قطع رئيس نادي الهلال السوداني، أشرف الكاردينال بعدم حصوله على دعومات من النظام البائد طوال فترة رئاسة الأزرق.
و أكد أنه لم يحصل على مكرمات من شيوخ الخارج، متهما بعض المجالس السابقة بالتسول باسم النادي، مشيراً إلى أنهم استلموا الخزينة خالية ورغم ذلك قاموا بعمل كبير من أجل الكيان، ولفت إلى أنه لم ينهب أو يسرق، ولم يستولي على أموال من البنوك.
وقال ” ليست لدي علاقة تجارية أو شراكات مع حرم الرئيس المخلوع عمر البشير، وتابع : التقيت وداد بابكر مرتين، الأولى عبر أبو هريره حسين من أجل دعم لمستشفى سرطان الثدي، والثانية كانت عندما ذهبت للبشير من أجل تجنيس لاعبي الهلال وطلبت مني تبرع في حقيبة رمضانية٠
ومحمد عطا ما جاب ليك حاجة من شركات الامن ولو خدمة ساى
قول النصيحة
دا ابراهيم الشيخ الكان ابرز المعارضين ادو عطاء اسواق امدرمان الكبرى
انت زول شركات الامن والسلاح والتصنيع الحربى كلو معاك فى البيت
هذا الرجل مجرم عالمي .استولي علي سفينة بترول (بنزين) ابان ازمة طاحنة كانت جاية لشفرون ايام نميري وهو (طالب عالي) تخيلوا . اتفق مع المخلص اداهو مبلغ محترم بالدولار عشان يسافر بره البلد بعد تخليص البضاعة . جاب تناكر مرق البضاعة بالاوراق الصحيحة .وباعها كلها سوق اسود .
ناس شيفرون منتظرين ومنتظرين المخلص ما برد رسلوا المندوب لقي المخلص طش وقبضوا علي اشرف اعترف وتم ايداعة الحراسة .
ابوهو كان مدير شرطة البحر الاحمر . تاني يوم كان في العنبر الخاص في المستشفي .تم تظبيط محضر التحري . وقدم للمحاكمة . حكمت علية المحكمة بدفع فيمة البترول فقط من غير الجمارك والتخليص وقيمة الشحن . قاموا بالدفع الفوري . يعني لو البنزين كان الجالون ب٢ جنية باعوا ب٨ جنية في زمن الازمة وكمان من غير الترحيل والجمارك والتامين وده سبب الغني الحرام
الهو فيهو دة . ده غير مصايب اخري تانية كبيرة فيها دخول ٢ كونتينر مخدرات اتفبضت وطلع منها ذي الشعرة من العجين . ده مجرم ده مكانو السجن
واحدة من كوارث الإنقاذ انها ابتلتنا برأسمالية النبت الشيطاني وفوضى العلاقات وتداخل المصالح’ وجعلت مجموعة من الخاويين وعاطلي المواهب يتصدرون المشهد السياسي والاقتصادي والاجتماعي والرياضي والاعلامي لتصل بنا المهازل لتمرير الاستعراضات الفشنك لجهلول كالكاردينال يطرب لربطه بعلاقة مع الفاسدة وداد ولو على مذبح العمل الانساني
يا كردنال أنت رجل أكثر من تافه عندك مرض اسمه مرض الشهرة عاوز طبعا المرة ديه عاوز تشتهر علي حساب شرف المرأة وداد بابكر لأنها ذوجة الرئيس المخلوع مافيش واحد اتهمك بشيء ولا عارفين عنك شيء فهذه علاقة افتعلتها أنت للشهرة فقط كما كنت توزع في المال للناس وخاصة للفنانين مدعيا أنه عمل خير والان لجأت للاعمال المخلة بالشرف فأدوارك كلها مكشوفة وأعمل حسابك وأقيف لغاية هنا وبس فالسودان مليء بناس الخير بس مش زيك فأنت غريب علي الأخلاق السودانية وأختصرك وأقول لك أنت مستجد نعمة .
نتاج الكيزان عفن