طائرة بدون طيار تحمي أجواء السودان

الأن تآكدت لي بما لا يدع مجالاً للشك آن التخلف الذي نحن فيه لا فكاك منه

هل يمكن لطائرة مصنوعة يدوياً آن تحمي آجواء السودان من طائرات إسرائيل ، خلاص مصنع الصافات بقي مانافع (زي نافع)

غايتو الشعب السوداني ركبوا ليهو قنابير عينة – وآكيد في ناس كثيرة صدقت هذا الهراء

الله يستر … من هسي الناس لازم تلبس الخوذة الواقية وما تنوم في الحيشان

ضحكتونا

…نشجع هذا الشاب , ونحث الدولة باستقطاع اموال من ميزانية الامن لتطوير هذه الطيارة لحماية الاجواء حقتنا ,لأنو بصراحة نحنا عيوننا تعبت شديد من مراقبة السماء وتطبيق نظرية الدفاع بالنظر , التى اظن ـ وان بعض الظن اثم ـ انها غير ذات جدوى او مردودها قليل..!!

يا اخونا تاني طيارات بدون طيار يا اخوي ماتشوف ليك دراسة خير الطيارات دي انتو عارفين ما دي الاسرائليين بفتشلها تفتيش وبالثابتة بالعقل كدة الطيارات دي لا بتاعة رش ولا بتاعة مواصلات هي لاغراض العسكرية والبلد بقت ولاية ايرانية وناس حماس كمان داخلين كلو يوم السودان وكل ما نحاول نبتعد من اسرائيل في ناس بتقول قرب تعال ما تبتعد

دي اخر وهمات نظام البشير ، كدة ورونا الوهمة الجاية شنو

يا وزير اختشي جايب ليك شوية خشب و تقول لينا طائرة بدون طيار
نعم نحن مع الابتكار و الفكرة التتي تتحول لحقيقة

معكم كل شي صار وهم في وهم حكومة ما نجحت الا في توزيع الوهم

قال طياره بدون طيارة قطعة خشب في المنجرة على بالطلاق ده من تطير لو ربطوا فيها وزير الدفاع ابو رياله

طائرة بدون طيار تحمي أجواء السودان ههههههههههههاي احسن في تحت الشجرة

هههههههههههه والله قصة! قال يسجل إختراعه قال! ياخي هي دي موجودة في العالم من قبل ما يلدوهو زاتو!

لو طائرات رش المبيدات جايبين ليها خبير اجنبي اسباني ليقودها ،،، طيران شنو انت البتدرس فيه لو الشباب السوداني ممنوع عليهم قيادة وصيانة طائرات الرش يعني (ركشة الطائرات)

شكله كده اللمبي السواني قال فرجت وبكره حايجي يقول ايوه صنعناها الطيارة دي من القصب و الجريد وخشيناها دوم مر مر وحا نضرب اسرائيل في عقر دارها

خلوا الطيارة البطير في السماء حاولوا عبدوا لينا طريق واحد بس في السودان بالمواصفات الدولية وانشئوا قنوات الصرف الصحي كسائر الدول في طور النمو وبعد كدة نمشوا لليرموك والطيارة بدون طيار ….ان شاء الله طيارة اسرائيلية تشتت بروجكم المشيدة وعرباتكم المصفحة …فالحين في قتل المستضعفين ابقو رجال اوصلو تل ابيب .

كلو كضب ودجل ونفاق ديل ما مخترعين النمله ….قال يسسجل أخترعوا ياأخي باالله .

انا اشيد بإختراعات الطالب أحمد واتمنى له النجاح اكثر واكثر ولا اريد ان اقلل من شأن ما وصل إليه
ولكن سؤالي : هل هذه الطائرة الخشبية هذه تستطيع ان تضرب اسرائيل ؟
وهل الطائرة نفسها مجهزة بتقنية تسمح لها بمراقبة الأجواء السودانية لعجزنا في جلب لادارات بتقنيات عالية؟
اذا كانت الإجابة نعم فنحن نعتبر دولة صناعية ودولة عظمى
وذا كانت الإجابة لا . ارجو من وزير الإتصالات ان يفكر في شيء آخر بدل ضياع الوقت إذا كان اصلا له وقت
السؤال الثاني لماذا لا يهتم وزير الأتصالات بشأن صنع طائرة الطالب احمد إلا بعدما ضربت الطائرات الإسرائيلية مصنع اليرموك. ولا (المودر بيفتح خشم البقرة (مثل سوداني)
على كل نحن بعيدين كل البعد فيما تتخيلوه انتم ايها الإنقاذيون مادمتم انتم موجودون في مهذا البلد التي اصبحت خاوية على عروشها
ولكننا لنا رب ينصرنا إنشاء الله
فمن لكم انتم ايها القتلة المارقين

يمكن يبقى
طيارة تحمينا الله كريم

هل الطائرة المزعومة تطير في الظلام طافبة الأنوار والواطة مضلمة وبدون صوت ولا طيارة عادية…؟
دكتور عيسى بشرى، يبدو ان رسالة “دكتوراته” على شاكلة “ما يخرج من السبيلين ونواقض الوضوء”، فصناعة الطائرات الصغيرة اللأسلكية أصبح هواية لدى طلاب الثانويات، فيكفي أن تكتب “كيف تصنع طائرة لاسلكية” على محرك البحث لتظهر الوف المواقع شارحة خطوات صناعة طائرات الهواة….
وحسب فهمي فإن الطائرات بدون طيار تستخدم للإستكشاف وتصوير المواقع…
وأعتقد أنه في حالة سماء بلادنا في زمن “اللمبي” نحتاج لرادارات ومحطات إنذار مبكر ودفاع جوي فعال….
وأقترح “للمبي” وجماعتة ينقبوا عن “الجن”، ما بالضرورة يكون مسلم، والتنقيب يكون بإحياء عادات أهل الطيب مصطفى من الأعراب..
وأقترح الموقع المبدئي للتنقيب يكون “تميد النافعاب” لأنه حواليه مناطق تحتاج تنقيب جني، وفيها بشائر جنيه ظاهرة في نافع الما نافع…
وأحسن وقت “للتنقيب الجني” بالليل و”الواطة مضلمة” ويكونوا “طافين الأنوار” واستجيروا بالجن للشكوى من “الإسرائيلين”، أكيد حيلقوا ليهم جني روحوا محراقه حيقطع الإسرائيلين النفس.. تاني طيارة تعدي مافي… وكمان يجيب واحدين كاربين يضربوهم في عقر دارهم، ويجيبوا لينا “ليفني” صاغرة ذليلة ليتم عرضها في حديقة القصر…

يا ابني واقضوا حوائجكم بالكتمان تلقاهم ناس الموساد الان حيسلطوا عليك جواسيسهم وويرسلوا ليك واحد ساندوتش بدون جرسون والجماعةديل ما يوفروا ليك كرسي تقعد فيه (يعني تاكله وقاااااااافي
من الان كشفوا حالك ويا اسرائيل تعالي /من اليوم شكلك حتخاف حتى من ضلك / البيبارق الجداد قالوا بيوديه الكوشة

– وزير العلوم والاتصالات عيسى بشرى ( بفتح الباء والشين )..كما عرفناهو زمان..كان قدامنا فى كلية الطب جامعة الخرطوم …نحن فى تانية وهو فى خامسة…لكن كان (REPEATER)..!بصورة متكررة..نحنا اتخرجنا وخليناهو هو فى الكلية!!..وبعدين ما كان يعنى اتجاه اسلامى ظاهر…كان مرطب…وبحب ونسة البنات…!!فكيف بقى وزير العلوم والاتصالات…الا اذا كانت الحكومة قاصدة بكلمة (اتصالات) دى شى تانى!!
– وأيام هجليج مش قالو دخلها هو والمسيرية قبل الجيش ودخلها سايق رقشة!!مع انو سناء حمد وود نافع دخلوها بالبرادو…وبعدين ياشيخنا مش يومتها عملت لينا اجتماع عن شجرة (الجاتروف)..وقلت انو احتياج السودان من الوقود مليون طن سنويا بعد التقشف…وانو زراعة الجاتروفا فى 2 مليون فدان ح تكفى احتياجات السودان المحلية من النفط…وانحنا أهو مجهزين البراميل ومنتظرنك!!يعنى مش فضيحة بعد مؤتمر وزراء علوم الاتصالات الأفارقة الكان فى الخرطوم قبل شهر..وأشرفت عليهو ورعيتو..وطالبت وزراء علوم الاتصالات الافارقة بالسير على النهج العلمى الذى اختطه السودان فى مجال الاتصالات,,,ولما جات مشكلة الأفلام المسيئة للنبى (صلى الله عليه وسلم)..يطلعو ناس الهيئة القومية للاتصالات يقولو مويكتبو فى الجرايد انو ماقدرو يقفلو كل المواقع الفيها الرسوم والفيلم المسى عشان كده قفلو اليو تيوب شهرين فى السودان..انتو ياكافى البلا كلكم معينين بالتمكين…والولاء قبل الكفاءة…هى البلد بركت من هين…أنا لو مكانك اسلم الوزارة لمن يستحقها وهو أهل لها وهم واحد من اتنين…ياشركة مواصلات الخرطوم..أو الاختيار التانى هيئة علماء السودان السكتو ساكت بعد غزوة اليرموك…أخير منهم (أبوساطور) قال كان رجال كان ينزلونا فى الأرض!!هي يا ود تور شين نسخة2012 انت لسة من زمن السواطير!!أنا كنت متوقع بعد الجلسة الختامية لمؤتمر الحركة الاسلامية فى الخرطوم…يكون اخضر والى الخرطوم جهز الدفارات …وانتو ياناس الحركة وضيوفكم أخوانكم من انحاء الأرض…تركبو كلكم الدفارات دى والسواطير والسكاكين بجهزها حاج منزو…وماتوقفو الا جوة غزة ومن هناك طيارتكم حقت الشلفع ده البدون طيار ترموها رمية رجل واحد وتريحونا من اسرائيل الحاقرة بينا نحنا السودانيين وأخوانا الفلسطينيين!!!يعنى هسع القاعدة العسكرية الايرانية بتاعت اليرموك الاسرائيل عدمتها نفاخ النار ما فضل فيها الا السواطير..حسبى الله ونعم الوكيل..بالله مادايرين نشجب وندين وتمشو تنومو فى بيتوتكم وتقولو نحتفظ بحق الرد
-كرتى زعلان من كلام محمد بديع!..يعنى فى داعى تخلو ضاحى خلفان يقبل علينا وعلى المصريين بسبب كلام محمد بديع أمبارح ويطالب الانتربول بالقبض عليهو…وبعدين انتو عندكم مصانع سلاح ابيرانية فاضلة غير اليرموك دى وح تستمرو ترسلو صواريخ شهاب واحد واتنين والفجر والطائرات بدون طيار البصنعوها الايرانيين فى السودان..حتوصلوها لحزب الله والحرس الثورى الايرانى عشان تدعمو بشار الأسد القتل حتى الآن 35 ألف سورى بسلاح مصنع ومنتج بواسطة الايرانيين فى مصانع سودانية..يعنى الحكومة بالواضح مع بشار …والجيش الحر فيهو اسلاميين..وعشان مابتعرفو تغطو نفاقكم تعزمو على البينونى الاسلامى المعارض ويتكلم اليوم عن مآسى الشعب السورى وتقتيله وذبحه بأسلحة وطيران وصواريخ الحرس الثورى المصنوعة ومهربة من السودان لحزب الله…أسامة بن لادن قال عنكم كلمة …هؤلاء قوم خلطوا بين التدين والجريمة المنظمة..يعنى تقتلو أهل الباينونى وتمشو فى جنازتو….حوقل الشيخ حسن الترابى قبل المفاصلة حين دخل عليه البشير وعلى عثمان بعد محاولتهم اغتيال حسنى مبارك فى اثيوبيا دون علم الشيخ..دخلو عليه ليخبروه بأنهم ومن كانوا على رئاسة جهاز الأمن حينها كانوا وراء الخطة التى نفذتها جماعة الجهاد والتكفير المصرية منطلقة من السودان بعد تدريبهم فى سوبا..لسوء حظ على عثمان والبشير فان ثلاثة من الشاركو فى المحاولة دخلو الى السودان بعد فشل المحاولة…بعد كم احم ..احم أخبروا الشيخ بالواقعة والشيخ يستمع…ثم قال على عثمان((..لقد قررنا تصفية هؤلاء الثلاثة المصريين وهم الان فى قبضتنا خوفا من أن يفضحونا….))!!قال الشيخ …لاحول ولا قوة الا بالله تعاهدتم معهم ..والان تلايدون تصفيتهم ..ثم التفت الى البشير قائلا له أنت رئيس البلد …وانت (..قاصدا على عثمان..)..انت نائبى…أأنتم مسلمون؟..الأفضل ان تصفوا أنفسكم..وغادرهم الشيخ ليصلى ركعتين حتى يزول غضبه!!
– يعنى هسع موتمركم كده هيجتو علينا السعوديين لأنكم عندكم قاعدة عسكرية ايرانية..وهيجتو علينا ناس الامارات بالكلام القالو ضيفكم الجاى من مصر…خربتوها علينا جوة..أولادنا الفى السعودية والأمارات ديل ذنبهم شنو تجرجروهم معاكم!!المهم انتهى موضوع حلقوم الريس وانتهى موتمركم..أها اليرموك لسه نحنا متذكرنها …وأزمة المواصلات فى الخرطوم كلو يوم فى زيادة وكادقلى كل يوم مدوننها…ودارفور ولعت تانى من جديد..وقدامكم أسبوع ياتوافقو على كلام أمبيكى والاتحاد الافريقى وتعملو استفتاء أبيى فى أكتوبر الجاى ونتيجتو معروفة…وبعتو المسيرية..وتوافقو على خريطة المناطق المتنازع عليها بتاعت الاتحاد الافريقى والح تضيع فيها سفاهة من الرزيقات للجنوب…ياتوافقو على ده كلو وباقى اسبوع من المهلة…يا…الطوفان…تحالف دولى ..عقوبات اقتصادية زيادة..مقاطعة ومنع تام للمعلوماتية والأسلحة …والجبهة الثورية زاحفة..وعرمان خاطب مجلس اللوردات ومجلس العموم البريطانيين أمس والأسبوع الفات كان فى باريس..وقبلو هو وعقار فى أمريكا..وريسنا من الدوحة للرياض(عشان العمرة..يعنى معقول حتى العمرة يمنعو)…وغير كدة مافى بلد راضية تدخلو عشان يشيلو حلقو…(..وتمكرون ويمكر الله ..والله خير الماكرين..)..صدق الله العظيم.

ياخ عليكم الله طيارة شنو دى مصنوعة من الخشب ياخى انتو طير البجباج والصقور اللجائت من اسرائيل يتجسس عليكم ما قادرين تمسكوها دايرين تصنعو طيارة تحمى الاجواء السودانية بس ما تقولو لينا كمان ان طيارتكم دى حيجدعة السواطير الى تل ابيب

طيب طيارت الشفع الصينية دي بطير من غير طيار وبي 80 جنية بس

مش أحسن لو كان المشروع دا يكون سري؟

ههههههههههههههههههه اخ يامصرانى اخ والله يااخوانا بس الله يخلى لينا لسانا الطويل دا … والله هندسه دا لو قرا تعليقاتكم دى والله الجامعه ما يواصلا … احباط الف