أخبار السودان
برلماني يتهم أعضاء بالمجلس الوطني بالاستيلاء على أصول بمشروع الجزيرة
اتهم النائب محمود عبد الجبار اعضاء بالمجلس الوطني بالاستيلاء على اصول بمشروع الجزيرة، في وقت رفض فيه أجابة وزير الدولة بوزارة الزراعة الصادق فضل حول بيع أصول المشروع، ووصفها بغير المقنعة، متهماً الحكومة ورئاسة الجمهورية بالتسبب في إنهيار مشروع الحزيرة، واضاف :”عيب علينا نتخلص من فائض المشروع وفي ناس داخل المجلس الوطني آلت إليهم بعض الاصول”، فيما قال النائب ساتي سوركتي أن الخصخصة شيطان ذو أرجل وايادي، واضاف:”الواحد ما عارف المقصود من الخصخصة، ولماذا خصخصة مشروع الجزيرة وهو عماد الاقتصاد”، وتابع :”الخصخصة دي ذريعة لفساد اليم، والفساد في أمر الخصخصة اكتر من الخير الفيها”، وتساءل سوركتي قائلاً لوزارة الزراعة: “انتو دايرين تعملو للمشروع شنو؟”.
( “انتو دايرين تعملو للمشروع شنو؟”) الوزير اجاب قائلا دايرين نعمل ليه شكن تكا رايك شنو يا برطماني انت ؟
ظاهريا القضايا البثيروها بعض النواب بتطمن و تحسـسك انو البلد عندها وجيع.. يا سلام.. ابو القاسم برطم (علي وزن برطمان من برلمان) شايلا مع الحكومه و بردد في تصريحات شاتو بيها غندور و الخزنه ما فيها تعريفه حمرا.. عبد الجبار ده بقي متخصص مشروع جزيره كل اسبوعين شايلا مع الحكومه و شابكهم انتو حراميه سرقتو المشروع.. و غيرهم كتير من العازفين علي اوتار الوطنيه و دغدغة و تطمين المواطن انو البلد في ايدي امينه!!
دي كلها علي فكره اساليب مدروسه في الاداره و القياده.. و الشفاته ديل للأسف ما بقولو تصريح الا و يكون مر علي الف مراجع و تم التصديق عليهو من الحكومه نفسها.. دي اساليب اداريه اجراميه الهدف منها خلق شعور عام ان السلطات منفصله عن بعضها لكن الحقيقه هي العكس تماما!!
اتفه حاجه علمتها الانقاذ للسودانيين هي التعود علي النهايات الهلاميه للقضايا العامه.. موضوع يكون خطير ينتهي بالنسيان.. الانقاذ تخصصت في ترويض زخم القضايا العامه زي الحاجه الفي غنية مصطفي (حاجه زي ما تكون محلق في العواصف.. فجأه تهبط في السكون) ده بالضبط البيحصل الناس تهيج عند بروز القضيه و الشارع يموج و الكتاحه تلغم الجو شهر شهرين… فجأه كده الناس ترجع لحياتها الطبيعيه و تتعامل مع القضيه كأنها لم تكن رغم انها لا تزال في نفس المرحله الهاجت فيها الناس!!!
الحقيقه المفروض يعرفها اي سوداني قبل ما يراودو اي شعور بوطنية البرلمانيين او اي جهه تانيه تعمل علي تغبيش الوعي… انو لا يمكن لأي عضو صحيح ان ينمو داخل هذه الجثـه المتعفنه الاسمها الانقاذ و الجبهه القوميه الاسلاميه… و كفي!
( “انتو دايرين تعملو للمشروع شنو؟”) الوزير اجاب قائلا دايرين نعمل ليه شكن تكا رايك شنو يا برطماني انت ؟
ظاهريا القضايا البثيروها بعض النواب بتطمن و تحسـسك انو البلد عندها وجيع.. يا سلام.. ابو القاسم برطم (علي وزن برطمان من برلمان) شايلا مع الحكومه و بردد في تصريحات شاتو بيها غندور و الخزنه ما فيها تعريفه حمرا.. عبد الجبار ده بقي متخصص مشروع جزيره كل اسبوعين شايلا مع الحكومه و شابكهم انتو حراميه سرقتو المشروع.. و غيرهم كتير من العازفين علي اوتار الوطنيه و دغدغة و تطمين المواطن انو البلد في ايدي امينه!!
دي كلها علي فكره اساليب مدروسه في الاداره و القياده.. و الشفاته ديل للأسف ما بقولو تصريح الا و يكون مر علي الف مراجع و تم التصديق عليهو من الحكومه نفسها.. دي اساليب اداريه اجراميه الهدف منها خلق شعور عام ان السلطات منفصله عن بعضها لكن الحقيقه هي العكس تماما!!
اتفه حاجه علمتها الانقاذ للسودانيين هي التعود علي النهايات الهلاميه للقضايا العامه.. موضوع يكون خطير ينتهي بالنسيان.. الانقاذ تخصصت في ترويض زخم القضايا العامه زي الحاجه الفي غنية مصطفي (حاجه زي ما تكون محلق في العواصف.. فجأه تهبط في السكون) ده بالضبط البيحصل الناس تهيج عند بروز القضيه و الشارع يموج و الكتاحه تلغم الجو شهر شهرين… فجأه كده الناس ترجع لحياتها الطبيعيه و تتعامل مع القضيه كأنها لم تكن رغم انها لا تزال في نفس المرحله الهاجت فيها الناس!!!
الحقيقه المفروض يعرفها اي سوداني قبل ما يراودو اي شعور بوطنية البرلمانيين او اي جهه تانيه تعمل علي تغبيش الوعي… انو لا يمكن لأي عضو صحيح ان ينمو داخل هذه الجثـه المتعفنه الاسمها الانقاذ و الجبهه القوميه الاسلاميه… و كفي!