كارثة جديدة في الطريق..!ا

عثمان حبيبنا متعك الله بالصحة والعافية هذا كلام العقل لو كانو بيفهمو المنافقين;) ;) ;) ;) ;)

لقد صدقت هذه المرة يا عثمان وكلامك في الصميم.. ولا أدري هل يمكن لوزير لا يستطيع بناء عمارة تصمد على أعمدتها لعام واحد، هل يستطيع أن يبني دفاعات جوية تقيناالغارات الاسرائيلية!!؟ هذا من أطرف ما سمعت، وهي بحق نكتة 2011 بلا منازع
كدي خليهو يحمي ام درمان من غزوات خليل ابراهيم، وبعدين إسرائيل دي أمرها هين ومقدور عليه، فقط لو ابعدونا من ناس حماس ووجع الرا كفاية..
أما حكاية نحن دولة زراعية هذه، فأراك أكثرت منها قليلاً يا باش مهندس وزودت الثلج لوحين.. وأنت تعلم أننا نستورد القمح والسكر وزيوت الطعام والفاكهة بأنواعها، ما عدا الموز،..طيب نحن قاعدين نزرع شنو؟ وتصفنا بدولة زراعية كيف!؟
إن أنسى لا أنسى يا استاذ عثمان عنوانك المثير عن مشروع الجزيرة الذي "بناه المستعمرون ودمره المستدمرون"..فهل بعد الكفر ذنب!؟
فعن أي زراعة تتحدث، أهل هي النهضة الزراعية التي انتهت إلى بذور فاسدة مستوردة إسلامياً، أم فواتير السكر والقمح التي مزقت في التسيعنيات ثم تضخمت أضعافاً في كل فاتورة مئة ضعف، أم هي ترعتي الرهد وكنانة طيب الله ثراهما.
أم أن قصدك وزير الزراعة الذي انحصرت الوزارة القومية في استثماراته الزراعية الخاصة فأشتعلت الحقول ابتسامات صفراء خبيثة بلهاء لا معنى لها.
آل نحن دولة زراعية آل..!! مالك مقلب علينا المواجع ياخي!؟
سامحك الله يا عثمان هل نسيت مشروع صناعة الطائرات السودانية..
أنني كنت انتظر من وزير دفاعنا الهمام أن يؤكد لنا أنهم للتصدي للغارات الإسرائيلية وإنهاء عربدتها في أجوائنا وأراضينا بطائراتنا المقاتلة "المعجزة" التي يجري تصنيعا في غرب أمدرمنا منذ سنتين، وهي على وشك الدخول إلى المعركة .
بالمناسبة المشروع ده مصيره شنو عثمان؟

يا أخونا عثمان الحل ليس فى الدفاعات الجوية ولا فى الزراعة ولا الصناعة، الحل فى ان يمسكو ناس الانقاذ حنكهم عن التحدث والتمشدق البشريعة التى هم ابعد الناس عنها وان يكفو عن تبنى حماس وقضايا الآخرين والالتفات الى قضايا الوطن.

الاخ عثمان ميرغني
الحكاية مجوبكة … اسرأئيل عدو لكل الدول المسلمة وكل واحد بيعير عن شعوره تجاه تلك العداوة حسب امكانياته – يعني بالدارجي كدة … مد رجليك قدر لحافك يعني اللي زي الحكومة دي …بس بقلبه!!!
طيب الشلاقة العلينا شنو وكت ما قادرين عليها نخسر اموال المواطن المسكين ونهرش في الهواء _ احشف وسوء كيل ؟؟؟
وبعدين يقولوا عاوزين نحسن الدفاعات الجوية ميزانية السودان كلها ماحتكفي لان الدفاع الجوي شبكات مترابطة ومكلفة كما تقول انت … ولا دي حتكون مأكلة جديدة …؟؟ !! ىاناس حرام عليكم ياخلف اللة ما عذبتنا …
هاشم ابورنات

إلى المدعو ود الجزيرة الكلام واضح ومفهوم والمعادلة بسيطة ما عايزة ليها درس عصر نحن بلد أمكانياتنا المادية والبشرية على قدر حالنا ومحتاجة لتنمية وتطوير وبالعربي الفصيح نحن ما قدر المشاكل د كلها وزي ما بقول المثل الباب البجيك منه الريح سده وأستريح وبصراحة لو حررنا بكرة فلسطين يانا يانا العبيد زاتهم في نظر العرب

بدل منظومة دفاع جديدةأحسن بى مبلغ يساوى 10% من ثمن صاروخ دفاع جوى واحد إشتروا تذاكر ون وى للحلبة بتاعين حماس الموجودين فى السودان و جايبين ليهو الجلا و خليهم يولوا و يخلونا فى أحزاننا الباقية.

مابخلوها مناطحة اسرائيل دى …مابخلوها…ياخوى دى ورقة الضغط الوحيدة الفى يدهم عشان الجنائية انشاء الله تحرقو مش تجوعو وانشاء البلد تبقى ازفت من الصومال مابهمهم ..الحكاية بقت ليهم فى اللحم الحى وفى الرويحة والغرقان بعمل اى شئ ينقذو….وامانة ماتشوفو منهم …ديل مستعدين يعملو اى شئ فى البلد دى بس يفدو رويحتهم ..لك الله ياوطنى

هو اصلا كان بسوي في شنو من زمان!!!عشرون عاما !!!ياخي لو دخل في صندوق!! كان الصرفة جاتو!!(طبعا صتدوق مع الكبارات) او حتي اشتري من حاجة التومة الدلالية !!! علي الاقل حقها معروف مافيهو سمسرة!! وهي بحمدالله تزود الناس بكل المطلوب بلاقساط من التلاجة الي العربية!! وكان يمكن فتح عينه علي السلاح والطيارات وصدقني ستكون اكثر صدقا واقل سمسرة من كل سماسرة السلاح!!!
i think its the time for the minister of defense to step dawn, والا سيصبح تطوير الدفاعات الجوية متل توطين العلاج بالداخل!! همبتة وشركات وهمية ومعدات تالفة وقديمة!! واظن تجربة المبني الذي سقط خير دليل علي ان الامر سيؤل لمثلها بشركات تتبع لاهل والاقرباء والسماسرة!!
ياخي نحنه لاعب كورة ذي الناس ماقدرنا نجيب!! كلو سمسره ومواسير!!!

انظر الى اسرائيل تلك الدوله الصغيره هل تحدت العرب بمشروعاتها التنموية أم بسلاحها ودفاعاتها الجويه.. الكلمات السابقة مقتبسة من ود الجزيرة.

وله ولأمثاله أقول :
إسرائيل هذه الدويلة الصغيرة يا أخي تتحدى العرب والمسلمين بعدلها وعدالة قوانينها ومساواتها بين كل فئات الشعب الإسرائيلي قبل أن تتحداهم بقوتها وجبروتها فالقوة والجبروت ضد الأعداء تأتي بعد المساواة بين قطاعات الشعب في كل حقوق الإنسان (الحياة الكريمة – التعليم – الصحة – و و و و و ألخ) وقبل ذلك الحرية الكاملة في الحديث والنقد ضد أية شخصية عامة بغض النظر عمن هذا الشخص.

يعني مواطن بسيط زيك يقاضي الرئيس أو رئيس الوزراء ويقيف قدام القاضي ليس رئيساً بل مواطناً متهماً أتساوى معه في الحق حتى إعترف بالواجب الذي علي.

وهل تدري أن الرئيس الإسرائيلي قدم إستقالته لإتهامه ليس بالإغتصاب اللي حصل عندنا ولكن فقط لمجرد إيحاءات عندما كان موظفاً وحالياً يقبع في السجن.

هل هذه العدالة تجدها لدى قضاءنا – المعينين – وخت شرطة تحت معينين – والإنسان المعين لا يستطيع الشخص اللي عينه عشان ما يشوف ما تاني ويعينه بدلوا.

إتقوا الله في هذا الشعب المنكوب بهؤلاء السماسرة حتى بأعضاء أجسادها.
إتقوا الله في هذا الشعب المنكوب بهؤلاء اللصوص حتى قوتها إبنائها.
إتقوا الله في هذا الشعب المنكوب بهؤلاء المجرمين مختطفي طعام العجزة والأطفال اليتامي ومجهولي النسب

إتقوا الله إتقوا الله إتقوا الله….

أوقفوا استيراد النبق الأيراني اولاً ، خلوا عنتريات و دعم حماس و حزب الله .و عملوا الف حساب للقذافي اذا خرج من زنقته بأقل خسائر فلن يمنعه شيئاً للدخول الي الخرطوم نهاراً جهاراً و معه خليل ابراهيم .:lool: :lool: :lool: :lool: :cool: :cool: ;) ;)

اؤيدك فيما تقول و ياريت جمعتنا يفهموا ويعوا الدرس لا مصلحة لنا في ناس حماس جماعتم ما ساعدهم نحن شن خسانا فيهم بالبلدى كدى:lool: :lool:

أخي عثمان لأول مرة أشعر أنك صادق فيما تكتب … كلامك واضح إنو وزير الدفاع سوف يجدها فرصة للسفسفة والراجل معروف أنو من أنصار مواجهة إسرائيل ببناء الأبراج

والله انت يا ام محمد ناقشة الجماعة ديل نقش شديد اتقول بتقعدى معاهم فى اجتماعاتهم السرية ديك

طبعا مأكلة جديدة…وزير دفاعنا حرامي وتحت حماية السيد المشير…الجماعة مابشبعوا……..نسال وزير الدفاع الهمام : اسرائيل دولة ديمقراطية من الطراز الاول تحاكم مسئوليها وترسلهم الى السجن كما حصل مع رئيسها السابق….. اين انت من هذا يارجل كان من المفروض ان تعلق على المشنقة بعد سقوط عمارة الرباط…ولكن انه فقه السترة…… هل تعرف ان ميزانية اسرائيل للبحث العلمي تساوى اكبر ست مرات من ميزانية ابحث العلمي للدول العربية مجتمعة… ……..

اسرائيل ياشيخ عثمان لا تخشي تهدينا لها بالمنع من الطعام فهي ايضا دولة زراعية من الطراز الاول……. اظنك لم تشاهد المستعمرات التي بنتها اسرائيل في سيناء خلال فترة الاحتلال…..لم تكن مستعمرات فقط ولكنها كانت بؤر اقتصادية من الطراز الاول……بعد انسحاب اسرائيل منها رجعت الى حالتها الاولي صحراء قاخلة ..

ان تقدم الامم معناه الحرية اولا ثم العلم ……