تعليق الدراسة بجامعة الخرطوم..والطلاب يعتصمون – صور –

ياريت لو ماحلاها كان يكون حلاها ……….بتشديد اللام…………….وذي ماقلوا اهلنا تنقد الرهيفه ماتتلتق………………….

اصلاً هي البلد سافينها وماكلين كل خيراتها الطلبة ديل بيعتصموا عشان شنوا وعايزين شنوا يعني هو أصلاً ناس الحكومة ديل خلوا فيها حاجة ؟؟؟ ما لحسوها كلها وخلوها ليكم عضم بس يا ناس بالله عليكم ده مش ياهو المثل البيقول ((( بتنفخوا في قربة مقدودة ))) والله يا ناس مافيء أي فايدة من الإعتصامات حقتكم دي مافيش فايدة بالله عليكم خلونا من الفارغات وشوفوا دراستكم هو أصلا مافيش حاجة ومافيش فايدة والأعتصامات عشان شنوااااااااااااااااااا ؟؟؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ضاقت ولما استحكمت حلقاتها …. ضاقت وضاقت وضاقت … بإذن الله تعالى كل المغلوب عليهم سوف ينصرهم الله سبحانه وتعالى وخلاص يا ناس قدر الفيها خلوهوا ليهم عشان الماشبع يشبع والله يكون في عون السودان ..

والله انقياد لاعلماء للسياسين دي اكبر مصيبة بعد كل هذه المصائب ….. يعني شنو إجراء الإمتحانات خارج جامعة الخرطوم وكمان في جامعة الرباط باعتبارها جامعة عسكرية
والله الواحد يخاف يكون الامتحانات في القيادة العامة
والمراقبين عساكر

رحمتك ربي

أن لم تتحدوا سيقتلونكم جميعا —انهم إقتالوا خليل غدرا لأنهم لا يستطيعون الوصول اليه حربا — واليوم يشكون من دخول قواته جنوبا
انهم يقتلون غدرا ويقتلون العزل فقط
إتحاد الشعب السودانى مهم لإيقاف القتل
الرجاء تصوير القتله لا المجنى عليهم هذا مهم
تعرفوا على شخصياتهم وأفضحوهم بأسمائهم ومن اين اتو
لا تترددو فى كشف المجرمين
اننا شعب يعرف بعضه بعضا

يا جامعة ثوري ثوري ضد الحكم الدكتاتوري

مدير الجامعه يتم تعينه من رئيس الجمهوريه والرئيس لن يفرط فى جامعه مثل الخرطوم

01- البشير يا أخوي سلام عليك …. أمورك دي كُلّها مقلوبة رأساً على عقب ….. أوّلاً جامعة الخرطوم دي أهمّ من الجيش وأهمّ من الشرطة وأهمّ من أجهزة الأمن …… دي معلومة كان ما عارفها أحسن تعرفها …. وبالمُناسبة الحقيقة دي غير قابلة للنقاش والمُغالطات ….. لكن أنا غايتو تبرّعاً منّي لوجه الله وكدة …وإحتراماً لك كرئيس جمهوريّة ….. وكقائد عام للمؤسّسات العسكريّة السودانيّة …..وإنت كنت أنت من نصّب نفسه في هذه المناصب ….. وتريد أن تجلس على قمّة السلطة …. وأن تحافظ على السلطة لكيما تسلّمها إلى سيّدنا عيسى عليه السلام في آخر الزمان …وهذه الأشياء بالمناسبة لا تقبل الهظار ….. ..ولا أعلم ما الذي يجبرك على أن تفعل ذلك المُستحيل ……….. على كلّ حال أنا مُمكن أقول ليك ….. جامعة الخرطوم أهمّ وأعلى وأسمى من الحكومة والسلطة وكلذ الأجهزة التي أنت الآن على رأسها …… ببساطة … لأنّ العلماء هم ورثة الأنبياء …العلماء ديل ما ناس عبدالحي والحبر وعصام البشير وعلاء الدين …المقصود العلماء في كلّ أصعدة الذكر التي ينفع النّاس ……. وليس علماء الذكر في مجال الدين فقط …….. ما سمعنا حاجة إسمها العساكر هم ورثة الأنبياء ….. ولا الشرطة هم ورثة الأنبياء ….. ولا ناس الأمن هم ورثة الأنبياء …..اللهمّ إلاّ إذا ما كانوا علماء في مجال العسكريّة والشرطة والأمن…..وفي هذه الحالة عليهم أن يثبتوا بأقوالهم وممارساتهم أنّم علماء في مجال ذكرهم …وذلك بأحترامهم لجامعة الخرطوم صانعة العلماء …… يعني يا سيادة البشير جامعة الخرطوم دي كان قالت ليك رأسك مافي ….. أحسن تلمسه …. وكان قالت ليك صفا إنتباه للخلف دور ….. أرجو أن تفعل ذلك ؟؟؟

02- البشير يا أخوي …. جامعة الرباط دي عشان تخرّج علماء ….. ينبغي أن تكون تابعة لجامعة الخرطوم …… وليس العكس …. وكذلك الكليّة الحربيّة …. وكليّة علماء المخابرات والأجهزة الأمنيّة …. إن وُجدت الأخيرة دي ….. وأرجو أن تُستحدث إن لم تكن موجودة ؟؟؟

03- البشير يا أخوي …. جامعة الخرطوم دي مكسب كبير جدّاً ينبغي المحافظة عليه وتطويره …. وتعميم فائدته ….بعيداص عن عبث الإتّحادات الطلاّبيّة … وصناديق دعم الطلاّب ….. وتسقيط الطلاّب الذين لا ينتمون إلى المؤتمر الوطني أو الحركة الإسلاميّة …. وعدم إسكان جميع الطلاّب في الداخليّات ……. الكلام دا كبير جدّاً ….. لا يُمكن شرحه الآن …… لكن على كلّ حال ….. من الأفضل والأجدى للطالب السوداني وللسودان وللعالم … أن تكون الجامعات السودانيّة الأخرى تابعة لجامعة الخرطوم …. بدون أن نقول : جامعة الخرطوم – فرع الجزيرة …. أو فرع عطبرة ….. أو فرع أم درمان …. أو فرع بخت الرصا …. ؟؟؟

04- المطلوب الآن يا سيادة البشير أن تشرف أنت شخصيّاً على حل مشكلة جامعة الخرطوم …. حتّى يعود الطلاّب إلى أماكنهم …. والنظر في إدارة الإصلاحات الأخرى …؟؟؟

05- هذه الربكة من ورائها أجهزة حزبكم المُتآمرة عليكم …. يا سيادة البشير …. هم الآن يحملون الكلاسنكوف داخل الجامعة ….. من أجل صناعة المياه العكرة ….. هذا شأنهم وشأنك …… لكن الأعمي بيشوف الحكاية دي ….. والأطرش بيسمع بيها …. وهي قطعاً ليست في مصلحة الوطن …… جامعة الخرطوم بالمناسبة تحترم رؤساء السودان … إذا ما إحترموا أنفسهم …. وإذا ما كانت أجهزتهم مُحترمة ……. الآن طلاّب المؤتمر الوطني ينتحلون أجهزتكم يا سيادة الرئيس …. وهم غير مُحترمين ….. ولا يُمكن أن يكونوا مُحترمين ….. وبالتالي لا يُمكن أن يحترموا رئيسهم أو شيخهم أو أستاذهم أو زملاءهم ….أو حتّى بعضهم البعض ….. لأنّهم همباتة وربابيط وحراميّة ومُحتالين وبلاطجة …..ليس إلاّ ؟؟؟

06- التحيّة للجميع ؟؟؟