الغاضبون حطموا اسوار وغرف المبنى،،،احتجاجات بالكلاكلة ضد ضابط رفيع تعدى على ميدان
الخرطوم: الصحافة : تظاهر عشرات الاهالي امس، بضاحية الكلاكلة جنوبي الخرطوم احتجاجاً على تعدي ضابط رفيع على ميدان عام، وقال المحتجون ان المتعدي استغل نفوذه وسطوته وشرع فى تشييد منزله في الميدان، وهددوا بتصعيد قضيتهم لاعلى مستويات القضاء.
وروى شهود عيان لـ«الصحافة»، ان سكان منطقة الكلاكلة القطعية مربع 4 خرجوا غاضبين بعد صلاة الجمعة امس في تظاهرة دعا لها ائمة مساجد الرحمن، الفلاح، وعمر بن الخطاب.
وحطم الاهالي الغاضبون اسوار وغرف المبنى، وقالوا ان ضابطاً برتبة رفيعة يتبع لاحدى القوات النظامية تعدى دون وجه حق على ميدان بالمنطقة، مشيرين الى ان الضابط لم يشاور حتى سكان المنطقة ولم يستجب لرفض اللجان الشعبية للبناء وشرع في التشييد دون امتلاكه وثائق تثبت امتلاكه قطعة الارض محل النزاع، ولفتوا الى ان الميدان المنزوع يعتبر متنفسا للاهالي.
وتمسك الاهالي برفضهم تشييد المبنى، وطالبوا السلطات الحكومية ووالي الخرطوم عبد الرحمن الخضر بالتدخل.
الصحافة
خذ عندك ..هذ ا نموزج حي بالطريقة التي يعيش بها اصحاب النفوذ بلغة الغاب
وللاسف الشديد يتشدفون بالاسلام والشريعة والاسلام بريئ منهم الهم سلط عليهم
من هم اقوي منهم يا الله …
اها يا لبشير رأيك شنو ؟
دا فساد واللا صلاح بالله افتينا يا نموذج امراء اخر الزمان
حكمة والله وحكاية
ان كل مظاليم اخدو حقهم بيدهم وفورى .. كان البلد حالها انصلح
إذهبوا وفتشوا عن بقية ( الميادين ) والقطع الفاضية على مستوى العاصمة فقط والتى لم يستطيع السكان ولا الجيران حتى على أن يقولوا ( بغم ) فى وجه الضباط وكوادر ( الجبهة ) ! فالخوف على إنقطاع الرزق والخوف على أبنائهم أجبر الجميع على السكوت !
والله عفيت منكم الظلمة والطواغيت ديل أجبن خلق الله ما تنفع معاهم إلا العين الحمراء أثبتوا وأتمنةا أن ينفض بقية الشعب عنه رين الجبن والنوم عفارم عليكم يا ليتنى كنت معكم
سنه يا أنا أخييييييرا ؟؟؟العشر قام ليهو شوك هع
ميدان التحرير ده ولا شنو؟
وباقى اراضينا التى سرقت البمرق يدافع عنها منو؟
عليكم الله مابتخجلو؟؟دى رجالتكم ؟
بيت فى ميدان؟؟احىىىىىىى منكم هسي انا اضحك ولا ابكى؟؟ الله يديكم العافيه
نعم هذا هو الطريق الوحيد الذى تركته الحكومة مفتوح لاخذ الحقوق.
انتو يا جماااعة ما تقولو الخبر كلو عديييل شنو رتبة عالية و كلام ناقص
نزلو الاسامى و الرتب عدييييييل كدا ؟؟؟
ما دايرين خوف تانى
من حق الناس و الصحافة انها تقول الاخبار كلها
و الا دا كذب و تشهير و عشان كدا ما بنزلو الاسامى
و الا الفساد دا ما ح يتغيير و لا يزول
التحية لناس الكلاكلة ده كلام صاح بلا نظامي بلا حرامية بلا وسخ و عفن ، و دي دعوة لكل حي انو ما اتخلي عن حقوقو مهما كان ، دي الانقاذ و و الكيزان و العفن و الوسخ .