ياسر عرمان : أيها السودانيون أحييوا ذكرى معركة النهر الثانية
ياسر عرمان : أيها السودانيون أحييوا ذكرى معركة النهر الثانية
بعد طول غياب
ولتكن عنواناً لحق المواطنة والمحبة والسلام
فى 27 و28 / نوفمبر الجارى تمر الذكرى (86) لمعركة النهر الثانية التى قادها القائد عبدالفضيل الماظ سليمان عيسي المولود لابوين من النوير والمورو والتى شارك فيها مايزيد على (60) من خيرة أبناء شعبنا ولعلها المعركة الحربية الوحيدة التى دارت بين شعبنا والاستعمار البريطانى فى قلب الخرطوم وقادها متعلمين ومثقفين وأفندية !! .
قرب النهر عند مستشفى الحالى وقد شارك فيها سودانيون من مختلف أنحاء السودان !! وبعد نفاذ الذخيرة طلب عبدالفضيل الماظ من الذين تحت إمرته الانصراف وواصل المعركة حتى الجمعة 28/نوفمبر /1924م لم يجد الجيش الانجليزى طريقة للقضاء عليه إلا عبر إستخدام المدفعية وهدم مبانى المستشفى فوقه وإستشهد القائد عبدالفضيل الماظ سليمان عيسي فوق مدفعه (( المكسيم )) وهو يومذاك ابن (28)عاما فى ريعان الشباب وكان عبدالفضيل الماظ مثقفاً واللافت للانتباه زيارته مصر قبل عام من الإستشهاد1923م وهى فى اوج مدها الوطنى الجارف انذاك بقيادة الزعيم سعد زغلول وعمل عبدالفضيل فى سنواته المضيئة والقصيرة فى راجا واو وتلودى وحامية الخرطوم .
وبعدها تمت إعدامات بري الشهيرة للقادة الشجعان الذين شاركوا فى معركة النهر -ثابت عبدالرحيم وسليمان محمد وحسن فضل الموالى وقد أتي الانجليز من السجن بالزعماء على عبداللطيف وعبيد حاج الامين لحضور الاعدامات أمعاناً فى الانتقام وقد نجا من الضباط القائد سيد فرح إبن ((دلقو المحس )) الذى وبأوامر من عبدالفضيل الماظ قطع النهر سباحة وانضم للقوة المصرية وذهب معها الى مصر وشارك فى ثورة عمر المختار وعاد الى السودان فى الخمسينيات وحسناً فعل اهل ((دلقو المحس )) مؤخراً بإفتتاح كلية سيد فرح الجامعية بدلقو المحس فى إحتفال مشهود .
بعد ذلك تم ارسال قادة حركة 1924م أولى بدايات احزاب السودان الجديد الى واو وتم إطلاق سراح معظمهم بعد إستشهاد عبيد حاج الامين فى سجن واو1932م ما عدا على عبداللطيف الذى مات سجيناً ووحيداً فى اكتوبر 1948م بالقاهرة وقد قمنا فى عام 2009م مع حاكم غرب بحر الغزال مارك نيبوج بزيارة سجن واو وتجديد مقبرة القائد عبيد حاج الامين ووضعنا عليها اكليلاً من الزهور عنواناً لعلاقات لاتنقطع بين شمال وجنوب السودان ونحى الان ايضا ذكرى القائد عبدالفضيل الماظ ورفاقه ذكرى معركة النهر التى جمعت السودانيين شماليين وجنوبيين ورغم الغبار الذى إمتد عبر السنوات لحجب الرؤية عن شعبنا حول المعانى والدلالات الكبيرة لحركة 1924م كحركة وطنية حديثة تسامت فوق (( الاثنيات )) و((القبائل)) وإمتدت جنوباً وشمالا وشكلت بدايات احزاب وحركات السودان الجديد .
واليوم حينما تثار اسئلة المواطنة والبلاد على مفترق الطرق واحقية الجنوبيين فى الشمال والشماليين فى الجنوب فى الجنسية فلابد من رفع راية حركة 1924م عالية ضد الشوفنية المريضية والقومية الضيقة فتاريخ العلاقات بين السودانيين ضارب فى الجذور واعماق التاريخ واي ترتيبات سياسية جديدة او قديمة وحدة اوإنفصال لاتنال منه بل يجب ان تأخذ الترتيبات السياسية والادارية تاريخ العيش والنضال والمصالح المشتركة بين السودانيين فوق كل إعتبار وعلينا جميعاً النضال من أجل التعايش المشترك والسلام الدائم والعدالة الاجتماعية والديمقراطية ونبذ الحروب والمطالبة بحل قضية المواطنة والجنسية لمصلحة مستقبل السودان بعيداً عن المررات وضيق الافق وفى إحترام لحقوق الانسان وتاريخ السودان .
وندعو السودانيين فى الداخل والخارج الوقوف لحظه تمجيد فى يوم الاحد 28/نوفمبر القادم تحية وإجلالاً لأبطال معركة النهر كل على طريقته افراداً وجماعات .
عاشت ذكرى معركة النهرالثانية
عاشت ذكرى ثوار حركة 1924م أولى حركات وتنظيمات السودان الجديد
ولتعش الاخوه الشريفة بين السودانيين
ياسر عرمان
نائب الامين العام
عضو المكتب السياسي
للحركة الشعبية لتحرير السودان
الجمعة : 26 / نوفمبر /2010م
أخى محى الدين /لو قرأت كلام الاخ ياسر عرمان بتمعن لايقنت أنه لايقصد الجهوية من
ذكر قبيلة ونسب عبدالفضيل الماظ بقدر ما تذكير الناس واهل الشمال بالذات ببطولات
وتضحية نصفهم الثانى الجنوب وطبعا ده حق مشروع ولاشنو؟؟؟
اما كراهية الكيزان فواجب على كل ذى بصر وبصيرة ولا يبادل هؤلاء القوم عكس ذلك
الا منافق او منتفع اوجاهل ___ ولكن لاأتفق معك بكراهية شماليى الحركة بالذات فى
هذه الايام وبعد كشف نوايا الكيزان ___
لا احقيه لجنسيه ولا مواطنه لمن يشعر من دواخلة انه لا ينتمي لهذا الكيان وطالب بالانفصال وبعد الانفصال الجنوبي جنوبي والشمالي شمالي نحترم بعض نحب بعض نتزوج من بعض …بس اهم حاجه كل زول عارف حدوده يبداء من وين وينتهي وين….ولا شنو يا استاذنا ياسر
دخلك شنو بالبطل الشهيد عبد الفضيل الماظ ؟؟؟؟؟اول حاجه عبدالفضيل محسوب علينا يعني شمالي ثاني حاجه هو حفيد بطل حرب المكسيك الماسي بك يعني ما تقعد تقول جنوبي وبطيخ الجهاديه سلاله من جلبوا ايام محمد علي باشا وما معروف من النيل الازرق او جبال النوبه ماتألف تاريخ من رأسك ثالث حاجه الرجل استشهد وهو يقاتل اعداء بلده من اجل كل السودان مش زي سعادتك
التحية والاجلال لابطال ثورة 24 والتحيه لكل الشرفاء المناضلين من السودانيين و عاش كفاح الشعب السودانى
التحية لكل شهداء الوطن من البطل ألماظ الى محمد فقير ورفاقه بكجبار وأمرى …والخذى والعار لشذاذ الاّفاق من زبانية نطام الفصل العنصرى الأنقاذى..
الاخ المناضل ياسر عرمان
لك التحية وأنت تحيي ذكرى معركة النهر الثانية
عشت يا ياسر للسودان
طبعاً جماعة أهل التمكين يحتفلون فقط بأيام تشطيب العمارات وتبديل موديلات الفارهات
ديل سيبك منهم
قادين في مادة التاريخ
ومقطعين مادة إسمها (التدليس بإسم الدين للحفاظ على مال التمكين)
لا احقيه لجنسيه ولا مواطنه لمن يشعر من دواخلة انه لا ينتمي لهذا الكيان وطالب بالانفصال وبعد الانفصال الجنوبي جنوبي والشمالي شمالي نحترم بعض نحب بعض نتزوج من بعض …بس اهم حاجه كل زول عارف حدوده يبداء من وين وينتهي وين….ولا شنو يا استاذنا ياسر
حصة التاريخ دي كلها يا ود عرمان عشان الجنسية؟ خمسة سنة ويادوب جاي تقول احتفلوا ؟ يارااااااااااااااااااااااااجل
ياريت يا ود عرمان تحكي القصة د لي باقان وكل الانفصاليين
والله يا ود عرمان الكيزان ديل ما مضمونيين بعد الانفصال شكلك حتستقر في دولة السودان الجديد(الجنوب) وتريح نفسك
والله الزول دا مدرسة تاريخية ………. من يذكر هذا التاريخ الا انسان يعلم جميع اجزاء الوطن ……. اتحدى لو عمر البشير عارف منو هو زاتو عبدالفضيل الماظ ……… اعتقد انو المقولة " الشعب شعب عظيم يتقدمه الغوغاء " على حق ….. ناس البشير و عبد الرحيم . شكرا لك ياسر ما نسيت لنا تاريخنا و كل مرة تذكرنا بفصل منسي منه و تحيه لنا … اتذكر انطلاقة حملتك الانتخابية من دار علي عبداللطيف بالموردة …. اما بشيرنا فانطلقت حملته بالرقص و الهتافات الجوفاء من غير دلالة على ما سيقدمه لهذا الشعب ……… اللعنة لاهل المؤتمر اللاوطني …. و التجلية لجميع شهداء الوطن ممن ناكفوا هؤلاء المشوهين.
جاي تتكلم عن العلاقات بين السودانيين لتعيدها بمجرد اجترار ذكري عبدالفضيل الماظ . الراجل كان بطل ويؤمن بوحدة السودان وقاتل من اجله ولكنك قاتلت لتفتيته .. لا نعتقد ان هنالك احد في السودان يستطيع ان يهضم الاعيبك وخيبتك ….. ولا مكان لك عندنا فلك ان تنضم لاصهارك او تهاجر لاي بلد اخر فالشعب يدرك ويعي جيدا ماحدث وماسيحدث منك
لك التحيه ايها القائد لانك لم تكتب يوم عن قبيله او جنس اودين ولا حتي عن نفسك فكلما كتبت تتعلم اجيال انا عمري اربعين عام ودرست خورطقت وج الخرطوم ولم ندرس معركه هذا النهر فقط عندما يخجل اولوا الامر ياتي ذكر احد ابطالها بكلمات خجولات دون وميض فلك التحيه وللنهر والمستشفي الف تحيه ومازال النهر يجري والاسبتاله شامخه منتظره ان يطل الصبح وان ياتي المخاض الي كزدفان كي تلد من يقود معركه التل ويا شمس الحريه اطلعي
الاخ (محى الدين) المعلق أسفل __ التاريخ ماعايز مغالطة ومافى زول بيقطع التاريخ
من رأسه____ المعلومات الذكرها ياسر عرمان صحيحة وسليمة 100% ومافى داعى
تجى ناطى وتهاجم فى الفاضى فقط علشان كاتب المقال (ياسر عرمان)_____
مفروض الواحد يتكلم ويناقش فى الموضوع وابعاد البغض والكراهية للاشخاص __
والتاريخ بالذات لايحتمل المغالطة ولاشنو يا (محى الدين افندى)؟؟؟؟
ثم مفروض علينا جميعا الالتزام بأدب الكتابة والابتعاد عن الافاظ الغير لائقة ____
الاخ قرفان من الكيزان لك الود والاحترام يوجد كتاب لكاتبه مصريه لايحضرني اسمها حاليا تحدثت فيه عن الاورطه السودانيه التي ارسلها الخديوي اسماعيل للمكسيك لمساعدة حلفائه الفرنسيين وتحدثت عن بطولاتهم وورد ذكر الماسي (الماظ بنطقنا) بك وكان يوزباشي وذكر ان من سلالته البطل عبدالفضيل الماظ وانا كان قصدي ان ادحض فكرة تجنيس البطوله وتحويل تضحية الرجل من اجل كل السودان لقضيه قبليه وجهويه وبعدين انت قرفان من الكيزان انا قاعد اطرش منهم وكراهيتي لشماليي الحركه لاانكرها