الجاز : الحدود مع الجنوب حددها الاستعمار. الذين يكيدون للسودان وشعبه وإمكاناته أرادوا أن يفسدوا العلاقة حتى تم الانفصال

وأضاف قائلا «إننا لن نفرط في شبر واحد من أراضي هذا الوطن الغالي، ولا حد من حدوده».

_________________________________________________________________________________
ياراجل تفريط أكتر من كدا شنو تانى إنتا فرطت فى تلت البلد !!!!

وأضاف قائلا «إننا لن نفرط في شبر واحد من أراضي هذا الوطن الغالي، ولا حد من حدوده».
يا اخى استحى على وجهك
انت فرطت فى تلت البلد
وان لم تستح فاصنع ما شئت.
اللهم نسأبك اللطف فى القضاء.

ملاحظات :

أن إنتاج السودان من النفط يبلغ بنهاية هذا العام 180 ألف برميل يوميا،،،،

كلام ما معروف بدون مقاييس و بدون توضيح الحقائق و حسب تعليق الاخ (شكلي ناسي حاجة) أي كلام وان صح قائله

الحدود بيننا وبين الجنوب حددها الاستعمار ،،، صحيح الاستعمار حددها مدن و قرى لتقليل الجهد الاداري يعني مش عبء اداري و المعروقان تقسيم البلاد يتم عن طريق جهات مختصة مشهود لها بالكفاءة يعني حكام اجانب

إننا لن نفرط في شبر واحد من أراضي هذا الوطن الغالي، ولا حد من حدوده».،،،نيفاشا و الجنوب و الفشقة و جزيرة مقرسم و سوق الخرطوم و حدائق الحيوان و ضفاف النيل حلايب مامشكلة طالما ترعاهم مصر ليس عليهم نهب و سلب من قبل الكيزان ،،، حاليا شارع النيل للبيع و لمن للهاربون من دولهم يعني غسيل اموال و لن نفرط دي معناها أي مكان

وبالضرورة التأكد من أن العلاقة والجوار محصنة وآمنة وليس هناك خصومة ولا اعتداء ولا عميل بيننا ولا دسائس بيننا، وهذه أسس قيام علاقات بين دولتين، ثم تأتي بعد ذلك قضايا البترول والتجارة وحركة المواطنين». ،،،،،،،،،،العنى واضح عرفنا اسس قيام العلاقةالتي بنيت على السلام

إنه لا تنازل عن قرارنا وإننا نحكم ونطور بلدنا من دون أن نتعالى على أي شخص،،،،،،، دي على وزن البلد بلدنا و نحن اسيادها

وأعاد الدكتور الجاز إلى الأذهان أن هذه العلاقة كانت في الأصل قد بنيت على السلام قائلا «وإذا الأمر كان حربا فنحن هزمناهم حتى الحدود الجنوبية، ،،، بدون تعليق و السلام سلامك و الكلام كلامك عشان كدا وجه السودان المشرق معكوس للعالم الخارجي سلة العالم كمان قال حشرات

يعني وزير بتاع كلو و كلهم على هذه الشاكلة ،، تصاريح متناقضة لدرجة قف تأمل ،، بعض الشباب كونوا حركة باسم قرفنا يعني منتهى الانحطاط

الحدود حددها الإستعمار نعم وعلى الجنوبيين إحترام ذلك غير ذلك نحن لا نرضى بإي حدود شمال بحر العرب
ولكن على الجاز وأعوانه أن يفهموا أن هذا البترول مسروق وماله خارج السودان وهذا ما نريد فهمه
وحدود الإستعمار نحترمها لسبب واحد هو ان بلادنا كبيرة ليتنل نستطيع تعميرها
والشعوب المجاورة لنا نأمل أن نتحد فى المستقبل بعد تحديد الهوية التى هى أيضا تتبع الحدود الإستعمارية —- غير ذلك بالرجوع للمملكة السنارية ومملكة العبدلاب كل منخفضات ارتريا وجزء كبير من من الكرمك حتى بامبسي فى اثيوبيا وغيره كثير مما تخلى فية التعايشى
الجنوبيين مهما عملوا لن يجدوا خيرا من الشمال واهله
واهل الانقاذ لهم راي اخر فى مرور البترول لاننا لسنا بالعبط الذى يجعلنا نصدق مرور البترول بهذا الثمن —-
هناك ثروات كثيرة مشتركة بين الشعوب برا وبحرا جوا
المهم رجوع المال للشعب والسودان لسه فيه بترول كثير وعلى الجنوبيين حل مشاكلهم بدلا من المراوغة لمسايرة اهل الانقاذ الساقطين مهما عملوا من حروبات وحيل

والله حكومة الكيزان دى مبروكة..يعنى شوف لما الحركة انسحبت من هجليج..وعوض الجاز سافر..قبل الحرب كان انتاج هجليج 50% من انتاج السودان البالغ 110 ألف برميل يوميا..يعنى هجليج قبل ما ناس الجيش يجرو يسيبوها كانت بتنتج 55 ألف برميا فى اليوم..سافر الجاز بعد انسحاب الحركة الى هجليج ومن هناك صرح انو..مركز التجميع تم تدميره بالكامل ..محطة التحكم اتدمرت..الأنابيب الناقلة للنفط اتدمرت..محطة توليد الكهرباء والمكونة من سبعة مولدات مجمعة دمرت بالكامل..كما تم تدمبر خزانين للوقود سعة الواحد التخزينية 50 ألف برميل..أمين حسن عمر قال الاصلاح يحتاج 6 أشهر حتى ترجع الكمية المعالجة والمضخوخة كما كانت عليه قبل الهجوم على هجليج..على عثمان قال فقدنا شفرة التشغيل..كل ده وببركة أيدى سودانية خالصة..الجاز فال صلحو فى أسبوع..طبعا بدعوات الصافى جعفر..ياخ قال ليك لما المهندسين السودانيين وصلو هجليج لقوا القرود قافلة الشقوق الفى الخزانات والأنابيب..لقوها ليك قافلنها بايدينهم..بركة يا شيخنا..بعد أسبوع من الشغل ..عاد الضخ زى ماقال الجاز..لاستة أسابيع..لا ستة شهور..أسبوع واحد..بأيدى سودانية..وجنودا لم تروها..كمان مش رجع الانتاج 50 ألف زى ما كان قبل الهجوم..لا..زاد زيادة..حكمة ربك..فى نادى النفط الجاز بشرنا انو بس بدعوات الفقرا ديل..ناس عبدالحى ومحمد عبد الكريم.بدعواتهم..الانتاج بدل كان 55ألف برميل فى اليوم من حقل هجليج زاد بعد الدمار ده كلو بقى 80 ألف برميل فى اليوم..بس نحن فى نادى النفط مافهمنا كلامو..يعنى هو قاصد 80 ألف برميل من حقل هجليج فى اليوم..بالقديم..وللا الجديد!طبعا فى نادى النفط الريس كرم الجاز وأداهو وسام اسمو (وسام ابن السودان مدور الابار وزايد العبار)!!والريس برضو فى نفس اللقاء قال قتلنا من الحركة2000..ودفناهم..وهسع هم سماد فى هجليج..شيخ الجاز سمع الكلام وضحك ..ضحكتو المصور بيها فى الراكوبة..فى نفس اليوم الجاز عندو مقابلة فى(مؤتمر اذاعى)..ال80 ألف زودها زيادة..قال بنهاية العام ح بكون انتاجنا من النفط 180 ألف برميل فى اليوم..يعنى ما كل الأسعار فى زيادة اشمعنى البراميل..طبعا من ناحية علمية بحتة..الجثة بعد دفنها بتتحول لسماد وبعدين بترول..المدة البتاخدة الجثة الواحدة عشان ماتتحول بترول ..بتعتمد على نوع الأرض..وبما انو أرض هجليج خصبة وصالحة لانتاج النفط..الجثة الواحدة المدفونة فى هجليج بتاخد شهرين عشان تنتج 12 برميل نفط فى اليوم..وبتاخد 4 شهور لتنتج 24 برميل فى اليوم من مزيج(برنت) عالى الجودة..و6 شهور عشان تنتج 36 برميل فى اليوم..اذن الجثة الواحدة المدفونة فى هجليج فى 6 شهور حتنتج 36 برميل فى اليوم..اطرح من ال36 برميل..أو عدد واحد برميل تلحسو القرود ..يفضل معاك 35 برميل فى اليوم..أضرب 35 فى 2000جثة يطلع معاك 70 ألف برميل فى اليوم بعد 6 شهور اللى هى نهاية العام زى ما قال الجاز..ضيف 70 ألف ل110 ألف اللى هو انتاجنا قبل أحداث هجليج يطلع المجموع بالضبط 180 ألف برميل فى اليوم..والله حكومة نجيضة نجاضتن..ومبروكة..بعد ده بنحتاج صينيين ولا ماليزيين ولا هنود يطلعو لينا بترول..يازول قرود سودانية أصلية مية المية,,وبعد ده محناجين (complex oil code )!!فاتحات من درمة ودفع الله..ولا شفرة ولا غيرو!!!!!!!!!!

لم يكيد لوحدة السودان حتى حدث الإنفصال إلا هاذين الأبالسة الإثنين الفى الصورة. لعنة الله تغشاهم دنيا و آخرة.

اقتباس :(الذين يكيدون للسودان وشعبه ارادوا ان يفسدوا هذه العلاقة بين الشمال والجنوب حتى تم الانفصال ) .. اعتراف ضمنى بسكوتكم ووقوفكم جميعا ضد وحدة البلد وانتم تهللون خلف منبر العداء الضلالى بقيادة الخال الرئاسى.. وشهد شاهد من اهلها.. والتاريخ لا يرحم .

اللهم انك تعلم ان هؤلا فى الصور اعلاه راس الفتنة اللهم اخذهم وارح عبادك الذين لا حولة ولا قوة لهم الا بك

والله كل تعليقاتكم تدل على ان بكم مشاكل لا حد لها ربنا يشفيكم