاليه من
أمثالكم يامعتوه
والقعده ظبطناها من
هسه ماحنعزمك لكن
لوجيت ماحنقصرمعاك؟؟!!
(نحن ما زلنا في حاجة إلى عمل أعمق ومكثف لمعرفة مصادر هذه الخمور). هاك القنبور دا.مصدرها معروف، من تاجر في كل شيء… من أراضي المستقبل… حتى حليب الأطفال، ولا أستثني المتاجرة بالدين.
الحمد لله الشعب السوداني الما فضل ما حيكون مشمول بتهديدكم ووعيدكم. والله كلنا نتمنى أن تخلو بلادنا مما يغضب الله وفي مقدمتها أنتم.
هو العندو قروش منو كمان عشان يجيب الشراب النضيف المستورد ؟؟ نحنا شذاذ الآفاق ذى ما قال علينا رئيسنا وله عضوية المؤتمر الوطنى الميثورة التى بدات تتساقط وتتكشف لدى الراى العام وفضحها حتى من جانب النظام نفسه (لعدم ارتفاع سقفها(قوة ضهرا ذى ما بنقول ) نسبة لعلو صوت الحق من المظاليم اللذين تستجاب دعواتهم عند رب العالمين بغير حجاب )
= كل سنة وانتو ياناس الراكوبة وانتو طيبين ..ويعود علينا وعليكم بالحرية والصحة والعافية ونشوف (جديدكم)!!
=عبد الرحمن الخضر (أبوشرارة)..يا (عقل الطير) ..عذرا ياجماعة..دى ألفاظه هو..والدنيا عيد!!..يعنى خلينا ليك السنة كله…سنينا الكبيسة كلها من 89…لا شفنا فيها عيد لافرح..لا أطفالنا ضايقين لعيادكم طعم..ولا اى حاجة..يعنى يجينا العيد والفرح بعيد فى بلدن تانى..وفى السودان غربة علينا وجرح جوانى..مش بلدنا الباسمو كتبنا ورطنا والمكانو صميم الفؤاد..ده دفناهو فى 30 يونيو 89..ومنتظرين ال (RESURRECTION)!..يعنى يوم واحد ما نفرح بيهو…!
=وبعدين ياشيخنا انتو بعد ما فصلتو الجنوب قلتو السودان 98% من سكانو مسلمين..طيب صدقنا كلامكم..لكن ال2% الباقين ديا مابرضو سودانيين برضو بالميلاد..وعندهم رقم وطنى!..يعنى عددهم حسب قولكم يكون 2%من ال 30 مليون= 600000..ستمائة ألف سودانى..وديل مامسلمين لكن سودانيينوعايزين يحتفلو بميلاد المسيح اذا كانوا مسيحيين..أو عايزين يحتفلو براس السنة وهم لامسلمين ولامسيحيين..لكنهم سودانيين..ووثيقة حقوق الانسان الصادرة من المجتمع الدولى بتعطيهم الحق يحتفلو..وانتو المجتمع الدولى دلوقت باركين ليهو تحت كرعينو والسنة الجاية دى ح يوريكم..يعنى قصتكم معاهو زى قصة كابلى: طالبين رضاك..ورضاك محال..وبعدين معاك..والخوف ياغالى ..تسرح طوالى مقاطعنا كده!..وين نأكل ناسنا ديل..قمح ساى دايرين ليهو2 مليار و700 مليون دولار سنويا..ونفط سنويا دايرين ليهو واحد مليار و400 مليون دولار سنويا..وميزانيتنا السنة دى بس ضرائب وجمارك..وقادة 10 مليار جنيه..
=وبعدين ال165 كرتونة(HEINEKEN)دى انتو مش لقيتوها جوة البيت…يعنى الراجل صاحبها لاطلع سكران فى الشارع ..ولالقيتو بيبيع فيها فى حبيبى مفلس..فهو برى حسب قانونكم وكلامكم القاطعنو من راسكم ده…وعدين ياخى انت مافكرت انو الخمرة دى ممكن تكون بتاعت أجانب شغالين فى منظمات تابعة للأمم المتحدة..أو اليوناميد..أو اليونسفا..أو الدبلوماسيين الغربيين اللى انت قلت انك شخصيا مسئول عن أمنهم بعد ماناسك حرقو السفارة الألمانية وكان نتيجتها انو موتمر المانحين الأوروبيين الكان ح يكون بعد اسبوع ببرلين من تاريخ حرقكم العلم الألمانى ..اتلغى المؤتمر وضاعت ملايين الدولارات بسبب أهو زى كلامك ده..أو حتى فكر ياخى انو الخمور دى جايباها المنظمة السويدية اللى جابت مليون جرعة لقاح لأهل دارفور القرضتهم الحمى الصفرا..أو للأجانب الفى اليونسيف والرد كروس الجابو ليكم 3 مليون جرعة للحمى الصفرا..لو بفكرو بمنطقك ده كان قالو ديل ارهابيين ورئيسهم مطلوب من محكمة الجنايات الدوليةومطلوب القبض عليهو فى 11 تهمة متعلقة بجرائم حرب وجرائم ابادة وجرائم ضد الانسانية..كان ممكن يرفضو ويقولو ولاحقنة ..على قول صاحبك..لكنهم مابنظرو للحكومة..بنظرو لانسان السودان الدمرتو الحروبات والنزاعات العرقية والجهوية والقبلية..وعارفين انو كل روح ليها قيمتها وانو المواطنين الظلمهم حاكمهم وأمير المؤمنين برضو هى أرواح..وبرضو انهم هم ضحايا تسلط وارهاب وعنف من جماعتك!!= وانت خلاص غلبتك شغلانة الماصلات والنفايات ..وخلتك تشتغل بحاجات انصرافية وتتبجح كمان وتقول ماعايزنكم تطفو الأنوار فى راس السنة..ياخوى نحنا انوارنا طافية من يوم رطوها بالموية..لكن عشان كلامك ده وتدخلك فى حريتنا الشخصية من دربى ده ح أمشى أرجع الكهربا..ويوم 31 ديسمبر من الساعة عشرة ح أطفى النور والساعو00:15 صباح أول يناير ح أولع النور…ياهو الفضل ليكم…
= وبعدين تقول ح نحكمكم لأبد الآبدين…ياما قالها النميرى..قال مافى زول ح يشيلنى..وقال القذافى :من أنتم..وقالها حسنى مبارك:ديل شوية عيال صيع..وين هم الآن..قل اللهم مالك الملك تؤتى الملك من تشاء وتنزع الملك ممن تشاء وتعز من تشاء وتذل من تشاء…وأخيرا:-
*لاخيل لديك لتعطيه ولامال فليسعد النطق ان لم تسعد الحال
= الغريبة فى الصورة صاحب البيت لابس جلابية وعندو دقن كبيرة..وأكيد دى ح تطلع نفس شقة رئيس المجلس التشريعى بتاع بورتسودان…والقضا فيها العشرة الأواخر من رمضان..لو انت نسيت نحنا مانسينا!
عربييييييد صلح راس تمام لاقوه الوالي ومعاه ناس الشرطه اتلفت عليهم قال ليهم يا حليل ناس
مجوك خلونا لي ناس جوك
با ختصار الاسلام دا ذااااااتو خلينا ومع السلامه
اوصيكم بالبكري واعملو حسابكم من البكري لانو بسوي ليكم الشيط و مستشفيات مامون حميضة دي ماسورههههههههههه
انتم من ضيق الخناق على الناس وجعلهم يهربون من الواقع باللجوء الى المخدرات والمسكرات
انتم من هدمتم وافسدتم اخلاق الشعب
انتم تريدون شبعاً مخبولاً (خارج الشبكة) حتى تكون البلد بالنسبة اليكم (حظيرة عبيد) او طردهم بتهجيرهم
وبعد كدا تقول الله اكبر على مروجي الخمور ؟
كيف دخلت الخمور المستوردة والمخدرات الى البلد(بلد فاكة حدودها مفتوحة لكل من يريد ان يعيث فيها فسادا او يدفن فيها نفايات او يقتطع جزءاً من ارضها، وجيشكم ومليشياتكم مسلطة لقتل ابناء البلد وتمزيق البلد مزقكم الله اربا اربا)
والان حبوب الهلوسة التي لا يعرفها معظمكم وتباع الحبة بألفين جينه!! ولم تدخل البلد الا في عهدكم المشئوم
انتم الحثالة وانتم المنافقين وانتم اللصوص وانتم المفسدين واذا بحثنا سنجد ان من يقوم بتوريد هذه الخبائث هم من ابنائكم الفاسدين المنافقين ومن شركاتكم شركات السحت والحرام
يا حطب جهنم