نسبة الفقر في كسلا تقارب نصف عدد السكان
كسلا: حامد إبراهيم
قاربت نسبة الفقر بولاية كسلا نصف عدد السكان بها، وأظهرت إحصاءات رسمية أن ما يزيد على 120 ألف أسرة تعيش تحت خط الفقر.
وبلغت نسبة الفقر بولاية كسلا وفقا لمسح شامل أجري مؤخرا 46.3% وبين المسح أن حوالي 121052 أسرة تعيش تحت خط الفقر وأن حوالي 26 ألف أسرة تتلقى الدعم الاجتماعي بواسطة ديوان الزكاة بولاية كسلا.
واستعرضت أمانة ديوان الزكاة ـ ولاية كسلا في مؤتمر صحفي أمس السبت تقرير الأداء للعام 2014م، وقال وزير الشئون الاجتماعية بولاية كسلا محمد أحمد علي، إن هنالك شراكة وصفها بالإستراتيجية بين حكومة الولاية وأمانة الديوان بالولاية، موضحا أن حكومة الولاية ظلت تدفع بسخاء خاصة في المناسبات السنوية كبرامج شهر رمضان وعيدي الفطر والأضحى.
من جانبه كشف أمين ديوان الزكاة بولاية كسلا د. الأمين علي علوة ارتفاع نسبة تحصيل العام الماضي لأكثر من 53 مليار جنيه، مقارنة بما كانت عليه قبل عامين حوالي 8 مليارات جنيه. وقال إن محلية ريفي ود الحليو جنوب الولاية، تعتبر المحلية الأولى من حيث الربط المحقق حيث ساهمت بأكثر من 36% من جملة الربط المحقق، تليها محلية ريفي نهر عطبرة ثم حلفا الجديدة. فيما بلغت جلمة الأموال التي أنفقت في مصارف الزكاة أكثر من 50 مليار جنيه.
التيار
121052 اسرة تعيش تحت خط الفقر…كدى النشرح ليكم تحت خط الفقر دى…ان لايكون للاسرة بتوجاز فى البيت وتعيش على السلطات والدكوات بدون شاى وقهوة…ان تشم ريحة الطبيخ عند الجيران…ان تفط وجبة بعد كل وجبة…ان ينزل وزن الحامل نصف كيلو كل يوم….ان تعيش على قطعة لباس واحدة…ان تستخدم القرض علاج لكل الامراض….بس المسح لم يوضح لنا هل نسبة الفقر ال50% دى فى زيادة اونقصان؟
فى زيارتى الاخيرة لمدينة كسلا فى اغسطس من العام المنصرم شاهدت بعض الاشياء والمناظر المؤلمة منها اولا ركود عملية البيع والشراء خاصة عند مرورى بجوار سوق الخضار حيث اصحاب الخضار والجزارين لا احد يشترى منهم ، وفى نفس الوقت شاهدت زحمة شديدة فى دكان معين رجال ونساء يتزاحمون وخرج من هذه الزحمة شخص فرحا وهويحمل كيسا وسالت احدهم وكان يستعد للدخول فى هذه المعمعة الحاصل شنو ياابراهيم ؟ قال صاحب الدكان ده يبيع الدكوة بسعر رخيص عشان كده الزحمة شديدة والله تألمت للمنظر ولسوء الحال الذى وصلت اليه البلاد عموما وكسلا خصوصا فالحمة والخضروات لمن استطاع اليها سبيلا
طيب قاعدين يعملو شنو ؟ في الحالتين ميتين ميتين لكن يموتو بشرف وﻻ يموتو زي الحيوانات المريضة ان الخوف والجبن قد سكن قلوب الناس والنظام مرتاح من الناحية دي تماما عشان كدا حيجوعهم كمان وكمان بدل 50% في المئة حيخليها طبعا بالتاكيد 100% ﻻنو ببساطة كدا 50% يعنى في ناس قاعدة تتنفس وهو الحاجة اللى ما دايرها النظام ما ينومو زي الناس والحالة دي تسبب ليهم أرق واكتئاب وعدم التوازن بعدين ما كسلا براها البتعانى من الكلام دا كل الولايات السودانية بعانى من الفقر وما في زول سئل منها في ظل حكومة خادم الشياطين المسلمين كل شئ ممكن الى ان وصل الناس الى بيع كلاهم في مصر السودانيين اصبحو فئران تجارب ( لك الله يا سوداننا )
كل مدن السودان حالها كحال كسلا .
ياقاطنى مدن السودان المضطهدين اتحدوا لاسقاط السفاح وعصابته.
نسبة الفقر في كسلا تقارب نصف عدد السكان
—————————————
الحاجة المستغرب ليها بعد دة كلو قالوا القرود بتهاجمهم
يا ربي ديل يكونوا القرود الكانت بتجاهد في الجنوب مع الكيزان ؟؟
الغريبة
الوالى ملظظ
و وزير الرعاية الإجتماعية
ملظظ
نسبة الفقر في كسلا تقارب نصف عدد السكان
—————————————
الحاجة المستغرب ليها بعد دة كلو قالوا القرود بتهاجمهم
يا ربي ديل يكونوا القرود الكانت بتجاهد في الجنوب مع الكيزان ؟؟
الغريبة
الوالى ملظظ
و وزير الرعاية الإجتماعية
ملظظ