منح أحزاب الحوار الوطني 15% في المجالس التشريعية … كاريكاتير عبيد

هههههه لو اى واحد جاب معاهو كرسى من البيت لكن دا برضو ماحلل عشان المحل ملايانه كراسى .خمس بس

اليست المسألة “استرداف” ؟ الماسوره والسرج الورانى كفايه.. بيشيلوكم!

تنبيه للأعضاء القدام خاصة ناس مهدي إبراهيم.. أبقو عشرة علي عصيانكم وشالاتكم..الجماعه ديل جايين ناشفين ومفلسين وداخلين يخموا…..( أكان خليتو ليهم حاجه )

داهيه تخمكم كلكم..

وطبعا توصية الحريات في الحوار الوطنى تاتى كملحق ينظر فيها بعد ان يدخل هؤلاء ويتزوقوا من جرة العسل الحكومى وينامون فيه وينسون كل شى عدا الكراسى الملتصقة بمؤخراتهم , هكذا يخطط المؤتمر الوطنى وسينجح لانه يعلم مع من يتعامل .

كل واحد شارك في الحوار نفس واحد من التخميسه،،، الله يقرفكم يا بتاعين الكرته

الجماعة ديل كنت قايل خلو ليهم وزارة الدرداقات هههه اتاريهم مخمسين في التشريعي بس ما تجيبو لينا تشريع مخمس هههه
الكيزان عديمي التربية والتعليم قالو يستفيدو منكم تمصرو مخكم عشان تصلحو الخربو ده كان فيكم مخ يتعصر ….. اخ من بيع الرخيص والمشي ورا السراب وانتظار عطف الابالسة

منعول أبو الأمل البيشهد زور مع المجرم.

لمتى يتصارع ساسة السودان من اجل كراسي الوزارات لمتى نحن نريد وزراء اعملوا بلد وليس حكومة جاهلة :

الشعب يريد تكوين حكومة بها علماء مخلصين حادبين وهمهم وقلوبهم على صنع بلد اسمه السودان واخراج اهله من الازمات التي لاحقته طوال فترة وجوده بين الامم

لمتى يتحارب الناس من اجل الكراسي يا بلد ؟ ومتى يكون لنا بلدا مثل البلدان التي من حولنا :

نريد حكومة تدع المواطن يتفرغ للانتاج والتقدم والتطور المنشود فمتى يكون ذلك؟

نريد حكومة ترفع عن المواطن الغلاء والجوع والمرض الذي ضرب البلاد واهلها ؟؟؟؟؟

فمتى يفهم ساسة السودان ومعارضيه من احزاب وحملة سلاح ؟ هل انتم من اجل انفسكم واهلكم اتيتم ام من اجل السودان كله؟

قلبي على وطني يموت على رصيف الانتظار يا حكومة ؟

لمتى الحروب يا ساسة السودان ؟