حزب البشير : مؤتمر جامع بعد لقاءات البشير

الفاضل حاج سليمان – مغرد جديد من المؤتمر الوطني ومسئول عن العدل سوف نحسب من هذا التصريح ولي قدام قلت ان اللقاء سيكون في الايام القادمة ؟ ولم تحددها ومع ذلك سنعطيكم اسبوع اسابيع، شهر وشهور دهر ودهور… ومع ذلك لن تقوموا بعقد لقاء لا جامع ولا مجموع.. كل واحد ممكن يغرد بجهة اخرى.. بعد شوية حسبو –
نائب الرئيس يقول كلام ثم
غندور يقول كلام ثم يدخل
بكري حسن صالح بكلام ثم
الفاتح عز الدين من المجلس الوطني
ثم ياتي البشير في لقاء جامع وخطاب ينسف كل الكلام بتصريح واحد
يلا اصلا الكلام مجان
عشان كدا الافضل ان لا تصرحوا خليكم ساكتين

لقاء جامع يشارك فيه الجميع حتى حاملى السلاح ؟؟؟
ناس الانقاذ ديل حسوا بى حاجة ولا شنو؟؟؟
اكيد حسوا بدنو الاجل وان لا مخرج لهم لا قطر ولا ايران ولا اى زول مرسى مشى بلا يخمه والامارات والسعودية مفتحين عينهم على اخوان الشيطان والغنوشى اتعلم الادب وبقى مؤدب امام الشعب التونسى واخوان ليبيا اكان قلوا ادبهم ح يؤدبهم الشعب الليبى اما ناس حماس وحزب الله بقوا زى اليتمى يعنى باختصار لم تعد للكيزان شعبية فى اى حتة وبقوا زى العندهم جزام عليهم اللعنة وده كله عملوه بايديهم وغرتهم السلطة ولم يعاملوا الناس معاملة حسنة ففصلوا وشردوا وقتلوا وشنقوا عشان كده ما بتلقى زول متعاطف معهم الا المنتفعين منهم!!غايتوا حالتهم بقت صعبة وان الله يمهل ولا يهمل.