البشير : (الركب قطر مفاوضات الدوحة ركب والما ركب بي طريقتو).. (الداير يساعدنا أهلاً وسهلاً والداير يتحكم فينا الباب يفوت جمل)
كتب مركز حزب البشير (smc)
أكّد الرئيس عمر البشير رفضه لأيِّ إستفتاء في منطقة أبيي يستثني قبيلة المسيرية، وقال: لن نسمح بأن يُعامل المسيريون كمواطنين من الدرجة الثانية في منطقتهم. وقال البشير لدى مُخاطبته الجلسة الإفتتاحية لمجلس شورى المؤتمر الوطني في دورة إنعقاده الثانية العادية أمس: لا مجال لـ (لي ذراع الحقيقة) لأن تفسير قرار محكمة لاهاي بأنه أعطى أبيي لقبيلة دينكا نقوك هو تفسير خاطئ، وأشار إلى أن اتفاقية السلام الشامل هي المرجعية لأيِّ خلاف، وأكد البشير سعيه لإيجاد حل يرضي الدينكا والمسيرية، وقال: سنظل نتحاور ولن نيأس، ولكن محاولة فرض أيِّ حل آحادي ستكون نتائجه كارثية. واعتبر نتيجة الإنفصال أمراً متوقعاً، إلاّ أنّه قال: قناعتنا ان السودان الموحد هو القوي والمستقر، وقال: نتمنى الوحدة حتى آخر يوم، وزاد: لن نستسلم ولن نرفع الراية، ولن نتخاذل رغم العراقيل التي تضعها الحركة الشعبية، وأضاف: لكن إذا حدث الإنفصال ستظل الوحدة الوجدانية قائمة، ووصف مسؤولية حماية المواطن الجنوبي بالأخلاقية وقال إن إسقاط الجنسية لا يعني إسقاط حقوق الجنوبيين في الشمال، فيما أكد البشير ان الجنسية لا تخضع لقرارات الشريكين، وقال إنه قرار سيادي للدولة وهي التي تمنع وتمنح. وطالب بحماية حقوق الشماليين في الجنوب. وقال البشير: بالرغم من أن الإنفصال متوقع، ولكن لا ننسى أن تطبيق إتفاقية السلام أفقدنا (51%) من البترول، إلاّ أنّ ما حققناه من تنمية شهد بها الأعداء قبل الأصدقاء، وأضاف: (ربنا بيفتح) والأرزاق غير مربوطة بنسب أو إتفاقيات، واستشهد البشير بكميات الذهب الموجودة في الشمال، وقال مُتسائلاً: (ليه ما ظهر من زمان؟)، : سيكون السودان (فوق عين الشمس ولن نظل حايمين تحت الشجر). ودعا البشير لضرورة المحافظة على السلام، وقال: لن نكون طرفاً في زعزعة السلام، (لأن البولِّع النار في بيت جارو ما بيسلم) و(البولعها بيتدفى بيها)، وأشار البشير إلى أن القوى المعادية للسودان تستخدم بعض أبناء البلاد الذين وصفهم بـ (الضعاف) للعمل ضد السودان، وقال: (كل ما يحفروا لينا حفرة يقعوا فيها) وزاد: إن القوى المعادية تبحث عن فقاقيع لا صوت لها ولا تأثير. وقَلّلَ البشير من تجمع الجبهة العريضة المعارضة بالخارج، وقال: (إنّ المؤتمر الوطني هو الجبهة العريضة وهو الإجماع وسيظل كذلك). وفيما يَتَعَلّق بقضية دارفور، جَدّدَ البشير أن منبر الدوحة هو آخر منابر التفاوض خارج السودان،وقال: (الركب القطر ركب والما ركب بي طريقتو)، وقال إن إتفاق سلام دارفور سيوقّع قبل نهاية الشهر الجاري. وقال إن اكبر مشكلة تواجهنا في دارفور هي معسكرات النازحين، ووجه البشير باعادتهم إلى مناطقهم وتوفير فرص العمل والتنمية، بينما اعتبر أن الوطني يقوم بممارسة راشدة للعمل السياسي من خلال إلتزامه بالشورى، قال: سنظل الحزب الذي يمثل الشعب السوداني لأن حزبنا ليس مبنياً على أسرة أو طائفة أو قبيلة.وفي السياق قال البشير لدى مخاطبته الجلسة الختامية للشورى، إن سياسة الدولة الخارجية ثابتة وواضحة بما يحفظ مصالح وعزة وكرامة السودان، وأضاف: (الداير يساعدنا أهلاً وسهلاً والداير يتحكم فينا الباب يفوت جمل)، وكشف البشير عن توجيهه لولاة الولايات بطرد كل من يتطاول على سيادة البلد مهما كانت جهته (أمم متحدة أو اتحاد افريقي أو منظمات).
قوى والله يا اسد افريقيا كلام صح وبالتوفيق انشاء الله
سير سير سير يا البشير
والله راجل ود رجال
على الطلاق لمن نسمعك يا البشير بتجينا شعرة
ليه ما ظهر من زمان؟
لأن البولِّع النار في بيت جارو ما بيسلم
الركب القطر ركب والما ركب بي طريقتو
الداير يساعدنا أهلاً وسهلاً والداير يتحكم فينا الباب يفوت جمل
كلام سوداني صادر من سوداني خلعت ضرسه وهو يحمل على كتفيه مونة الاسمنت
عشنا بدون ذهب وعمرنا ما ولعنا نار الا لاكرام الضيوف و حفظ كتاب الله
وسيظل ابواب السودان مشرعة يدخل من يدخل امنا ويخرج منها ان اراد امنا
لسنا خائفين لان اتكالنا على الحي الذي لا يضام من لجأ اليه حكومتنا نحسب فيهم الذين لا يهمهم نعيم الدنيا بقدر همهم خدمة شعب مؤمن بان الله معه مهما تكالبت عليه المصائب حفظ الله رئيسا ابت نفسه الا ان يكون خادما لدين الله وصوت حق لشعب ابي مؤمن ولو كره الكافرون
(الركب القطر ركب والما ركب بي طريقتو)
والله كلامك دا كمساري في موقف الحاج يوسف ما يقوله !!!
قال رئيس قال !!!
اصلا غير اسلوبك الفاكي دا ما فكك السودان …
لكن ان شاء الله هبة الشعب قريييييبة ..
أخخخخخخخخخخخخخخخ
من صفات المنافق اذا تحدث كذب فقد كذب الرجل عندما اقسم بالله ان القوات الامميه لن تدخل السودان وكذب عندما اقسم بالله ان لاتفاوض مع د خليل بعد احداث ام درمان وهاهو يكذب الان. صيغة البيان تدل على الجهل وعدم الدبيلوماسيه الفاظ و وصف لايمكن لاى مسئول ان تصدر منه (قال قطار قال والمره القادمه لورى)
وقال: لن نكون طرفاً في زعزعة السلام، (لأن البولِّع النار في بيت جارو ما بيسلم) و(البولعها بيتدفى بيها)، وطيب يا ريس اللاهاي تحكيم كان بين دينكا نقوك والمسيرية وحكم جزء دينكا نقوك ومعروف وقمت بتاييدها مرسوم جمهوري هل حديثك بتولع في النار ولابتطفيا لكن اكدتها (البولعهابيتدفي بيها ) اكيد الكيزان بيتدفوا بنار ابيي بدون استثناء وجاهزين كابناء ابيي بنيل حقوقنا من اي ظالم واي محتل ولنا اللقاء قريبا :lool:
انت يانافع من السعودية مغشوش الناس وعت زمان ادخل بس سونا وشوف مثلا كلام مبارك الفاضل لتري عدم مخافة الله لهذه العصابة اتقي الله وانت و12 مليون مشردين ابناوهم يبكون شوقا لهم الا تكون شغال في السفارة وكدة معليش لانك تكون مغ العصابة
يا نافع شكلك نافع بتاع الموتمر الوطنى كمان تقول سير سير انشاء الله يسير فيك قطار ههههههههههههههههههه انحنا عاوز ين الباب اليطلع لينا المؤتمر الوطنى من الحكومة
رئيس منافق,كذاب,ضال,عليك الله قول كلامك ده للقاطنين فى كوكب المريخ أو غيره من الكواكب.
أولاً:قال أن النظام المتبع في حزبحهم ليس مبنياً على الطائفية أو الجهوية,والله هذا الكلام لا تصدقه حتى أنت نفسك فكيف يصدقه غيرك..العاملين او طريقة الإختيار فى المؤسسات المختلفة,جهاز الأمن ووزارة الطاقة على سبيل المثال لا الحصر.
(الركبالقطرركب والما ركب بي طريقو) والله أسلوب غريب جداً ,لا يستخدمه حتى الكماسرة,من أين أتى هولاء؟؟رحمك اله بروفيسور عبدالله الطيب ..
الأمور ليست بيدك سيدى المطلوب,إنها خرجت ولم تعد ,زمن الإستعمار ولى وأدبر.
سمعت الريس فى خطاب يقول فى بلاهة متناهية انه سيطرد اى منظمة اجنبية تدخل السودان لاننا دولة ذات سيادة ) ولكن اين كانت سيادة السودان عندما قال انه لن يسمح بدخول وفد الامم المتحدة اذا لم يقابلنى ولكن بكل اسف دخل الوفد وصال وجال فى السودان ولم يقابل صاحب السيادة وكذلك القوات الاممية الان تجوب السودان جنوبا وغربا ولسان حالها يقول طز فى السيادة ….
هاك السيادة دى ……………………….
نقطتان توقفت عندهما من خلال حديث الريس/
الاولى ___(الجنسية لاتخضع لقرار الشريكين وقال انه قرار سيادى للدولة وهى التى
تمنع وتمنح)___:cool: :cool: :cool: :cool: قال قرار سيادى قال ____ الدولة منو ؟؟ ما المؤتمر
الوطنى ___ فسر الماء بعد الجهد بالماء ___ نلف وندور حول المؤتمر الوطنى __
الثانية/
اعتبر أن الوطنى يقوم بممارسة راشدة للعمل السياسى من خلال التزامه بالشورى
;) ;) ;) ;) قال سنظل الحزب الذى يمثل الشعب السودانى لان حزبنا ليس مبنيا
على اسرة اوطائفة اوقبيلة____
الاحزاب القائمة على الاسرة والطائفة والقبيلة معروف انتمائها وجذورها وهويتها
وينتمى اليها المقتنعين بها والمؤيدين لافكارها ومبادئها ___ لكن حزب سيادتك
منتمى اليه النفعيين والمنافقين والذين لاهوية لهم ولاانتماء فقط المصلحة الشخصية
وضمان الوظيفة _____ واطلاق اللحى الخ ____ هذا هو حزبك ياطرطور افندى
قال حزبنا قال ________ ليكم يوم ياكيزان ______
الما ركب … يركب هنا ……. :D :D :D :D
ده غير الركبو الماسوره … :rolleyes: :rolleyes: :rolleyes: :rolleyes:
يركبك مجنون طاقيتو عجل حديد …… :mad: :mad: :mad:
quote
سير سير سير يا البشير
والله راجل ود رجال
على الطلاق لمن نسمعك يا البشير بتجينا شعرة
سجمى ضار على ضار بقى يكتب هنا كمان
والسجمان البشير ابو شلاضيم بعد ما باع البلد كلها داير يجى يبكى على ابيى
جاكم بلاء اليخمكم ياشاباه الرجال
سير سير يا خطير
كتلت أهلنا وخونت بلدنا
وسير سير يا خطير,,
بالباصات وديتنا الجيش
وبين عينينا سرقت العيش
سير سير يا خطير
بي خشم المدفع جيتنا تبرطع
وبين بينين ارعبت الشفع
ودرت الحلم اللسه بيرضع,,,,
سير سير يا عوير
فصلت البعمل بالوردية
و شردت الكل شايل طورية
قفلت مدارس للتعليم..
وقتحت جروح في كل اقليم
سير سير يا عوير
شيخ "اوكامبو" شايلو عصاية
وحالف يحرر كل ولاية
من دارفور لملم أوراقو الفيها كتير
الماهو حبابو
طفل بيرضع في شطر أمو,,,
وأمو حليلها الماتت جنبو
الدهباية الشايلة الموية"""
هجمو عليها عيال الكلب
شرطو قميصها الكانت لابساهو
وفتحو الجسم البي فستان كانت داساهو
وكشحو الموية الكانت شايلاها
ولا هماهم
مرة تكورك يا خلق الله"
ومرة بترفس بي رجليها ,,,,وبرضو كمان ولا هاماهم
لامن كب الدم الطاهر
ويا أخواني الدهباية حليلها
سير سير يا بشير
ومن لاهاى وين بتطير
كلام شوارع…..
الكلام دا ذكرنا بالملوص…
رحم الله محمد احمد محجوب ومبارك زروق…
ياناس بخت الرضا عاوزين تنشيط حلقات محو الامية..
المؤتمر الوطنى اشبه بالاتحاد الاشتراكى وصلت عضويته الى ستة ملايين وعندما وقع الفاس فى الراس تفرقوا ايدى سبا.
واين هى سيادة البلد التى يتطاول عليها…قال سيادة قال…اكثر من عشرة الاف جندى يبرطعون فى البلاد بطولها وعرضها..
اين السيادة حينما دخل وفد مجلس الامن ولم يتشرف بمقابلة الرئيس
اين السيادة حينما طرد السودان من مؤتمر ليبيا الاسبوع المنصرم
اين السيادة حينما رفضت الجارة افريقيا الوسطى استقبال السيد الرئيس
لماذا دفن الرؤوس فى الرمال
وقال البشير: (الركب القطر ركب والما ركب بي طريقتو)
شوف يا بشبش…
نكون معاك صريحين
بالنسبة ليك هناك قطر واحد بس بتذكرة ذهاب بدون عودة مدفوعة الأجر من صاحبك أوكامبو وهو قطر لاهاي
دا أفضل مخرج ليك
وزي ما إنت شايف حالتك بقت تحنن ونحنا كشعب ما مجبورين نستحملك وإنت محاصر…
وما تقول لي دي ما أخلاق سودانية وما عارف شنو داك
نحنا 96% من الشعب خارج نطاق التمكين وتحت خط الفقر
لم نذق طعم الراحة يوماً واحداً خلال سنين حكمك البائسة التي جيرتها كلها لمصلحة جماعتك (مال وجاه)…ويا ريت لو كان إفقارنا قد أرضى غرورك…بل لاحقتنا بالضرائب والعوائد التي أثقلت كاهلنا وجعلتنا نهيم على وجوهنا
يعني خلال الـ21 سنة الماضية لم نكن شركاء معك ولو ليوم واحد في المغنم
فلا تلمنا أن لم نرد أن نشاركك في المغرم
هذه هي المحطات الأخيرة التي يجب تراجع فيها نفسك، فقد تأتيك أيام تتمنى فيها لو أنك إخترت لاهاي على ذلك المصير الكالح…
والنذر موجودة لكل ما ألقى السمع وهو شهيد
وقد تأتيك من الأقربين
فلا تخادع نفسك…
فما أنت إلا وسيلة لغاية، لدي جوقة الهتيفة وحارقي البخور الذين يلتفون حولك
وتذكر أن القوم عندما باعوا أباهم (الترابي) لم يكن ذلك حباً في سواد عيونك
بل كان لرجحان كفة القوة لصالحك
فلو كانت الكفة الراحجة حينها للترابي لرأيت نفس الوجوه المستوزرة اليوم بدون أدني تغيير
بشبش بعد ان اوصل البلاد والعباد الي نقطة اللا عوده ,,اصبح في خانة انا ومن بعدي (الطوفان)
سائق تاكسي من التعب والعرق اصبحت ريحتو كريهه ,ركب معاهو محشش وسالو عربيتك كم حصان ؟ قاله 100حصان ,قال المسطول الظاهر واحد منهم مات و"عفن"
ياجماعة ده رئيس والا كمساري وقال ليك توقيع سلام دارفور نهاية الشهر اي شهر جاي واي سلام اذا وقعوا قبل الأستفتاء احسن يموصوه ويشربو مويتو واذا كان بعد الأستفتاء فلحس الكوع اقربلك , ياخي فكنا
صحيح ياجماعة قالوا ناس الحكومة حيسدوا الفجوة الخاصة بالبترول من اعادة ضرائب المغتربين , انا شخصيا داخل الغابة وحأكون اول متمرد مغترب ,المعاي منوا . بعد ده تاني مافي مغترب اهبل يدفع لحكومة الأرتزاق , وآخر خبر تقول الحكومة حتساعد بقية السودانيين على الهجرة الجاذبة لتوريد العمله الصعبة وآه يابلد ,,,,,,,,,,,,,
الكيزان قالوا "ان ارض السودان لن يدخلها قوات امميه "
بالاضافة على ذلك قالوا(ان باطن الارض خير ا من ظاهرها)
يا كيزان الناس الدخلوا ديل شنوووووووووووووووووووو
ولا انتم نائمون!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مافي زول بيعتب على لاهاي قالو عمل مجازر في السودان نصرف ونحاكمو في السودان
يحاكمو الدين الاسلامي في السودان او اي دولة اسلامية……….اللة تعالى اعطى المسلمين احكام ودينا شامل وكامل… ايه الغباء بتاع الشعب دا الشعب عارف انو لاهاي مفروض يمشو ليها ناس قبليه عملو مجازر لاخوان المسلمين في افغانستان والعراق و فلسطين والمشاكل النحنا فيها كلها من صنع اسرائيل والصهاينة عندهم هدف دايرين يوصلو ليه ومحاكمتهم للبشير مش عشان سواد عيون الشعب دا عشان البشير هو الوحيد الواقف ليهم شوكة حوت حتى لو انو مقصر في الدولة وعمل مجازر في دارفور بكرة لو عمل نفذ مطالب اسرا ئيل بعد بكرة حيلغوا مذكرة الاعتقال وشعب دارفور ينسو موضوعو((انا رافض لكل الظلم الحاصل في البلد بسبب فساد الحكومة واتمنى من الجميع ان ينظر ماذا فعل اليهود بالسودان في برنامج الجزيرة الملف) على الرابط الاسفل
http://www.youtube.com/watch?v=fFCCGBIMLVA
;(
ها ها ها كلام ساكت واحد وعشرون عاما وانت تحلف مرة بالقران ومرة بالطلاق هل وجدناك يوما صادقا او حافظا للعهود والمواثيق فكنا ياخى وأرجى الراجيك ولا تضيع زمنك فى الفاضى العدالة لازم تتطبق عليك لا يسقط بالتقادم شوف طريقة مخارجة من الان لا تكفى الخطب الرنانة والهتافات التى لا تسمن ولا تغنى من جوع لا يوجد احد بصدقكم ولا يوجد احد بيقتل نفسه عشان شوية لصوص تجار دين