أبدت القيادية والبرلمانية عن حزب المؤتمر الوطني، عائشة الغبشاوي، دهشتها من توفر كل عوامل النجاح لدولة مثل السودان تمتلك موارد مهولة، وأضافت (لدينا 18 ولاية منتجة وذهب وبترول وثروة حيوانية وأراضي صالحة للزراعة يمكن أن تحقق اكتفاء ذاتي من القمح ومن كل منتج لكن ليه وصلنا للمرحلة المتأخرة دي ما عارفة وبقت قضية غير مفهومة وأنا من ناحية علمية أقول كأنما هنالك أيادي ماسونية تحاول جر البلد إلى الخلف). وطالبت الغبشاوي، بقطع أيدي (القطط السمان)، لردع آخرين قد يسلكون نفس المسلك، كما طالبت بوضع قانون قوي وصارم لمحاسبة المفسدين وتفعيل مبدأ (من أين لك هذا؟) لمعرفة مصدر المال.
وقطعت الغبشاوي ، بأن غياب المرجعية الإسلامية لحزبها هو الذي أوصل البلاد إلى هذه الأوضاع، وأرجعت انهيار الخدمة المدنية في السودان إلى (التمكين والترضيات والتسويات)، وعزت تغيب قيادات بارزة بالحركة الإسلامية عن المشهد السياسي، إلى شعورهم بـ(الإحباط).
صحيفة مصادر
تبرير وراء تبرير و بحث عن اسباب متخيلة و غض الطرف عن الاسباب الحقيقية. الماسونية لو كانت حقيقة فهي ليست بحاجة للعمل على تدمير السودان. يوجد البشير و المؤتمر الوطني و الحركة الاسلامية و عائشة الغبشاوي للقيام بدور تدمير السودان. شعور بالاحباط و ليس شعور بالذنب، ياخي انتو كائنات غريبة و شاذة و عندكم موات ضمير و قلة حياء و صفاقة لم يعرفها بلد من بلتد الله. تبا لكم
قبل سنتين بس ما كان بتقول الكلام ده
انا و معى اخرون كنا حركة اسلامية و لكن عندما رأينا فساد و انحلال و قلة ادب هذه الحركة المأفونة فضلنا الانتماء الى فصيلة الجن لان هذه الحركة قد اساءت لفصيلة البشر كثيرا و عندما انتمينا لفصيلة الجن انا كنت من جنون صحراء بيوضة و لكن نسبةة لممارسات حركتكم الزفتة فضلت الهجرة الى خارج حدود الوطن و نسبة لانى انتمى الى جنون الصحراء فلذلك انا الان امكث فى صحراء نيفادا بالولايات المتحدة الامريكية و اعمل فى التصميم الهندسى فى المجال العسكرى و الحربى و أقوم بتصميم الطائرات و البوارج و الصواريخ الذكية لصالح الدارة الامريكية و الان انا مرتااااااح من استفزازكم من قطع رقبة و قطع لسان و كتائب ظل و اساءاتكم على شاكلة شذاذ افاق و خونة و مندسين و قصاص و الذى يعنى قتل و اعدام و اضانى ذاتا بردت.
فاتك القطار ياحاجة ،، ده كان زماان ، قالت احباط ههههههههه ،، المومن الحق ورجل الدين لايصاب بالاحباط ياكوزة
الحركة الإسلامية هي سبب كل البلاء. هي من قامت بالانقلاب وهي من أتت بكل المفسدين . والمفسدين او القطط السمان هم قيادات الحركه الاسلاميه. لا حديث تكثر عن الحركه الإسلامية أو الإسلام السياسي نحن مسلمين والحمد لله رب العالمين أن كان عندكم دعوه مجال الدعوه مفتوح
كفاية يا حاجة عشة انو فضل محمد خير زعيم زعماء الكدايس صديق شخصي وحميم جدا للبشير بحسب كلام البشير نفسو في قناة المستقلة قال طوالي بقابلوا وبكلفوا بمهام اها تاني تتوقعي شنو؟؟
[وأضافت (لدينا 18 ولاية منتجة وذهب وبترول وثروة حيوانية وأراضي صالحة للزراعة يمكن أن تحقق اكتفاء ذاتي من القمح ومن كل منتج لكن ليه وصلنا للمرحلة المتأخرة دي ما عارفة وبقت قضية غير مفهومة وأنا من ناحية علمية أقول كأنما هنالك أيادي ماسونية تحاول جر البلد إلى الخلف). وطالبت الغبشاوي، بقطع أيدي (القطط السمان)، لردع آخرين قد يسلكون نفس المسلك، كما طالبت بوضع قانون قوي وصارم لمحاسبة المفسدين وتفعيل مبدأ (من أين لك هذا؟) لمعرفة مصدر المال.
وقطعت الغبشاوي ، بأن غياب المرجعية الإسلامية لحزبها هو الذي أوصل البلاد إلى هذه الأوضاع]!!!!!!!!!!!!!!!!!!!!!
أسئلة بريئة:
1- عدم المعرفة و قلة الفهم ديل كانوا معاك من زمان ولا جوك بعد سن اليأس و إنقطاع الحيض؟ … مصيبة كبييييييييييييييييييييييييييييييييييييرة!
2- وين العلمية في جر الماسونية للبلد للخلف؟ … تخاريف زنقة!
3- ليه وضع قانون قوي؟ وين القوانين القطعتوا بيها الأيادي من قبل عشان شوية جنيهات و أعدمتوا بيها ناس في عملة حقتهم مش سرقوها أو نهبوها و لا جابوها من رشوة أو إختلاس و لا من (حقي برة)..؟ ولا قططكم السمينة دي (و هي منكم و فيكم) ليها سبعة أرواح و كل روح دايرة ليها قانون براهو؟ … تحلل و تسويات و حاجات عجيبة … أصغر قط منكم دفع تسوية (50) خمسين مليون دولار..و مرق!!! …بس ده يكون لغف كم؟… وهل يا ترى الكم الهائل من العربات (جياد و خلافها) الهدايا لأولاد و بنات و نسوان المسئولين لزوم التساهيل و التجاوز تم حصره في العمليه دي و لا (المسكين) حقو راح؟!؟ ….. ما لدنيا قد عملنا!!!!!!!!!!!
4- بالله عليك ورينا مرجعيتكم شنو؟ لأنه فعلا و تأكيدا لقولك البتعملوا فيهو ده ما عندو أي علاقة بالإسلام و لا بأي شريعة أخرى حتى شريعة الغاب أشرف من البتعملوا فيهو ده و العياذ بالله!!
5- كلامك ده ليه ما قلتيهو في محل ختوك يا حاجة؟ إنت قاعدة في برلمان ولا حفرة دخان؟ …..تقعدي في اليحرق حشاك….قولي آمييين يا ضلالية.
اللهم ربنا فاطر السماوات و الأرض عليك بهم …إنهم لا يعجزونك يارب
تسقط_بس
الكوزة دي ما عارفة الراجيها
عدم ظهورالقيادات الإسلامية البارزة سببه أنهم هربوا من السودان لكن إنتي
أرجينا بس
والهربوا بنجيبهم بس
و تسقطوا بس
Well Said Adolf
حامد أخوي ما تحط من قدر بشة بتضخيم هذا القط الصغير بترفيعه و لو لمجرد كديس عادي مش زعيم زعماء الكدايس فكدايس الإنقاذ فصيلة نادرة ذات مقدرات عالية للهبر المصلح زي مليارات البترول و أطنان الذهب و ما خفي أعظم. أما من وصفته فهو قط وديع سمن من لهطاته السريعة المتنوعة فمن ميزاته إنه (ما عواف) يلهط كل ما يجد بس بمقدار: شئ عطاءات إمدادات، خاصة وارد برة، و شئ أراضي من ميادين الجريف و ساحات الخرطوم و أمدرمان و بحري مرورا بأراضي شارع النيل و جامعة الخرطوم بمجمعاتها و هلمجرا، وشئ شركات اتصال و شئ بنوك و كلها هبرات قط خفيف الحركة أدت به إلى السمنة. بس و هو في لهطه ما زي الكدايس فهو غالبا ما يرمي ببعض مما يلهط للصارقيل و الجرابيع شئ مصاريف جيب و رحلات خارجية و شئ هدايا (للأسرة) مجوهرات و عربات و خلافه لزوم التسهيلات و التغطية إذا لزم الأمر و دوام (المودة) و هو حريف و (حويط) يوثق لكل معاملاته و هداياه و يحتفظ بملفات لكل من تعامل معه لذا فهو يلهط و يلبع في ثقة و أمان تامين. و يقول راصدو مكتبه أن المترددين على مكتبه هم من علية الإنقاذيين منهم من يهدد الثوار هذه الأيام بالويل و الثبور وعظائم الأمور. لذلك لما طلب أن ترفع عنه حصانة البرلمان للتحقيق معه كانت أموره مظبطة و كانت المسرحيه من شاكلة أذهب للقصر رئيسا و انا في السجن حبيسا فكلهم تلامذة ذاك الهالك!!
إن هؤلاء القوم دنياهم عجيبة و فعلهم شنيع بل هم الأيادي الماسونية التي ذكرتها حاجة عشة في تغابي مقصود لكن الحمد لله كل الوسخ ظهر للعيان.
أبدت القيادية والبرلمانية عن حزب المؤتمر الوطني، عائشة الغبشاوي، دهشتها من توفر كل عوامل النجاح لدولة مثل السودان تمتلك موارد مهولة،
مندهشة لي شنو ؟؟ انتو ما عارفة البلد دي مليانه خير وواعدة ،، وانتوا الحطمتوها وبركتوها ،،، ياختي احتفظي باندهاشتك لي نفسك ،،، ربنا بنتقم منك ومن زمرتك ..
يا الغبشاوي وغيرها يا اخي حركة اسلامية شنو الشابكننها فيها دي ؟
يا اختي ما في انسان يقول انا مسلم ويأتي الى الحكم عن طريق الخداع والمكرا اطلاقاً لا يمكن يكون مسلم وعايز يطبق الاسلام ثم يكذب على الشعب وما في حاجة اصلا تخليه يكذب ويستمر بالكذب فالترابي مخادع وكذاب والبشير كضاب ومخادع وكذاب ؟ لماذا تتعامل الحركة الاسلامية بالتستر على سواءتكم ومخازيكم وطاماتكم .
اليس التستر نوع من الكذب والخداع والمكر؟؟ لماذا انتم ساكتين عن قول الحق وعن المخازي التي ارتكبتها الحركة الاسلامية في مجال الاقتصاد والسياسة ورمي البلاد في احضان القوى الاخرى وتكفف الاخرين ؟؟ واين مال البترول والذهب ؟؟
كيف تريدون من الله ان ينصر السودان واهله وانتم اسوا من مشى على الارض في الكذب والخداع ؟؟ كيف تريدين من الله ان ينصر حركة مخادعة ماكرة شغلها كله بالدس والتستر على اعمالكم ..
الزولة دى عاملة فيها رايحة وهى ومن معها هم اس البلاء ، وهى مشاركة بكل قوة في مصائب البلد دى ومعاها زوجها المتطرف عبدالرحمن إبراهيم الكان نقيب المحامين بالتزوير وهسع جابوهو عميد كلية القانون جامعة الخرطوم عشان يدمرها زيادة عامل دقنو الشينة دى
ليك التحية الاخ كاظم والقول ماقلت وهؤلاء استباحوا الحرمات ما ظهر منها وما بطن